影片
港鐵銅鑼灣站 A 出口, 步行約3分鐘
繼續閱讀
電話號碼
55602606
營業時間
今日營業
12:00 - 03:00
星期一至四
12:00 - 02:00
星期五至六
12:00 - 03:00
星期日
12:00 - 02:00
公眾假期前夕
12:00 - 03:00
以上資料只供參考, 請與餐廳確認詳情
影片
相片
FRENCH 125
+358
+35
食家推介
玩味貧民窟漢堡包店「Ghetto Burger」由旺角開到銅鑼灣，新店同以橙色為主調，延續 Hiphop 文化主題，播放不同國家 Hiphop 音樂；店內以霓虹燈及多幅香港塗鴉藝術家創作的塗鴉作裝飾，混合美式漢堡店及本土風格新店除了提供漢堡包、小食及飲品外，晚上 7 時後會更有專業調酒師製作出多款限定 Cocktail----------🔹午市套餐：貧民窟大魔王漢堡 (薯餅煙肉烤洋蔥雙層芝味牛堡) $138配粗薯條及指定飲品，加煎蛋 $10賣相可人很好打卡的巨型漢堡圓拱形的漢堡包鬆軟細密帶牛油及麥香；雙層漢堡扒緊實細緻有彈性更帶點筋膜， Juicy 又富牛香，煎蛋做到微燶邊及流心狀態；加上鹹香豐富的半溶芝士、煎香的洋蔥及酸甜平衡的醬汁，無論口感及味道層次皆非常豐富，滋味大滿足粗薯條以輕量鹽調味，炸得輕脆而帶薯香，口感一流飲品點選檸檬茶龍舌蘭 $55，再按正價減 $10；檸檬茶香配搭味道純淨輕盈，口感醇厚的龍舌蘭，解渴解膩又低甜----------🔹午市套餐：滋味粒粒巨蝦堡 $108配炸洋蔥圈 (+$10) 及指定飲品加入番茄及生菜的蝦堡色彩鮮艷，同樣適合打卡蝦堡有一定厚度，煎至表面輕脆，口感爽彈嫩滑有蝦膠的感覺，更食到粒粒新鮮蝦肉，加上滋味蛋黃醬及新鮮解膩的爽脆生菜及番茄，味蕾滿足又無膩感洋蔥圈炸漿不厚，炸得乾身，洋蔥香十足；飲品蘋果汁有啖啖蘋果香卻一點也不覺甜
繼續閱讀
Ghetto Burger 醒目的橙色門面和塗鴉藝術裝飾，營造出美式街頭的活力氛圍，與餐廳主打的美式漢堡一脈相乘。必試的「貧民窟大魔王漢堡」由雙層牛肉漢堡組成，堅持手打製作的漢堡，每一口都能品嚐到肉汁的鮮甜和香氣，配搭香濃芝士、酥脆薯餅、煙肉和烤洋蔥，份量十足，口感豐富，讓人欲罷不能。Craving a taste of American street culture? Look no further than Ghetto Burger! Their signature dish, the Ghetto Kingpin Burger, features double-decker beef patty, piled high with cheese, crispy hash browns, bacon, and grilled onions, is an explosion of flavors that will have you reaching for another bite before you’ve even finished the first.
繼續閱讀
今日同朋友嚟銅鑼灣行街 行到有啲肚餓咁啱見到呢間新開分店 鮮橙銀色主題惹人注目加上牆身夜光塗鴉同霓虹燈 夜晚開埋酒吧氣氛好好同埋最近喺社交平台度 見到好多靚女都有過嚟打卡所以決定入嚟試吓 叫咗以下幾樣嘢食～- - - - - - - - - - - - - - - - - - - - - - - - 1. 滋味粒粒巨蝦堡其實個漢堡包真係好大 份量十足包面同平時出面食個啲唔同 比較鬆軟同埋食到陣陣牛油香味 有飽足感～掀開睇睇 除咗生菜、番茄 仲有厚身蝦餅蝦餅爽口彈牙 好似食緊巨大化嘅炸蝦滑咁入面仲加咗啲千島醬 多陣奶油蛋香2. 黑松露芝味牛肉漢堡呢個漢堡包嘅包面都係一樣 鬆軟、有牛油香入面都係有生菜同番茄 不過當我掀開嗰陣望落有種澎湃感覺 因為啲黑松露醬係咁流出嚟仲要配埋咸香芝士 多種柔軟融化口感塊牛煎到外脆內嫩有汁 滋味程度大大提升～3. 炸雞塊＋薯餅(2塊)兩款炸物都好唔錯 炸到外脆內軟雞塊入面保持到佢嘅嫩肉狀態我哋有加咗紫菜粉 但係本身都配有芝士醬兩樣一齊覺得太重口味 加落薯條好啲另外薯餅就配茄汁 口感綿密 好有薯仔粒味～4. 士多啤梨smoothie＋青提子汁食漢堡同炸嘢配啤酒係最好 不過我哋唔飲得酒所以叫咗呢兩杯無酒精飲品 兩款都係清新為主士多啤梨smoothie唔酸 好有果香飲落唔會覺得好多沙冰 口感反而順滑豐潤青提子汁味道比較清新 好啱食完重口味嘅食物可以飲吓青提子汁過口 等你唔會味覺交錯
繼續閱讀
【打卡小店📍 型格美式快餐店進駐港島🧡 多款JUICY厚肉漢堡✨】推薦程度：●●●●●抵食程度：●●●●○———原來佢哋喺銅鑼灣開咗新店❣️ 而且超近地鐵站、時代廣場附近就係～ 保留咗型式美式嘅裝潢😎 配以signature嘅橙色係主調，輕鬆影出型格風🧡 食物水準好似更好了⁉️ 而且7pm後仲有Cocktail供應🍹 啱晒放工去chill下影下相🫶🏻🍔 黑松露芝味牛肉漢堡｜套餐$96牛油麵包好軟熟、回彈力💯 牛肉好厚身，但保持到juicy多汁💦 食落好似手打漢堡咁，肉質唔會死實，好鬆軟✨黑松露醬好濃郁、配埋芝士鹹香十足🧀 但都蓋唔住牛嘅滋味🔥 特別推介俾牛魔王🔥🍔 滋味粒粒巨蝦堡｜套餐$113冇諗過蝦堡都可以咁厚身💥 炸粉唔厚身，但非常香脆可口🥹 內裡蝦堡係係眼肉可見、食到一粒粒蝦🦐 唔乾身、好惹味✨ 配埋醬料食晒都唔重膩感，非常好🙌🏻🍟 薯條｜跟餐免費好重好濃嘅黑胡椒味、帶微微辛感，比落鹽更惹味🔥 幼薯條外脆內綿密，而且新鮮炸起熱辣辣，令人吃之不厭🥰🥨 炸洋蔥圈｜跟餐+$10勁爆脆口💥 脆到可以拍ASMR💥 外表炸得夠乾身但保持到內裡洋蔥唔乾，平凡中的不平凡，好食🤤🍹檸檬茶龍舌蘭｜跟餐+$45聞起嚟同入口第一下都係好香檸檬茶味🍋 用上龍舌蘭都唔嗆喉，味道比較溫馴同埋大眾化🙌🏻 只有5%酒精，係放工鬆一鬆嘅微熏之選🥰
繼續閱讀
放工約咗幾個朋友一齊落銅鑼灣，去咗Times Square後面一間漢堡包小店，諗住chill吓傾吓八卦嘢🤭 途經呢條街嘅一定會發現到呢間漢堡包店嘅存在，醒目嘅橙色設計，加上入面整幅牆的Graffiti，我去到嘅時候，剛剛有兩個外藉食客喺入面，有一刻以為自己去咗美國🇺🇸 貧民窟大魔王漢堡 ⭐️⭐️⭐️⭐️⭐️聽到個名都覺得勁，真身好巨型份量好足！入面有我最鍾意嘅薯餅、煙肉、大量嘅烤洋蔥、當然唔少得牛肉啦😎 牛肉咬落口勁juicy，所以要小心手仔唔好滴濕整污糟～ 烤洋蔥有濃烈嘅焦香味，甜甜地所以勁啱我就口味！最後我食淨幾啖真係食唔晒，我就挑咗塊薯餅出嚟食埋佢就要收工了～ 滋味粒粒巨蝦堡 ⭐️⭐️⭐️⭐️⭐️好係大舊蝦餅呀🦐🦐🦐 蝦餅由好多好多蝦整成，唔同出面有啲做法係將蝦切成蓉，所以食落有咬口好多👍🏻 蝦餅外面再炸到脆卜卜，朋友一邊食一邊話好味😋大啡菇芝味牛肉漢堡 ⭐️⭐️⭐️⭐️⭐️唔駛講都知又係一個份量十足嘅漢堡～ 今次呢個牛堡配上多汁大啡菇，juicy程度更加上一層樓，食落會比起其他漢堡清爽啲，心理上又健康啲，又可以食多啲啦🤭塔塔醬魚柳漢堡 ⭐️⭐️⭐️⭐️⭐️呢個係眾多漢堡中比較基本款，但唔好以為好似快餐店咁頹喎～ 首先魚柳超大塊，朋友仲要話魚柳係打孖上😳 本身佢話唔太餓所以揀個魚柳漢堡，點知原來低估咗🤣漢堡加$18可以轉套餐，配薯條同埋飲品～ 再加$10就可以將薯條轉做其他小食例如甜薯條、芝士墨西哥粟米片、炸洋蔥圈～ 我地咁貪心，當然咩都試吓啦😍薯條 ⭐️⭐️⭐️⭐️薯條唔算粗，食落外脆內軟，我地無加錢轉其他醬料，如果可以免費有幾款醬揀，就一定更perfect啦😙炸洋蔥圈 ⭐️⭐️⭐️⭐️⭐️呢個真係my favorite，洋蔥圈圓碌碌，雖然外面炸到金黃色，但入面嘅洋蔥仍然好多汁，簡直食唔停呀！芝士墨西哥粟米片 ⭐️⭐️⭐️⭐️同行有朋友係nachos超級fans！今次呢份配上濃濃芝士醬，唔覺唔覺俾朋友掃晒😳甜薯條 ⭐️⭐️⭐️⭐️⭐️4個小食個人最推薦呢款～ 食咗咁多咸點，突然食返個甜薯條，覺得味蕾立即醒一醒，好正👍🏻
繼續閱讀
您可能會有興趣的...