葡景軒

營業中

休息中

過大海食咩好，梗係要食葡國菜啦！喺香港都仲未搵到一間非常正宗，反而喺澳門就搵到呢一間心水。最令人懷念一定係葡國海鮮湯飯，海鮮嘅味道非常濃郁，而且海鮮鋪滿晒飯嘅面頭，米飯亦唔會太硬！小食方面叫左白酒炒花蛤同樣勁香，而且花蛤都唔細粒；八爪魚及黑毛豬柳串食落有炭火嘅味道，燒得啱啱好唔會太過過火，八爪魚非常之有嚼頭。仲有一份主食就揀咗正宗葡式焗鴨飯，喺香港真係好少好少聽，鴨肉嘅味道全部都已經滲落喺米飯之中，再加上少少肉腸嘅點綴，鹹鹹香香，好食！最後當然唔少得葡撻，外皮非常鬆脆~甜度啱啱好