影片
更多
2020-07-17
2183 瀏覽
呢日下午攞咗假同同事去威🤣，其實係大媽好好人請我哋兩位壽星去食酒店食個靚Tea。佢課重金申請咗個會籍，比起Walk-in客有多啲折頭。我哋三點鐘左右去到，餐廳就差唔多準備好安排我哋入座。不過未能坐喺窗口位，有少許失望，因為其實個場唔多爆🙊，坐下坐下仲覺得個冷氣都幾凍下 。餐廳有安排放口罩的紙夾俾客人，服務貼心❤️！店員隨即為我哋送上Tea Set嘅餐牌(都幾多錯字)同Drinks Menu，酒店現時做緊嘅下午茶名為：💋艷麗「味」影下午茶Be Fabulous Afternoon Tea💋，收費為$508/2位，另收加一服務費。價錢以依類打卡下午茶來說唔算貴，而且佢唔需要按人頭收費。換句話説，即係你四個人只係嗌一份都OK！唔洗幾耐，店員就為我哋送上Tea Set，造型貼合主題，以化妝品為主角。擺盤唔係採用平日幾層架嗰種，而係真係用上一個迷你化妝盒櫃桶，頗有心思的😚。驟眼睇都幾靚嘅，但又覺得唔係好夠氣勢，份量比較少咁🙈。不過我哋都打咗陣卡，哈哈。店員亦樂意為我哋拍照，拍攝技術不俗😆。本身英式下午茶就好似係由鹹點Savoury食到甜點Sweet，但我哋影完相先發現當中有一味係香草雪糕Vanil
呢日下午攞咗假同同事去威🤣，其實係大媽好好人請我哋兩位壽星去食酒店食個靚Tea。佢課重金申請咗個會籍，比起Walk-in客有多啲折頭。
我哋三點鐘左右去到，餐廳就差唔多準備好安排我哋入座。不過未能坐喺窗口位，有少許失望，因為其實個場唔多爆🙊，坐下坐下仲覺得個冷氣都幾凍下 。
餐廳有安排放口罩的紙夾俾客人，服務貼心❤️！
店員隨即為我哋送上Tea Set嘅餐牌(都幾多錯字)同Drinks Menu，酒店現時做緊嘅下午茶名為：💋艷麗「味」影下午茶Be Fabulous Afternoon Tea💋，收費為$508/2位，另收加一服務費。價錢以依類打卡下午茶來說唔算貴，而且佢唔需要按人頭收費。換句話説，即係你四個人只係嗌一份都OK！
唔洗幾耐，店員就為我哋送上Tea Set，造型貼合主題，以化妝品為主角。擺盤唔係採用平日幾層架嗰種，而係真係用上一個迷你化妝盒櫃桶，頗有心思的😚。
驟眼睇都幾靚嘅，但又覺得唔係好夠氣勢，份量比較少咁🙈。不過我哋都打咗陣卡，哈哈。店員亦樂意為我哋拍照，拍攝技術不俗😆。
本身英式下午茶就好似係由鹹點Savoury食到甜點Sweet，但我哋影完相先發現當中有一味係香草雪糕Vanilla Ice Cream🍨，佢已經處於半溶狀態，所以要先將佢處理掉！雲呢拿雪糕甜甜地幾好食，而且個容器係用朱古力做，可以食埋。
龍蝦芒果三文治Lobster and Mango Open Sandwich，老實講依個都幾唔好食，龍蝦同芒果係唔夾的，好怪😰。龍蝦食落無咩味，但唔知一上枱嘅時候聞到有少少腥味係咪來自佢。
黑松露蛋多士包Egg and Black Truffle Ciabatta，依個有啲似碎蛋三文治🥚，用料較為平庸，不過比想像中好食，只係略嫌塊麵包比較淋。
醃黃金三文魚伴Oscietra魚子醬Marinated Salmon with Gold and Oscietra Caviar，呢個又係浮誇地落啲金箔💰嘅心點。醃三文魚可能唔同煙三文魚，所以少咗份鹹香，好彩有魚子醬吊味。
鴨肝馬卡龍Duck Liver Macaron，依個係四樣鹹點之中最出色，因為味道帶點驚喜之餘，款式本身亦頗有創意。馬卡龍脆脆的，帶點甜味，再配合埋厚厚一層嘅鴨肝醬，味道鹹鹹甜甜相映成趣🤤。＊＊＊＊＊
接住落嚟就係甜點Sweet，大部份俾我嘅感覺都較頹，味道普通過普通，而且非常細件...，放題自助餐放出嚟任人拎嗰啲都大過佢😅。當中有三件我會稱為頹頹，排名不分先後。
紅桑子朱古力蛋糕Raspberry Chocolate Cake，為頹頹一。上面係咁咦有粒「珍珠」，雖然係Raspberry蛋糕🍓，但唔太酸。
綠茶慕絲Green Tea Mousse，為頹頹二。🍵綠茶味正常，再搭配紅豆，同一隻食得嘅蝴蝶作點綴，口感溶溶地。
檸檬芝士餅Lemon Cheese Cake，為頹頹三。芝士餅個造型幾得意，扮水果，但食落味道就似足Ritz芝士夾心餅🧀，我唔喜歡。
西柚朱古力果仁糖Grapefruit Chocolate Praline，原來呢個係上面嗰兩粒朱古力🍫，憑外貌係睇唔出有西柚味。外皮都幾實下，食落似金莎，個餡就有啲西柚嘅元素，感覺終於無咁頹，但無咩果仁味。
粉紅提拉米蘇Pink Tiramisu，依個Tiramisu就唔錯，算稱得上又靚又好食😋。首先佢係用上正宗嘅軟芝士，咖啡味剛好，酒味就爭啲。不過另外仲配埋士多啤梨朱古力，正啊！最搞笑係隻羹係用黑朱古力做，又係可以食埋，但食完朱古力會溶咗喺手指度，要啜番乾淨～✌🏻。＊＊＊＊＊
食過正常心點後，終於來到Edible Surprises「驚喜」美點系列，即係是次化妝品嘅主題，有唇膏、眼影同香水等，像真度都頗高嘅💕，不過味道就有啲格硬，驚多過喜。
士多啤梨朱古力唇膏Strawberry Chocolate Lipstick💄，依個已經係化妝品系列入面最正常嘅一道，因為佢起碼係士多啤梨朱古力🍓，只係塞咗喺個唇膏桶入面。成個感覺好似係俾小女孩玩嗰啲。
黑松露粉眼影盒Black Truffle Eye Shadow Set，依個唔係直接食嘅，係用個盒仔裝住啲黑松露粉，扮眼影粉👀，你再用個「掃」掃啲粉落啲鹹食到。但啲粉感覺有少少潮濕，漿埋一嚿咁，唔夠乾爽；而且我哋懷疑個掃乾唔乾淨...。味道亦都啲多餘。
玫瑰花露水Rose Water Perfume，依個直頭有啲不知所謂😐。首先，店員介紹可以噴啲「花露水」落啲甜點到，簡直係整色整水之作。甜點本身各有味道，何必要整濕個表面？再者，🌹玫瑰花露水嘅味對我而言，非常刺鼻，好難聞。
同時，花露水一開始個噴嘴係壞的，要店員換個枝先得。但兩枝花露水個樽身都油笠笠，鋪滿手指模，感覺有啲污糟😖。跟餐仲有枝香辣茄醬膏Arrabbiata Sauce Cream，依個連造型都慳返，似一枝無嘜頭嘅旅行牙膏。我哋開都無開，同個Tea Set格格不入咁😐
士多啤梨珠珍Strawberry Caviar，本身覺得以盒裝幾别緻，但入面只係平日飲台式飲品食到嘅爆珠。店員建議我哋每食另一款心點時，先食一粒爆珠清下味蕾，其實都幾荒謬下，點解會用啲咁甜、仲濃味過點心自身嘅嘢嚟間場🤔？感覺有啲亂嚟，雖然出發點應該係添加樂趣。
我哋食完無聊玩下個盒先發現啲幾嘔心嘅嘢🤢。由於個盒係鐵盒，遇上水難免會生銹，但如果用嚟裝食物你會有乜感覺？就係好恐怖囉！你睇下盒嘅四角都有啲啡啡地嘅銹漬，即係我哋食爆珠時都應該間接食唔少「鐵質」...。另外，個鐵盒亦都漏水。
其實盛住成個下午茶餐嘅迷你化妝盒櫃桶都唔太衞生，因為部份位置有少量污漬；盒入面嘅裝飾花🌸亦有少少發霉嘅一點點。可能咁嘅器皿較難完全清洗乾淨吧...，但都有啲接受唔到。
最後，套餐包兩杯飲品🍹，我哋要咗意大利果酒Italian Sangria同馬哥孛羅伯爵葡萄冰茶Marco Polo Earl Grape Iced Tea。我哋三個人去，所以其中一位額外點咗杯花茶。
我飲嘅伯爵葡萄冰茶應該係酒店嘅招牌，不過味道又唔係真係咁突出...，葡萄味欠奉🍇，亦唔係好Earl Grey，但都清清地嘅。
題外話，每張餐枱都放咗件好獨特嘅擺設，入面裝住嘅唔係花，而係意大利粉，侍應話係用嚟提醒客人記得點呢到嘅Pasta🍝。
總括嚟講，呢餐下午茶其實又唔算太差嘅，畢竟如果以味道作量點嘅話，無乜邊間係真係好食😏。依到起碼環境幾好，又唔太多人，適合唔太喜歡嘈雜嘅我。不過餐廳的確係有唔少可改善嘅地方😜。
張貼
