影片
港鐵上環站 A2 出口, 步行約5分鐘
繼續閱讀
電話號碼
93588944
營業時間
今日營業
11:30 - 21:30
星期一
全日休息
星期二至日
11:30 - 21:30
以上資料只供參考, 請與餐廳確認詳情
招牌菜
相關文章
食物質素同性價比低：126蚊六寶飯（106蚊六寶飯+20蚊追加細碗白飯）lunch set還不如叫滷水邊角料飯lunch set。收得咁貴，用嘅食材反而全部係最差嘅仲差過滷水鵝肉飯，得三塊冇肉全骨嘅鵝肉邊角料。係全港幾十間滷水鵝肉飯店裏邊食過最低質素嘅潮汕滷水店。服務惡劣、收費唔講清講楚：白飯飯量極細，食唔飽想加多一細碗飯仲要比錢時先暗中收20蚊港幣加飯費用，貴絕全港嘅白飯，對賬單唔主動講出嚟唔會知。預先加飯時又完全冇通知要加多20蚊咁貴，邊個會知道咗要加20蚊港幣之後仲加白飯？鋪頭服務員仲要責怪你自己冇去攞嗰本好厚嘅大menu嚟仔細閱讀每一頁揾到嗰碗飯，但係我食緊嘅係lunch set嗰張紙上面嘅野嚟嘅喔，所有menu比你收走曬、你唔講、點睇得到加飯？出邊餐廳未試過加飯要額外收費20蚊港幣仲要唔通知喔！前一日啱啱食完隔離知延屋，質素高好多、抵食好多、免費加飯喔？餐廳環境差：相當緊逼。衛生都差強人意，餐點鋪嘅紙上面有好多螞蟻同埋小蟲。檯同座位極細連坐都坐唔到、但咁樣都係要拼臺。總結、避免再中伏：本身好鐘意食野、由fine dining到平民美食、亦都好欣賞由亞洲去到歐洲各種菜系嘅食物etc.，咁多年食遍亞洲、歐洲、美洲，就算遇到好多唔好食唔啱口味嘅餐廳、都冇比過任何食肆負評，未試過好似今次咁惡劣同令人憤怒不愉快嘅體驗。令到我覺得有義務企出嚟寫評論指出呢一d伏位幫其他顧客避免再中伏。我會寧願去食多幾餐中環嘅日日香鵝肉飯店、價錢平一半、質素高幾個level，都唔會嚟食呢間第二次，又貴、食物質素又低、仲要收費唔透明、服務唔好，環境差衛生差坐得又唔舒服，踩中我心目中所有伏位嘅餐廳，諗唔明點解搬遷/其它地址結業前可以攞得到咁多次米其林推介、百思不得其解。唔值得浪費錢嘗試。
繼續閱讀
明明都唔係極鐘意食韮菜嘅人又俾個韮菜包引咗入去小店面度試明明唔係食得辣嘅人但個辣椒油又點韮菜包食晒 香而不嗆 點多啲都唔會辣到食唔到店面setting真係睇唔出佢係潮州嘢 賣滷水 更估唔到佢係八十年老字號開响中上環歌賦街 幾乎細過西餅店嘅舖位 招牌只有白色10x 20cm 得吧枱同兩張細細枱 餐具大部份係紙製外賣用品價錢反映租金 不過潮州滷水從來都唔係街坊魚蛋粉價錢 鵝其實唔係全世界都有得食 本身就係刁鑽中高價家禽Call咗餃界黑玫瑰——餃控—— 搵日去幫手試真啲 再即call附近老饕家庭當晚試菜叫咗外賣：鵝片拼鵝腸墨魚 / 方魚肉碎粥 / 蠔仔肉碎粥 / 蠔烙 /豆腐併蛋 / 必食韮菜包 / 滷肉 （豬腩）佢嘅滷水的確偏清淡 冇外面遠遠就聞到好大陣滷水香 相信會「趕」走部份食開傳統滷水店嘅客只能夠話口味嘅嘢各花入各眼 少香料味我自己就覺得要靠材料本身質素 如果唔係就搵鬼食啦鵝片切得薄而均勻 未係頂級滋味 不過刀工都好重要 鵝肉潤而不乾 宜加醋送飯墨魚同即煮鵝腸入口微爽帶軟淋 鵝腸完全冇異味 肥羔100%清晒 仍然厚身 鵝腸fans必叫墨魚好很出色潮州粥佢份量不大 偏清淡 冇落勁多芹菜芫荽胡椒粉 蠔仔同方魚粒都新鮮甜美蠔烙足料下次有機會要試埋粉肝夏天加咗養眼清爽特飲係好主意係適合口味較清淡同追求用料嚴謹嘅潮州菜朋友
繼續閱讀
星期日同屋企人去食晚飯，餐廳只有兩張細枱和一些面壁的高座位。我們兩個人點了一碗蠔仔肉碎粥，蝦棗蟹棗，豬肺湯，韭菜粿和一碟鵝片飯。豬肺湯好像是味精加水和幾件看似別人食剩的豬肺，這個我們退了。蠔仔粥的蠔仔唔新鮮有腥味，蝦棗蟹棗一般。鵝片飯的鵝是雪鵝，味道好難食，好像是食紙皮。最奇怪是韭菜果，裏便有好多沙，老闆娘都親自試過，佢話應該係韭菜洗得唔乾淨。真係恐怖。佢換咗一碟芥蘭給我們。餐廳堂食都是用即棄餐具這一間是什麼米芝蓮餐廳來的呢？用最差的食物材料給顧客，其實在現今香港的營商環境，相信好快生存不了。我哋食完之後最終都過隔離街食咗碗雲吞麵
繼續閱讀
陳勤記終於回歸啦，之前在上環皇后大道西，不知道為什麼搬遷了，搬到很遠很遠。一直很喜歡吃佢地滷水鵝片同蚝仔烙，當時搬走的時候還很是悵然了一陣。頭幾天行過歌賦街睇到佢開了間小門面，賣一些滷味拼盤，滷味飯同小食和魚飯。試了滷水鵝片拼滷肉，蚝仔烙也很棒。好可惜沒有胡椒豬肚湯，我也很喜歡那個。凍馬友也好好味下次準備嘗試一下凍蟹。店舖睇落去應該是個賣簡餐和小菜的Lite版陳勤記，不過好在也是回來了，以後會常來。
繼續閱讀