海灣餐廳

營業中

休息中

多年前嘗此歺廳之食物，驚為天人，此次欲回味唯嘆…早知…留番舊時的記憶就算啦！今次食左（1)炒蜆-味道好但有D沙，沙呢樣嘢好難避免，再者沙唔算好多，俾佢85/100啦！(2)焗鴨飯-鴨肉份量足不過鴨味淡，飯濕身唔香，俾50/100（3）非洲雞-非常唔得，雞雖滑但無味，個汁只有花生同椰味，丁点都唔香，俾40/100都已經手鬆左！經此一役，我應該唔会再幫襯！

這夜是中夜, 人月兩團圓。一家人高高興興到澳門玩二日一夜, 既是中秋,又逢國慶; 亦是奶奶生日。在沒有訂位下, 抱著碰碰運氣帶著老少到＋幾年前吃過又難忘的葡式餐廳吃晚膳。可能做節關係, 太多人等侯, 約＋分鐘坐下。先來一人一個香脆豬仔包, 皮脆肉鬆, 一咬即溶, 令人食慾大增, 那份滿足是喜歡吃麵包的人才有共鳴。之後開始點菜, 首先, 點了葡式小食, 如咖喱卷、葡式香腸; 香脆可口, 少油美味。再來清烚疏菜, 健康又失清甜原味; 接著奉上錫紙包魚, 雖然是平凡又便宜的魚, 但掌控時聞適中既滑又甘香。非洲雞香辣又富肉汁。最後,來一客焗豬扒飯, 豬扒鬆滑, 飯香入味。配上葡式雜果賓治, 這一頓平常但帶傳統的葡餐卻令一家老少盡興難忘, 吃得津津有味, 全因廚師用心去做, 將普通又平凡的菜式變得美味又可口。令顧客回味這份葡國風情。

這是十分有水準的餐廳.價錢有點貴,分量也不多.但真的十分好吃,血鴨飯,很香,但有少許膩.非洲雞,少許辣十分野味,雞肉嫩滑梳乎里,美觀,香甜.本身較少吃葡國菜,但也想推薦一下.

蝦角 淋淋的, 唔好食牛尾湯 味道普通, 配超脆餐飽very nice焗鴨飯 稍油膩, 味道唔錯, 鴨肉份量相當多非洲雞 無得彈, 做得十分出色, 基本上汁都可餸飯, 係澳門食過最好味的, 為了它下次必定再來本來還想點牛肋骨, 但服務員話太多了, 吃不完會浪費, 真值得加許 (因為真係太飽了)

是次澳門之旅既最後一站，食左好幾餐都未食萄國餐，記起船屋，就走左過黎下環呢邊，不過又係爆棚，真係夠旺場，行前見到有海灣，就過左黎試下。唔想食飯，所以都係唔要焗鴨飯，各自揀自己想食既主菜加d小吃。先黎餐前飽，好熱，熱到有d燙手，個熱力係牛油一搽就溶，堅係熱。飽面頭微硬，內裡夠鬆軟，係幾impress既餐前飽。小食要左蝦角同馬介休球，蝦角原來入面係芝士同蝦，芝士味幾輕巧，唔會太膩，個皮軟腍腍，送酒幾好。另一款係馬介休球，好多時食到既係外軟內軟，這裡算不上外脆，不過唔係軟腍腍，收貨的，味方面，唔係幾夠鹹，跟蝦角比，個馬介休球顯得好一般。主菜有羊脾肉，薄切片上，燒汁味淡，羊脾就小許羶味，加埋件事就好ok，羊脾肉質軟腍，好食，不過真係切得太薄，影響左咬口，個跟羊脾既薄荷醬都做得幾好，至少唔係一舊無味既薄荷jelly。另一樣係牛脷，係驚喜既一款，好腍，腍得黎有咬口，個汁好送飯，難怪店方係跟飯上，其餘兩份都係跟個沙津。最後一款主菜係豬肋骨，豬味濃郁，有濃濃既烤味，也不錯。甜品要左雞蛋布丁，d糖醬幾甜下，布丁蛋味普通。疏乎里，食左都真係無咩印象。呢到Sangria要三舊水一jar，真係貴左d，結果都係

近媽閣附近,乘的士較方便,與大馬路較遠蝦角內層有芝士,好味道,要食完再食炸馬介休,炸得好美味,好食炸肉丸也好味,但有少少咸焗鴨飯有點乾周圍環境也很優雅舒服下次要再來,試試非洲雞

家姐推介,盲摸摸被騙. 看一看價錢牌. 咦! 我係咪未瞓醒? $70一碟烚椰菜(未包加一), $90三條沙甸魚(唔計魚頭魚尾,每條應該都有3吋半長)(未包加一), $35一客芒果布甸(未包加一), $160一碟葡國雞(雪藏雞胸肉x~4件,一人份量)(未包加一), $250一客肉眼扖(未包加一), 鍾意食法國石頭飽既人,應該會覺得佢d餐飽好食(可惜我唔鍾意食法國石頭飽), 果碟葡式蒸蠟鴨飯(所謂焗鴨飯)(>$150未包加一), 太油,而且葡式蠟鴨無中國蠟鴨咁好食(個人意見), $520一隻羊肶(未包加一)<-食唔起, 張臺好搖.如果以每人消費$100-$150, 一個成年男性,應該食唔飽(減緊肥既女士,或者夠)

特意到澳門試一頓葡國菜,便選了一間老牌葡式餐廳 -海灣餐廳. 餐廳佈置好優雅, 食物價格中上 . 特選餐廳招牌菜一試.味道較濃厚, 直得一試的葡式餐廳葡色乳猪 - 乳猪皮脆,飯香焗鴨飯 - 飯內有鴨絲及有濃濃的鴨油香味非洲雞 - 醬汁味濃燒牛肋 - 牛肋入味西洋炒蜆 - 有濃濃酒香

海灣餐廳這一餐是第一日美食之旅最後一站。是餐，澳門朋友作東，為全日旅程中最貴的一餐。晚飯地點：海灣餐廳。餐廳共分兩層，樓面相當大，共劃開幾部份，我們吃飯地點為二樓一間小房的。餐廳裝修十分優雅富品味，一看就知不會便宜。打開餐牌：嘩，差不多每味菜都近百元以上，不過一次半次，也不計較那麼多。馬介休魚球：由於我不吃魚，所以無緣一試，不過友人說是這餐廳的招牌菜，所以也點了。六粒魚球，大概是2粒魚蛋那麼大，價錢120元，只友人們都說很好吃。雞粥：盛粥的，是一隻茶杯。沒錯，是茶杯。一隻稍大的茶杯，連碗都稱不上。價錢：40 大元。可能會想，那麼貴，一定是不值吧，但吃完一口，我知道什麼是一分錢一分貨，綿綿的粥滲滲鮮甜美味，份量雖少但已夠滿足，粥底應該煲了很久，雞肉都化了，精華都在粥裡。這碗粥，絕對是貴夾唔飽，但真是十分好味……豬耳沙律：切成條狀的豬耳，伴以檻欖、洋蔥，淋上特定的醋，就是一盤開胃前菜。豬耳爽口，偏酸，但味道還可以。豬仔包：用來沾湯吃，我卻用來沾粥吃。牛仔骨：又是值得推介的一味菜。牛肉味極濃，相當入味，而且肉質鮮嫰，唯一不足是份量細，不算大片。乳豬炒飯：葡式乳豬加上炒飯，不過個人感覺一般。首

早前到澳門一遊, 到埗第一餐便給褔隆新街的“翅客”殺過片甲不留, 跟著混亂中又被“西灣安記”弄得全軍覆沒! 實在無膽再試新店了, 一於去“海灣餐廳”, 因為質素有保證!牛尾湯 – 牛肉不少, 肉香夾雜酒香, 只嫌面層油脂較多炸馬介休球 – 加了葡式臘腸及小蝦米, 再配一些芫茜, 食味有點像糯米飯, 好味非洲雞 – 除“佛笑樓”外, 這裡的非洲雞是我吃過最好味的, 皮脆肉嫩, 醬汁充滿咖哩同椰絲香焗鴨飯 – 第一次吃, 上枱時已聞到鴨肉香, 雖有點膩, 但也不錯環境屬一般西餐廳格局, 氣氛浪漫; 服務員雖不算勤快, 但不會在客人附近穿梭令人不安。

生日聚會突然想食葡國菜，看到食評對海灣的評語好壞參半，所以就親身來試一下。我們試了以下的食物：餐前附送的豬仔包：外脆內軟，不錯西洋炒蜆：有少少的酒味，還不錯蒜蓉炒椰菜/西蘭花：還不錯，菜炒得剛剛好，很清爽和鮮甜血鴨：鴨肉煮得很軟嫩，很容易咬，醬汁方面有一點點酸酸的，我覺得配合起來很美味啊，好食咖哩蟹：因為本人覺得食蟹很麻煩，所以沒有嘗試，朋友們覺得不錯海鮮飯：配料很多，很鮮味，不錯非洲雞：雞肉很嫩，醬汁很惹味，不過太油了燒豬柳：普普通通，不過肉質也是很嫩的燒牛肋骨：很嫩，厚厚的一片，8~9成熟到，中間還可以看到紅色的肉燒羊脾：同樣肉質很嫩，不過有點羶，有附上一個醬汁，朋友話似牙膏味馬介休球：炸得外脆內軟，不油，不過食吾到馬介休味，好似食緊炸薯球咁總括來說，這次食物方面的味道不錯，為甚麼用這次呢，因為朋友話之前食過吾好食，但覺得這次的食物還不錯，所以我只能說這次味道不錯不過價格真的貴了一點

之前看了綱友點評，所以過來澳門一試這家海灣餐廳，其實呢間野都幾難搵，它不是在旺區，是在媽閣，裝修OK，待應態度都何以，其它檯客人明顯都是外國遊客，語言溝通都無問題，點了牛尾湯，摩囉雞跟飯及錫紙焀立魚 :-牛尾湯 - 味道OK，平均水準但末算突出跟湯麵包 - 熱，脆，但入面口感有點纖維化摩囉雞跟飯 - 很其怪，他一點也不像摩囉雞，他的汁是水汪汪的，狀似廣東鴨腿湯飯，雞是雪雞口感，薯仔多但好像末夠熟，沒有起粉的感覺錫紙焀立魚 - 最失望的的一味，魚是新鮮的，味道淡淡的帶少許腥味，但跟”好味” 二字完全拉不上關係其實這餐廳的價錢不算便宜，每一道菜都起馬在百五，六蚊以上，但覺得味道好，貴一點也不是一個問題，現在覺得這餐廳還是在熊貓和木偶的水平之下，這是最難食的一次葡國餐，失望.

因為四圍行左好多地方，原本想去試長城，但見巴士停正佢前面，所以食左D間。因為睇左旅遊書，所以今次知道叫D咩野食，冇上次去船屋咁比人搵笨餐廳裝修光亮，整潔；雖然旅遊書話要訂位，但可能已經係 7:30 左右，但係都冇咩人，仲比左張大枱我地~~ 一行三人，飲左 3 個湯，食左蟹蓋、馬介休球、非洲雞同葡式焗鴨飯；埋單成 $900 都幾貴。但好食都冇咩所謂。香脆豬仔飽 - 必須熱食，否則唔脆，但仍然軟熟。茨仔青菜湯 - 茨仔已全融化在湯內，有火腿吊味。牛尾湯 - 足料味濃。忌廉蝦湯 - 蝦有少許腥，忌廉令湯更滑，麵包索湯後更好味。炸蟹蓋同馬介休球 - 蟹蓋好多蟹肉，馬介休同普通炸薯球冇咩分別葡式焗鴨飯 - 比較油同滯，但中間鴨肉好淋非洲雞 - 雞好大份，汁好惹味，配薯仔一流呀

豬仔包, 外脆內軟, 但好細囉。最讚係紅酒牛尾啦!!濃味餸飯係好ok架!!蟹蓋係好足料，但$160食既味道係吞拿魚三文治咁，我就覺得浪費左少少喇!!我一個都食唔晒，唔係因為太大個，係個味道太冇新意了。\原來都真係好多人，晚飯一定要訂位呀。其實都唔會好扺食，但下次都會試下其他餸。

因有特價澳門船票，所以閒日也約了幾位朋友「過大海」一遊，但我們目的並不是賭，也沒有預先計劃行程，只是周圍行逛影相，和到處飲飲食食！ 逛畢主教山及媽閣廟，大約下午二時，我們便到附近找地方醫醫肚，最後來到頗有名的海灣餐廳。餐廳樓高兩層，位置頗大，裝潢則以傳統葡式建築為藍本，以棕色及白色為主調，天花木樑下懸著簡約吊燈，牆上掛的也是簡簡單單的線條畫，而地上則是不規則的深色雲石圖案，傳統中也不乏時代感，整體令人感覺舒適自在。食物方面大致為傳統的葡國菜式，加入少許西式小吃。由於我們中午前只吃了些小食，所以雖然是下午茶時間，但我們連小食共點了比晚餐還豐富的八個菜式。 餐包：外貌就是普通的鹹豬仔包，但焗得外脆內軟，味道略帶鹹，不另收費但卻異常出色。 烤葡式臘腸：外型比中式臘腸稍粗，烤香後切成小片，口感稍硬，較為肉質，沒有中式臘腸那麼「臘」，但味道很鹹，作為佐酒小食便一流。 馬加休球：馬加休為葡語音譯（常為「馬介休」），即葡式鹹魚，是鱈魚經鹽醃製而成。把馬介休混入薯蓉及蔥粒製成球狀，炸香便成。馬介休口感像中式鹹魚，但沒有想像中那麼鹹，味道倒不錯。 豬肉碌結：與馬加休球製法類似，只是把馬介休換了豬