富仕葡式美食

營業中

休息中

黎到富仕葡式美食，呢間餐廳平時有好多澳門人黎食，亦係余媽媽去澳門必到嘅飯堂。大家記住訂定枱呀, 唔係可能要等位! 餐廳分為地下和閣樓，雖然餐廳內大約只有十張枱，地方唔太大，又冇咩裝修，但大家可以係度食到各式各樣正宗嘅葡國美食，而且味道唔錯，價錢亦唔算貴呢(雖然比起十年前係加價唔少)! 余媽媽必食三寶: 芥抹燒羊鞍, 燒雞釀飯和焗青口 其實呢度嘅馬介休都幾好食，不過個胃裝唔落冇叫到。 講講芥抹羊鞍先，其實余媽媽都唔係幾食得辣ge,好彩佢唔算好辣啫，又香又軟又好味，焗嘅時間剛好! 至於燒雞釀飯個人覺得幾特別。外面係一層薄薄已去骨的燒雞，裏面包住甜甜酸酸嘅飯，好開胃, 好好味! 相比之前兩味餸，焗青口好似冇咩特別，但佢勝在有大量的蒜和煙肉碎一齊焗，味道好夾。 三樣野加埋三百幾蚊埋單，份量夠兩三個人食，當然要視乎大家大唔大食啦!

今次澳門遊無太多既計劃, 只係幾個人黎行下。朋友話上次食過呢間覺得好正，於是帶我地黎食。呢度鋪仔細細，不過其實有兩層。我地岩岩o係開鋪既時候黎，無咩人。我地點左芝士奶油焗西蘭花，燒雞釀飯，奶油馬介休薯蓉。芝士奶油焗西蘭花呢碟野好鬼香。滿滿既芝士汁，焗出黎香噴噴。D 西蘭花唔會焗得太淋，岩岩好。奶油馬介休薯蓉呢碟係我最鍾意既菜式。熱辣辣，薯蓉好Creamy，加馬介休真係好夾。下次再黎都會再點呢碟，推介！釀燒雞飯呢個都唔錯，隻燒size 唔大，但係個皮燒得好脆，D 肉仲係好嫩，燒得好!入面釀既係普通西炒飯，無咩特別，都係酸酸甜甜咁。唔特別，但都令到呢碟菜式唔漏。幾好! 出外真係靠朋友。

早一晚喺openrice已經search定葡國菜餐廳，諗住食返個葡菜lunch先返香港。Bookmark咗三間，最後揀咗呢間富仕~搭車由氹仔過澳門果時，醒起我哋兩位冇book檯，星期日喎，都擔心有冇得食，好在我地12點15分左右到餐廳，算早，所以walk-in都有位仲唔使等。入到去見環境都係小店模式，地下果層一眼望哂（再次覺得唔使等位好好彩，因為我地見後來入黎果d客人都有訂位）。我地見牆上面張燒雞釀飯相好吸引，已經秒決定叫一隻。之後我話要試馬介休，fd子就見到牆上面張忌廉薯茸焗馬介休相都好似好正，就決定叫埋呢樣~叫阿姐埋黎寫菜，阿姐話：夠喇？試唔試吓豬手呀？好好食架~我地話：兩個人叫咗兩樣，仲要有個係飯，唔知食唔食得哂喎......阿姐：個釀飯唔太多架咋，因為係春雞黎嘅，入面一人一碗飯咁上下，試埋個豬手囉~我同fd子用眼神交流咗幾秒，就決定試埋個豬手，反正豬手80蚊都唔係貴（阿姐由始至終語氣都是親切的）第一樣上菜嘅係馬介休，個面焗到脆脆地，食得出馬介休，味道適中唔會太鹹，薯蓉亦唔係打到爛哂，有少少夥粒保持返啲咬口之後個燒雞釀飯的確係兩個人食啱啱好，春雞入面釀嘅係西炒飯（都係fd子話俾我

同事朝早冇乜野做, 又係諗午餐食乜既時間. 今次同事提議食葡餐, 心諗又係葡餐, 但係好食既都無所謂, 咁又早D去食.鋪頭原來係一間小店, 午餐時間都冇乜人係入面. 入到去個個都係度食碟頭飯, 心諗係咪去錯地方. 雖然係鋪面見到D相確定冇去錯地方, 但係都仲有D中伏既感覺.....先叫左個燒雞釀飯先, 諗緊仲叫多樣乜既時候, 店員提議忌廉馬介休焗薯蓉. 佢話好味. 心諗食唔晒喎, 但既然佢話好味就叫埋呢樣.燒雞釀飯, 新鮮炸起, 勁熱氣, 下畫唔使講野.......燒雞皮好香好脆, 肉質都幾嫩. 釀飯本身係西炒飯,再加上雞味, 中伏既感覺全消, 正.食完隻燒雞已飽左大半, 黎埋個忌廉馬介休焗薯蓉真係搞唔掂.忌廉馬介休焗薯蓉, 成碟都係薯蓉, 薯蓉都係好味, 但馬介休比想象中少. 口感會比較溜. 食完呢個午餐真係飽到上心口......

回澳門換身分證剛好找到一間不錯的萄國菜！值得推薦，有驚喜，提提大家澳門的正宗萄國菜，門面可太美觀，但食物質素同傳統都可以保留下來！香港的始終有點不太傳統！要食當然係去澳門食 ！內容在相中

經朋友介紹黎到富仕葡式美食搵食,晚飯時間黎到好多人,好彩有book到位, 建議大家記得預先book位呀!因為之後仲要去澳門美食節, 所以只係叫左2樣野食, 馬介休球(MOP60)Lam脷: 3/5抵食: 3/5相機: 3/5馬介休應該係食葡國菜一定會叫ge菜ba!呢個炸馬介休球好香口,炸皮好薄好鬆脆,但裡面主要係薯仔, 得好小馬介休, 有d似食緊炸薯波燒雞釀飯(MOP118）Lam脷: 4/5抵食: 4/5相機: 5/5呢度既燒雞釀飯好有名，枱枱都有叫一切開燒雞就見到裡面塞滿西炒飯，燒雞既皮好香好脆肉質亦幾嫩滑，size唔大，2個人share岩岩好不過裡面既西炒飯較普通，唔夠惹味同埋隻雞比較瘦無咩肉但呢道菜真係夠哂特別值得一試!!另外叫左一杯柚子蜜, 柚子味好濃好足料呢

週末早船去身澳門。落船11點所以決定去食個早Iunch先! 始終澳門唔算太大、小店係條橫街都唔難揾!小店唔大, 明顯係家庭經營必食讓燒雞、裏面衹係西炒飯、不過超香、、不得了係塊雞皮! 脆㗎!.冇得輸!因為仲早又剛落船、冇胃口之下就衹多叫一個馬介休球! (其實馬介休係自家係屋企整都得, 想學上綱有得教! ) 講返個馬介休球、好香口、好食, 不過因以薯仔為主.所以食完都飽咗!我見人食其他野都好吸引、下次嚟都會再試! C U LATER

本身打算到美味軒吃辣魚包 但竟然休息一天只能下一次再到訪吧 誤打誤撞找到另一blogger推介的富仕其實已經食到好飽 但一場來到 不得不試試招牌的燒雞釀飯承惠 $105 小店只有10個左右的座位 等了15分鐘左右眼見大大隻雞金黃香脆 生怕2個人好難ko難得外層甘香鬆化 賣相一流 入面釀了飯粒 相信非常考功夫釀飯一點也不馬虎 味道與西炒飯相近 濕潤一點肉質鮮嫩 2大隻雞脾 極度足料 3個人吃亦足夠有機會不妨一試

難得友人在澳門提供一晚的住宿，於是便走過來這邊逛逛。在Openrice搜尋食店，大多人均消費超過一百多元，十分昂貴，唯獨是這一家小店能夠提供較經濟的葡國餐，於是便特意光顧。餐廳座落於東望洋山的小街上，餐廳在暗黑的街道上仍有著鮮明的白光門面，別樹一格。甫進店內，兩位侍應便熱情地為我們一行八人移動椅子及桌子，十分殷勤。餐廳和普通茶餐廳裝潢差不多，並沒有太大特色。衛生措施也是不俗，餐廳甚少看見食物殘渣，店員也在客人用餐後第一時間清潔，可見餐廳著重衛生。食物點評：1. 芝士中蝦焗伊麵 ($65-)這一道菜水準不俗，採用了原隻鮮蝦及有不少伊麵，而芝士味亦不是太濃，各種配料之份量配搭得剛剛好。想吃伊麵但又不想光顧酒樓的貴價菜式，這兒能夠滿足你的要求。2. 焗葡國雞 ($60-)這一道菜水準平穩，但未見任何特色。葡汁的味道能夠滲入葡國雞，使葡國雞之味道不單調。客人更可善用剩下的葡汁撈飯，一舉兩得。3. 燒雞釀飯 ($105-)本人強烈推介這一道菜。這一道菜不但價格相宜，而且份量頗大。廚師不但採用大雞脾，更釀了不少飯在內。飯不但帶有雞味，更有炒飯之香。可見廚師在製作時溫度控制不錯，使飯能夠滲入雞味及香

說起澳門, 近來真的少了動力再去酒店愈來愈貴遊客愈來愈多就連以前喜歡吃的水蟹粥己經今比昔比幸得紳士ちゃん介紹澳門還是有很多還沒吃爛的好食店~這家富仕葡式美食地點就在雀仔園街市區旁的橫街裡從水坑尾街走過來再穿過一家小型超市才找到這家店好像被下了「遺忘的結界」一樣如果不特別找, 平常路過的話一定不會留意到由於太趕急沒訂桌地下都坐滿了, 只好爬上閣樓這是100% 真實還原, 絕不是視覺效果根本就是一條舖了地毯的貓梯所以穿短裙高跟鞋的美眉們如果沒訂桌可以不用來了不過上了閣樓又是另一番小天地了說起來樓上的電視機超懷舊, 還是 CRT非平板大屁屁電視機! (九十後大概不知道薯在說甚麼吧?)不要看電視了~ 先來吃點東西~那時只有Pさま和薯不能點太多菜, 有點可惜這個薯絲混著青椒炒, 超有咬感味道也不錯~來到招牌菜燒雞釀飯了~這個釀飯是雞挖空把雞肉和雞骨取出, 然後塞進調味飯再丟進焗爐把雞皮烤至脆身想起來也很費工夫呢雞不算大, 所以二人吃也吃得完皮很脆, 飯也很鬆軟~ 配著稍鹹的炒薯絲吃剛好~最後要提一下點這個釀飯等候時間會長一點因為點完這個菜時, 才記得咱們要趕船回港加上之後找店的時間, 所以來這裡

一路以來都想試,今次終於試到喇!果然冇令我失望,燒雞釀飯,飯是西炒飯,所以冇咩特別,但隻雞炸得好脆,好好食,又唔干.葡式炒蜆,$60隻隻大大隻,又唔會得個殼,好有酒味,D蜆又新鮮,好有蜆味.正!最後,叫左好多人必食嘅,鮮忌廉薯蓉焗馬介休,忌廉薯蓉味唔錯,馬介休都幾多,不過馬介休味唔太噥,淡左D.令外,以我所見,鮮忌廉薯蓉焗馬介休出來嘅水準有時都幾大分別.我地果個就好有水準.完滿地完成我在澳門之旅嘅最後一餐!下次一定會再來幫襯!

剛剛上了松山行完東望洋炮台，個肚又有少少的餓了，個心其實已經有了想食的食店，但在行緊去心水的食店時，沿著東望洋斜巷下山，經過本港某電視節目介紹過食匈牙利牛肉和牛脷出名的永安咖啡室，看見入面有其他人客正在進食這兩味的美食，說真有點兒想轉軚，但都被理性壓制住，算了吧，下次先，急急腳行到馬大臣街，點知眼前出現的是食得健康的迪士尼咖啡屋，看看是日的例湯是鰂魚甘荀煲粉葛，都是我的至愛，第二次想轉軚，但第二次被理性壓制住，決定了就不要改了，行多一陣就到了今天已經決定的心水「富仕葡式美食」。地點從水坑尾街這一邊去比較易認，在水坑尾街和伯多祿局長街的交界有一條行人天橋，入去行兩個路口就會見到，當然好像我從馬大臣街這一邊行過來也可以的，日間行這些橫街當然完全沒有問題，但在夜間行就有少少的昏暗了。上一次來到看見「人手不足，休息數天」的陰影下，我都想今天會不會仍然未開門，但來到時大約十二時多一些，看見已經營業中，就入去看看，發現已經接近坐滿了人客，只要近門口的位子，當然後來都知道這店是有閣樓的位子，看一看裝潢都相當簡潔，牆的下半部用了白色的磁磚而上半部用了白色的油漆，上面掛了一些的酒和一些的畫，而地下是用了

前幾天,我帶了一個韓國女仔黎澳門觀光,一諗起要帶佢去有特色又抵食既葡餐,我就諗起呢間富士上次同男朋友黎食,感覺良好,今次決要再黎多次,去到門口已經8點,可能星期一都係紅日,所以今次等左半個鐘....好彩無落雨,可以坐住門口等,而門外亦有不少客人在等位,等位時,服務員客氣地先給我地睇睇MANU ,可以先落ORDER 咁就可以快D上菜,SAVE TIME!!!@@餐廳已家庭式營業,雖然餐廳沒有什麼葡式裝修,但卻有家的感覺我地點左佢最出名既燒雞釀飯,黑椒豬手,同炒薯絲馬介休

落船第一餐, 好肚餓.燒春鷄釀飯 - 外層鬆脆, 鷄肉嫩滑, 飯惹味, 正!蔬菜沙律 - 有生菜, 青椒, 蕃茄及洋蔥, 醋汁及微辣, 開胃醒神 !炒蜆 - 不過不失, 份量足焗薯蓉 - 好大個, 好軟綿, 有一絲絲馬介休, 好重忌廉味, 但係肥死都要食

之前鍾意呢到堂食~不過都食左差唔多10次…想試下其他野, 所以今次只係叫外賣最鍾意的「忌廉馬介休焗薯」做宵夜~馬介休其實係咸魚~大家在澳門好多時都會見到D葡國菜係有馬介休的~通常大家見到都係得返D肉~佢地會刪肉整落D薯仔呀, 或者炒飯等等的菜式到大家眼見到的時候, 多數都係白色一條條, 好似我地食D「白飯魚仔」咁~其實大部份的葡國菜都係提供「馬介休球」, 即係將馬介休釀入薯仔, 搓成球狀拎去炸….不過我地覺得太熱氣~所以鍾意食呢個「忌廉馬介休焗薯」多D~呢個焗薯除左有馬介休的咸香之外, 仲會有忌廉果種少少奶味, 而且入口好滑的口感~加上焗完出黎好香~~所以令人胃口大開呢~!!! 所以大家黎呢到, 一定要試呢個~