影片
營業時間
今日營業
12:00 - 21:00
星期一至五
12:00 - 21:00
星期六至日
07:30 - 22:00
公眾假期
07:30 - 22:00
*星期一至五（平日）：半自助餐
12：00 - 14：30；
18：00 - 21：00
星期六、日及公眾假期：全自助餐
12：00 - 14：30；
18：00 - 21：00
以上資料只供參考, 請與餐廳確認詳情
有關獎賞計劃
優惠
在屯門工業區的Hotel Cozi，其實就在西鐵屯門站旁邊，二樓餐廳The Platter以火車為設計靈感，全日供應半自助餐，口碑不錯，還有露台花園靚景拍照，很適合朋友和家庭聚會。南歐風味的半自助晚餐的主菜，各種肉類、意粉和飯都有，餐湯餐飲甜品都在自助區任取。先點主菜，然後去自助區取食物和飲品吧！這個南歐風味半自助晚餐，賣點有巴馬火腿，現場有廚師即席切片，看到都垂涎欲滴了。巴馬火腿剛好室溫，口感柔軟香甜，細嚼下海鹽鹹香慢慢滲出，配襯哈密瓜、麵包或芝士都很好吃。這裏自助區有芝士供應，最愛吃藍芝士的鹹香，配巴馬火腿吃令香氣在口腔停留更長時間，很享受哦！餐湯有中式青紅蘿蔔豬骨湯，香甜湯清不油膩，很好喝；西湯有蕃茄忌廉湯，蕃茄味道稍淡，忌廉香較突出。主菜有我最喜歡的烤草飼羊架，擺碟漂亮，份量也多，五成熟保留肉汁，入口嫩滑，灑上香草烤過，配埋迷迭香濃汁，又甜又清新，不會有騷味。海鹽烤美國安格斯肉眼，家人要吃全熟的牛扒，新鮮的肉，就是用最簡單的海鹽調味最好，口感仍然爽口，黑松露汁濃香也不會掩蓋牛肉味。雖然主菜也很夠飽，但這裏的冷盤海鮮也要留胃口試一試。凍蝦最新鮮，每隻都爽口鮮甜，即使吃飽了仍然吃得下。蜆肉估不到非常好吃，最簡單的白灼仍能保留海水味，超鮮甜。沙律味道也不錯啊！韓式蘿蔔泡菜，酸辣味道很開胃；沙律螺絲粉，白汁夠香；藜麥是super food，味道淡淡的，吃幾口幫助清腸胃。最後還要吃甜品。這裏的一口蛋糕都是mousse cake，熱食甜品有窩夫，和中式冰糖紅棗雪梨糖水。吃甜品有第二個胃，超喜歡窩夫，外面烤得脆脆的，裏面軟綿綿口感，很治癒！加楓糖漿又得，取雪糕加在窩夫上吃又得，必吃甜品之一。吃完大滿足，還可到外面花園拍照，有月亮和繁星燈飾佈置，見到人家一家大小拍照也玩得很高興，我們也來照一個吧！感覺這次半自助餐吃得舒適，食物選擇適中，不會過量，下次有其他主題的半自助餐，一定再來！
繼續閱讀
呢晚主題係「南歐風味火腿 • 半自助晚餐」🍽️ 一個價錢包一份主食，再任食前菜、冷盤、沙律、風乾火腿、芝士、甜品及飲品等，高質食物吃到飽！「波士頓龍蝦配香檳忌廉汁及芝士」大大隻啖啖肉，有蝦膏，個汁+芝士同龍蝦肉好夾，隻蝦鉗仲起埋殼，原隻入口好滿足。「海鹽烤美國安格斯肉眼配红酒汁」肉眼扒煎得好靚，表面輕微焦香，叫咗七成熟俾仔仔食，肉質依然嫩滑。小朋友最愛食雪糕放題，士多啤梨味、奶茶味、芝麻味、沖繩海鹽味、青檸味，試勻咁多款口味。食飽可出去戶外COZi Starry 星悦露天平台，有星星月亮發光裝置⭐️🌙，欣賞下夜景打個卡！
繼續閱讀
😋好耐無同仔仔囡囡去食好嘢啦！🥳 今次屯門悦品度假酒店Hotel COZI 嘅自助餐主題係鵝肝花膠臻選自助晚餐！😍 真係超值又好味！先講講必食嘅鵝肝多士！鵝肝入口即化，香氣滿滿，配埋個多士，口感一流！😋 我自己都食咗幾件！另外，花膠燴鵝掌都好足料，啖啖滋補，啱曬我呢啲成日捱夜嘅媽媽！💪🏻🦞🦀海鮮控嘅我就最鍾意食海鮮！有焗龍蝦、麵包蟹同埋鱈場蟹腳等等，全部都好新鮮，味道鮮甜！特別推介個蒜蓉焗蠔，蒜香味好濃郁，蠔肉又肥美，真係忍唔住 Encore 再 Encore！🤤🐑除咗海鮮，烤羊架都好出色！肉質嫩滑，juicy到爆，而且無乜羊羶味，啱曬唔太鍾意羊肉嘅朋友！👍🏻🍨甜品方面都好豐富，有 朱古力噴泉、蛋糕、泡芙、雪糕 等等，小朋友見到真係開心到跳起！😆😋總括嚟講，今次呢個自助晚餐真係超乎預期，無論係食物種類、味道定係環境都好滿意！👍🏻 而且價錢都好合理，性價比超高！下次一定會再嚟！🥰
繼續閱讀
呢排發現咗一間超正嘅自助餐餐廳，就係The Platter嘅海洋誘惑自助午餐！真係推介俾大家！一入到去，可以見到用火車做主題，啱晒帶小朋友打卡就被琳琅滿目嘅美食吸引住。呢度最大嘅賣點就係圍繞住麵包蟹同海蝦做主題，冰鎮海鮮區嘅麵包蟹，蟹肉飽滿，鮮甜得嚟又有嚼勁；海蝦個個大隻，剝殼後入口爽彈，鮮味十足。鍾意食日式刺身嘅朋友就有福喇，呢度嘅雜錦刺身簡直一流！三文魚、鯛魚、墨魚、赤貝、吞拿魚，全部新鮮厚切，一啖落去，油脂同鮮味於口腔中爆發，超正！除咗呢啲，仲有好多其他熱食，好似蒜蓉蒸帶子、豬肋骨同燒牛肉，真係食多幾件就回本。而家仲有25%嘅折扣，大人每位都係HK$348，非常抵食又咁好味
繼續閱讀
COZi 酒店既The Platter 海之誘惑全自助午餐自助餐真係非常之正～ 性價比好高，有好多新鮮嘅海鮮好多好好味嘅熱食～ 酒店嘅吉祥物係兩隻好可愛嘅企鵝仔～ 住宿連自助餐package仲有埋呢兩隻公仔超得意呀！我哋就同咗啲公仔打卡～ 酒店係用歐洲旅遊火車做主題～ 俾人一種進入咗歐洲嘅火車世界嘅感覺～ 地下有大大個蒸氣火車頭，check-in嘅大堂仲有個金色大時鐘同埋火車模型仔～ 酒店有好多海鮮自助餐～ 包括麵包蟹，蝸牛，大蝦青口等任食任拎～ 有新鮮嘅牛肉即烤即切～ 仲有好多款唔同嘅刺身，好似三文魚吞拿魚魷魚同埋赤背等～全部都好新鮮好美味～ 熱食海鮮除咗美味既鱸魚之外仲有蒜蓉粉絲蒸扇貝～ 除咗豐富嘅海鮮大餐，仲有串燒烤肉同埋天婦羅等，另外仲有好多沙律火腿芝士前菜都非常豐富～ 熱湯有中湯同西湯仲有糖水～ 另外仲有朱古力噴泉棉花糖迷你可愛小窩夫同埋好多款唔同嘅生果任食～ 仲有埋好好味嘅哈根達斯雪糕～ 非常豐富嘅自助午餐！
繼續閱讀