影片
更多
2024-08-29
295 瀏覽
嚟到澳門，當然要食返餐正宗葡國菜！呢間官也街新開嘅葡菜餐廳，部分食材由葡萄牙空運直送，菜式選擇豐富；環境優雅，深棕木地板及餐桌椅、播住柔和音樂，氣氛不錯～🥖餐包好鬆軟，搭配混合咗蒜泥及歐芹嘅自家製牛油、橄欖，更添美味～🦀主廚特製蟹肉釀蟹蓋 (MOP $188)原個蟹蓋上好吸引😍整個蟹蓋都係滿滿蟹肉，加入碎蛋、紅蘿蔔，層次感豐富，鮮味多汁好creamy🤤配咗香脆嘅蒜蓉多士，蒜蓉味濃郁，將蟹肉鋪滿整片多士，再一啖咬落去大滿足！🐟沙丁魚柳佐秘制葡式醬汁 (MOP $128)沙丁魚係其中一款葡萄牙直送嘅食材，好有鮮味！魚肉嫩滑，配上葡式醬汁，酸酸甜甜好開胃😋平時好唔鍾意配搭嘅麵包好硬，但呢款麵包好鬆軟值得一讚，而沙律菜都好新鮮～🍝葡式白酒風味什錦海鮮扁麵 (MOP $228)扁麵做得乾身、唔會成大堆醬，同時充滿白酒跟橄欖油嘅香氣，非常入味😍海鮮有蜆、大蝦、魷魚，足料且鮮味突出，表面加上芝士碎更添風味🤤🐓葡式經典椰汁非洲雞 (MOP $190)椰汁非洲雞原隻上，燒得唔錯，隻雞唔會乾柴柴，特別係雞髀好嫩滑！雞皮經烘烤嘅香氣，配搭嫩滑嘅雞肉，加埋椰汁整體感覺好夾😋配菜仲有薯蓉，混合咗芝士飄嚟陣陣香味
嚟到澳門，當然要食返餐正宗葡國菜！呢間官也街新開嘅葡菜餐廳，部分食材由葡萄牙空運直送，菜式選擇豐富；環境優雅，深棕木地板及餐桌椅、播住柔和音樂，氣氛不錯～
🥖餐包好鬆軟，搭配混合咗蒜泥及歐芹嘅自家製牛油、橄欖，更添美味～
🦀主廚特製蟹肉釀蟹蓋 (MOP $188)
原個蟹蓋上好吸引😍
整個蟹蓋都係滿滿蟹肉，加入碎蛋、紅蘿蔔，層次感豐富，鮮味多汁好creamy🤤配咗香脆嘅蒜蓉多士，蒜蓉味濃郁，將蟹肉鋪滿整片多士，再一啖咬落去大滿足！
🐟沙丁魚柳佐秘制葡式醬汁 (MOP $128)
沙丁魚係其中一款葡萄牙直送嘅食材，好有鮮味！魚肉嫩滑，配上葡式醬汁，酸酸甜甜好開胃😋平時好唔鍾意配搭嘅麵包好硬，但呢款麵包好鬆軟值得一讚，而沙律菜都好新鮮～
🍝葡式白酒風味什錦海鮮扁麵 (MOP $228)
扁麵做得乾身、唔會成大堆醬，同時充滿白酒跟橄欖油嘅香氣，非常入味😍海鮮有蜆、大蝦、魷魚，足料且鮮味突出，表面加上芝士碎更添風味🤤
🐓葡式經典椰汁非洲雞 (MOP $190)
椰汁非洲雞原隻上，燒得唔錯，隻雞唔會乾柴柴，特別係雞髀好嫩滑！雞皮經烘烤嘅香氣，配搭嫩滑嘅雞肉，加埋椰汁整體感覺好夾😋配菜仲有薯蓉，混合咗芝士飄嚟陣陣香味～食完都幾飽🤣
🍮葡式脆皮焦糖雞蛋布蕾 (MOP $88)
即席用火槍燒過表面、再灑上肉桂粉，增添視覺效果🔥形成一層焦糖脆皮，夾埋滑溜溜嘅雞蛋布丁，口感香脆得嚟細緻順滑～火槍燒過嘅焦糖香味加蛋香，令人忍唔住一口接一口！如果燒得再脆啲就仲正🤣
🥂Sangria
點了一紅一白，放滿水果，果味香濃飲落好清新！
總結：菜式精緻，充滿葡萄牙風味🇵🇹🌟
張貼
