影片
更多
2024-06-07
29 瀏覽
係日本之旅回歸香港不夠一個月，又開始懷念日本既食物，老婆見到我咁樣，就揾左間Omakase比我止止癮。重房位於銅鑼灣加路連山道，係一個靜中帶旺既地方，走入餐廳感到空間闊落，裝修典雅，座位大概可以容納十數人。重房晚餐時間只有一個餐牌，當中有十七八道菜，餐廳提供多款清酒，會定期更換，除左可以原枝購買，還可以散叫120ML首先前菜係三文魚子佐菠菜，嫩綠既菠菜配淡淡魚子鮮味，好清新。土佐醋醃虎蝦，蝦肉肉質結實搭配青瓜海草，味道酸酸的，好開胃既前菜。九州白身象拔蚌切條，大將添加了少少岩鹽，口感彈牙，每咬一口甜味就滲出來，岩鹽襯托出鮮甜感。四國蜜柑鯛加蜜柑皮同少許醬油，入口好清新，魚肉淡淡甜味，食完越來越期待下一道菜式。長崎華漣蠔，係日本蠔界No.1，配上芽葱，辣蘿蔔蓉同醋啫喱，入口濃烈奶油味又不失爽脆既口感，不愧為海洋既牛奶。鮟鱅魚肝混合黃蘿蔔再以燒脆鱈魚乾墊底，蘿蔔既爽脆感，配上滑溜既鮟鱅魚肝，咁既組合又特別又惹味，仲好下酒！醋鯖魚芽葱醃生薑手卷，大將解釋係用來去除上一道鮟鱅魚肝濃烈既味道，入口好清新舒服，酸甜既味道剛好消除口中既油膩感。腦天大拖羅手卷，燒過既腦天香氣撲鼻，入口感受到冷熱温差，
重房晚餐時間只有一個餐牌，當中有十七八道菜，餐廳提供多款清酒，會定期更換，除左可以原枝購買，還可以散叫120ML
首先前菜係三文魚子佐菠菜，嫩綠既菠菜配淡淡魚子鮮味，好清新。土佐醋醃虎蝦，蝦肉肉質結實搭配青瓜海草，味道酸酸的，好開胃既前菜。
九州白身象拔蚌切條，大將添加了少少岩鹽，口感彈牙，每咬一口甜味就滲出來，岩鹽襯托出鮮甜感。
四國蜜柑鯛加蜜柑皮同少許醬油，入口好清新，魚肉淡淡甜味，食完越來越期待下一道菜式。
長崎華漣蠔，係日本蠔界No.1，配上芽葱，辣蘿蔔蓉同醋啫喱，入口濃烈奶油味又不失爽脆既口感，不愧為海洋既牛奶。
鮟鱅魚肝混合黃蘿蔔再以燒脆鱈魚乾墊底，蘿蔔既爽脆感，配上滑溜既鮟鱅魚肝，咁既組合又特別又惹味，仲好下酒！
醋鯖魚芽葱醃生薑手卷，大將解釋係用來去除上一道鮟鱅魚肝濃烈既味道，入口好清新舒服，酸甜既味道剛好消除口中既油膩感。
腦天大拖羅手卷，燒過既腦天香氣撲鼻，入口感受到冷熱温差，大拖羅入口即溶，幸好有炒過既鹽同紫蘇葉調和味道，食落好舒服唔會太油膩。
螢光魷魚配京都五色芝麻碎，螢光魷魚只有短短兩個幾月可以食到，今日已經係水尾，過幾日就無，一隻小小魷魚呈現出鮮甜濃縮既味道，真係食極都唔夠。磯煮鮑魚，係醬汁浸左兩日，口感好軟糯，一口就咬斷，拌上鮑魚既精華鮑魚肝醬，鮮甜美味。
燒吞拿魚下巴，魚油好豐富，魚肉份量好夠，魚皮都煎到脆香。伴隨既南瓜湯球分子料理，整顆放入口，係口中爆開，南瓜味四濺。
赤貝壽司，大將在赤貝上切花，加上輕微檸檬汁，口感爽脆，味道鮮甜。
鹿兒島金目鯛壽司，外層火炙一下，再加上九州烏魚子添咸香味，口味意想不到的清新，魚肉好嫩滑。
赤身醬油漬壽司，加上柚子胡椒，一個好新奇既配搭，一試難忘。
深海池魚壽司，大將唔直接火炙，加熱鐵網係魚肉上烤出網紋，魚油香氣四溢，魚肉鮮味滿滿。
海膽手卷，用上北海道馬糞海膽，多到滿瀉既海膽，完全係海膽放題，成口都係海洋既甜味。
最後以魚湯烏冬同酒心櫻桃千層蛋糕作結，魚湯每啖都係濃烈既魚味，配上稻庭烏冬，飲酒之後食真係一絕。千層蛋糕甜而不膩，我平時唔好甜點都食哂。
全晚大將都細心講解每一道菜既由來，用料，食法，每有疑問處大將都一一解答，成餐飯體驗相當舒服。有趣的是成晚刺身煮物比例比壽司還多，每道都別有一番風味，睇到大將既廚藝之餘，更感受到他既用心，我哋兩個食完都好滿意。
張貼
