葡富軒

營業中

休息中

呢兩日去咗澳門旅行，去到官也街附近見到葡國菜好想食，門外睇完menu就入去頭盤有麪包，自家製的香草牛油，黑橄欖都好香葡式小食拼盤有咖喱角：食落去比較脆，而且咖喱味都好香炸馬介休球：都係比較香脆，而且有鹹香味炸芝士條：外脆內軟，好香的芝士味，喜歡食芝士的人啱晒炸肉丸：外皮金黃香脆，裏面有煙肉薯蓉，以上炸物都可以點沙律醬食炙燒葡式香腸：呢個打卡一流，好有儀式感，有店員喺你面前即場燒，有啲鹹味，咬落去比較有咀嚼感葡式烤乳豬：乳豬外皮燒得金香皮脆，肉質咬落有油香，鮮嫩無比。葡式焗鴨飯：用類似缽仔器皿放入鮮嫩鴨肉做底，上面再舖一層飯面烤焗，鴨嘅香味及甜味混和焗到微焦的飯，好味又有口感。火焰橙酒班戟：重頭戲就喺呢個甜品，呢個勁推介👍🏻店員會在面前烹調，加入大廚精心調配的橙酒，這一刻燃點橙酒，火燄令酒精揮發，一定要打卡。原味班戟比橙酒煮過，每一啖都充滿蛋香，第一次吃😍青蘋果和百香果梳打，呢兩杯打卡都好靚，記得攪勻啲先飲，飲落去酸甜，比較清新，夏天飲一流環境幾舒服，有兩層，樓上有幾張枱，地方算闊落，傾計好地方，食物都保持水準，店員好有禮貌，服務好好，每上一道菜都會介紹👍🏻