影片
港鐵尖沙咀/尖東站 B2 出口, 步行約4分鐘
繼續閱讀
電話號碼
30189987
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
係香港食日式燒肉一般價錢唔平，要食到A5和牛或者類似嘅靚牛肉就更加貴💲但係最近發掘到尖沙咀有間燒肉店竟然推出$288嘅A5和牛及4%奇跡牛燒肉套餐，可以食勻12款菜品😍😚有多款稀有和牛部位，仲有店員幫你燒，燒到最靚最好嘅生熟度，又會講解啲肉點樣燒到最靚🥰咁嘅價錢有咁嘅份量、質素、服務，認真超值🤑🤑絕對要bookmark😎鞍下Kurashita Set $288/人🥬是日漬物有醃蘿蔔同泡菜，酸酸爽爽咁😚正好可以一解和牛膩感。🥩黑毛和牛極上牛舌芯、黑毛和牛脷底肉牛舌芯就食得多，和牛脷底肉比較少見，兩款都幾爽彈，配京蔥食更香口😙🥩A5薩摩牛極上赤身肉、A5薩摩牛稀有部位兩款都有A5和牛個種軟嫩口感同肉香，赤身肉係屁股部位😆燒到5成熟啱啱好，而稀有部位則超級無敵軟腍，好似食緊棉花咁，口感好正😋😋🥩4%奇跡霜降肉、4%奇跡牛肋肉4%奇跡肉係比較稀有嘅部位，分別有牛腩以及頸以下嘅部位，油脂感重啲💦牛肋肉更加肥美，但係食到最後好飽，店員會特地燒得熟啲，可以減低肉嘅膩感，所以食落有油香但唔會太漏，好好食😋餐廳諗得好周到❤️🥩辛口味噌漬牛腸牛腸醃得鹹鹹香香幾惹味😛由於牛腸係生燒做法，唔同坊間預先煮熟牛腸再燒，所以口感會煙韌啲，而且食到裡面嘅肥膏位幾正😈🥓厚切白豚腩燒肉片、京畿道柚子嫩雞腿除咗牛肉，估唔到豬肉同雞肉都咁高質👍🏻白豚腩即五花肉，層層相間肥瘦均勻，燒到豬皮帶點焦脆，豬肉則帶彈牙口感。雞肉相當出色👏🏻雞皮焦脆爽彈，雞肉厚身之餘極之滑嫩juicy，柚子味係口中輕輕掠過，剛剛好😋🍳鑄鐵燒A5挽肉配蘭王蛋挽肉即係漢堡扒，呢度特別在用鐵板烹煮，漢堡肉加上香氣獨特嘅蘭王蛋都唔錯，適合撈飯食😗🍚壽喜燒風A5和牛丼 +$49、香蔥溫泉玉子紫菜飯 +$49呢個set白飯係任裝，若然+$49就可以食到更邪惡嘅丼飯。必點壽喜燒和牛丼✅和牛份量十足，口感好軟滑，醬汁甜甜地好香，配飯及蘭王蛋一齊食，超滿足🥳🍻飲品半放題 +$99/人每人加$99可以任叫生啤、烏龍茶、梳打、汽水，每杯都幾大杯，鍾意飲啤酒嘅人必加😏推介指數（10分為滿分）：8.5分
繼續閱讀
這次的放題餐體驗，物超所值，特別是加$99後，白豚肉、雞腿肉和牛腸可以任食，讓人更能盡情享受各種美味。首先，黑毛和牛的各種部位質素極高，尤其是極上牛舌芯和稀有部位，口感細膩。A5薩摩牛的部位更是驚艷，每一口都帶來極致的滿足感。加了額外選項後，白豚肉和京畿道柚子嫩雞腿味道鮮美，特別是厚切白豚腩燒肉片，肉質鮮嫩多汁，令人欲罷不能。辛口味噌漬牛腸調味出色，為整體餐點增添了豐富的風味層次。此外，北海道特A級夢美人白飯無限供應，米香四溢，與牛肉完美搭配。各種有汽飲品的任飲選擇，為用餐過程增添了不少樂趣。整體而言，這次的放題餐不僅在食材上達到高水準，額外的選擇更提升了整體的價值，是喜愛和牛的饕客不容錯過的選擇。服務周到，讓人倍感舒適，是一次值得推薦的用餐體驗。
繼續閱讀
今日係尖沙咀行街，買嘢買到好攰，好想食餐好嘅😆見到門口個menu鞍下 Kurashita Set $288/pp，睇落幾抵食。一入去就已經感受到餐廳嘅氣氛好舒服，餐廳安排我哋坐bar枱，好有日本燒肉店嘅感覺。套餐入面最令我印象深刻就係黑毛和牛極上牛舌芯，口感好有嚼勁，真係好好味。A5薩摩牛嘅赤身肉，肉質真係一流霜降肉入口即溶，想加追。店員都好親切，仲幫手燒肉，燒得好好食。鑄鐵焼A5挽肉配蘭王蛋好有亮點，肉汁多到撈埋飯食，好滿足！厚切白豚腩燒肉片亦都唔錯，脂肪同肉質嘅比例剛剛好，一燒就勁香。京畿道柚子嫩雞腿，雞肉嫩滑，味道清新。我仲加咗$99嗌兩人份蒜香A5和牛炊飯，好香麻油味，平時唔好食飯嘅我竟然食晒成碗飯。同埋加咗半放題，Suntory生啤飲品任飲，抹茶雪糕、厚切白豚腩、京畿道柚子嫩雞腿、辛口味噌牛腸任食，真係可以飲飽食醉🤤
繼續閱讀
今晚約咗朋友去尖沙咀聚舊，聽講呢間燒肉唔錯一於去試下。揀左$288/位既套餐，原來有咁多野食😍✨是日漬物蘿蔔仔非常清新爽口，帶有微酸的滋味，開胃又美味。泡菜唔太辣非常適合做前菜。✨黑毛和牛極上牛舌芯✨黑毛和牛脷底肉✨A5薩摩牛極上赤身肉✨A5薩摩牛稀有部位✨「4%の奇跡」霜降肉✨「4%の奇跡」牛肋肉✨厚切白豚腩燒肉片✨京畿道柚子嫩雞腿✨辛口味噌漬牛腸✨鑄鐵焼きA5挽肉 配 蘭王蛋食食吓已經好飽，咁多隻牛入邊最鍾意食牛稀肉，呢個係珍貴部位，肉質鮮嫩多汁，而且油脂分布均勻，每一口都好juicy，入口即溶😋人均$288覺得幾值，朋友聚會唔錯嘅選擇。
繼續閱讀
性價比高和牛烤肉套餐$288🫨可以食到薩摩牛各個部位！黑熊先生和我都比呢個餐吸引住，等我哋試下先！是日漬物其中一款係柚子蘿蔔，酸甜中有少許柚子香，好味😌❤️薩摩牛好食我就唔多介紹，睇相都流口水，不如講下我哋2百幾蚊套餐包括咗咩食物…黑毛和牛極上牛舌芯👍黑毛和牛脷底肉A5薩摩牛極上赤身肉👍4%の奇跡-霜降肉👍4%の奇跡-牛肋肉👍厚切白豚腩燒肉片京畿道柚子嫩雞腿👍辛口味噌漬牛腸鑄鐵焼きA5挽肉配蘭王蛋👍北海道•特A級夢美人白飯（任食）另外，再加咗$99蒜香A5和牛炊飯。蒜、香菇、和牛加埋飯蕉，甘香回味，日本珍珠米吸收曬各款食材精華，我哋兩個一致好評值得加配😋烤肉又點可以無啤酒？最終我地又加咗半放題，任飲啤酒或無酒精飲品，仲有其他食物可以任食。其中京畿道柚子嫩雞腿，都係任食之列中，京畿道雞肉無雪味、無筋、軟嫩中帶啖啖柚子醬香味，記得要試！最後仲有抹茶雪糕做結尾～服務值得一讚，待應妹妹會好純熟咁介紹每款肉，而佢會幫我哋燒和牛，確保我哋食到最好風味❤️
繼續閱讀