星味天下 (已結業)

今日我哋諗嚟諗去都唔知食乜好，最後行吓行吓就入咗嚟，是旦啦，唔想諗嘞。我哋order 海南雞飯($45)、咖哩牛腩($62)、炸蝦餅($33) 和星洲薄餅($20)。海南雞飯 - 味道一般，見到骨係紅色，諗住D肉應該滑滑哋，點知一D都唔滑，好彩唔嚡啫，個油飯都可以嘅，但個湯超鹹，只飲了一啖，就不能再飲嘞。咖哩牛腩 - 呢果幾好味，薯仔同牛腩都好淋，咖哩汁也不錯，餸飯一流。炸蝦餅 - 唔合格，冇蝦味又淋pat pat，差！星洲薄餅 - 麻麻哋，偏油又唔軟，我覺得喺"返叮"嘅，早知要白飯啦。無須加一，埋單$165，價錢OK，質素麻麻。