Terrace in seaside (SOHO West)

營業中

休息中

朋友新居入伙，大家一致咁揀咗附近呢間咖啡店食嘢。餐廳位置方便，喺南昌站行幾分鐘就到。當日天氣好好，餐廳位於海邊，落地大玻璃窗將美麗景色盡收眼底，成個氛圍都好悠閒，好似去咗旅行咁。食物方面，人生迷茫的芒果沙冰用上半個芒果做裝飾，賣相吸引，消暑一流。芒果沙冰應該仲加入咗柚子肉，層次感得以提升。濟州柑橘乳酪呢杯招牌飲品每次必點。乳酪質感滑溜，配上濟州柑橘汁同果肉，清新開胃。粒粒魚籽與三文魚蛋黃醬飯卷，飯卷上面鋪咗三文魚蛋黃醬，食落唔會好似一般咁乾身。醬料係靈魂，鮮美且濃郁，加埋魚籽，大家都覺得好有驚喜。燒醬油黑毛豬白切紫蘇拌飯，黑毛豬肉質嫩滑，炆得入味。韓式拌飯配上紫蘇嘅香氣，再加少少柑橘汁，食落微辣，非常惹味。芒芒夏日芒果窩夫，窩夫外脆內軟，蛋香味足。我會形容佢好似蛋糕嘅窩夫。配上綿滑厚實嘅忌廉同芒果醬，甜而不膩，又係一道唔會令人失望嘅甜品。呢間Terrace in Seaside擁有180度嘅大海景色，喺香港真係好少見。餐廳環境非常舒服，令人唔想走。而且食物水準幾高，特別是甜品。下次一定會再嚟。