Mini Friday (The Wave)

Open Now

Now Closed

同事收工前突然話不如今晚去食飯，諗起這家好想再去食。6個人可以食多啲唔同嘅嘢。要飲啤酒又可以滿足了同事，女就可以叫一渣moctail ，叫幾個小食，叫4個main course，已經餵飽。 一份威靈頓牛可以等於兩個main course。 叫埋甜品滿足曬所有人

上年幫襯過旺角的Mini Friday兩次，味道不錯，特別難忘是火焰豬手。上個月轉工後改到在觀塘返工，剛好觀塘都有Mini Friday，放工後就來試試。坐下後，店員隨即送上一小籃脆片，配千島醬，酸酸的，可以開一開胃。見到「時代抗翼」餐牌，有4款口味，第一眼就被「黃到金雞翼」吸引，因為一直都鍾情鹹蛋黃，所以即時決定點這一個。黃到金雞翼炸雞翼配上鹹蛋黃醬，雞翼炸到好脆，外脆內嫰，上枱時熱辣辣，加上鹹蛋黃味又香又濃，十分滋味。威靈頓牛柳外層的金黃色酥皮，十分吸晴，切開的時候，聽聲音已經知酥脆。切開後牛柳不是全熟，應該有7成熟吧，中間夾有蘑菇汁及蘑菇粒。牛柳焗得剛剛好，肉質嫰，內汁又夠多，酥皮亦十分香脆。旁邊配菜中的黑松露薯蓉，陣陣的黑松露味，十分香滑。西班牙海鮮飯用料十分豐富，龍蝦、蝦、蜆、魚、墨魚仔，炒飯底夠乾身，味道可口。

喺香港想食威靈頓牛，一係自己整，一係出去買來焗，一係出去食！上網睇咗呢間迷你星期五，價錢好貼地，$298就有得食，一於叫齊人馬過嚟開餐先！主角威靈頓牛柳，外皮酥皮非常誘人😍令人好想馬上一刀切落去！呢個幾好！切一刀都唔會皮肉分離。仲用咗甜粟米同埋切個陣下勁香！牛柳水準非常好法式紅酒燴羊膝，晚飯套餐$198。紅酒醬汁同薯菜既黑松露薯蓉完美結合，仲有蘆筍，好有層次。羊肉好多，絕對唔係只有骨既羊煲咁😂

自從上回吃過威靈頓牛柳之後，小人一直念念不忘，今番一於安哥。經過上次一役，今次連頭盤都略過，不過少少的餐前小食也石放得落肚。粟米脆片加芝士醬非常惹味，佐啤酒一絕。主角威靈頓牛柳端上時熱度十足，表層的酥皮充斥著牛油的香氣。切開後便見到中間粉紅的牛柳，證明火候溫度控制得好。咬下牛柳，細嫩多汁，又夠入味；小人特別喜歡它用的並非只是普通的蘑菇，而竟然是黑松露！當一口之內，有齊酥皮、牛柳及黑松露，簡直就是滋味大爆發！絕對是高呢的威靈頓牛柳~

朋友喺觀塘返工成日食呢度既lunch set，佢話lunch質素幾好，所以成日想晚飯時段黎試下呢度既威靈頓牛柳，我唯有陪下佢啦🙊我地當然點左一份主角威靈頓牛柳，另外仲叫咗個DIY Pasta加$1既是日甜品，可以按照自己中意既汁，配料同麵底度身訂造都幾特別👏DIY Pasta我地揀左蒜片欖油+煙肉+闊條麵，pasta煮得幾好，雖然用欖油做base但望落唔會覺得油膩，色澤好靚👍 個汁微辣好開胃，煙肉煎到好香，索晒蒜既香味～闊條麵煙韌，吸左啲蒜頭同煙肉既香味好好食，而且有層薄薄既橄欖油係面頭唔會覺得乾身😋 不過份量唔算多～威靈頓牛柳等左大約十五分鐘，不過好值得！！牛柳幾大份，一切開啲酥皮聽到好清脆既聲音，酥皮重牛油香味，非常有層次～裡面既牛煮得岩岩好👍 外面熟裡面鮮紅，完全唔韌亦都唔覺得羶，唔駛點任何醬已經好好食😋牛柳同酥皮既中間仲夾雜左啲黑松露菇提升鮮味👍伴碟既露荀都好爽脆同新鮮～呢個威靈頓牛柳水準真係勁高！！👏👏👏下次都想試下呢度既招牌火焰豬手，希望到時我唔會俾呢個咁出色既威靈頓牛柳轉移左視線啦🙈

觀塘區呢間西餐好似都幾有名，網上評價又唔錯咁，特別睇見個威靈頓牛柳張相，就決定要黎試一試佢。餐廳門口都幾多人係到等緊位，不過好在有book枱可以即時入座。餐廳分咗西餐區同雞煲區，雞煲區仲設現場LIVE BAND。由於威靈頓牛柳張製作需時，所以都幾suggest第一時間就叫咗先，再慢慢看Menu，始終得2小時用餐時間，所以唔好浪費時間，另外，坐底個下就送上咗一籃墨西哥脆片w/芝士醬，不過脆片都淋晒仲好大陣油益味，整係留底個芝士醬好啦，最後我地叫多咗意粉、Pizza 、豬肋骨同雞翼。1. 威靈頓牛柳 ($298)牛柳真係無得輸，金黃色既牛油酥皮配搭黑胡椒蘑菇蓉，牛柳5成熟岩岩好，好食之餘仲打卡一流。2. 黑松露啡菇水牛芝士薄餅($148)芝士落得好足再配埋黑松露又係一個唔會唔好食的matching ， 自己本身都係中意薄脆餅底所以都幾 like。3. DIY Pasta: 蒜片欖油雞柳意粉($168)意粉一上碟唔洗望已經聞到陣蒜香味，雞柳又鞋口再加上蒜片香辣。不過接下來就開始係扣分既環節。4. Set Dinner: 香烤美式 BBQ豬肋骨 ($188)呢個真係好伏，豬肋骨雖則有4條，不過

早前睇網上飲食節目講威靈頓牛柳，睇到個樣好似幾好食，於是馬上喺openrice search，見到網站上介紹Mini Friday，而且正評幾多，於是即刻book位。上到去餐廳都幾大，坐底之後第一件事馬上同個侍應落order要威靈頓牛柳，其他再睇睇menu先。最後叫咗香草牛油焗田螺酥盒、溫泉蛋芝士忌廉大啡菇闊條麵、威靈頓牛柳同梳乎厘班戟。跟住首先上枱嘅係餐湯同啲餐前小食。今日個餐湯係紅菜頭忌廉湯，初頭見到成碗湯紅色以為會好酸(可能係紅色俾我嘅感覺會似羅宋湯)，但飲落口完全唔同，忌廉味好重，而且仲有啲蔬菜味，同埋個湯都幾濃，唔似其他餐廳啲湯稀到好似水咁。跟住到個沙律，上面有啲爆珠，同埋有車厘茄，個感覺幾清新。然後到個粟米脆片伴芝士醬，啲芝士醬又係好重味，啱晒我呢啲鍾意食濃味嘅人。講咗咁耐輪到講主菜，先係個香草牛油焗田螺酥盒，啲酥皮好香牛油味，配上田螺嘅味道，食落口有啲煙韌嘅感覺，配埋牛油酥幾好食。然後到個溫泉蛋芝士忌廉大啡菇闊條麵，本身啲大啡菇已經好香，配埋芝士簡直一流，再加上溫泉蛋同個忌廉汁，同埋啲闊條麵麵身都沾滿個汁(應該無過冷河，因為如果意粉之類過冷河，會令到個麵身變得比較滑，反而

前菜的沙律醬汁充足，吾會食到底就乾乾的，它特別的地方加入了爆爆珠，幾得意，但有少少藥水味呢~有DIY pasta 玩，喜歡酸酸辣辣的我，一定係揀番茄辣汁較開胃，不得不提的是雞柳，好滑和飽實😋為威靈頓牛柳而來的，當然很期待！賣相都不錯👍🏻一切開的時候，有一點失望😞牛柳完全無血色，而且吾飽滿，酥皮唔係包實件牛柳⋯不過牛柳食落又出奇地吾韌，加上焗出來的肉汁，都算好食。傳統的威靈頓牛柳是有一層風乾火腿包著菇蓉和牛柳，但這個欠缺了風乾火腿，亦都食吾出有芥末醬，而且菇切得較大粒，未夠細緻呢。以這個價錢，算是不過不失～

男友話帶我嚟食威靈頓牛柳好似好少地方有威靈頓牛柳，而今次都係我第一次食！係一個好有情調嘅環境，雖然地方係同食雞煲嘅餐廳分開咗兩半，但好神奇地係完全唔會聞到雞煲嘅味道，亦都唔會好似一般食雞煲地方咁嘈，可以話比嘅一般嘅餐廳更靜。但隔離雞煲既live band就Mini Friday既食客都可以享受到，所以係非常有情調又唔會阻礙到大家傾計。啱啱坐低冇耐店員已經好快俾左水我哋同埋上咗一份小食，非常貼心。枱上面亦都放咗即磨嘅黑胡椒白胡椒辣椒仔等調味料。比起一般餐廳問先至有真係大方得多。先來一個西班牙炒飯，可以話同佢餐牌上面嘅圖係一樣㗎，唔係圖片只供參考有鮑魚。啲飯炒到煙韌入味，正👍🏻👍🏻👍🏻都我嘅重點威靈頓牛柳啦，薯菜係紫薯蓉。一切開啲香菇味同牛柳嘅味道湧晒出嚟！牛柳超級軟淋！雖則話同男朋友嚟都好有情調，但係兩個人食唔到好多野，下次同一班朋友嚟食多啲先！

第一次嚟Mini Friday, 覺得呢個地方好大，好適合一班人嚟gathering,呢度坐得好舒服，啱晒食嘢飲嘢同傾計，而且哩度冇時間限制，唔會話因為星期五人多趕你走，Open Rice訂座仲有八八折，正！今晚約咗兩個朋友嚟哩度食飯，之前已經上網睇下有啲乜嘢推介，見到有一個好出名嘅威靈頓牛柳，於是我哋就叫咗哩一個做頭盤，另外叫咗個腐皮蟹子沙律做前菜。飲品方面，我哋見餐牌有個影得幾靚嘅飲品叫 Germany，於是諗住叫嚟呃下like, 可惜嚟到嘅時候嗰個實物同幅相差好遠，不過味道係好好飲嘅！講返個前菜,哩個腐皮蟹子沙律的確好味，而且出面都冇食過，我覺得呢個Idea 幾好！至於威靈頓牛柳賣相非常好，切落去件牛柳唔會太熟，酥皮又好香，不過真係好飽肚，所以我哋本身諗住食完之後叫甜品，最後因為真係太飽所以冇叫，下次一定會嚟試下個雪糕疏乎厘班㦸。

小妹睇到有Media介紹威靈頓牛柳所以先知道呢間餐廳，因為威靈頓牛柳做法繁複所以一般餐廳未必會做又或者價錢會好高，見到Media介紹只係＄2XX所以即刻book位環境以歐洲style為主，環境黑黑地，D燈都幾特別，氣氛唔錯。Meun算幾多選擇幾有特色而且仲有set dinner (一人或二人)，想點揀就自己諗喇。小妹叫咗一份1人set dinner再加威靈頓牛柳一份Set Dinner 田園沙律＋是日餐湯田園沙律都幾豐富，有蕃茄、沙律菜加埋黑醋都幾開胃，最搞笑係加咗蜜桃爆珠，多咗一種口感之餘仲多咗水果甜是日餐湯係紫薯湯，小妹見到紫色～心諗咁搞笑，一直都無試過紫薯湯。原來味道都唔錯，唔會好甜同膩，反而有甜薯既香味同質地偏向湯水，幾特別Set Dinner 烤龍蝦配豬肋條 ＄209龍蝦Size唔算細，食落蝦肉爽口彈牙仲有一陣海水咸香，烤得岩岩好。即使唔點醬都好香海鮮味。豬肋條質感爽口而且沒有骨，岩哂喜歡啖啖肉既朋友。配上隨碟配搭既2款醬汁，味道都好夾，話咁快食哂D主菜以為份量好少？其實仲有果紫薯球架，用了新鮮紫薯做既薯泥，啖啖都食緊真紫薯一樣，點會唔飽重牌威靈頓牛柳 ＄288主角出場！小妹

印象中除了酒吧及卡拉OK外，沒什麼地方有娛樂活動提供。星期日晚相約朋友到觀塘工廠區這家餐廳來吃威靈頓牛柳～想不到除了食物外竟然有額外驚喜！環境氣氛不錯當晚約6:30星期日，由於位於工廠區內，人流不多。wow~原來餐廳內設有電子飛鏢機三部！吃完晚飯也可以運動一下！本想點個二人晚餐，鑑於感冒未癒，胃口不佳，所以還是散叫了幾款最想吃的。偶爾會因氣管敏感咳嗽的我這晚放了冰凍飲品和Cocktail只好喝不太冷的蘋果汁。身為「蛋精」一定要點最愛吃的溫泉蛋～這道溫泉點大啡菇是當店熱選賣相一流，口感味道也不錯兩隻大啡菇肉厚而Juicy, 半熟溫泉蛋一切開感覺很療癒菇上鋪上芝士及菠菜，不會過咸，蛋黃豐腴的口感漫延到味蕾素菜做食材可減少罪惡感吃過前菜就來這道Signature Menu-威靈頓牛柳，說到這菜色，必然想起米芝蓮餐廳Chok老闆拿起牛肉刀磨刀霍霍的畫面牛柳份量頗大，兩人分享就剛好了～牛柳切下去很稔味較淡，沾點醬汁較好吃，酥皮很脆，做到外脆內軟。配料非常豐富～有芝士、蘑菇，最最欣賞的是配料用了黑松露油，吃著滿口黑松露香，伴碟的沙律菜可解膩。最後，以一道日式梳乎厘班戟畫下一個完美句點。這道甜品可謂

星期日比老闆急call返公司，朝早食了早餐直至晚上，餓到前胸貼後背，放工即刻飛撲去食飯。今晚去了觀塘THE WAVE的MINI FRIDAY，鄰近觀塘站B2出口的THE WAVE，之前都有曾經到這棟大廈內的餐廳食飯，大廈內有多國菜式的餐廳選擇。裏面有飛標及藍球機供客人玩樂。我們點了威靈頓牛柳及煙三文魚凱撒沙律。煙三文魚凱撒沙律沙律菜很新鮮爽脆，有4-5片煙三文魚，全部都幾大塊，另外還有很香脆的煙肉碎，整個沙律非常清新。威靈頓牛柳差不多等了45分鐘才上枱，店員解釋全部都是下單後才開如製作，所以需時，其實只要好食的，等就不是問題。外層酥皮焗得鬆脆，牛柳內裏還帶有粉色，牛肉味香濃，肉汁豐富，還有濃郁的黑松露等菇香，美中不足是酥皮埋口位較厚，以致那部份的酥皮未焗得透。另外蕃茄燒得香甜，能中和口中的油膩感。Tequila Sunrise有淡淡的酒味，比較似fruit punch，甜度中等。總括而言，食物質素中上，尤其是威靈頓牛柳比較有驚喜。另外現場有live band表演，氣氛不錯。

上次食咪走雞果陣時發現原來同層仲有一間所屬同集團嘅西餐廳。裝修一流同見到Menu上嘅菜式好似唔錯,所以就已經Mark低左如果有機會就要試下。上枱已經見到賣相非常吸引,酥皮包住粉紅色嘅牛柳,酥皮厚度適中焗得香酥,牛柳亦夠juicy,再加上酥皮同牛柳之間嘅黑松露蘑菇醬非常之惹味,即使吾洗額外點醬都已經好味。每條意粉都沾上烏卒卒嘅墨汁,但食落充滿鹹香嘅鮮味,意粉裏面仲有幾隻墨魚仔但略嫌有D太生。炸軟殼蟹炸得香脆鬆化香脆,但中間仍然有D蟹肉,相當滋味。炸得香脆又邪惡至極嘅炸芝士外皮包滿麵包糠,而裏面嘅芝士拉線效果極佳,可以拉到好長都吾斷。係一碟需要趁熱食又非常之正但充滿邪惡感嘅小食。

觀塘既工廈好多西餐食，今次就黎到Wave食Mini Friday，同米走雞同一層，一邊係打邊爐，一邊就係西餐廳。多sofa位環境尚算寬敞，特色地方係可以一路食住飯聽Live🎼。🥗迷你三色沙律蛋糕 $82賣相吸睛，由左至右先試，黃色：有磨菇、芒果、蟹肉、紅洋蔥，友人最愛。紅色：紅洋蔥、士多啤梨、紅菜頭，酸酸地好開胃。綠色：有牛油果、番茄、青瓜，口感比較creamy，濃郁牛油果味。三款各有唔同酸甜味，層次豐富，整體味道清新。🍝辣肉腸拿破崙 $98辣肉腸好強烈既辣味，同清新既蕃茄味道夾，食落唔會漏，令味道更有層次。🐂威靈頓牛柳 $288威寧頓牛柳唔係每間西餐都能食到，所以好奇心下點了。酥皮外脆，厚身之余夠哂飽肚，內皮口感較黏，含有濃郁蘑菇餡。牛柳叫左五成熟，充滿肉汁。唔洗沾醬已夠味。