影片
港鐵筲箕灣站 A2 出口, 步行約5分鐘
繼續閱讀
電話號碼
51190009
91569149
營業時間
今日營業
全日休息
星期一
全日休息
星期二至日
12:00 - 22:00
01月27號 - 01月30號
全日休息
以上資料只供參考, 請與餐廳確認詳情
相關文章
餐廳：The Starred地點：筲箕灣菜式：西餐餐牌：主餐牌主菜15選1，有多款肉類，可以自選配餐項目，包括凱撒沙律/餐湯麵包/芝士蛋糕/飲品等。外賣自取仲有八折。紅酒雜菜炆紐西蘭羊膝 $130 另加一紅酒雜菜炆紐西蘭羊膝賣相一流，大大支羊膝放係薯蓉上面，圍邊有入味紅蘿蔔，秋葵，車厘茄同洋蔥。羊膝有好多肉食，比較硬身，連少少筋，味道只係少少蘇。鐵板美國牛封門柳鮮菇燒汁 $130 另加一鐵板美國牛封門柳鮮菇燒汁熱辣辣用鐵板上枱，服務員仲幫我倒燒汁，好震撼。封門柳我叫左七成熟，入面得少少生，牛味好濃，好有咬口。個鮮菇燒汁味道剛好，唔會太鹹。伴有新鮮秋葵兩條，車厘茄一粒同洋蔥條，蔬菜豐富，仲有少少薯蓉。慢煮牛面珠燉肉雜菜配意大利粉或紅糙米飯 $80 另加一慢煮牛面珠燉肉有兩大件，連筋，整得非常淋又入味，伴有紅蘿蔔兩大件，個汁好味又唔會太濃。意大利粉另上，擺得精緻而上面加有香草，可以自己加枱上面既茄汁食。凱撒沙律 加$30 另加一凱撒沙律好大碟，爽口新鮮羅馬菜加上大量沙律醬，好多芝士片，甜甜提子乾，煙肉粒同法包粒，仲有半粒車厘茄，口感味道豐富得黎又健康，食嗮成碟都唔覺太齋。餐湯及麵包 加$20 另加一餐湯可以揀意大利菜湯或者蘑菇湯，我揀左紅湯。個意大利菜湯味道剛好而有豐富椰菜，紅蘿蔔同蕃茄，熱辣辣上枱。麵包好鬆軟而富牛油香，少少暖，可以加黑醋橄欖油，不過我覺得本身都夠好食。西班牙巴斯克焦香芝士蛋糕 加$20 另加一西班牙巴斯克焦香芝士蛋糕擺盤一流，一隻長碟加上朱古力粉鋪既星星，代表餐廳個名紅星。主角西班牙巴斯克焦香芝士蛋糕非常濃厚滑溜，而帶微微焦香味，呢個價錢一流。石榴汁， 菠蘿汁 各加$10 另加一四款果汁有100% 橙汁、100% 蘋果汁、100% 菠蘿汁同石榴汁，加$10就有。果汁簡單用金屬杯裝，我最鍾意石榴汁，好濃厚，香甜滑溜好好飲。菠蘿汁都好香甜。今餐食物飲品令人滿意，呢個價錢實在係太實惠。餐廳環境復古懷舊，座位舒適，好有氣氛，一入門口就有一棵大大聖誕樹，播放聖誕歌，好有節日氣氛。服務員態度友善，呢餐食得好開心。
繼續閱讀
🩵美國安格斯牛肉眼扒配黑松露醬燒汁揀左3成熟，肉眼扒表面煎得香口，黑松露醬好惹味，仲有黑松露真身，味道更濃😍🩵琺瑯鍋紅酒雜菜燉紐西蘭羊膝琺瑯鍋燉羊膝，肉質好軟淋，又入味！🩵鐵板牛脷4大塊牛脷，好厚肉，係爽口質感既牛脷🤤🩵琺瑯鍋慢煮牛面珠墩肉牛面珠肉質超級軟，唔洗用力都咬得開，推薦！🩵寶雲酥挪威鮮三文魚配山葵芥末籽蜜糖忌廉汁三文魚皮煎到金黃色，好似薯片咁脆，好出色，葵芥末籽蜜糖忌廉汁好特別，甜甜地，唔會太濃但又帶到三文魚既鮮味👍🏻🩵西班牙巴斯克焦香芝士蛋糕有兩個層次，焦香位置比較香口同口感較厚實，蛋糕中心位置比較軟身，creamy~
繼續閱讀
拍拖xx週年紀念日又有藉口出去慶祝吓🍾想起平時每次經過筲箕灣都見到有間好靚好高級嘅扒房今次終於有藉口去試吓入面有豪華水晶燈✨每張枱都有閃令令嘅枱燈座位係高身卡位梳化帶有復古氣息當我打開餐牌時，嚇咗一跳竟然有$80五道菜豐盛全餐不過我哋慶祝拍拖周年紀念，就食豪少少我哋點咗：🥩 美國安格斯牛肉眼扒•黑松露醬燒汁 $200廚師做到我要求嘅五成熟，牛扒好大塊，夠淋，有牛味，配上黑松露汁，很美味配菜有秋葵同蕃茄🐓 鐵板重量級雜扒•德國青胡椒汁 $120大堆頭雜扒餐，有薄牛扒、豬扒、雞扒、香腸，份量勁大，相當抵食另外，每個餐加$40，可以轉為五道菜豐盛全餐，包括湯、迷你沙律、芝士蛋糕及飲品🥣湯：雜菜湯/南瓜忌廉湯餐湯熱辣辣🥗沙律：麻醬汁沙律菜🍰芝士蛋糕：西班牙巴斯克焦香芝士蛋糕，味道不錯，跟餐嚟講，芝士蛋糕都幾大件，仲有擺盤添🍹飲品：除咖啡或茶，仲可以點果汁👍🏻啤酒及紅/白酒，只需補差價🍺Belgium Stella Artois 啤酒好好飲👍🏻🍹石榴汁，好厚身，味濃環境、服務都係五星級餐廳氣氛好好性價比好高
繼續閱讀
最近好多人介紹呢間懷舊西式餐廳，而且見到佢嘅價錢好平，咁就一於嚟試吓啦。一嚟到真係好有驚喜，因為佢嘅裝修好靚，而且雖然聖誕節過咗，但係仲有棵好大嘅聖誕樹，真係好適合一大班朋友嚟影相或者情侶嚟拍拖。呢度嘅忌廉湯都好出色，絕對唔係罐頭湯，飲落好濃味，但係又唔會太漏，反而食完仲開胃。我哋叫咗個紅酒牛尾煲，個煲好靚，而且一打開可以聞到好香嘅紅酒味。牛食落煮得啱啱好，而且好有牛尾，送飯一流啊。而且佢嘅飯都好有心思整到心形，同埋唔係普通白飯，而係紅米飯，感覺好健康同埋口感比較好。另外我覺得呢個巴斯克芝士蛋糕都好抵咋，除咗賣相靚之外，食落唔會太甜，而且芝士味好濃郁，就算食飽都忍唔住食晒全個蛋糕啊。呢間餐廳又靚又抵食，非常推薦大家嚟試吓。
繼續閱讀
同屋企人慶祝生日想食西餐，見筲箕灣嘅The Starred 有好多選擇，雜排/魚柳/油封鴨腿/鹹豬手，款款都好吸引咁，於是就去試下～而去意外發現超高cp值嘅巴斯克蛋糕㊙️‼️🍽️琺瑯鍋 慢煮牛面珠墩肉 ($80)🍽️鐵板美國牛封門柳 配鮮菇燒汁 ($130)加$40升級套餐，包括沙律.餐湯.西班牙巴斯克焦香芝士蛋糕.飲品牛面珠墩肉炆到好淋，但淋得黎又保留咬感，入味得黎又唔會鹹，好好味🥹而且都算大舊，推薦🤤牛封門柳叫咗7成熟，質素比較普通而且好細舊，而且醬汁方面預設鮮菇燒汁，如果可以俾人自選會更加好成餐飯個記憶點一定係巴斯克焦香芝士蛋糕，加配蛋糕只需$20，見到價錢咁平，第一反應係懷疑究竟好唔好食㗎呢🤔上桌見佢同平時去cafe食嘅巴斯克賣相差唔多，食落蛋糕比較實心，芝士味唔算濃(我鍾意)，唔會太甜亦唔漏，已呢個價錢呢個質素，真心超值呀😋👍🏻呢度上菜速度比較慢，叫左兩個餐要等半個鐘以上先送到，不過夜晚黎食個環境幾有氣氛，而且服務質素都好好
繼續閱讀