影片
港鐵香港站 C 出口, 步行約4分鐘
繼續閱讀
電話號碼
34991427
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
公眾假期
12:00 - 15:00
18:00 - 22:30
公眾假期前夕
12:00 - 15:00
18:00 - 22:30
以上資料只供參考, 請與餐廳確認詳情
有關獎賞計劃
相關文章
最近到訪了日本米芝蓮星級餐廳「日山」姊妹店「月山」 Gassan，餐廳翻新後環境優雅舒適、帶私隱度，更能飽覽中環城市美景，認真寫意🏙️ .餐廳全新的Omakase菜單由經驗豐富的廚師團隊精心策劃，呈獻前菜、刺身、壽司八品、主食、甜品一系列精選料理，讓客人在味覺和視覺都能有極致享受🍣✨.🥢Lunch Omakase $688/pp.前菜先有松葉蟹茶碗蒸及鹿兒島墨魚，墨魚煙韌黏口，配上自家製海膽醬及清香紫蘇花，賣相和味道都是一流🤍刺身方面，岩手縣鰹魚和慢煮北海道鮟鱇魚肝同樣出色！肥美的鰹魚以櫻桃木煙燻，配上山葵醬油漬及芝麻脆脆兩種食法，充滿層次。而慢煮後的鮟鱇魚肝口感似芝士、濃郁creamy ～壽司共有八品：鹿兒島白星鯛、熟成深海池魚、鰆魚、北海道金海老、岩手縣秋刀魚、長崎中拖、馬糞海膽及葱呑拿魚腩脆脆燒賣🍣 當造的秋刀魚味道濃郁、肥美甘香；金海老以花雕酒醃製，配搭意外地有驚喜！當中最吸引眼球必定是葱呑拿魚腩脆脆燒賣，師傅於席前即燒整條魚腩，魚油滴入黃椒碎和葱花混合的呑拿魚腩蓉，最後再以春卷皮包裹，真的超級驚艷！😚主食福岡馬友一夜干亦非常惹味，魚皮以鐵板燒至香脆，配上青甘橘味噌醬，鹹香同時不會過膩🐟 最後以較清淡的九州走地雞清湯素麵及芝麻雪糕完美完結這一餐🍨✨
繼續閱讀
-月山 🍣位於中環既月山經過全面翻新後全新推出Omakase Menu料理依然精緻並以高性價比兼沉浸式體驗撼動感官今次真係近期食過最好味又飽肚既廚師發辦 身心大滿足!✨Dinner Omakase - 18品 ($1288/pp)包括前菜一品、刺身三品、壽司八品及熱食酒肴四品、汁物及甜品先付🦐 赤足海老 • 秋田 蓴菜一開始師傅用乾冰泡泡上菜 煙霧瀰漫 幾有睇頭前菜選用熊本赤足海老 - 肉質新鮮彈牙 配梅酒浸車厘茄同 秋田蓴菜加青檸 食落清甜淡香 由最淡既味道作為開胃菜刺身🐟 愛媛 真鯛 - 配梅酒啫喱同紫蘇花 清香既調味帶出真鯛既原汁原味🌟 香川 小豆島真蠔 - 簡單配搭柚子酸汁同柚子皮 就已經好好味 海水味極濃 食落creamy得黎肉質清爽🌟長崎 本鰹 - 厚切鰹魚用藁燒席前進行煙燻保留左魚肉鮮美與獨特煙燻香 配搭自製洋蔥芥末汁同預先炸到焦糖化既洋蔥絲一齊食 好味到完全唔捨得食晒佢!!小砵🌟北海道 鮟鱇魚肝 - 經過慢煮同汁煮至好似芝士咁軟綿食落非常香甜 雖然建議同芥末一齊食 但個人覺得單食就已經好夠味 可以講係近期食過最好味既鮟鱇魚肝❤️💯🌟熊本 白鰻 - 係咁多道入面等得最耐既一道 因為需要時間燒到乾水 但真心有等待既價值 火侯亦都拿捏得好好🔥想講鹽粒份量剛好好能夠帶出鮮味 而且紫菜經烘過後 整體口感都係好香脆 真係好好味 ❤️❤️❤️❤️❤️壽司🐟北海道 北寄貝 表面輕炙過後再加柚子七味粉 食落爽口清甜帶點微辣🐟神奈川 黑鯥 - aka 白身魚界既拖羅 肉質好肥美 簡單將魚皮微炙 逼出魚油配岩鹽食 令口感更香滑 好味呢🌟 岩手 秋刀魚 - 終於!終於! 黎到秋刀魚既季節秋刀魚經燒過後 配搭薑汁豉油同蝦夷蔥 油香四溢師傅表示而家岩岩開始當造 10月黎既話應該會更肥美~🐟豐後水道 縞鰺 - 經過2日熟成 肉質香滑 味道甘美鮮甜 餘韻係由淡入濃 幾有驚喜既味道🐟長崎 吞拿魚中腹呢款中拖羅既筋好少 味道豐富而且入口即化🌟長崎 吞拿魚大腹係選用下巴位置 油花較平均 口感極柔軟 完全冇油膩感🐟鹿兒島 墨魚師傅將墨魚切到非常細條 好刀功 所以容易食用 唔怕嚼到攰 配搭海藻鹽同西柚汁 食落好甘甜🌟 北海道 海膽 - 用上紫海膽製作成手卷個人覺得比起馬糞既更好味 好清甜💯🔥 蔥吞拿魚腩脆脆燒賣配魚子醬是日重點🌟🌟🌟🌟🌟 係今餐最期待已久既創新菜式 - 先以猛火於席前即燒原條魚腩 為求迫出腩肉中既魚油滴落混合左黃椒碎同蔥花既吞拿魚腩蓉 增加風味 再塞入預先炸好既春卷皮 整成港式燒賣賣相既吞拿魚腩蓉壽司 表面加上七色芝麻同魚子醬 食落口感極為豐富 脆口得黎帶點辣味同鹹鮮味滿滿💯酒肴🐟北海道 蝦夷鮑魚 - 係用左清酒慢煮4小時 口感好柔軟 配上加左山椒鮑魚肝醬一齊食 汁物✨ 九州雞清湯意外地雞香味勁濃郁 如果可以成碗咁飲就好了😂甜品🍈日本水菓 - 粉紅夢幻菠蘿 + 北海道赤肉蜜瓜粉紅菠蘿係溝左西瓜既基因改造而成食落神奇地好清甜得黎仲保留到菠蘿香
繼續閱讀
原來我同老婆都幾鍾意嚟呢度，見到對上一個review都係我哋寫嘅😆餐廳最近完成翻新，保留咗最signature嘅船型吧枱，然後將餘下一半位置改成吧枱，可以同廚師更close，更多溝通。餐廳而家主打Omakase，lunch $688, dinner $1288 (member $588/$988)。成個dinner omakase都好好，有幾樣令食後重點推介嘅係：♦️藁燒煙燻鰹魚 - 即場喺你面前煙燻♦️蔥吞拿魚腩脆脆燒賣 - 特別加咗吞拿魚油及魚子醬，非常香♦️白燒鰻魚 - 超脆超彈牙♦️黑鯥魚壽司 - 充滿油香，師傅話係白魚界嘅toro♦️北寄貝壽司 - 我本人其實好唔鍾意北寄貝，師傅功力深厚，先用火槍燒，然後再調味，令到我好想食多件「Dinner Omakase $1288」先付♦️熊本赤足海老. 秋田蓴菜刺身♦️愛媛真鯛.梅酒啫喱.紫蘇花♦️香川小豆島真蠔.柚子.柚子酸汁.柚子皮♦️煙燻長崎鰹魚.Wasabi洋蔥汁小砵♦️慢煮北海道鮟康魚肝壽司♦️深海池魚♦️鹿兒島墨魚. 青檸汁.鹽♦️北海道北寄貝.柚子七味粉♦️長崎縣吞拿魚中腹♦️白燒熊本鰻魚♦️長崎縣吞拿魚大腹♦️岩手縣秋刀魚.薑汁豉油♦️神奈川黑鯥魚♦️長崎吞拿魚蓉配春卷皮.魚子醬.七色芝麻♦️北海道海膽酒肴♦️清酒煮北海道鮑魚甜品♦️粉紅夢幻波蘿，夕張蜜瓜
繼續閱讀
這家餐廳的食物新鮮可口，服務態度親切。特別推薦他們的Omakase，食材每天由日本新鮮運到，再由廚師在客人面前處理。環境舒適，是聚餐和約會的好地方，絕對值得一試！
繼續閱讀
哈囉大家好！我今日嚟咗中環H Queen's嘅「月山」試佢哋全新推出嘅午市omakase，環境舒服，食物質素又高，真係好值得推介！開胃前菜，鮮味揭序 🥚🦀首先上嘅係松葉蟹茶碗蒸，蒸蛋滑溜溜，面頭鋪滿蟹肉絲，鮮甜味十足，暖笠笠好舒服，作為頭盤真係一流！之後就係鹿兒島墨魚配海膽醬同紫蘇花，新鮮墨魚爽口彈牙，配埋濃郁嘅海膽醬同埋紫蘇花嘅清香，簡直係完美配搭！跟住就到岩手縣煙熏鰹魚，鰹魚油脂豐富，調味用咗炸乾蔥、芝麻醬同山葵，層次感十足，不過略嫌有啲膩。精緻料理，層次分明 🐟🤤嚟到我最期待嘅環節——北海道慢煮鮟鱇魚肝！魚肝入口即溶，creamy嘅口感加上濃郁嘅味道，一啲都唔腥，真係令人回味無窮！壽司盛宴，款款驚喜 🍣🥢第一件壽司係鹿兒島白星鯛魚，魚肉鮮甜爽口，非常新鮮！之後嘅熟成深海池魚，口感更加爽脆，食得出係高質貨色！接下來嘅北海道甘蝦用花雕酒同醬油醃過，蝦肉爽彈鮮甜，酒香四溢。時令嘅秋刀魚，魚油香濃，肉質鮮嫩，正值最佳狀態！灸燒鰆魚魚皮微微焦香，魚肉嫩滑，食落好滿足！長崎中拖入口即溶，完全冇筋，魚油味勁香，真係令人一試難忘！壓軸出場嘅係馬糞海膽，師傅毫不吝嗇咁將海膽鋪滿紫菜天婦羅上面，形成強烈嘅視覺衝擊！脆卜卜嘅天婦羅配上creamy嘅海膽，口感豐富，真係超級豪華嘅享受！熱食驚喜，創意十足 🔥🥟除咗壽司之外，仲有其他熱食！蔥吞拿魚腩脆脆燒賣係即場製作，師傅用火槍炙燒吞拿魚腩，逼出香噴噴嘅魚油，再混合拖羅蓉、黃椒碎、蘿蔔、蔥花，最後放入炸過嘅春捲皮，整成燒賣嘅形狀。食落魚油味香濃，口感豐富，打卡一流！另一道熱食係燒一夜干馬友魚*，魚皮香脆，魚肉鹹香，配埋青甘橘味噌醬更加惹味！完滿收尾，暖心滿足 🍜🍦最後嘅主食係雞湯素麵，配上雜菌，味道清淡，為呢餐豐富嘅omakase畫上完美句號。甜品係芝麻雪糕，芝麻味香濃，雪糕上面仲插左塊脆片帶有芝麻糖嘅味道，為呢餐omakase增添咗一份甜蜜嘅回憶。
繼續閱讀