影片
以上資料只供參考, 請與餐廳確認詳情
有關獎賞計劃
餐廳主要以傳統台式裝修為主，門口有個火車郵筒，勁似去到九份十分火車站咁嘅場景。咁啱餐廳做緊以台灣澎湖為主題嘅「澎湖遊」，會再有多啲特色台灣地道小食可以選，湯底就可以加錢揀古早藥膳牛骨湯。鍾情台灣小食嘅我，一於入去試試。我哋揀咗level 4特選澳洲和牛海鮮120分鐘吃到飽套餐，有成74款選擇，湯底就揀咗鴛鴦湯底，分別係養生藥膳雞湯湯底及椰子雞湯底。養生藥膳雞湯底材料有當歸、枸杞、人蔘及紅棗等，味道濃郁，補身一流。另外椰子雞湯底加入椰青水及片片椰子🥥，雞肉清甜嫩滑，感覺冇咁熱氣。澳洲和牛肩胛肉眼開我嘅至愛，放入湯底熨四至五秒食得，肉質嫩滑，牛香味濃。其他牛主要有幾種：封門牛柳、卡樂beef(牛五花)、牛扑肉及牛小排。海鮮方面，選擇亦好多，我特別點咗鮑魚、海參、墨魚滑、澎湖蝦滑、大蝦、鯇魚片及花膠等。打邊爐材料方面，一般嘅丸及蔬菜都有，我覺得較特別嘅係竹笙配蝦滑及響鈴魚子蝦滑卷，出邊比較少見，個人較喜愛麻辣鴨血。熟食區選擇繁多，包括台式滷肉飯、台式烤腸、茶葉蛋、咖喱角、滷水豆腐、麵線、澎湖海鮮粥及炒飯等。除咗熟食區，鍾情台式小吃嘅我點了多款台式小食，即叫即做，例如蚵仔煎、蔥抓餅、鹽酥雞塊、一口生煎包、荔枝蝦球、鵝肝醬多士、芝麻蝦多士、金沙蝦球及黑糖豆腐花等。當中，我特別喜歡澎湖海鮮粥，足料之餘入面好多蚵仔，粥煲得綿綿的，誠意之選。食完埋單，原來唔同嘅Level套餐可以得到唔同嘅代幣去玩夾公仔，食飽飽有得玩，最後夾到小匙扣一個。店員仲俾咗一張明信片我哋，入落佢哋呢個郵箱可以幫我哋寄俾朋友，成個體驗唔止飲食咁簡單，充滿着種種台灣風情。
繼續閱讀
湯底可以夠味飲品款式亦多蔬菜新鮮，但較少常食的款式整體可以，不過不失服務正常，無主動，但叫到嘅會做甜品等到保持新鮮加部扭蛋機，但店員無咩理會埋完單出去想扭兩次，都無人理，趕執嘢收工。
繼續閱讀
雖然，季節性流行性感冒高峰期已過，但最近我卻不慎病倒了…… 更巧合的是，舊同事從遠方回來，短暫停留一周，多年沒見，又怎可不聚一聚？最後，我選擇了在葵芳的《山見台式日火鍋》，鄰近港鐵站，不怕他太久沒回港而迷路，同樣方便他走下場！最重要的是，山見的火鍋是一人一鍋的，那便大大減低我的感冒傳染！ 吃火鍋，肉類當然要頂級，不過，長居美國多年的故友，更希望多嚐海鮮，聽說山見的海鮮與肉類，同樣超有水準，如此吸引，當然要試試。原隻駅前海老、原隻鮑魚、珍寶海扇蛤、鮮灼象拔蚌、花膠、深海珊瑚蚌、廣島蠔…… 款款份量十分，而且鮮味無比。 特別是原隻駅前海老，不但超大隻，而且肉質爽口彈牙，十分鮮甜。珍寶海扇蛤，手掌般大小，非常有份量，無懼勺熟後不見蹤影，口感彈牙，同樣鮮味。搭配我點選了牡丹美人鍋，以三黃雞、雪耳、花膠、雞骨台式炸物及杞子等材料熬製而成，湯底濃郁滋補，由於花膠是無限量添加，BeautySearch 當然第一時間加點，讓鍋底的膠質更豐富。友人則揀選了椰子雞鍋。結合椰子的天然甜味和鮮美的雞湯，滲透在湯底中，使湯底更加鮮美，滋潤清甜，同時能感受到淡淡的椰子風味。為確保雞肉更鮮嫩，火鍋上桌時還提供了沙漏計時，真的非常細心呢！除了海鮮，吃火鍋的重點當然是靚牛，我們揀選的「殿堂日本A4和牛海鮮吃到飽套餐」可盡情享用日本黑毛和牛、澳洲和牛肩胛肉眼、無骨牛小排等頂級牛肉，實在太吸引！ 而我最愛，當然是日本黑毛和牛，不止味道上乘，色澤和油花皆按日本全國嚴格標準挑選出最頂尖的！油花細緻、肉質細膩，每片都柔軟超JUICY，令入享受入口即溶的美妙口感。每次吃台式火鍋，我都喜歡點選台式蛋餃，對此情有獨鍾，而這裡的山見和牛蛋餃，不但以蛋作餃皮令餃子更添蛋香，還選用了矜貴的和牛作餡料，真的份外滋味。山見今期台灣環島遊還推出澎湖主題，有不少澎湖美食，當中澎湖蝦滑，鮮嫩彈牙，絕對是火鍋的絕佳配料。而我特別喜歡這款竹笙蝦包，除了因為外型精緻可愛，更因為竹笙裡釀入蝦膠，勺熟後，竹笙稍微吸收了湯底的精華，配上蝦膠啖啖肉，更顯爽脆鮮甜。黑糖豆腐花，原來黑糖並非日本沖繩獨有名產，皆因早源自於日治時期，日本人當時遷居澎湖，黑糖產物亦於當地誕生，而山見的黑糖豆腐花，口感細滑，甜度與香氣都蠻符合我們的口味喔！ 屬於澎湖的台式美食，還有黃金酥蝦、金沙蝦球、九層塔花枝丸、澎湖海鮮粥...... 等，飲品方面，火掌梳打，同樣絕對不能錯過。店子以阿里山為主題，裝潢處處帶有濃厚的台灣鐵路風情，室內以火車內部為概念的弧形設計，與仿火車包廂的豪華座位，將台灣的獨特風景展現無遺。
繼續閱讀
🤓 今日同朋友去左食火鍋😍，因為去葵芳但又唔想行嚟行去掃街，就嚟左呢到坐定定同frd吹水食飯！環境好舒服，食物都幾有水準，好啱同朋友屋企人一班人去食🥳🫶🏻我哋揀咗：✨ LV.5 - 殿堂和牛海鮮，吃到飽！鴛鴦鍋有鐵路豚骨湯同牡丹美人鍋，湯底非常好味！💗🙂↕️✨日本A4黑毛和牛真係超正，肉質滑嫩，入口即化，😭絕對係呢餐火鍋嘅 MVP！要係level5先可以點，一定要encore好多碟😍>> 其他肉肉都唔錯，🐄澳洲和牛肩胛肉眼，肉質鮮嫩，味道濃郁，非常滿足！牛扑肉口感彈牙，幾好味！頂級無骨牛小排肉質豐腴，都推介🥩仲有多款海鮮😱😱全部都好高級～✨廣島蠔鮮美多汁，真係好正！✨原隻鮑魚味道鮮甜所以話呢餐真係超值，鍾意食海鮮嘅絕對唔可以錯過！另外，而家餐廳做緊《澎湖遊》嘅主題，加左好多特別小食🤣🤣佢哋啲台式小食全部都好正，好多款，就算平時去台式餐廳都無咁多款式😱真係大開眼界🥹當中推介✨火掌梳打清爽可口，甜甜地夏天飲好啱！✨金沙蝦球外脆內嫩，味道一流✨黃金酥蝦香脆可口，好滿足！必點🥰佢哋仲有好多唔同款嘅甜品，🍨個人覺得最驚喜嘅係可以自製芋圓仙草，仲可以自己配搭唔同嘅配料😍😍任添唔嬲！飲品都有好多選擇，😚仲有好多款唔同嘅自家製台式飲品，我嗌咗烏龍珍珠奶茶同埋蘋果愛玉綠茶都唔錯😌今餐真係食得好滿足‼️
繼續閱讀
好掛住台灣美食，唯有食住台式火鍋。呢間原來好多野玩。入門口經理比張明信卡。咁填完放在門口個台式郵筒。就可以參加抽獎。見到門口好多人圍住個夾公仔機，原來每個食客都有2個硬幣。客人食完可以去門口玩。任食火鍋有4個價錢，我哋就揀咗「LV.4 -特選和牛海鮮。吃到飽」我哋揀咗鴛鶩鍋，吉早藥膳牛骨湯/椰子雞湯。藥膳湯香濃又滋補。椰子雞湯用全椰子水。所以好清甜。餐廳而家做緊澎湖主題。所以好多平時少見嘅台灣食品都有：阿公花雕醉雞、夜市鹽酥雞、澎湖蝦滑、七里香雞屁股、福隆刺參、眷村台灣拔絲蔥抓餅、酥炸椒鹽花枝丸、古早麻辣鴨血等……**我覺得以下比較突出：台南烏鷄玉卷：出面少見,食落又爽又滑。 蚵仔煎：夠多蚵仔。即叫即煎，好香。澎湖蝦滑：夠新鮮，食落有粒粒蝦除咗台灣特色食物。其他主要肉類、海鮮選擇都好多：無骨牛小排、月見封門柳、牛爽腩、梅花肉、澳洲和牛肩胛肉眼、牛扑肉、脆肉鯇魚片、福隆沙白、新鮮白鱔片、黃金鮮蝦球、無骨黑魚片、砂爆魚肚、黃金蒜茸蒜扇貝…..我個人偏好：鮑魚：大大隻，淥一淥已夠稔，好味。花膠：夠大件，又軟熟，配合藥膳湯底好夾。牛扑肉（CAB 牛頸脊）: 品質最高的安格斯牛會被冠上『CAB認證』，呢度啲牛扑肉，油花夠密，肉味濃郁，肉質柔嫩。澳洲和牛肩胛肉眼：脂肪比例均勻，幼嫩中帶少許咬口，牛肉味道香濃。自助吧選擇亦都非常多，有台灣腸、滷肉飯、各款蔬菜、丸類、仲有各款台式糖水、甜品、飲品。大滿足👍**食完出去夾公仔，居然夾中咗熊仔。今餐火鍋，又食又玩好開心。
繼續閱讀