燚 (已改名) 查看

今日同老公一齊放假，繼續外出搵美食。發現原來大埔好多隱世餐廳，今日就去咗呢間位於美豐大廈嘅隱世Omakase鐵板燒。一去到附近就好容易比佢嘅古樸大門吸引到！打開門入去，舖頭細細間，有兩位大廚喺度，佢哋好親切，每上一道菜都會同我介紹係乜嘢嚟嘅。🥢 三文魚沙律小小嘅一個貝殼碟，上面有一塊三文魚包住沙律，沙律菜好新鮮，大廚將沙律汁打成泡泡伴碟，成個感覺非常吸睛！呢一道靚靚嘅三文魚沙律為我哋嘅美味鐵板燒打開序幕！🥢 北海道刺身級帶子伴格陵蘭魚子醬現海膽粒北海道帶子太太太太太大粒啦，一上枱我忍唔住嘩嘩聲，鮮甜美味彈牙有口感，仲有配上魚子醬，個刺身變得好高級！！魚子醬食落去一啲都唔腥，好好味。海膽都好鮮甜，無腥味，平時唔係太鍾意海膽嘅老公都食到舔舔脷。🥢 澳洲龍蝦一去到大廚已經比隻龍蝦我哋睇：大過我隻手掌！！佢仲好細心咁放喺度任我影相，滿足我「相機食先」嘅宗旨。龍蝦肉好彈牙好新鮮，龍蝦嘅醬汁係用佢本身嘅膏嚟整嘅，完完全全可以食晒成隻龍蝦嘅味道！🥢 招牌鵝肝多士塊鵝肝好厚，煎完之後外面脆脆入面軟軟，多士上面加左芒果汁，中和咗鵝肝嘅膩，大廚仲用意大利黑醋畫咗個心心伴碟，又係一道「相機食先」菜式。🥢 和