影片
更多
2020-10-24
714 瀏覽
呢晚放工出咗中環搵朋友食飯，佢話帶我去食一間性價比高西餐廳「Cuisine Culture 」。無佢帶路我真係未必識嚟😳，不過位置其實喺正中環核心地帶，方便之極。第一眼望到餐廳唔知點解覺得好有聖誕氣氛🎄，哈哈。餐廳環境簡簡單單，幾舒服，燈光偏昏暗，感覺令人放鬆，特別係忙碌返完工一日嘛。男店員全程都勁友善、超好人，服務到位👍。廚師亦重視客人嘅意見，會主動問下啱唔啱食等。個人認為咁樣比較踏實，力求進步，與客人真誠交流，好過一味吹噓自己有幾勁😅。餐廳得單點餐牌，無套餐，Openrice訂台有75折優惠⭐️，千奇唔好錯過！前菜、沙律、主菜、意粉同甜品都各有幾款選擇；另外亦有Drinks Menu。焗古也芝士洋蔥湯Gratinee French Onion Soup Toast & Gruyere Cheese($68)，我哋一人點咗一客湯。洋蔥湯比較少飲，原來都幾啱我口味🤤。洋蔥絲份量多之外，焗芝士🧀亦係另一賣點。一般飲嘅湯好少會落芝士，但原來加咗係咁正；由於湯夠熱，所以芝士一直保持拉絲狀態。同時，🍞塊多士一開始就已經放咗喺湯入面，口感較濕較淋，食法幾特別。洋蔥湯比較濃稠，湯水較少，師傅解釋正宗
第一眼望到餐廳唔知點解覺得好有聖誕氣氛🎄，哈哈。餐廳環境簡簡單單，幾舒服，燈光偏昏暗，感覺令人放鬆，特別係忙碌返完工一日嘛。
男店員全程都勁友善、超好人，服務到位👍。廚師亦重視客人嘅意見，會主動問下啱唔啱食等。個人認為咁樣比較踏實，力求進步，與客人真誠交流，好過一味吹噓自己有幾勁😅。
餐廳得單點餐牌，無套餐，Openrice訂台有75折優惠⭐️，千奇唔好錯過！前菜、沙律、主菜、意粉同甜品都各有幾款選擇；另外亦有Drinks Menu。
焗古也芝士洋蔥湯
$68
19 瀏覽
0 讚好
0 留言
法式焗蝸牛
$99
25 瀏覽
0 讚好
0 留言
燒蜜糖檸檬芥末籽黑毛豬排骨配香蒜薯仔
$219
18 瀏覽
0 讚好
0 留言
主角🐷🦴豬肋骨分開一條條咁上，仲疊得幾美觀，肉質唔柴，但未稱得上「骨肉分離」。不過重中之中係個醬汁，🍯🍋蜜糖檸檬芥末畀人一種幸福嘅感覺，因為甜甜哋，但又唔會太膩；加埋芥末籽就多一份刺激嘅滋味😋。
海鮮墨魚意粉
$168
25 瀏覽
0 讚好
0 留言
墨汁意粉隻色烏卒卒🦑🖤，但係唔會甩色的，口感彈牙兼有嚼勁。至於海鮮方面，有蝦🦐、帶子同青口，唔會失禮。可能由於意粉好好食嘅關係，我覺得份量爭少少，意粉多啲會更佳。
香蕉朱古力薄餅
$78
11 瀏覽
0 讚好
0 留言
薄餅新鮮整起熱辣辣，餅皮厚薄適中，邊皮有煎過嘅香氣。🍌香蕉同🍫朱古力配合得好好，兩者都唔會過甜，面頭再搭多球曲奇雪糕🍨，好好食！我食下食下差唔多成份食哂。
House Wine買一送一，我哋要咗紅酒🍷($78)，勁抵！其實我對酒就無乜研究，但身邊朋友話House嚟講算好唔錯，起碼斟咗成個鐘都無走味。佢同店員言談間講起枝酒係出自法國🇫🇷，所以比起南美或其他地方好。
題外話，餐廳嘅午餐好抵😍，價錢唔貴得過旺角深水埗幾多，款式仲會每星期轉換。中環打工仔福音，好過餐餐食快餐。
總括嚟講，佢係一間無得彈嘅中環樓上西餐廳🍽。各方面都好平均，令人滿意，加上店員服務好好，成個用餐過程好舒服，餐廳值得推介💯！
張貼
