影片
開飯介紹
主打任飲任食涮涮鍋及壽喜燒，湯底有數十款選擇。任食配菜款式多，更有各類熟食和自助甜品區供應乳酪雪糕。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
今日經過希慎廣場，見到人氣火鍋店，做緊韓國美食主題😍 除咗有各款唔同等級嘅日式火鍋之外，仲可以任食韓國祭美食😋😋 包括有韓式鮑魚人蔘雞湯 、韓國手工餃子、韓國泡菜餃 、辛辣麵 、韓國真拉麵 等等🤩🤩 仲有蜂蜜牛油味雪糕😍😍😍 晚市更加有韓式炸雞添🤩🤩 平時佢嘅火鍋已經好好，加埋韓國美食主題真係更加吸引，所以即刻入去試下🫶🏻🌟嚴選澳洲和牛+海鮮放題 $348 （90分鐘）講吓個湯底先，有好多款湯底可以選擇，仲有韓式泡菜鍋🫶🏻 朋友食唔到辣，所以我哋揀咗壽喜燒湯底😎 呢個壽喜燒湯底襯佢嘅靚牛，真係好正😋 🥩任食嘅肉類真係好多選擇🤩 包括澳洲轂飼黑安格斯牛、美國極黑牛、特選牛小排、prime美國肩胛肉眼等等😍 仲有日本嘅豚肉、雞肉，全部質素都好靚🥰 我哋就最鍾意澳洲轂飼黑安格斯牛，每一塊都大大片，肥瘦適中，牛味濃郁，點就係燒汁同埋日本雞蛋一齊食，真係勁正勁滿足🤤 🦐海鮮方面都好高質，有蝦、扇貝、青口、魷魚等等😃 全部都係新鮮，絕對唔係啲雪藏次貨😎 如果鍾意食海鮮嘅話你一定會好開心😆 🧆除咗肉類之外，當然仲有好多小食啦🥰 我哋好鍾意食佢嘅芝士焗扇貝，encore咗幾次😋🥙自助區嘅選擇都好多，除咗平時有嘅菜、關東煮、炸物之外，今次仲有韓國美食😋最吸睛嘅一定係韓式鮑魚人蔘雞湯😃😃 有原隻鮑魚🤩人蔘雞湯都好好味，飲完覺得好滋補😆 🍦自助區可以自己唧雪糕，今次有蜂蜜牛油味雪糕🤩🤩真係好特別，好似食緊蜂蜜牛油味薯片咁😋 另外仲有Movenpick 雪糕👍 🧃飲品區都好多選擇，有韓式飲品、汽水、茶😎牛気火鍋配料真係好高質，加埋定期有啲特別嘅主題，真係好開心
繼續閱讀
🍴🍽🍴🍽🍴🍽️🥘🥘🥘🥘🥘🍴🍽🍴🍽🍴🍽🥘Lv4: 澳洲穀飼黑安格斯牛 + SRF 美國極黑牛放題 + 海鮮放題 $298🥩肉類🥢日本九州和牛肩胛肉眼 🆙🥢澳洲極上和牛 🆗🥢澳洲穀飼黑安格斯牛 🆙🥢SRF美國極黑牛 🆗4款之中最鍾意日本九州和牛肩胛肉眼，大理石花紋均勻，脂肪豐潤多汁！其次喺澳洲穀飼黑安格斯牛，牛味濃郁，口感軟嫩🤩。🇹🇭泰式主題限定食品🇹🇭🥢泰式船麵湯底 🆙期間限定嘅船麵湯底味道濃郁，調味適宜👍🏻。🥢金不換炒肉碎 🆗以五花肉製成肉碎，混合泰國香料，燒得金黃脆口，配搭埋新生菜減低油膩感，口感更豐富😋。🥢手塢黃咖哩牛筋腩 🆗牛筋腩加入咗黃咖哩醬炆煮，充分吸收囇濃濃嘅咖喱味，牛筋腩口感軟嫩有嚼勁👍🏻。🥢泰式酸辣炒飯 🆗炒飯粒粒分明，吸收咗酸辣醬料嘅精華🤤。🥢海鮮冬蔭公湯 🆗冬蔭公湯加入咗海鮮如大蝦同青口，鮮味同湯底嘅香料酸辣味完美交織，味道豐富濃郁。🥢MAMA清湯冬粉/碎豬肉麵 🆗🥢榴槤巴斯克 🆙🥢泰式奶茶雪糕 🆙📌另有自助吧熱食、冷盤、甜品、小食🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 7.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8/10
服務 𝗦𝗲𝗿𝘃𝗶𝗰𝗲 8/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 8/10
整體 𝗢𝘃𝗲𝗿𝗮𝗹𝗹 7.87/10-🍴🍽🍴🍽🍴🍽🥘🥘🥘🥘🥘🍴🍽🍴🍽🍴🍽-🗺 牛気 (希慎廣場) (銅鑼灣)銅鑼灣軒尼詩道500號希慎廣場14樓1404-1405號舖
繼續閱讀
最近好掛住香港嘅binlo!! 即刻上網搵下唔同menu睇下有咩抵食嘅套餐😋。最後，我同朋友決定到牛気用餐。當日下午去到希慎嘅牛気，叫左L4. 澳洲穀飼黑安格斯牛+SRF美國極黑牛放題+海鮮放題，$298一位。餐廳好乾淨，坐得好舒服～ 而且仲見到店員會時常refill 同抹乾淨👍🏻👍🏻。最吸引我嘅係餐廳做緊泰式主題！多款泰式食物例如生菜包肉、無骨鳳爪、豬頸肉沙律等等都任食。最正係仲有好多榴槤食物例如榴槤蛋撻、榴槤炸彈、榴槤巴斯克蛋糕都可以無限品嘗。泰式船麵湯底適逢泰式主題，店員推薦我地試試個船麵湯底，又提醒我地個湯底帶微辣～ 湯底好濃味，香料味十足，用嚟做binlo湯底都幾特別幾夾。SRF美國極黑牛美國極黑牛油脂分佈平均，食落特別嫩滑，軟淋，而且唔膩。澳洲穀飼黑安格斯牛黑安格斯牛就肉味多啲，切嘅厚薄適中，適合用嚟打binlo。特選雞腿肉雞肉大大件，好厚肉，食落好滑。特選豚肉我認為豚肉同船面湯底最夾，兩者唔會過搶，但帶到豬嘅味道得嚟，仲帶到湯底嘅甜味。大蝦蝦好鮮甜，大大隻，食落肉質彈牙。帆立貝帆立貝好大隻，好厚肉，肉質鮮甜。魷魚魷魚夠彈牙，而且好新鮮。炸鮮奶炸鮮奶外脆內軟，鮮甜好滑好甜，奶香味十足。榴槤蛋撻啱啱講到有各款榴槤美食品嚐，等我分享下先。榴槤蛋撻塔皮好脆，係曲奇皮。榴槤陷好濃郁。榴槤巴斯克蛋糕蛋糕質地好滑，好creamy，芝士味濃郁，又食到榴槤肉。D24榴槤酥皮撻L4套餐仲可以任食D24榴槤酥皮撻！酥皮撻好酥脆啊，上面有一球純榴槤肉，好正，味道好濃郁。
繼續閱讀
牛氣火鍋放題，三文魚，海鮮，高質和牛任食，仲有一堆熟食，包括關東煮🍢同埋茶碗蒸。之前一直去開TST分店，呢間分店算full，第一次見門口要等位，不過服務員都無太催我地交檯，捧住個肚走，好滿足。又估唔到希慎分店又幾光猛，乾淨同夠寬落。熟食嘅選擇，嘢飲嘅種類都比另外一間分店多，做埋會員仲可以即刻用個優惠，送左碟九州產黑毛和牛，壽喜燒湯底世一，最夾和牛，淥咩都咁好食，如果唔夠甜仲可以叫店員幫你加糖，雖然係邪惡啲，但壽司燒梗係甜甜地先好食。
繼續閱讀
位置希慎廣場14樓環境寬敞舒適乾淨食物質素高💯性價比不錯揀左Lv4既澳洲穀飼黑安格斯牛 + SRF 美國極黑牛放題 + 海鮮放題湯底揀左最近新推既泰國主題既船麵湯底同蕃茄湯底兩個湯底都好濃郁又足料肉類方面推薦澳洲穀飼黑安格斯牛同 SRF 美國極黑牛 兩款油花均勻肉味又濃海鮮方面有日本帆立貝,青口,大海蝦,脆鯛魚片同爽脆水魷等自助區亦有多種配菜可以選擇有南瓜,羽衣甘藍,山藥,蕃茄,白蘿蔔,海帶結,萵筍,豆卜,牛丸,魚丸芝士,包心丸同關東煮等仲有多款甜品同飲品可以自取真係好豐富!推薦要試D24榴槤酥皮撻同分店限定既十勝紅豆豆乳冰豆花😋
繼續閱讀