山度士葡式餐廳

營業中

休息中

環境雖然唔係好精緻! 但服務都幾細心, 特別係個老闆!!! 牆上仲掛左幅年輕時行船既油畫!!!點左: 燒豬仔 - 好好味! 肥肉同瘦肉比例好好!! 唔會食落口成口油咁! 必試!葡國煮蜆- 蜆肉好新鮮, 個湯略咸! 馬介休球- 正!! 好正宗!!! 好足料!!!脆包- 我地冇叫餐湯. 就咁食都好脆!好好味!!葡國汽水- nice !!!下次一定會再去!!!試埋其他菜!!!

生日同左幾個好朋友黎左澳門,玩左成日一早起身就plan左去氹仔食葡國菜,睇本旅遊書話呢間可以食到地道葡國野所以就黎左呢度喇~入到去好似星期日朝早飲茶咁爆好熱鬧wo,入面d佈置好有特色好靚脆卜卜豬仔包 一埋位就送既豬仔包,熱熱的脆脆的好好味太肚餓掛住食,相都唔記得左影= ="燒乳豬 個樣好得,但一入口...凍既有d失望....不過皮好脆,同平時食開既乳豬好唔同,肉十分嫩滑~而我朋友仔食個舊就暖既,我試過暖就真係好味好多呀同一碟乳豬又凍又熱真係好特別wo....同場既薯條就真係幾好味,一d都唔油膩,好快俾我食曬馬介休球 第一次食,但食唔出馬介休味,好重薯味,好似食緊炸薯餅,普普通通八爪魚沙律 我只能夠講呢個沙律可能葡國人先識得欣賞,落左醋既八爪魚加埋d生洋蔥鹽茜真係好奇怪,食左幾啖已經放棄喇...呢度環境唔錯,食物真係好地道,黎開氹仔想食葡國菜都可以一試既

上兩個星期同gf 去左澳門2日1夜自由行夜晚我地去左氹仔尼一間叫山度士葡式餐廳食晚飯, 之前果一日已經plan好左會到尼一間食葡國野架啦~ 果晚去完威尼斯人之後坐幾十蚊的士, 落左車之後搵左一陣, 終於搵到啦~~~我覺得氹仔個到既環境已經好舒服好正架啦, 入到去山度士果到, 見到裡面既佈置都幾特別, 有d球隊旗掛係牆上面~後來睇反d書講, 原來老闆山度士係個球迷, 之前佢係軍艦掌廚既, 1983年退休之後到澳門開餐廳, 都有成20年了...搵坐個靚位, 我地就點野食啦~ 我叫左好出名既乳豬伴薯條 , 幾個馬介休球, 一碟燒八瓜魚伴葡式搞爛左既麵包! 首先要講下d乳豬~ 好正好好味, d皮好脆好香口, 乳豬肉質都適中ok, 係偏肥左少少, 但都無問題, 好好味! 要讚下山度士d 薯條, 一定要吃, 好食過m記果d好多好多倍!!馬介休球方面, 味道好好, 唔會太咸, 之前食過帆船餐廳果d 就覺得太咸, 相比之下山度士好好多! 佢地既馬介休球係散叫, 你可以叫幾多個都得, 老闆真係好體會客人既需要!!至於燒八瓜魚伴葡式搞爛左既麵包, 我覺得d 葡式搞爛左既麵包好特別, 有好香既蒜香味, 係香

好滿意o既一餐~我o地兩人淨係點咗一個海鮮飯同一碟燒乳豬個海鮮飯熱辣辣(用一個煲仔裝住, 上枱時仲滾緊), 成煲飯有好多料, 有蝦, 蟹, 蜆等等, 個飯好鮮味, 食到尾時略嫌有少少鹹, 不過真係好好味燒乳豬真係super, 皮好薄好脆, 肉好嫩滑, 有多幾件就好啦

21/10(三) 1pm腳踏馬交的首回合,到了官也街的山度士.四人點了馬介休球,燒雞,燒豬脾,葡腸炒什菜及燴西班牙飯,這頓午膳,以主食的質素較為到家.燒雞,燒豬脾及燴西班牙飯風味絕佳!燒雞及燒豬脾燒至皮香肉嫩,燴飯的鮮味亦排眾而出!至於馬介休球及葡腸炒什菜則可有可無,雞肋菜式!以像樣的$100葡酒及香軟的麵包佐食之,以及健談菲藉女侍應的熱情款待,才不過$600的豐盛葡餐,吃得暢快!

一行黎到~a_a 點都要食番d野a_a黎左呢間官也街既既山度士我地叫左 乳豬 $108燒牛肉 $108凍蝦 大約$85葡式炒蜆 大約$85真係好正a_a d蜆好多香料 牛肉個度有d飯 不過好d 加左好多味 太咸啦 不過牛肉係值得一試凍蝦 我冇食 但睇樣好新鮮乳豬都好食一路見到d人都冇笑 但係見到個老板d服務生一路同個老板service好似我地唔係客人咁-,-服務 食物 相比之下 都0k既

未夠一年, 又再重來澳門這個地方~又來一趟搵食之旅!第一站先黎到山度士食葡國菜~ 脆卜卜豬仔包, 送的~ 但質數絕不馬虎!! 包子暖暖的, 外層脆卜卜, 內裡很軟~ 好味! 是日靚湯 -- 雜菜湯, 又是不馬虎的是日靚湯~ 酸酸的, 有很多菜係入面, 很足料~ 青菜薯蓉湯, 雖然佢叫"薯蓉湯", 但絕對唔係西式好creamy 個種薯蓉湯, 反而是很清很清的, 入口清甜, 好味!! 燒乳豬, 同香港食gei 燒乳豬唔同, 香港個d 係脆得黎鬆化, 而呢度食ga lei, 就只係脆jei~ 肉非常嫩滑, 同d 肥膏融為一體, 雖然好食, 但食完真係會有d guilty gei 感覺呀!! 仲有, 伴碟gei 薯條都好好味! 焗鴨飯, 雖然黎過澳門好多次, 但焗鴨飯都係第一次食jei~ 呢個焗鴨飯, 面頭焗得脆卜卜, d 鴨就夾左係飯gei 中間, 咁每一粒飯都吸飽了鴨的油份, 所以d飯粒粒分明, 又香又好食! 不過就鹹左少少, 同埋分量大左少少, 雖然好味, 但最後都係食唔哂~ 下次多d 人黎食, share 會好d~呢間餐廳gei 環境唔錯~牆上有好多好多gei 裝飾, 等食飯gei

這年的生日晚飯, 就在山度士吃. 一早想吃餐葡國菜, 在幾個選擇中, 最後揀了山度士, 就當為晨曦得到聯賽杯慶祝?!坐在樓上的位置, 也幾舒適. 但之後有人食煙, 馬上變得侷促了. 之後還有節目, 只要燒乳豬, 焗鴨飯同埋炸馬介休球就好了. 一場來到, 不想喝酒, 就要葡國汽水. 是不太解喝, 還是之後喝回忌廉更對口味.麵包是冰凍的, 吃了一口, 算了吧.燒乳豬: 9分, 一客四件, 兩個人分, 剛剛好. 人多的話就不太夠了. 肉係相當嫩滑, 難得的係燒完也能有這水準. 皮也幾脆, 但係就幾肥, 小吃為佳. 薯條炸得偏乾, 加上天時暑熱, 不想吃了.焗鴨飯: 8分, 焗得香噴噴, 鴨肉藏在飯的底下, 飯粒入味. 份量太大, 怎吃也不能吃完, 沒有辦法.炸馬介休球: 8分, 吃葡菜, 怎也要吃吃馬介休, 就要個炸馬介休球. 炸得香脆, 馬介休也有鮮味.是水準相當不俗的一家店, 單單吃個乳豬也好滿足.燒乳豬 $108 + 焗鴨飯 $98 + 炸馬介休球 $8 + 汽水 $12 x 3 = $250

最好就是避免於大時大節到澳門可能人太多, 做得唔係咁好食lor不過check-in完再出來都兩點幾...到到都咁多人可能不能要求太多

I sew this nice Portuguese restaurant at the TAIPA area on Openrice call 'Estb de Comidas Amagao', but when we went there the shop was close during lunch times and the outside looks rather small, dark and old so my parents and I decided to go to the one on the main side street. The environment of the restaurant was really nice and people starts to line-up around 11.45am waiting for it to open at 12pm there were advertisements for the Weekend weekly magazine outside the shop in case you can’t fin

這個下午吾友和我也不餓，但饞嘴想吃葡國菜，於是前往官也街的O SANTOS。地下環境不太討好，一來擠迫二來好暗。上一層明顯舒服得多，建議各食客上一樓用饍。兩個人也不餓，點了一客燴牛尾和兩個豬仔包。豬仔包SERVED WITH HOT，嚼勁，光吃它或伴牛尾汁吃也一流。燴牛尾，侍者捧過來已聞到它的香味。蓋一掀開已心知合水準。牛尾燴得很淋身，一放進口肉質都在溶化。牛尾汁送豬仔包實在無得頂。墊底的薯仔入味非常，吾友和我一人一舊。吃至一半已經好飽，但實在好吃，定必把它吃完為止。食物水準完全乎合要求，唯有服務仍須努力，侍應姐姐完全唔識笑，唉。牛尾真係無得頂，值得推介。

今日和父母去澳門玩一日, 諗住帶佢地去食下葡國菜, 路過官也街就入去食下.果陣下午兩點左右, 唔係太多人. 第一個問題係冇水飲, 一定要買礦泉水. 因為水同紅酒一樣人價錢, 所以叫左一杯.之後有個包送, 熱熱脆脆, 好.點左個燒豬, 馬介休球同海鮮飯.個豬都ok 100蚊, 唔太大件, 貴左d.馬介休球, 普普通通.個飯係好多料, 但食落其實都普通.三個人食左三百五蚊.我覺得貴左d, 食過一次叫到此一遊就算........不過我父母就覺得難食...........

08年11月30日（星期日），我和女友下午去完參觀住宅博物館之後又去威尼斯人掃貨，回酒店小休一會後又差不多夠鐘食晚飯，原先打算去某餐廳開飯，誰不知該店已經關門大吉，惟有另覓地方，但突然間又想不到去哪裡，幸好記得官也街好像有一間老牌葡國菜館「山度士」，於是立刻起程。進入餐廳時樓下已經滿座，於是上樓上，反而很多位，我們被安排到一張四人檯。我和女友都有點肚餓，商量過後決定叫一安馬介休炒飯，一個葡式羊腩煲，因為女友想飲湯，再加一客薯仔清湯。我見這裡的紅酒不止有一枝或一杯的份量，有大、中、細的份量，我問女侍應“Medium”size的份量有多少杯，她說約兩至三杯，那麼我就點了Medium size 既 house red wine。不過，紅酒來到時才發現她會錯意，因為女友不會喝酒，所以我問的是“一人份量”，可能她見我們兩個人，於是答案可能是“每人”兩至三杯。因為紅酒份量實在太多，我喝了差不多四至五杯而女友都喝了小半杯，但還剩兩杯左右，但價錢卻是相等於在Pub的喝一杯house red的價錢相約。這樣的價錢能夠喝這麼多的紅酒，請不要問我紅酒的質素如何，總之是我肯定喝的是red wine。馬介休炒飯

7月某個星期六, 下午6時多在氹仔手信街, 正想找葡國餐廳吃晚飯, 但又怕附近非常出名的會很貴及要等很久, 剛好見有一群人衝入山度士(6時半開始營業), 於是決定試試看.我們三人叫了馬介休球, 焗鴨飯, 羊排薯條及一客薯仔青菜湯, 想不到有餐包送, 而且是暖的, 外皮亦鬆脆. 馬介休球及焗鴨飯也很好吃, 前者是薯仔混合馬介休鹹魚肉的炸球, 後者其實頗特別, 用砵仔盛載滿滿橙色的飯, 雖然表面只有一片葡國香腸點綴, 但內裏藏有鴨肉和一些葡國香腸粒, 不過份量實在太多, 最後都要打包大半. 可能是我喜歡薯仔和菜湯, 兩者結合而成的薯仔青菜湯也很好喝, 用料亦頗多.羊排薯條雖然夠熱, 但薯條炸得太久, 羊排也很乾, 兩者只可用dry來形容, 不過我見其他食客的牛/羊/豬排+薯條組合大多是這樣子, 可能烤乳豬會好吃些.總括來說這一餐其實是不錯的, 我認為食物都好吃. 我不知道閣樓情形如何, 但地下的小小店面很快已經滿座, 當中不乏外籍人士或本地人, 拿着旅遊書的人反而沒有遇到. 要注意的是這間餐廳不提供水, 而汽水和酒也不便宜, 不過食物不會太鹹就是.

星期六同家人& BF 黎食 lunch. 4個人叫左: 1) 葡式烤乳豬 - 正. 脆面 肉 tender, 肥小豬. 正!2) 燒沙甸 - 咸左dd.. 不過都好鮮美. 3)葡式炒 蜆 - 隻隻蜆都好肉4) 馬介休球 - JUST OK. 5) 焗鴨飯 - 一般. 太乾身. 又試了葡式波蘿汽水. 十足波蘿啤的味道. 不過太細支囉. 一啖己經冇左一半~服務呀..都係咁上下啦. 普遍黎講. o係Macau 的侍應講野係 大聲d..不過唔代表佢地冇禮貌嘛~