影片
更多
2022-01-16
1512 瀏覽
星期日喺上環交收完，時間已經不早，所以我哋就嗱嗱臨搵吓附近邊度仲有嘢食，最終喺歌賦街發現「拾味正宗刀削麵館」仍未關門😆。其實餐廳都差唔多收市，不過仲有外賣訂單煮緊，所以就招呼埋我哋。小店環境正正常常，原來行到入去都仲有幾多座位。不過值得一提嘅係門口位置風格好唔同，設有裝飾擺設同室外位，感覺似足打卡Cafe✨。餐廳菜式選擇非常多，餸料配搭讓人花多眼亂👀。即使係刀削麵，你都有得揀湯底、冷拌或熱拌等。此外，佢亦提供上海菜飯。主食定價介乎$45-$65不等，我認為喺中環區算係咁啦，而且份量又夠多👍，返工食佢做晏都應該幾滿足。麻辣牛腩湯刀削麵($55)，加配麻辣金錢肚($10)，嗌麻辣餸料的話，麵同餸會分開上。估唔到淨湯麵本身都咁吸引到我🍜，開初以為湯頭好啖，點知好好飲，高湯用上豬骨同雞殼長時間熬製，味道香濃走味精，加上暖笠笠，飲落好舒服🤤。麻辣餸料方面，睇佢個樣充滿辣椒蒜蓉會被佢嚇親🌶️，但實際上只要唔專登沾啲辣油其實都OK。牛腩大大件，頗有口感的；而金錢肚就係預期中嘅爽彈🐮。手撕雞熱拌刀削麵($60)，加配豬頸肉($10)，如果天氣唔係咁凍，我一定會選擇冷麵❄️，但咁嘅天時就一於試吓熱拌！熱拌嘅
星期日喺上環交收完，時間已經不早，所以我哋就嗱嗱臨搵吓附近邊度仲有嘢食，最終喺歌賦街發現「拾味正宗刀削麵館」仍未關門😆。其實餐廳都差唔多收市，不過仲有外賣訂單煮緊，所以就招呼埋我哋。
小店環境正正常常，原來行到入去都仲有幾多座位。不過值得一提嘅係門口位置風格好唔同，設有裝飾擺設同室外位，感覺似足打卡Cafe✨。
餐廳菜式選擇非常多，餸料配搭讓人花多眼亂👀。即使係刀削麵，你都有得揀湯底、冷拌或熱拌等。此外，佢亦提供上海菜飯。
主食定價介乎$45-$65不等，我認為喺中環區算係咁啦，而且份量又夠多👍，返工食佢做晏都應該幾滿足。
湯刀削麵
15 瀏覽
0 讚好
0 留言
手撕雞熱拌刀削麵($60)，加配豬頸肉($10)，如果天氣唔係咁凍，我一定會選擇冷麵❄️，但咁嘅天時就一於試吓熱拌！熱拌嘅醬汁由四川擔擔醬同醬油所組成，撈埋食幾惹味，又唔會乾噌噌。餸料我要咗手撕雞🐔同豬頸肉🐷，雞絲非常適合撈麵，當中混入咗青瓜絲，以豐富口感；而豬頸肉經煎香咗都唔錯。最後當然要講返刀削麵，麵條相當高質，佢做得到海報上所寫嘅「外滑內筋、軟而不黏」，口感極具嚼勁又掛汁。
飲品方面，我哋要咗凍豆漿(+$6)同凍蜂蜜綠茶(+$8)，兩杯都麻麻哋，主要係因為唔夠凍，係室溫，有一刻我甚至懷疑係咪叫咗熱飲🙈。我認為如果真係好口渴先嗌啦。
總括嚟講，刀削麵館令人喜出望外，食物味道同價錢兩方面都攞高分，👨🏻🍳廚師用心製作出正宗兼具風味嘅刀削麵，無負呢樣美食之名。題外話，餐廳係一間撐香港人嘅小店嚟㗎💛。
張貼
