影片
更多
2023-08-10
23 瀏覽
成日經過見到都以為冇做生意🥺！原來係有開的，而且內有乾坤😨食材來自世界各地，即叫即煮，保證新鮮。餐廳燈光昏暗，紫色光為主，充滿神秘感，幾有情調👯♀️👩❤️👨如果想去食記得要提前訂位😳因為嗰日比較多人所以我哋就冇得坐吧枱位，要坐梳化位，但係都一樣咁有feel😝如果想坐吧枱嘅話記得book位嗰陣講埋，咁就包保有吧枱位坐！◼️午市廚師發板套餐 $688/一人 (我哋兩個人去食～💗)▫️沙律：泡泡煙三文魚沙律第一道菜已經有視覺上嘅震撼，洗潔精嘅泡泡都可以食？原來係沙律味嘅泡泡(可食用😂)煙三文魚口感柔軟順滑，淡淡嘅鹹味，配埋沙律菜一齊食更加清新🌿▫️前菜：金箔蟹籽帕馬火腿配菠蘿無論口感定味道都爆分嘅一道菜，個人建議一啖過食，會感受到火腿嘅鹹香，同菠蘿嘅鮮甜，上面嘅蟹籽亦增加咗成道菜嘅口感😎▫️鐵板海鮮兩品(每碟有兩道海鮮)-蒜香南非鮑魚：爽口彈牙，蒜香味濃郁，而且都大隻😋-黑松露牛油帆立貝：黑松露好加分，食完個帆立貝都係咁點個黑松露汁食。帆立貝肉質結實～-蘇格蘭聖子配蘆筍野菌：炒蘆筍同聖子都好新鮮爽口-煎鰻魚：好香，外皮焦脆，內裏魚肉鮮嫩結實▫️鐵板肉類一品：五成熟澳洲牛柳+豚肉牛柳超嫩😜一啲都唔韌！
如果想去食記得要提前訂位😳因為嗰日比較多人所以我哋就冇得坐吧枱位，要坐梳化位，但係都一樣咁有feel😝如果想坐吧枱嘅話記得book位嗰陣講埋，咁就包保有吧枱位坐！
◼️午市廚師發板套餐 $688/一人 (我哋兩個人去食～💗)
▫️沙律：泡泡煙三文魚沙律
第一道菜已經有視覺上嘅震撼，洗潔精嘅泡泡都可以食？原來係沙律味嘅泡泡(可食用😂)
煙三文魚口感柔軟順滑，淡淡嘅鹹味，配埋沙律菜一齊食更加清新🌿
▫️前菜：金箔蟹籽帕馬火腿配菠蘿
無論口感定味道都爆分嘅一道菜，個人建議一啖過食，會感受到火腿嘅鹹香，同菠蘿嘅鮮甜，上面嘅蟹籽亦增加咗成道菜嘅口感😎
▫️鐵板海鮮兩品(每碟有兩道海鮮)
-蒜香南非鮑魚：爽口彈牙，蒜香味濃郁，而且都大隻😋
-黑松露牛油帆立貝：黑松露好加分，食完個帆立貝都係咁點個黑松露汁食。帆立貝肉質結實～
-蘇格蘭聖子配蘆筍野菌：炒蘆筍同聖子都好新鮮爽口
-煎鰻魚：好香，外皮焦脆，內裏魚肉鮮嫩結實
▫️鐵板肉類一品：五成熟澳洲牛柳+豚肉
牛柳超嫩😜一啲都唔韌！煎得啱啱好。個人認為唔使任何醬汁已經好好食口感超好，但旁邊都有炸蒜片同埋芥末，配搭起嚟食又係另一種風味😍
豚肉外皮煎至微焦，內裏意想不到地Juicy，口感香軟鮮嫩🥰
▫️炒飯
一上碟已經聞到蛋香味🤤飯粒經過鐵板高溫翻炒，粒粒分明，比較乾身，食完唔會好油膩同有罪惡感！
▫️ 湯：味噌湯
一睇個豆腐就知考驗刀工，豆香味濃，入口即融嘅感覺
▫️甜品：紅豆pancake
Pancake蛋香味濃郁，口感鬆軟又有少許煙韌，包裹住滿滿嘅紅豆餡同吉士醬，以呢個甜品作收尾大滿足🤤
️▫️啤酒🍻 $88
食完咁多道菜就好似飛咗去唔同國家咁，每樣食材都發揮到佢嘅鮮味同特色，而且擺盤十分精緻有美感，打卡一流😍
📍 大埔翠樂街11號美豐花園地下10號舖
張貼
