影片
更多
2017-01-10
2679 瀏覽
令人一試難忘的一餐榮獲2017年米芝蓮指南推介餐廳，頂級天婦羅料理，令我一改對天婦羅的感覺。日本師父會喺你面前炸天婦羅，薄薄的一層蛋漿包裹每樣食材，炸至金黃色的外層完全滿足客人嘅視覺享受。今次叫咗兩個餐 share 食。日本師父好細心。將天婦羅餐的食材一開二，等我同朋友都可以食到。前菜：鯛魚刺身、蕃茄、四季豆。賣相好吸引，好精緻。底部配有唔同味道的醬汁，更能突顯食材的鮮味。食用次序應為較淡味的鯛魚>蕃茄>四季豆。頭盤：蟹肉、生蠔、鴨肉。最特別係鴨肉，驚喜地有鵝肝醬的味道，應該係加咗少少鵝肝醬喺上面，好香好好食。生蠔係用日本的生蠔，細細隻好鮮。天婦羅整體感覺好新鮮，最好食係蝦天婦羅，雖然唔係好大隻，但入口係幾鮮味。最印象深刻係生蠔紫菜包，好juicy，細細隻嘅生蠔食得出好新鮮，蠔味好濃。而其他配菜分別係蓮藕、茄子、洋蔥、咸水鰻魚。每樣食材所配的汁都唔同，食之前師父會同你講，呢樣係點鹽/檸檬汁/天婦羅汁。炸海鮮雜菜餅配麵豉湯：海鮮雜菜餅內有兩隻蝦，其他就係蔬菜。麵豉湯無咩特別。溫素湯麵及日式鹹菜：麵嘅口感真係一條一條，每一條都彈牙。好耐無食過咁有質素的湯麵，從心而發的欣賞。
榮獲2017年米芝蓮指南推介餐廳，頂級天婦羅料理，令我一改對天婦羅的感覺。日本師父會喺你面前炸天婦羅，薄薄的一層蛋漿包裹每樣食材，炸至金黃色的外層完全滿足客人嘅視覺享受。
今次叫咗兩個餐 share 食。日本師父好細心。將天婦羅餐的食材一開二，等我同朋友都可以食到。
前菜：
鯛魚刺身、蕃茄、四季豆。賣相好吸引，好精緻。底部配有唔同味道的醬汁，更能突顯食材的鮮味。食用次序應為較淡味的鯛魚>蕃茄>四季豆。
頭盤：
蟹肉、生蠔、鴨肉。最特別係鴨肉，驚喜地有鵝肝醬的味道，應該係加咗少少鵝肝醬喺上面，好香好好食。生蠔係用日本的生蠔，細細隻好鮮。
天婦羅
整體感覺好新鮮，最好食係蝦天婦羅，雖然唔係好大隻，但入口係幾鮮味。最印象深刻係生蠔紫菜包，好juicy，細細隻嘅生蠔食得出好新鮮，蠔味好濃。而其他配菜分別係蓮藕、茄子、洋蔥、咸水鰻魚。每樣食材所配的汁都唔同，食之前師父會同你講，呢樣係點鹽/檸檬汁/天婦羅汁。
炸海鮮雜菜餅配麵豉湯：
海鮮雜菜餅內有兩隻蝦，其他就係蔬菜。麵豉湯無咩特別。
溫素湯麵及日式鹹菜：
麵嘅口感真係一條一條，每一條都彈牙。好耐無食過咁有質素的湯麵，從心而發的欣賞。日式鹹菜個味道就覺得有青草味。
壽司御膳：$368
共有7件壽司，加6件細嘅青瓜絲卷。整體感覺好新鮮，好飽肚。
日式燉蛋：
真係好滑，入囗即溶，同香港食到嘅好唔一樣，果然係米之蓮所推介的。
甜品:
有4款味，分別係呍呢嗱、綠茶、柚子、南瓜。我同朋友分別要咗南瓜味同柚子味。南瓜味就似食緊南瓜蓉一樣，而柚子味就好清香，少少酸酸哋幾開胃。
甜品拼盤:
有3款精緻甜品，合桃蛋糕仔係最好食。其他兩款就普通。
總結，早d去會無咁多人。入到去係要除鞋，男士們係唔可以著短褲內進的。最好打電話先預訂，可選擇坐入面望住日本師父即席上演炸天婦羅的一幕，內裡裝修係落地玻璃，景觀好開揚，夠舒服。
張貼
