禮記雪糕

營業中

休息中

2007年11月26日，禮記已經來過至少3次，每次都來吃雪糕三文治等來懷舊一番，這次也不例外：雪糕三文治：其實不算很美味，但個盒實在太經典，每次都叫來拍照一番。椰子雪糕：沒有記憶中的好吃，不知道是退步了，還是記錯了？是芋頭味好吃？（下次再吃芋頭，今天已經沒有Quota了）紅豆雪條：4元一條，好多紅豆呀，好好味，落單前我們問有否其他味道，老闆說：「好的，一種味道就夠了。」說得真對。

懷舊feel 見過佢整雪糕既芋頭真係king size 芋頭覺得紅豆雪條和芋頭雪糕最啱我口味

18-8-2007行完山熱到傻0左, 0黎呢度飲0野/食雪糕降降溫.叫了雪糕紅豆冰(圖左下)... 白色雪糕球係椰子味, 淡淡咁幾香, 不過紅豆底就太甜太甜, 又唔起沙, 唔好飲.朋友的朱古力雪糕(圖左上) 顏色怪怪的, 食落又係得個甜字, 無朱古力味. 麻麻0地.又要了個菠蘿冰, 又係一般, 志在懷舊0下咁啦.不過三文治雪糕就好掂, 有椰子/花生/0云呢拿三隻味, 個人覺得花生香最好食, 俾人好raw 0既感覺, 好濃花生味, 唔會好甜.環境「懷舊」幾得意; 招呼唔得, 成日漏單, 我0地去當日仲有兩個伙計0係度大罵戰, 搞到成間鋪氣氛好僵!未0黎過的可以0黎睇睇, 不過相信我唔會有第二個visit 喇!

環境很乾淨寬敞，有八十年代香港的冰室feel；雪糕三文治很懷舊，包括那包裝盒，吃後想把沾了雪糕的盒子帶走，老闆見著，竟主動給我兩個全新未摺的，太好人；又吃了紅豆冰，紅豆大大粒，沒有加奶的，微甜，一定要試！<br /><br />這種有情有境有時代價值的地方，香港冇晒架喇！貴租都扼殺晒啦！

我同boyfriend睇住地圖行下行下由松山公園行到一條好有萄國特色街道-- 荷蘭園正街,又由萄國特色街道行到古老街道行行下發覺\'乃\'野..... 佢\成條彌敦道甘長........行到死....行到慶恰恰食雪糕就最好不過啦.... 於是我地叫棷子,香芋,朱古力同有懷舊包裝雪糕三文治, 雪糕三文治包括花生,蜜瓜同棷子雪糕, 不過我就覺得棷子,香芋同蜜瓜最好味 ,boyfriend 就覺得雪糕三文治都唔錯, 不過估唔到塊薄過一亳米的威化, 味道香濃, 唔會食到只係得雪榚味, 推介! 於是又叫咖啡,薄荷同芒果......不過,點解雪糕溶左之後水還水,汁還汁....棷子似棷汁西米露糖水,香芋似棷汁芋頭西米露糖水,咖啡好似茶餐\廳咖啡,薄荷似綠箭,芒果似芒果布甸??唔通呢就係80年代雪糕口味?http://vlinkup.blogspot.com/2006/10/macau.html<br />

是日再到澳門一遊，事前做足準備功\夫，往Openrice網頁作一番資料搜集。呢間禮記雪糕，獲得頗多好評。到澳門問路，只要一講「禮記」，所有人都會「哦」一聲，然後講底點樣去。一到大門口，見到裝修好懷舊，有一種六、七十年代的氣氛，這已令阿K與我倆一陣亢奮。裡面的設備是舊式的，時間彷彿凝結了。燈光偏暗，好似拍緊「阿飛正傳」。首先我叫了一個士多啤梨雪糕，雪糕奶味比較輕，明顯地與兒時所食的一模一樣。這樣也好，起碼冇咁肥，可以食多幾個。除此之外，士多啤梨味道幾濃，証明用料頗足，唔似現在一般雪糕甜味有餘，原味不足。五元一小球，三扒兩撥已經食完，雖然話抵是稱不上的了，但勝在食份懷舊感，而且原味十足，之後添食的芋頭及雪呢拿味，這份用料足的感覺更加強烈。在「禮記」食雪糕，唔食紅豆冰雪條的話你必定會抱憾。先論雪條外形，恰恰是細個那時媽咪做的一樣。食落便是啖啖紅豆。紅豆十分之大粒有咬口，食完之後好滿足。我想這裡的紅豆冰會一樣咁出色。可惜那時那刻我的胃納已達極限，唯有下次再試過。這裡雪糕一球五蚊，雪條每條三個半。個人認為雪條抵食些，但過得來澳門食，呢個檔次的消費絕對合理。

香芋雪糕磚同紅荳雪條, 係必食的. 第二個地方一定食唔到呢種味道

我和朋友各自叫了三色雪糕(椰子、香芋+花生)和簿荷雪糕。還有一杯紅豆冰。這裡的食物很便宜，雪糕的味道係一種細個時的雪糕的味道。如果你用現在的準則去食，可能味道不會滿意。

三文治雪糕很有八十年代feel，香蕉船、特飲及小吃也不錯，價錢平宜。

威化夾密瓜、椰子、菠蘿味既三色雪糕：無論個款定D 味都好「唔香港」

舖頭入面裝修好懷舊,感覺好似返到六十年代<br />三色雪糕($14),呍呢拿味最正,食哂一箱雪糕都願意!<br />三文治雪糕,都唔錯~<br />禮記一定要去試下~唔試你就走寶~~!

同媽咪去一人叫左一個雪糕,椰子同白芋,個d雪糕唔係d香精整的,而係真係有個隻材料,好似香芋咁,食到有粒粒芋頭~~

尋日去o左呢度試雪糕三文治，因為睇旅遊書o既介紹，有懷舊feel。試o左個雪糕三文治，有咖啡﹑椰子同一隻食唔出咩味的，覺得一般o左d，冇乜特別呢!

呢間係好有懷舊特色的雪糕店,香港已經見唔到,當然唔好要求有hagen-daz呢d名牌雪糕的質素,最主要係來感受一下懷舊feel已很足夠了,我覺得這裡的店員很nice,老闆娘仲送左好多佢地的logo lable紙比我地留念tim!

當我睇完大家嘅評語,實在令我太驚訝!首先講吓態度啦～我喺禮記做了兩年的暑期工.咩人我都見過,其實大家講禮記服務態度差,咁你哋有冇唸下自己嘅態度呀！有時你哋香港人嘅行為確實令我哋澳門人反感.尤其一啲香港客未入嚟巳經彈三彈四講到成個食家咁，咁你哋有冇顧吓開食店人嘅感受！人哋賺你十幾蚊，好食唔好食都算啦．兼且人哋仲係家庭式生意,唔通你想好似５星級酒店服務態度咁咩!!你哋點可以一既而論呢!我最開心有一次有一家韓國人嚟食嘢，食完後，佢向我哋問路．因為言語關係我只好指手畫腳地講俾佢聽，跟住老闆娘仲叫我出去帶佢吔去撘的士，嗰班韓國人用英文對我講：「We are in Macau two days,you are the best.」當我聽完之後我真係好感動.至於味度方面,我覺得根本同出面啲雪糕就係唔同,可能係大家可能食得太多軟滑嘅雪糕食唔慣質感較重嘅雪糕.一時接受唔嚟啫,並唔喺話唔好食.人哋哈根打死,牛奶公司咁財雄勢大,咁大間制造廠,就算唔好食呀,啲廣告都迫到你話好食啦!!.....雪糕滑唔滑只不過睇佢部機器打得有幾快啫，你睇麥噹噹啲雪糕咁不停咁攪，啲雪糕當然會好軟啦．如果我哋同佢哋一樣就唔會叫禮記