山度士葡式餐廳

營業中

休息中

久違了的旅行，是次一家四口即興說一同遊澳門及珠海。前一星期才Book酒店及船飛等，可謂即興團。來到氹仔官也街，當然先要吃葡國菜吧! 由於天氣太熱，我們隨意地來到這間店，料第1餐即中伏了= ="先說葡國雞，望一望不是黃色是奶白色，已有點奇怪。吃落雞的肉質好鞋，味道太淡，完全無味，極度失望。馬介休球是小妹認為最好吃的食物，鬆脆可口，帶點微鹹，質感有點像炸薯。另馬介休炒雜菜又重回失望，吃不出馬介休味道，太淡了，與可普通的炒菜沒大分別。葡式薈羊肉中規中距，分量不太多，羊肉剛好一人一舊多少少，醬汁頗濃，配麵包吃不錯。由於餐廳不包茶水，炎熱的天氣，當然要點選飲品。小妹隨意選擇White Wine Punch Sangria，但倒出來的與平時喝的不同，明明是白酒，可能混合Food Punch，倒出來是橙色的，喝起來有點像芬達，酒的份量太少，而生果亦只有蘋果及橙，非常失望。想不到第1餐已是失望的一餐，又貴又不太好吃，是次吃過後應該不會再來，有待下一餐尋覓更好的葡國餐.......

難得來到澳門旅遊,旅遊書介紹了這間餐廳大約下午六時十五分已到達餐廳的門口發現已經有人群在等候開門了準時六時半,員工開門了老闆已坐在近門口附近用膳餐廳內充滿著葡萄牙氣氛掛滿了足球海報,照片等三個女生吃得不多,只叫了兩三道菜炸馬介休球,新鮮炸的,很香口很脆卜卜一口咬下去,有很多馬介休絲呢薯茸與馬介休的比例剛剛好新鮮炸出來炸蝦角,都是新鮮炸的裡面有很多原隻蝦肉而且內裡的醬汁有點像忌廉汁,包含了其他配料很足料!趁熱吃最好吃!煎豬扒,淋在豬排上的汁很紅原以為是辣油,很辣的但吃下去原來一點都不辣而且配搭了蒜蓉,味道很夾,很開胃呢但失色的地方就是豬扒很韌,刀子都磨蝕了...薯條是冷冰冰的,很硬飯淋上醬汁倒是不錯的

每次來MACAU都必來山度士的.好難得有假期, 好掛住山度士的燴牛尾同焗鴨飯, 所以特地來澳門食, 落左船, 肚仔好餓, 立即搭的士來到山度士. 已經差不多9點, 唔駛等位, 仲好驚要等.一入去見到山度山叔叔在食晚飯, 留下差不多滿, 所以上留樓上坐. 點知上面得一枱人, 個侍應都要叫我地2個坐角落迫位, 當然係好無禮貌. 我所以惡惡地同佢講, 我地想坐鬆D. 唔想迫住食.佢就由我地.咁我叫返我最愛, 成日都掛住的燴牛尾同鴨飯. 點知......炸唔夠耐, 無咩香味, 無特別好, 侍應落錯單, 叫3粒比左2粒.好期待的燴牛尾, 但已經大不如前, 味淡左, 牛尾少左, 不像之前咁濃郁, 仲要個底層係薯仔, 有少少失望.而且加左價158.焗鴨飯, 面頭熱, 中間唔夠熱, 好失望,睇得出粗製, 趕時間,沒特別, 不像之前好香鴨味, 之前成個飯鴨肉絲極多.但今次是鴨肉條, 可能唔熱, 所以唔覺好味. KIM見我覺得唔夠熱, 所以幫我攪拌左底面D飯.而且加左價158.總括, 可能出名左, 感覺粗製, 趕時間, 服務差, 價格不值. 來過MACAU好多好多次, 好多都試過, 覺得一般, 點知這間誠

過到大海,緊係要食D特別野, 係朋友同女朋友介紹下,就try下呢間葡國餐廳.BOOK 左六點半, 好其怪佢六點半先開門, 成村人一棟棟咁企唒係門口到,大家真心想try就盡量早D到…識食, 緊係要食D地道葡國野, 唔講唔知葡國野無mud葡國汁, 竟然炒蜆, 血鴨飯係地道葡國野, 仲要價錢都幾費…不過點都好啦, 一場黎到梗係要食下既…個炒蜆比較似清蒸蜆咁…無mud味道, 仲有小小沙…感覺就一般般.血鴨飯真係好特別… 簡單黎講係味道似咸肉粽, 外形似煲仔飯…. 飯既表面一層飯焦…內裡有切片既鴨絲, 用鴨造既臘腸, 鴨肝, 相當豐富, 但係味道就偏咸, 論飯焦既質感點到不及煲仔飯… 食完飯真係有D想番香港食大排擋…最好食既都系牛仔骨.. 唔係好葡國野, 但係整得算系幾入味…. Size 都能夠四人分,好可惜個薯條好dry….

從澳門旅遊書得知山度士葡式餐廳的地道炭燒乳豬口味正宗，所以今次特意前來一試。這裡的位置不算方便，附近也沒有發財車，又不想擠上那迫得像甸魚的巴士。從威尼斯人步行過來約需二十分鐘，還好有些自動行人通道，可以省點腳骨力。不少旅遊書都提到到訪山度士要先訂位。我們都是抱著一個來看看運氣的心態。餐廳外表以一個紅色的帳篷下有一小門，外表平平無奇。進入店內就能感受到葡萄牙色彩，牆上掛上了葡式裝飾品、軍艦和航海地圖及足球紀念品等。我們被安排水在上層的座位，相對而言就沒有特色了。枱與枱之間的距離較窄，不過小小的店很快就坐滿。待應會先用微波爐翻熱餐包才放上枱供客人食用。或許有人會好奇覺得我怎麼會知他們用微波爐翻熱呢?因為我們就坐在微波爐附近。餐包配上香港餐廳很常見的Anchor牛油。餐包沒有特別，內裡不太軟。麵包籃的布用了藍色格子圖案，未知是否想和那紅色格子枱布互相輝映？ 果汁汽水（橙味）店內用上葡萄牙出品Sumol果汁汽水。Sumol它樽身較香港的汽水高身，汽水帶著一股不化學、不人工的果味。  熱情果果汁熱情果果汁氣味特别芳香，可散發多種水果的濃厚香味。  葡式燒乳豬上菜時間還不用五分鐘，當然不能期

趁著假期近近地來了逛一圈。總離不開就是食!!!一到步就打電話訂台,也只能book到8點半。早到了還是堅持8點半才能入座。果然有規則,至少他們很親切的!終於入座還未點餐, 先來點麵包, 睇佢個樣差差咁,原來都幾好食。抱著沒有驚喜下也懶得拍照!像薯蓉般的馬介休，上碟美感差,軟林林很香口的。好味道!上台真係哇一聲，怕辣啦,賣相又靚啦。這個牛最失望，有點林到口感都無晒,汁是很惹味的。焗鴨飯，把我肚的空間全都ko飽了~也忘記這是什麼魚，滑滑的。一d都唔貴, 仲抱住個肚走。抵食抵食!!

一行四人去澳門玩當然要食下葡國餐啦呢間小店地點好就腳，又見店內都好多人食就試下啦焗鴨飯好香，粒粒飯都好有味鴨肉又唔會un或者老，值得推介馬介休炒椰菜，份量非常少，又唔夠熱味道一般，唯一抵讚係放左好多馬介休葡國雞同平時食開的唔多同顏色食落又ok wor，汁香雞滑，有驚喜燒豬賣相好唔得，得四五塊豬，斬得又樣衰衰一咬落去已心知不妙，層皮竟然係唔脆，味道好普通薯條又係炸到乾曬，唔知想點有葡萄牙汽水飲，幾特別呀，推介菠蘿味！總括都ok嘅，可以一試啦

趁CSI最後一天到澳門，遠離人煙籌密的香港，享受美好的週末。到達山度士約一點半，幸好不用等位，我們跟旅遊書推介，點了葡式炒蜆、燒乳豬，再加葡國沙律。燒乳豬果然名不虚傳，皮脆肉嫩，十分美味  伴菜還有自家製薯條，很香口。吃了肥膩的乳豬，配上葡國沙律，酸酸地，感覺清新。沙律有TOMATO、ONION、CUCUMBER，開胃之餘也中和油膩感，不錯！雖然生洋䓤有腥味，但酷愛“重口味”食物的男有卻盛讚不已。葡式炒蜆以鑊仔盛著，蜆肉肥美新鮮，沒有沙，和檸汁、芫茜一起炒得很入味，以勁快的速度吃完！下次來澳門一定要ENCORE！好好味！

第2日既行程去左官也街~去左食山度士葡國菜。入到去以為好細, 但係原來人地有2層架....因為唔知有咩好食...所以上黎OR睇...先知出名烤乳豬~葡式炒蜆 - 蜆肉鮮甜, 我就食唔到有沙, 但係飯伴就話食到幾隻都有沙...D香草配搭蜆的味道不錯, 不過感覺成個菜不是太熱, 只是和暖的...馬介休球 - 哈哈大鄉里的我以為馬介休球會好咸, 但係原來唔係架! 個texture好似薯蓉咁, 一D都唔覺得咸, 幾好味的!葡式烤乳豬 - 呢個真係堅好味道! 個皮做得超薄超脆超可口, 食完唔會覺得油, 同埋佢皮下面唔會有一層厚厚既肥膏, "下層"的肉質也很好, 不會烤得太耐而好"硬", 又是一舊好香好juicy既肉炒什菜 - 都OK好食, 用蒜蓉炒的, 夠熱夠"淋"~葡國橙味汽水 - 哈哈有少少似芬達...不過芬達好飲D我覺得

香港有個山度士，澳門也有個山度士．共同之處不只在其名字，更有兩人對足球的熱愛．山度士葡國餐廳內展出的球隊物品數目之多，山度士先生對足球的喜愛，顯而易見．餐廳位於人來人往的官也街，店內亦經常坐得滿滿的，所以要不是訂了位置，想walk-in挺難．所以這天我們一行四人，在餐廳門口等候它開門，立時就衝進了去吃個brunch． 坐下細看，室內的牆壁上除了球隊物件，更掛有帶葡萄牙國家象徵的飾物，國旗，和一張水軍肖像畫，應該是曾當兵的山度士先生本人吧！而他本人亦在我們身旁坐下，喝著紅酒吃飯和看帳，令餐廳的家常感覺更加濃烈． 我等是嗜酒之徒，當然點sangria喝！這裡提供三款份量，人少少的可以點最少的小壺，也能分到四大平杯呢．這裡的interpretation比較甜，喝得出水果的鮮味；但紅酒的base亦芬芳無比，但酒味並不濃郁，雖然也喝得我們滿臉赤紅，但不及陸軍俱樂部的強勁和快上腦．單論味道，是叫我們點頭稱是的順候好喝． 送來的麵包是獨立成形的豬仔飽，烘得鬆軟熱辣，質地頗為鬆大，麥味雖只是普通，但塗著牛油吃感覺會好一點． 豬耳沙律是必點的頭盤．這裡和純正的Castiço一樣，都將豬耳切成角狀，看來陸

呢餐原本想去亞馬交食的，但係就book唔到位，老婆又想食葡國餐，公雞食過無乜特別，行過見到山度士有位，反正未試過咪入去試下囉！兩個人叫o左3個菜and 2支葡啤：焗羊脾—味道一般，葡國雞—水汪汪重差過快餐店，烚椰菜—無o黎味道。反宜最好味就係呢個唔駛錢o既朱仔包！下次必定唔會再來！

聽講呢間野幾好味,所以專登過黎試點知就中伏呢間野6點先開門既, 6.15門口開始已經有人排隊了間野本身冇咩冷氣,好熱,亦無水提供,想飲水就要比錢買佢既樽裝水因為得2個人既關係, 所以可以叫到既食物唔多咁我地就叫左個焗鴨飯, 燒豬同埋馬介休球..好快就上菜,但d野食係唔熱架, 只係微暖...個豬仲要勁肥勁油好膩....每個main dish跟一面包, 佢既面包係成餐飯最好味果個了.....唔知係咪香港人既口味本身唔太岩食呢個葡國菜,總之就係唔好食,選擇又少埋單仲要over 300,真係no more next time!!

我地冇訂台, walk-in去~在門口等左10分鐘左右先有台~可能為左方便佢地的manage華人客要坐樓上, 樓上有講中文的侍應~而地面的位置全為外國人, 由外藉的店主+侍應招呼~店內無任何水的提供, 目的應該係為左大家可以order飲料~我地order左:1)燒乳豬$138: 乳豬皮脆肉嫩~d薯條都好好味XD~~2)西班牙炒飯: 有D葡國臘腸、臘肉等材料~~其實都好好味~~不過略咸~~3)雞蛋布甸: 好好味的雞蛋布甸~~甜而不膩~而且個焦糖都好香~!!葡國菜一般都比較濃味…所以冇野飲都真係幾大獲~不過我地都堅持離開餐廳先再飲其他野~太貴了XD

出發去澳門前幾日，知道週末人多都係BOOK定張台食晚飯穩陣D咯，於是問幾位澳門住嘅朋友睇下有咩好介紹，點知佢地都係咁答我...『澳門人唔食葡國菜』，當堂O咀兼暈左。到步後唯有問酒店朋友介紹左呢間山度士。我地一行8大兩細，要搵間餐廳坐得落而又唔訂位都幾難有得食。 待應好快帶我地上樓，服務都唔錯好快安排我地坐好。四圍望下先，除左牆上的圖畫就見到D SIGN寫住唔可以帶自來食物同飲品，再望一望MENU，不設清水只有餐牌上的礦泉水，承惠$25一枝大嘅夠4-5人飲。向大家研究緊食D乜嘅時候，待應都我地餓，奉上一籃好好味熱辣辣又脆卜卜嘅葡國包。我都照住個推介餐牌好快咁點左馬介休炒椰菜，葡式乳豬，葡國雞，凍蟹，咖哩蟹，葡國肉腸，葡汁煮蜆，鴨飯同埋件仔骨。由於呢餐飯有8個大人都比意見，所以會比較客觀，大家都會用一個鹹字去形容，好似乳豬肉腸都比較鹹，所以大家都以為葡國菜或澳門人口味偏鹹添。咁其他"食送"都有D特色，例如凍蟹旁邊嘅蟹醬，點麵包食幾好味，記住只係D蟹醬咋；咖哩蟹D咖哩汁有D海南雞味；葡國雞D葡國汁唔似港式有D地道味；鴨飯好似港式D臘甲焗飯味；比較印象好味係乳豬不過太多薯條。唔飲啤酒，千祈唔好

來到氹仔，沒有刻意在任何一間餐廳訂座吃午餐，在官也街閒盪著，就選了山度士葡式餐廳。餐廳內裝飾簡單，掛滿了旗幟及有關足球等物件，沒葡國美食天地般富有濃烈的歐陸色彩，但卻帶有家庭式的味道，感覺也舒適的。這裡的焗鴨飯及烤乳豬都是招牌菜式，所以決定點來試試。葡式烤乳豬，色澤光潤，外層皮薄並烤得十分香脆，肉厚嫩腍，皮下的脂肪不會過多，吃著滿口油香總有點肥膩，不過味道恰好，不會過鹹。伴菜有大量薯條，熱烘烘的，很香口。焗鴨飯，以瓦載著來焗，金黃色的飯面帶點焦香脆口，飯內藏有不少鴨肉及葡式香腸，鴨油及香腸滲進飯粒內，但飯粒仍是乾身，不會太油膩，十分滋味。鴨肉軟腍，帶點鹹香，個人很愛吃底部的飯焦。還有焗馬介休，厚厚的馬介休表面略帶金黃，但邊位焦黑，簡單的以橄欖油作調味，不會蓋過魚的鹹香。魚肉吃下不算十分嫩滑，口感帶點挺實，伴上兩件大大的薯仔，吃得很飽。山度士的食物也是不錯，個人挺愛這焗鴨飯，難怪客人那麼多，幸好我們較早來到，否則也要在餐廳外邊等候座位。若大家是計劃來吃的，也最好預先致電訂座。