影片
更多
2020-04-22
453 瀏覽
呢次係我第三次嚟食La Paloma喇，不過次次嚟到都係幫襯唔同嘅款式，第一次係晚餐嗌A la Carte Menu，第二次係Weekend Brunch Set，而今次第三次就係食All You Can Eat Tapas Menu，實行來一個西班牙Tapas之夜🇪🇸。留意返呢個任食餐只係星期三晚供應，每人承惠$300；我都係因為呢個餐先特登Book枱食。呢個餐係唔包飲品的，如果想要1.5 Hours Free Flow Sangria就要比多$180/一個人，有啲貴🙈，所以我哋只係單點咗一杯Rose Sangria($98)，酒味唔重，但🌹玫瑰味幾出。我哋點餐時好霸氣咁話全部同我上一份😎🤣，哈哈。既然任食，梗係全部試哂啦，睇下邊款好食先Encore。餐廳當然無一次過上哂13款畀我哋，而係跟住餐牌上嘅次序分3-4次出菜。店員好細心，每次當我哋就嚟食完嘅時侯，就會準備幫我哋收碟，同再起菜，服務扺讚👍。第一輪嘅四款我認為係最正😚，可能加埋肚餓嘅關係啦：🥓Serrano Ham with Tomato Bread🥓呢個係西班牙風乾火腿拼盤，火腿每片薄薄的，好考刀功；口味我覺得無平日咁重口味
呢次係我第三次嚟食La Paloma喇，不過次次嚟到都係幫襯唔同嘅款式，第一次係晚餐嗌A la Carte Menu，第二次係Weekend Brunch Set，而今次第三次就係食All You Can Eat Tapas Menu，實行來一個西班牙Tapas之夜🇪🇸。留意返呢個任食餐只係星期三晚供應，每人承惠$300；我都係因為呢個餐先特登Book枱食。
呢個餐係唔包飲品的，如果想要1.5 Hours Free Flow Sangria就要比多$180/一個人，有啲貴🙈，所以我哋只係單點咗一杯Rose Sangria($98)，酒味唔重，但🌹玫瑰味幾出。
Rose Sangria
$98
20 瀏覽
0 讚好
0 留言
第一輪嘅四款我認為係最正😚，可能加埋肚餓嘅關係啦：
Serrano Ham with Tomato Bread
20 瀏覽
0 讚好
0 留言
呢個係西班牙風乾火腿拼盤，火腿每片薄薄的，好考刀功；口味我覺得無平日咁重口味，但好香，反而仲啱我😍。另外，仲有幾舊蕃茄蓉法包，味道都唔錯。
Russian Salad
17 瀏覽
0 讚好
0 留言
呢個沙律好食，但唔會令人印象深刻，因為用料同配搭(菜、熟呑拿魚同熟菜)都比較大路，唔知俄羅斯口味係咪真係咁㗎呢？
Sardinillas
13 瀏覽
0 讚好
0 留言
沙甸魚係西班牙Tapas嘅座上客，呢樣菜式嘅造型相當特別，因為係放喺個罐頭入面。魚仔唔會有腥味，連埋旁邊啲魚鬆／肉鬆(唔Sure係咩)食幾易入口；不過我食開係醃酸味重啲。
Ceviche de Vieiras Y CoCo
15 瀏覽
0 讚好
0 留言
呢個係咁多款Tapas入面我最鍾意食嘅一款，日本帶子刺身，配上泰式風味(因為芒果味同椰子味都好出)嘅Dressing，超開胃🤤！
第二輪嘅四款，對於食肉獸嘅我哋相對無咁吸引，因為係偏Vegan Food🥦：
House Salad
12 瀏覽
0 讚好
0 留言
沙律大大兜，造型係靚嘅，蔬菜材料亦都幾多，包括有紅蘿蔔、洋蔥、車厘茄、蛋同橄欖等，再淋上黑醋汁。可惜我唔太啱食...。
Salmorejo Cordobes
18 瀏覽
0 讚好
0 留言
店員好細心，即使我哋無Order到兩份，佢都一人俾一碗我哋，唔使Share。今次係我第一次飲西班牙蕃茄凍湯🥫，感覺都幾得意，口感比較多蓉，唔係偏流質Liquid form，無想像中咁酸，一試無妨！
Patatas Bravas O Con Alioli
13 瀏覽
0 讚好
0 留言
炸薯粒又係其中一道我喜歡嘅Tapas，因為我係薯仔控嚟。估唔到會有兩兜，原來係因為有兩款口味！白色嗰隻係蒜泥蛋黃醬Alioli，味道較淡；相反紅色嗰隻紅椒粉Paprika惹味好多，辣辣地🌶，食唔停唔。
第三輪嘅四款Tapas係較常見嘅款式，我哋有喺其他餐廳食過😃：
Pimientos del Padron
15 瀏覽
0 讚好
0 留言
呢個再次介紹返，係蠟筆小新最憎食嘅青椒嘅Friend，因為佢唔係Bell Pepper，而係辣椒形狀嘅Padron Pepper，比較好食。只要落少少鹽調味、唔使花巧，已經好好食，但我認為餐廳可以重手啲。
Croquetas de Jamon O Setas
7 瀏覽
0 讚好
0 留言
Croquettes Mushroon
16 瀏覽
0 讚好
0 留言
呢個炸薯蓉？又名炸可樂餅，又係有兩個口味，店員畀我哋試哂。所以我哋發現磨菇口味比較香濃同特別，而火腿味就一般。由於係炸物嘅關係，感覺比較熱氣。
Gambas al Ajillo
25 瀏覽
0 讚好
0 留言
香蒜辣蝦真係好難整得難食，除非隻蝦唔新鮮。蝦肉彈牙美味，個蒜香辣汁好正，夾埋牛油好香，配麵包一流。
Tortilla
11 瀏覽
0 讚好
0 留言
西班牙奄列又名蛋餅，實屬飽肚之選，圓圓的一大件，材料主要有蛋、洋蔥同薯仔。不過呢件無落西班牙腸或火腿，少咗份鹹香，所以失色咗少少啊。
第四輪，亦係最係一輪，我哋都已經有啲飽了，好彩呢兩款都唔錯：
Bikini
19 瀏覽
0 讚好
0 留言
呢個其實即係三文治🥪，口感似飛碟吧，但整體薄啲，同鬆脆啲。即使我已經好飽，但都覺得佢好好食，因為啲餡料好夾，芝士同黑松露都好香🧀，連埋火腿食，正啊！
Chorizo
14 瀏覽
0 讚好
0 留言
呢個西班牙香腸好鹹、好重口味，但又令人有想再放入口嘅感覺。莫非依個就係小新口中妮妮媽媽出品好複雜的味道😜？
十幾款Tapas中我哋只係Encore了Serrano Ham同Scallop Ceviche，因為無咁飽肚，同最好食😋。我無諗過食Tapas都可以食到咁飽囉，勁開心、勁滿足！
環境方面，餐廳好大、有好多座位，客人自然坐得舒服，而且仲有少量室外座位。另外，餐廳裝修好靚，適合港女打卡，哈哈。我哋坐嘅位置剛好望到廚房，周不時見到廚師們👨🏼🍳好有鑊氣咁整緊嘢食，甚至見到啲火團🔥。
總括嚟講，La Paloma真係無乜令人可挑剔嘅地方💯。即使唔能夠話每一款Tapas都好好食，但起碼一定唔差，加上口味因人而異嘛。暫時無得去西班牙旅行，但付上幾百蚊就可以食到一餐正宗嘅西班牙菜，確係唔錯！題外話，呢到係唔收加一服務費的，但店員服務都絕不馬虎啊！
張貼
