影片
更多
2020-09-21
445 瀏覽
星期六又係同呀媽四周圍行下覓食嘅親子時光，🤣潮媽睇完Youtuber介紹就話想食依間位於炮台山嘅「魚事者」。難得佢有好提議，我梗係奉陪到底。餐廳門口已經好引人注目，因為係用上大熱嘅湖水綠色做主色調😍，令人舒服之餘又唔造作。不過環境面積頗細，繁忙時間都幾大機會要等位。餐廳改個咁特別嘅名，當然有玄機喺入面！你無估錯，絕大部份菜式都係關「魚」事㗎🐟，魚類製品全面進場，包括魚麵同魚湯等。食物價錢大眾化，但留意番份量係偏精緻，男仔可能要嗌多少少小食先夠食。由於樣樣食物都好過癮，全部都想試，所以我哋叫多咗啲啲...，真係啲咁多🙈。黑白鴛鴦春卷配黃錦錦咖喱湯爽彈魚麵($46)，🍜湯麵(即係有得揀至係老闆系列)可以自選湯底同麵底。阿媽本身有興趣試車仔麵嗰款，但原來嗰款湯底指定咗，於是就轉戰春卷。「黑白鴛鴦」春卷係指魚同墨魚，而咖喱湯🥘聞落超香，食落都OK！麵底當然試招牌魚麵，另有得揀米線或者米粉。泰式-蝦頭油炸蝦球魚麵撈($66)，輕鬆Come撈魚麵系列有幾款揀，港西日泰川式任你選擇😉。我揀咗🇨🇷泰式口味，撈麵造型吸引，而且非常夠汁，但我認為味道可以再重口味啲，貫徹番泰菜嗰種酸酸辣辣嘅感覺。無論湯煮定
餐廳門口已經好引人注目，因為係用上大熱嘅湖水綠色做主色調😍，令人舒服之餘又唔造作。不過環境面積頗細，繁忙時間都幾大機會要等位。
餐廳改個咁特別嘅名，當然有玄機喺入面！你無估錯，絕大部份菜式都係關「魚」事㗎🐟，魚類製品全面進場，包括魚麵同魚湯等。
食物價錢大眾化，但留意番份量係偏精緻，男仔可能要嗌多少少小食先夠食。由於樣樣食物都好過癮，全部都想試，所以我哋叫多咗啲啲...，真係啲咁多🙈。
黑白鴛鴦春卷配黃錦錦咖喱湯爽彈魚麵($46)，🍜湯麵(即係有得揀至係老闆系列)可以自選湯底同麵底。阿媽本身有興趣試車仔麵嗰款，但原來嗰款湯底指定咗，於是就轉戰春卷。「黑白鴛鴦」春卷係指魚同墨魚，而咖喱湯🥘聞落超香，食落都OK！麵底當然試招牌魚麵，另有得揀米線或者米粉。
泰式-蝦頭油炸蝦球魚麵撈($66)，輕鬆Come撈魚麵系列有幾款揀，港西日泰川式任你選擇😉。我揀咗🇨🇷泰式口味，撈麵造型吸引，而且非常夠汁，但我認為味道可以再重口味啲，貫徹番泰菜嗰種酸酸辣辣嘅感覺。無論湯煮定汁撈，魚麵都係十分彈牙，魚肉嘅比例拿捏得好好。不過唔知係咪錯覺，湯麵份量好似多啲。
下午茶B: 吉列豬扒 + 炸魚無薯條 + 魚粒莎莎($43)，叫呢份餐係因為想食「無薯條」，嗌餐抵過單點嘛。🐷吉列豬扒上碟時經已切件兼去骨，食用方便，吉列皮炸得好脆，而豬扒就並非厚切。至於主角「炸魚無薯條Fish AS Chips🐟❌🍟」真係不得不介紹，個樣完完全全係麥記嗰種幼身炸薯條，點知佢係毫無薯仔成份🥔，基本上佢係條狀炸魚蛋。味道唔錯之餘，又夠哂趣！
下午茶F: 港式多士三併配黑松露醬($33)，🍞三拼多士好吸引，包埋魚、蝦同墨魚，三款味道分別唔太大，但同樣係好食😋。因為魚肉層唔太薄，而多士就夠脆，不過一定要襯熱食哦～。大部份餐均會配上沙律菜🥗，好似係健康啲(除非唔係)。
手工魚皮($26)，呢個相對普通，因為就只係魚皮囉，而且碎濕濕咗啲😳。不過搭配嘅「雙子醬」就幾惹味，滿滿嘅蟹籽溝明太子醬。
魚湯翡翠苗($16)，菜苗草青味走唔甩，但都預咗🌱，哈哈。魚湯唔濃郁亦唔腥，清清哋。
梳肝花茶系列有四款揀(原價$18, 下午茶轉跟$5)，我哋要咗蝶豆花檸蜜茶💜同桂花雪梨綠茶💚，兩杯隻色都好靚。味道就正正常常啦，唔會過甜，我鍾意蝶豆花嗰杯多啲。
題外話，小店係新開，店員好好人特意送咗兩個♻️環保摺疊式餐盒畀我哋，用佢嚟買外賣仲有得減幾蚊添！
總括嚟講，餐廳係難得嘅特色店，因為係專賣魚製品(並非鮮魚)，味道老少咸宜，除非真係好憎食魚(蛋)嘅人啦😂。雖然最後我哋係食咗好多嘢，每人消費過百，但換個角度睇呢餐咁豐富，性價比都算唔錯。
張貼
