影片
營業時間
星期一至日
11:00 - 23:00
以上資料只供參考, 請與餐廳確認詳情
今日我哋諗嚟諗去都唔知食乜好，最後行吓行吓就入咗嚟，是旦啦，唔想諗嘞。我哋order 海南雞飯($45)、咖哩牛腩($62)、炸蝦餅($33) 和星洲薄餅($20)。海南雞飯 - 味道一般，見到骨係紅色，諗住D肉應該滑滑哋，點知一D都唔滑，好彩唔嚡啫，個油飯都可以嘅，但個湯超鹹，只飲了一啖，就不能再飲嘞。咖哩牛腩 - 呢果幾好味，薯仔同牛腩都好淋，咖哩汁也不錯，餸飯一流。炸蝦餅 - 唔合格，冇蝦味又淋pat pat，差！星洲薄餅 - 麻麻哋，偏油又唔軟，我覺得喺"返叮"嘅，早知要白飯啦。無須加一，埋單$165，價錢OK，質素麻麻。
繼續閱讀
似乎今年過年除了去幫襯商場食肆外,無其它選擇可揀!記得新開張時嚟食過係OK,但呢次真係.....收錢果個OK,比果個唔OK!海南雞半隻----隻雞係完全無味嘅!都仲有幾多雞毛,就算佢用咗我最愛的杰撻撻黑醬油都救唔隻雞!肉骨茶小鍋----幾粒豬腰,有五至六件無味擦膠一字骨!無啦啦出現豆腐卜,油炸鬼都無件!湯味極淡(就好似去士林夜市見到果Ｄ肉骨荼咁,隔條街都聞到香味,買一碗就瀨嘢喇!排骨滾水!)聞就有味食就無味!幾神奇!魚丸喇沙----湯只有椰漿味同太多油浮面!魚丸竟然係街市凍肉舖果Ｄ十幾蚊磅假嘢咩蟹粉包心丸!寧願比幾粒普通魚蛋我好過.星洲拼盤----份量款式就多喇,有炸蝦丸、串燒、酸辣鳳爪、豬頸肉同......越式春卷?不過食得吓就只得炸蝦丸!幾彈同夠熱.串燒咸到唔知食緊嘅係豬定牛！鳳爪唔酸又唔辣仲要暖暖地,豬頸肉同春卷滴晒油,連跟春卷嘅生菜近根部嘅白色佔七成,菜葉呢就佔三成同上面有好多窿窿....!如果我未去過星加坡...以為食物就係咁呢？呢世都唔去囉！
繼續閱讀
係B&Q同Spotlight 買到不亦樂乎，lunch都未食，拿拿臨食d野，再去血拼。 之前黎過食湯粉都唔錯。五點幾黎到好靜，反而Thai Orchids 有多d人，唔理，坐最開邊，睇到下面的溜冰場，我地點了沙嗲牛肉飯同一個雞絲凍檬。沙嗲金菰牛肉飯黎到，幾係Singapore的那隻沙嗲牛肉，不是有花生醬那隻，比較清享，配有 pineapple. d 牛肉薄片，都幾好味。雞絲凍檬，賣相好靚，夠凍夠爽，配上那 '碌凜" 汁，酸酸的，很開胃!!溜冰場正舉行冰上曲棍球比賽，好刺激!!!下午茶餐三十多元有咁水準，又包飲品，真唔錯呢!!!
繼續閱讀
七月中曾到此一吃, 但唔記得自己原來未寫食評, 今天補寫. 見到佢咁多劣評, 真係一大驚嘆! 都未置於咁差姐. 真係好睇你要求d乜, 我要求其實好簡單, 煮出嚟d野唔難食, 基本上已經係一間ok既餐廳. 你見佢攞ok多過 “好”同 ”劣”就知啦. 本來想去California 食 Pizza, 點知要等, 但我地又肚餓, 望下周圍, 得間泰國菜同呢間, 見佢唔多客, 唔太想入去, 但又唔想食泰菜, 唯有入嚟試下. D阿姐招呼唔錯, 感覺幾好, 我地揀左睇到波既位坐, 叫左:肉骨茶 --- 第一次飲, 俾我感覺係似阿媽d藥材湯, 味道ok香茅雞翼 --- 普通雞翼, 香茅味極輕瑤柱蛋白炒飯 --- 正常水平炒飯, 起碼炒得乾身, 合格蒜蓉西蘭花 --- 又係正正常常, 合格水平整體嚟講, 係一間合格餐廳, 價錢又唔係太貴, 食物質素唔錯, 我覺得比茶餐廳高分少少, 可能只係無乜所謂 “星”菜風味, 所以d人俾 “喊”, 但都不失為一間可以再去既餐廳.
繼續閱讀
最近在九龍灣附近上班, 同事推介到星味天下吃午餐, 說這裡的午餐在MegaBox裡已算抵食.橫豎這裡的午餐相比其他食肆不算貴, 就即管試試吧!一看午餐的"特價菜單", 心裡不禁問: "為什麼那麼多港式茶餐廳的菜式呢?"看了良久, 才選了香茅豬肉炒河, 希望可以嚐到一點東南亞的風味.員工的效率尚算可以, 很快就可以品嚐那炒河了.吃著吃著, 一點香茅味也吃不出, 只覺得味道和平時茶餐廳的乾炒牛河差不多,有點"掛羊頭賣狗肉"之感覺.除了我的香茅豬肉炒河不似星馬菜式, 連鄰桌食客的菠蘿雞粒炒飯都和平時的炒飯無分別!可幸的是份量挺足夠, 炒河也不算炒得太油膩.其實除了沒有星馬風味之外, 味道也不算差.價錢比茶餐廳稍貴, 但坐得比快餐店或茶餐廳舒服得多.如果你不介意它是披著"星馬菜"羊皮的港式茶餐廳, 這裡也是一個午餐的選擇吧!
繼續閱讀