影片
付款方式
以上資料只供參考, 請與餐廳確認詳情
📍 田浦食肉話咁快對上一次去韓國已經係半年前既事🥸心心念念想去食韓國野，發掘到呢間好地道由韓國Oppa 主理既韓式燒肉店🤩餐廳主打韓式燒肉，夠曬正宗！🐷烤豬肉套餐 (五花肉＋豬頸肉) 550g $470豬肉幾新鮮，望落去肉既紋理清晰，肉質粉嫩～肥瘦均勻，亦切得非常厚身！重要既係由Oppa親手燒，成個過程都唔需要自己郁手，坐喺度等食就得啦😏🥳五花肉燒到勁香，外層焦脆嘅口感，內𥚃既油脂好香同鮮嫩既口感～而豬頸肉就較爽口，配埋各種醬料一齊食既味道好唔錯👅配菜唔夠嘅話可以無限refill架😆🥣黃油炒飯 $68又係有專人幫手炒！😌店員會留意著客人進食既進度，然後去到差唔多嘅時候就會過嚟幫手炒個韓式炒飯～配料有芝士、牛油、大量嘅紫菜碎、泡菜同埋飯～炒到最後會用沙律醬畫個公仔，最後畫左Ryan!!! 好cute😙真係睇得又食得，味道酸酸辣辣，食到有飯焦，值得一試！🐥雞蛋羹 ✨免費🆓✨上枱嘅時候勁澎湃，望住佢脹卜卜同埋不停出煙！𥚃面有芝士、蘿蔔絲、粟米粒、蔥粒，蛋味濃郁，口感細滑；由於用石鍋，雞蛋羮食到最後都係熱辣辣😌重點係免費！！！宜家只要係社交平台 upload田浦食肉沙田店既店舖，食物既相或影片都得，再tag埋location就可以免費獲得一個！⭐️好味指數：7.7/10📍 田浦食肉 (沙田)沙田石門安群街1號京瑞廣場2期地下19A號舖#沙田 #田浦食肉 #京瑞廣場 #烤豬肉套餐 #五花肉 #豬頸肉 #黃油炒飯 #雞蛋羹 #oppa #韓國 #免費
繼續閱讀
. 📍#田浦食肉 (沙田) 對上一次黎石門都已經好耐，今次同老婆一齊黎覺得熱鬧咗，但唯一不變既我地仲係好鍾意食嘢，老婆安排左燒肉比我食，我最唔鍾意成面油，但佢話今次一定唔會😁😁😁仲有真OPPA 專人燒肉，夠哂正宗。🔥烤豬肉套餐PA (五花肉，豬頸肉）$470 2人 （550g)一間好既韓國餐廳，配菜必定都出色，我老婆未開餐前已食左一半，非常開胃，生菜同韓式配菜包可以無限添食。今次幫我地燒肉既係真OPPA，滿口韓文，火爐嚟我哋有段距離，有一個小小嘅屏風擋住啲油煙，非常貼心，五花肉肥瘦分明，再配上韓式辣醬，非常好味，豬頸肉屬於較小肥膏的肉類，但係唔嚡口，可以鎖住肉汁，兩款豬肉食完唔覺肥膩，份量仲好多，值得推介！🔥雞蛋羹 $88感覺好似疏乎厘放大版，雞蛋羹嚟到嘅時候好似火山咁係咁噴煙，真係好吸引，蒸蛋同芝士食落很滑溜，再配上沙律醬、蔥花等調味，拌飯一流。🔥黃油炒飯 $68呢個炒飯係餐廳職員即時係你面前炒，選用大量芝士，牛油，紫菜等炒飯給你，重點係韓式辣醬，包底必食嘅炒飯，最後畫了一個心心，非常窩心。**需另收加一服務費**——————————————- 📍 田浦食肉 (沙田)🏠沙田石門安群街1號京瑞廣場2期地下19A號舖#hkfoodstep#hkfoodstep 沙田#hkfoodste韓式#hkfoodstep燒肉 #hkfood #hkfoodie #hkcouple#沙田美食
繼續閱讀
今日想食韓燒見開咗一間新餐廳喺石門放假就黎試下先我地order咗五花肉套餐因為呢度食燒肉係有人幫你燒埋本身着淺色衫都唔洗怕一睇份肉本身以為都幾肥下不過燒完出黎真係另一個世界加上佢有好多配菜夾住食完全唔覺而且佢地燒嘅時候巳經迫曬d油出黎唔計開枱時嘅4碟頭盤order燒肉就有兩款生菜一款係平時冇任何調味另一款似沙律仲有好似京葱一大碟其實兩個人食係好飽而且好滿足而且肉質燒得好好完全冇雪味我地再叫咗個海鮮煎餅呢樣就我地覺得還好因為可能偏向薄脆果款上到枱見原來咁大份總括黎講燒肉係必點
繼續閱讀
今日同男朋友過黎石門食飯，知道呢間鋪頭幾好食，因為朋友食過好多次，就過黎試下我地今日叫左1️⃣烤牛排骨💰580店員全部都係韓國人，好有心思幫我地烤肉，同埋有個檔油版，完全唔會彈到，幾好👍牛排骨份量好多，同埋燒到裡面粉紅，外面啱啱好，食落牛肉汁爆曬出黎，好鍾意❤️，配埋小菜一齊食更加好味🤤2️⃣雞蛋羹💰88口感好似平時燒肉食嘅雞蛋，好大份，裡面都好多配料，例如芝士、粟米，雖然好大舊，但係食落雞蛋好嫩滑，我同男友都好鍾意😻3️⃣黃油炒飯💰68店員會將牛排骨剩嘅肉剪落黎，跟著加牛油🧈、沙律醬一齊煮，炒完好好食，又香，職員仲會整埋個公仔比我地，幾得意😂最後我地清曬👍👍消費價錢：2人💰809.6，人均💰404.8結論：（10分為滿分）味道：8/10性價比：7.5/10回頭指數：7.5/10餐廳名稱：田浦食肉 (沙田)餐廳地址：沙田石門安群街1號京瑞廣場2期地下19A號舖
繼續閱讀
地址都幾方便，喺地鐵站嘅附近，一出嚟右邊就係呢間舖頭，去到嘅時候雖然係平日不過都好滿座！我哋試咗：五花肉＋豬頸肉份量好夠啊～～仲有人幫你燒，好好服務～～有擋板防止啲油彈落去客人身上店員再加埋泡菜同埋一啲小菜放喺上面，可以中和翻肉嘅油膩感黄油炒飯有芝士同紫菜，係差唔多食完啲肉，就會有專人過嚟幫你炒埋個飯！喺個飯上面仲會畫上創意嘅畫作，好得意我哋嗰個好似係麵包超人！地理位置：⭐️⭐️⭐️⭐️味道：⭐️⭐️⭐️⭐️價錢：⭐️⭐️⭐️⭐️服務：⭐️⭐️⭐️⭐️ ⭐
繼續閱讀
您可能會有興趣的...