港鐵灣仔站 B2 出口, 步行約4分鐘
繼續閱讀
電話號碼
28939688
66203364 (WhatsApp)
獎項殊榮
米芝蓮必比登推介 (2023-2024)
營業時間
*堂食至16:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
相關文章
隨着灣仔利東街項目幾年前重建完成,附近一帶舊樓也靜悄悄陸續拆卸重建或者翻新,轉型成為住宅樓宇或服務式住宅,直接帶旺了周邊的橫街,很多地舖也順勢轉手成為各式各樣的餐廳,其中的船街就是餐廳集中地之一。船街上,大部份都是西餐廳,【船記】應該是僅有的中菜館,而且是粵菜,網上評語亦普遍正面。2021年底開業,2023年版《香港·澳門米芝蓮》已授予「必比登推介」的新上榜餐廳之一;雖然根據過往經驗,《米芝蓮》對於中菜評價的可靠性未必高,但仍然有一定參考價值,今年的第二輪團年飯就選址【船記】。位於船街一楝舊式商住兩用大廈1樓,樓面面積本身已經唔大;當晚是年三十晚,靠近外牆玻璃位置用活動屏風間了幾個臨時包廂,餘下的大廳空間更顯得細小。由於是團年飯,大廳佈罝了六至八人枱為主,令原本已經侷促的空間變得更加擠迫,正中位置還有一條混凝土結構柱,視覺受阻,觀感更差。一如既往,香港的粵菜酒樓每逢過時過節的晚飯時段,通常會分兩個時段,又只做套餐或者減省了的散叫主餐牌,以求提升廚房效率,一晚做兩輪生意。【船記】也沒有例外,但仍然有部份精選預訂菜式,客人可以提前兩日落單。很多粵菜小館都有的餐前小食黃金豆腐粒($68)做到了外皮金黃、咬落鬆脆、內裏滑溜的要求。蝦醬單骨雞翼($88)的外層粉漿夠薄又鬆脆,而且混入蝦醬開脆漿,味道香濃。脆漿包裏的單骨雞翼同樣用了蝦醬醃制,濃郁惹味。稍嫌略為濕身,如果可以炸得乾身一點會更加好味。近年為數不少粵菜酒樓,不論高中低檔次,皆標榜自家出品金牌叉燒,【船記】也有和哥叉燒(6件)($110)。採用半肥瘦梅頭肉烤制,還做到了少許燶邊效果,吃下去多了一重香口。件件厚切,肉質鬆軟,又有恰到好處的脂肪油香,入口充滿滿足感;塗抹在叉燒表面的秘製醃料及蜜糖,調味絕佳。特色預訂菜式花膠爵士湯(6~8位)($788) 先奉上一大碟湯渣,以證明湯料十足:雞腳、排骨頭、乾瑤柱、響螺、沙參、玉竹,以及最重要的哈密瓜。喝一口,果然與普通螺頭老雞燉湯的味道不同;沒有火腿的鹹香,多了一份香甜清潤,亦有滋陰養顏功效。分了6碗湯,每碗都有一大塊花膠筒;厚薄度適合作為燉湯湯料,有口感、亦有骨膠原,男女老少都合適。不過,帶甜的中式燉湯未必人人啱口味。另一道特色預訂菜式鮮拆蟹肉釀蟹蓋($198 / 個),可以揀三款炮製方法:葡汁 / 芝士焗 / 酥炸,揀了芝士焗。這道貴價中菜同美式煎蟹肉餅有異曲同工之妙,兩度菜式都是用鮮拆蟹肉作為主要材料。芝士焗鮮拆蟹肉釀蟹蓋表面呈均勻金黃色,兼鋪滿了麵包糠。用小叉輕輕敲破表面的芝士脆衣,內裏密密的填滿餡料:包括蟹肉、洋蔥粒及少許冬菇粒。洋蔥粒及冬菇粒切得非常幼細,主要為增強口感及香味。入口充滿蟹肉鮮甜,啖啖都係蟹肉,反而芝士香味並不濃烈,只是輕描淡寫;即使不太接受芝士味道也可以盡情享用。有幾道相當出名的雞菜式,點了紅蔥頭金柱走地雞(原隻)($698)。本來採用冰鮮雞,原價係 $388;但團年飯當晚,全店選用香港農場飼養的新鮮雞,所以價錢貴了一大截。這也難怪,有去街市買餸嘅話都清楚知道,今時今日買隻新鮮雞最少都要 $200~$300元。見到雞腎及雞肝,肯定係新鮮雞,冰鮮雞是不會有內臟的。表面鋪滿了炸香的瑤柱絲,雞皮又呈淡黃色,兩者在顏色及賣相方面很協調。雞隻經過精心挑選,雞皮下的脂肪很薄;入口雞皮爽滑,味道香濃,浸雞的上湯配方很出色。雞肉同樣入味,雞髀肉嫰滑有彈性,即使雞胸肉亦唔粗嚡。碟底鋪滿了紅蔥頭,雖然也見到很油膩,但吸收了雞汁之後實在很好味,忍不住口吃了幾顆 ⋯⋯ 真係很好吃!魚湯海味雜菜煲($148)只係一個普通雜菜煲;所謂海味,只有冬菇絲、蝦乾及切幼條新鮮魷魚。整體沒有什麼特別,勝在湯底有魚味。籠仔三鮮蒸飯($248)飯面鋪滿食材,有蝦乾、櫻花蝦、切絲土魷、小銀魚乾、乾瑤柱絲及少量蟹肉,用料好豐富!米飯粒粒分明,又用浸發海味乾貨的水去煲飯,海味的鹹鮮香滲入飯粒,飯粒也有鮮味。海味浸發時間稍嫌不足,尤其蝦乾及切絲土魷略為硬身;蟹肉份量亦少得可憐;有改進空間。位於舊樓樓上,樓底矮、沒有漂亮的假天花,亦沒有什麼精緻裝修。由於是年三十晚,大廳佈置了較多中大枱,令細小的室內空間更見侷促。服務水平方面,同一般粵菜小菜館差不多。至於味道,部份菜式中規中矩、部份算出色;整體水平中上。以這一個級數的室內環境及服務水平,定價略為偏貴。
繼續閱讀
食物ok。但是服務not ok. table 51-54 是超級熱的,只是開風扇,叫員工開冷氣,全部都很不耐煩的告訴你已經開到最大,不肯去開。但是熟客叫,就馬上開。他們會搬去合和,相信也是一樣的服務態度。
繼續閱讀
星期六,七點鐘入座,兩個人叫咗三個餸,未夠四十五分鐘就話送糖水,執曬D嘢,要求埋單,如果你哋只想做熟客就唔好接生客,咁嘅服務態度,係咪米芝連都冇用💩想趕客!唔會再來
繼續閱讀
Ship Kee is an old-school, humble Cantonese restaurant that serves high-quality food at a fair price. The waiters are friendly and helpful and the vibe is warm and friendly. You must try the roasted meats with the char siu being one of the best I've eaten in 25 years here. The quality of ingredients is high, We also had a steamed fish and shrimp vermicelli noodle in clay pot. Excellent.Ship Kee is best with a group of at least four hungry people so that you can try more dishes. We are going again tonight!
繼續閱讀
一個星期前訂位,前日Reconfirm Booking 同訂菜,訂菜時😅訂左芝士蟹蓋5隻、爵士湯、茶薰雞,之後想訂埋龍躉尾竟然唔比訂,重話我已經訂左3個,其他果啲現場叫。到正日坐低點餸,當然點唔到龍躉尾,阿部長一開口就話我冇訂冇得食喎,之後就話我訂左7隻蟹蓋,我話好肯定係5隻,個部長硬要我地食左多出嚟果2隻,我當然拒絕左佢,經過左40分鐘,部長反覆3次問我地食左蟹蓋未….條友由頭到尾扮傻,其實將果7隻蟹蓋賣咗俾其他人,之後40分鐘後就話賣晒,我都係第一次預到依條數學題7-5=0 😅,之後個Shirley 部長就hard sell 價值$2xxx 嘅翅….,叫左介菜果個餸又消失左,最後上左個米芝連叉燒,冧到打破左我對叉燒的認知,成餐飯除咗一言難盡都唔知講咩好!
繼續閱讀