葡富軒

營業中

休息中

我諗已經4、5年無嚟過澳門，今日難得過嚟半日，千其唔可以浪費胃quota，要精選最值得去嘅葡國菜餐廳😎位於官也街附近嘅「葡富軒」，入到去你會發現雖然只係一間小餐館，但係環境裝修勁有葡國風味，服務更加係冇得挑剔👏🏻主廚特製蟹肉釀蟹蓋 ⭐️⭐️⭐️⭐️⭐️釀蟹蓋超多蟹肉🤤 將蟹肉混合雞蛋同其他食材，配埋小多士一齊食😍 我本身好鍾意食蟹，呢個釀蟹蓋唔駛剝殼但又食到啖啖蟹肉，推薦一定要試試👍🏻沙丁魚柳佐秘制葡式醬汁 ⭐️⭐️⭐️⭐️⭐️食葡國嘢又點少得食沙甸魚呢？沙甸魚極有葡國風味，味道好濃郁，魚皮帶有香脆感，配上蘿蔔絲，底層夾住多士，各款唔同口感嘅食材配埋一齊，層次好豐富🤤 葡式白酒風味什錦海鮮扁麵 ⭐️⭐️⭐️⭐️相對於其它醬汁，白酒意粉味道會較為清淡，但反而可以食到海鮮嘅味道🦐 意粉配上蝦、魷魚同埋大量蜆，加埋蒜味同少少辣椒吊味，我會加少少tabasco，味道更加好👏🏻葡式經典椰汁非洲雞 ⭐️⭐️⭐️⭐️⭐️非洲雞好多年前食過，一直懷念佢嘅味道！呢度嘅非洲雞同之前食嘅有啲唔同，佢無太多嘅醬汁淋喺面，但味道已經滲入晒去啲雞肉到，會食到椰汁味之餘再帶少少辣味🤤 葡式木糠布丁 ⭐️⭐️⭐️⭐️⭐️嚟澳門唔食返個木糠布甸真係對唔住自己呀😆 呢