農

營業中

休息中

事實上對呢間餐廳冇乜好感，啱啱新開張嗰陣時去食生日飯，除咗個竹籤蝦好食之外，其他都窄窄地。尤其是嗰個火焰菠蘿炒飯，得蛋白同白飯鹽都唔落，真係一世難忘。去完澳門返嚟，本來想食譚仔，但係佢又唔係三哥。跟住死死地氣行返屋企嘅時候，突然見到龍哥餐牌有外賣，咁就叫咗個沙嗲叉燒拼燒肉飯，再加$28轉過肉骨茶。反而呢個叉燒正正常常用豬肉做，好過之前喺去到試嗰個用澳洲草飼牛扮叉燒，又無牛味不倫不類。今次正常用沙嗲醃過真係唔同啲，值得讚下選料肥瘦均勻。燒肉掛喺度嗰啲晾晒油，個心都有少少覺得係伏，但係返到屋企雖然焗咗一陣啲燒肉皮都係脆嘅，重點又唔會太鹹同埋都係一層肥一層肉係幾好口感。嗰肉骨茶都見到佢有用黑蒜落去煲，藥材都足足地，但係如果佢裏面有一支骨加埋落去係個湯就更加完美。