養心殿台式養生鍋 (Moved) New Location

依幾日落雨，天氣凍番少少，我又忍唔住去養心殿吃台式火鍋。養心殿分店多，今次跟老公去了旺角彌敦道分店，門口掛著紅燈籠，很容易找到。今次點了麻辣鍋及美人鍋。美人鍋中的烏雞真的超滑，麻辣鍋的湯底又夠麻！湯底未滾前，可以先到醬料區拿一些簡單調味料。手切肥牛、即炸響鈴、油麥菜是我每次也必點的火鍋料。這個手切肥牛，我老公不用十分鐘便清了大半碟！這個即炸響鈴真的要耐心等候，它真的非常香脆及吸盡底湯精華，超正！養心殿的台灣A菜真的是特別不同，可能是由台灣直接到港，平時在市場中買不到，非常新鮮翠綠！另外因爲今次不是點酸菜白肉鍋，沒有寬粉條，所以另外點了！QQ的，很美味！還有點了芝士牛肉丸及韭菜餃，特別推介芝士牛肉丸，一咬入口，芝士便湧出，喜歡芝士的人必點！最後，餐廳還送了甜品，兩個人總共吃了7百多元！

近排餐餐都茶記，冇乜住家飯食，又冇湯水飲，心靈極之空虛之際，就醒起呢間 養心殿 既湯底，即刻約朋友一齊食先。餐廳位於旺角小米之家既隔離街，係新興大廈既一樓，我地book左6.30pm，已經有一堆人等入座啦，人氣好旺盛咁。我想試養心鍋，朋友就想試薑母鴨鍋，咁岩呢度可以鴛鴦鍋，價錢就收貴d果個，咁我地想試既2個湯都係同價，咁就計$168。秘制薑母鴨鍋($168)用左台灣特產既紅面番鴨，再加入左老薑、馬蹄、當歸等藥材熬製湯底。仲有唔少鴨肉同冰豆腐，邊食湯料，邊飲一碗呢個咁濃郁既湯底，暖胃又滋補。寧神養心鍋($168)奶白色既湯底，入面有半隻烏雞，姐姐話係用左20斤鮮魚4小時精餚而成，好濃郁好鮮。仲有魚頭、川芎、白芷、天麻、豬肉、淮山、杞子、圓肉，我地仲夾起隻烏雞拆肉食，肉質幼嫩有雞味。醬料方面係自助形式既，有芫荽、紅辣椒、香蔥、香醋、豉油、蒜泥汁，由於湯底好夠味，我拎左小小豉油就夠做了。手切牛肉 ($238 細)每塊牛肉既脂肪紋分佈平均，厚薄適中，唔會一淥就散哂。食落口，又唔會食到筋，好香牛肉味，肉質非常嫩滑，唔一定要點豉油添啊！淥到微微粉紅就食架啦，再煮可能會over。黑柏葉($78)新鮮

呢間台式火鍋店自從食過一次後就好似上左癮咁, 每隔一陣就想又黎烚下烚下有鴛鴦鍋底, 價錢只以較高湯底收費, 一次過可以食到兩種湯底, 有人食辣有人唔食得辣都無問題啦!麻辣鍋 ($128) 以多種香料及藥材, 橙紅色夠晒刺激, 湯鍋內加入鴨血及凍豆腐, 可選擇辣度 (小辣級就OK啦我), 仲加送多一份鴨血比你, 份量都唔少架! 呢度嘅鴨血真係無得輸架, 口感超嫩滑, 似食緊果凍咁, 但又唔會一夾即散, 配麻辣湯底真係好鬼正架, 夾埋D芫茜一齊食就仲多一份香味! 另外個"索湯尤物"凍豆腐又係正, 不過小心入口時會被熱湯燙到呀!另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成, 滾起時已聞到好香藥材味!  當然要試下頭啖湯, 飲落有頗濃藥材香味但好易入口, 真係好似一碗補身湯咁!湯底仲有竹絲鷄及魚頭, 鷄肉烚完都仲係滑, 當然唔好浪費照食; 而另外個魚頭煎香左一D都唔會腥, 魚雲夠滑, 兩者結合增加左湯底嘅鮮甜度 !"LIKE佢Facebook及打卡仲有無酒精類飲品一杯請你飲" 呢個優惠仍然係度, 當然要拎個電話比個LIKE先啦, 贈飲無難度!御選

朋友生日，話想食火鍋，我即時想起養心殿，一來她未食過，二來養心殿出名養生湯底，啱晒女士之餘，連湯都飲得，火鍋料亦新鮮，所以我們就決定食養心殿。＊＊＊＊＊＊＊＊＊＊＊＊＊養心殿有多間分店，今次我們預訂了旺角分店，貪佢中間點夠就腳。平日晚上都坐滿人，幸好預早訂座。茶芥及醬料每位$20，醬料可以在出面自助醬料區拿取，不過因為湯底都很夠味，基本上全晚我們都不用蘸醬。湯底雖然只有六款選擇，款式不算多，但除了麻辣鍋和酸菜白肉鍋，其餘四款都是藥膳鍋。今次我們選了麻辣鍋($128)和美人鍋($188)，鴛鴦鍋以較高湯底價錢收費。麻辣鍋內有多種香料、鴨血和凍豆腐，其中鴨血還可以免費追加多一份。我們點了中辣，辣度剛剛好，火鍋料如非泡得太久，都不會太辣。鴨血很大片，食落帶點彈口，幾好食。凍豆腐吸收了麻辣鍋的辣味，麻麻辣辣很惹味！美人鍋材料更豐富，入面有原隻烏雞、桃膠、南棗和金華火腿，滋陰養顏，最啱女士。湯底滾起時，在落火鍋料前可先飲湯，可能因為剛滾起不久，所以只有雞味，但都已經幾好飲。吃到中段，我們再試湯底，其他藥材的味道終於慢慢出來，湯亦變得更清甜好味。最後我們連烏雞都食埋，真是成煲飲光！食火鍋點可以唔飲

現在食火鍋已經無分季節，而且火鍋料選擇多，可以說除了放題以外，另一老少咸宜之選。不過對於某些食甚麼都要計算卡路理的女性朋友，要她們來一場火鍋可謂比死更難受。幸好給我發現以主打滋補藥膳湯底的養心殿台式養生鍋，今次應該沒有理由say no吧？！＊＊＊＊＊＊＊＊＊＊＊＊＊今次選了養心殿旺角分店，地點方便易找。店內以木製梳孔屏風作間隔，讓食客有一定私隱度之餘又不會太侷促，而且還有一種台式小店雅緻的感覺。養心殿提供六款台式湯底，價錢由$128至$188不等，最意想不到是鴛鴦鍋只以較高價錢的湯底收費，都不用另外加錢。酸菜白肉鍋/麻辣鍋($128)左邊是酸菜白肉鍋，右邊是麻辣鍋，兩款都是$128，所以鴛鴦鍋都只是$128。湯底雖然不算特別便宜，但入面其實都幾多料。麻辣鍋有分三個辣度，今次只點小辣，如果火鍋料只是輕灼其實不太嚐到辣味，只有比較吸味的火鍋料如豆腐、蔬菜等才會吃得出微辣。麻辣鍋本身已有鴨血和凍豆腐，如果唔夠喉，還可以免費追加一份。鴨血夠厚切又大塊，食落不會太腍帶點彈口。凍豆腐像蜂巢豆腐，同樣是帶點彈口，吸了麻辣鍋的辣香味，正！酸菜白肉鍋湯底酸香味十足，個人覺得是無辣之選。入面有番茄、大白菜

尋晚同好姊妹們聚會，旺角是必然首選，之前試過另一間養心殿分店，印象唔錯，又啱哂最近凍返的天氣，一於就決定你啦。一坐下，先揀湯底，我地一行4人都嗜辣，當然要選麻辣鍋，另外因為唔想太寡，所以再選了酸菜白肉鍋（雙拼$128）。等待上菜的同時，就去醬料吧自行裝醬料，可惜是醬料只有較基本的組合(蔥花、辣椒、蒜泥等)，沒有我最愛的麻醬，醬料不是免費的，人頭一個要$20，所以如果可以再多幾款港人愛好醬汁就更perfect！ 5分鐘左右，鍋就上檯喇。麻辣鍋超香，叫左中辣，上台見到浮住一層辣椒都嚇左一跳，入口果然好辣好過癮！而 酸菜白肉鍋材料好豐富，撈一撈，撈到好多酸菜絲同埋腩肉片，酸酸咪咪既湯底勁開胃，令人食慾大增。餐廳生意唔錯，但侍應反應同上菜速度都很快，大加分！叫左不少菜式，選幾樣最鍾意嘅分享下。呢樣係朋友推薦的鴨血，叫麻辣鍋會送，麻辣鍋同鴨血真係很夾，一碟份量也很多。口感軟嫩唔腥，同豬紅煮得耐會硬係兩回事，無論係個煲煲幾耐都唔會硬。丸既賣相好靚，每款4粒剛剛夠試哂全部口味，墨魚丸（$48 半份）望落普通但內有乾坤，入面包有鵝肝，驚喜！深紅色既係芝士牛肉丸 （$48 半份） ，小心落入煲既時候千其

2018.03.08😊【對自己好啲•打邊爐亦可以養生】食在旺角民以食為天😋放到入口的食物又豈可隨隨便便養生鍋早已在台灣興起一股食熱潮近年更引進香港市場後極受歡迎🍲這次就連小妹都要來拜訪一試究竟店舖的設計以木色為主調一個個包箱私隱度高 亦有種穿越宮廷的感覺養生鍋 + 美人鍋 $188來到養心殿 不可不試招牌吧小妹比較貪心來個鴛鴦好了先來試一試主角湯底養生鍋的湯底是以人參、火腿、老雞及豬肉等較為滋補的材料肴成🐖而女士們最愛的美人鍋則以滋陰為主：有烏雞、杞子、南棗、金華火腿及近期流行平民養顏之選桃膠😍兩個湯底各有千秋 比較下前者味道較為濃郁 伴著麵線都分滋味 人參味很突出 最驚喜是豬紅不會不會夾即散；而後者的材料較為豐富 桃膠份量絕不吝嗇 但較為清淡小食: 鹽酥蚵仔 $78說到時台灣的養身鍋小店亦有數款台式前菜及冷盤供選擇鹽酥蚵仔比想像中來得大碟蚵仔不帶著一絲腥味 襯著餘溫香脆可口火鍋料: 炸午餐肉 $58手工丸類拼盤 12粒 $108酒香白肉 $58寬粉條 $38🍜另外最令人驚訝的是小店的手工丸有部分還是一般市面都沒有: 鵝肝墨魚丸、黑松露蝦丸、芝士牛肉丸、墨魚丸、蝦丸、梅菜豬肉丸 當中以

台式火鍋同港式火鍋既分別就係湯底能有養生之效, 呢排天氣咁凍, 真係要好好補下身先得, 就去呢度食返個台式養生鍋湯底選擇有幾款, 各有特色, 依加仲有鴛鴦湯底可選擇, 以價高價錢湯底收費 今次選了麻辣 ($128) X 寧心養心鍋 ($168), 紅白相拼!紅組嘅麻辣鍋配以多種香料及藥材, 睇落紅噹噹勁呀, 聞到都好香麻辣味, 內裏有鴨血及凍豆腐, 而呢個鍋仲可以免費追加一份鴨血, 抵食呀!食過呢度嘅鴨血真係返唔到轉頭, 嫩滑無比, 同個麻辣湯底真係絶配!白組嘅寧心養心鍋以川芎, 白芷, 天麻, 當歸, 鮮鷄, 豬肉, 及魚餚製而成, 侍應叫我地滾起時先飲碗湯, 啖湯真係好夠味道, 滿口川芎, 白芷, 天麻味, 飲完一碗彷彿頭風無晒!每鍋仲有竹絲鷄及魚頭半份, 鷄肉食起黎仍然滑; 魚頭先煎香左所以食落一D都唔會腥, 估唔到"湯渣"都咁好味!火鍋配料選擇都唔少, 有D仲係台式獨有食材, 餐前仲可以叫D小食食住先今次火鍋唔食牛, 改食呢客嘉美農場鷄肉 ($108), 份量對眼, 全部都起皮起骨片肉, 食起黎相當方便又健康D肉質幾滑, 加埋湯底既味道都幾岩食!丸類方面呢度有半份咁叫, 就算2

最近每個人都說養生, 養身, 連火鍋都吃養生的火鍋。我和3位朋友也來一來湊個熱鬧。一進店, 木制的間格, 古典優雅, 像包廂般; 通常女的朋友的喜歡吃美人鍋,原因?當然是愛美, 有原隻烏雞, 桃膠, 杞子, 南棗及金華火腿肴制而成, 含豐富的膠原蛋白, 滋陰養顏; 輕輕喝一口清湯, 極為清甜的口感, 愈滾愈清香; 而烏雞肉肴得十分軟滑;吃火鍋, 當然少不了牛肉, 我點了一份霜降肉眼肥牛, 十大卷肥牛, 深紅色, 雪白的油份與鮮紅的肉色, 紅白分明, 極為新鮮; 拆分開, 一大片, 牛肉汁味濃郁得很, 牛肉味中帶點雞湯的清甜, 每一口都齒頰留香;除了牛肉, 我還點了我最喜愛的响鈴, 這裏的响鈴標榜著新鮮即炸, 結果一試, 名不虛傳, 响鈴十分厚脆, 輕輕一泡, 外軟肉脆, 大約因為即炸的關係, 油味較重;吃火鍋, 好少吃麵食的, 這次, 肚子餓得很, 我就點了一個寬粉條; 一盤雪白的寬粉條, 硬硬的, 乾身的時候易脆斷, 瀀在火鍋中, 慢慢地變得晶瑩剔透, 幼滑韌韌的口感, 吸收了濃湯, 十分美味;吃完, 會不會真的變美? 要明早起床才能知道。

久聞養生殿嘅大名，終於約齊腳去朝聖，溫馨提示，去呢度打邊爐記得要book位，見到排隊人龍不絕，坐無虛席，好彩友人醒目book咗位，我哋又準時到達，所以唔駛等就入到去啦! 火鍋醬料除咗平日嘅豉油、芫茜、香蔥、紅辣椒，仲提供咗香醋同蒜泥汁，雖然望落好淺色，但味道剛剛好，蘸點火鍋配料不但解膩，亦帶調出食物嘅鮮味，好用心嘅調配呀! 湯底 - 美人鍋拼養生鍋美人鍋係女仕養顏至寶，用上烏雞同桃膠，飲落好清甜; 養生鍋就以多款名貴藥材、人蔘同老雞肴製，有濃濃嘅人蔘香味，飲到唔停口，食食吓發現有鴨血，鴨血好滑又唔腥，好驚喜。千層凍豆腐 - 用嚟索湯一流，叫咗先知養生鍋裡面都有，可以盡情食啦! 黑松露蝦丸 - 好彈牙，食到松露味，仲有蝦肉粒，好夾。鵝肝墨魚丸 - 鵝肝好有油香，墨魚丸應該用咗好多墨魚肉，食落好鮮味。厚脂黑毛豬梅花肉 - 食落好有肉味，好淋好滑，完全無膻味。沙巴龍躉班 - 魚肉好鮮嫩，仲要好大碟，啖啖肉，好正呀! 蟶子 - 超大隻超爽甜，啖啖肉，好食到爆燈。寬粉條 - 見到枱枱都叫，於是又叫嚟試吓，煮熟後係透明，好煙韌，又索到啲湯汁，勁正! 鮮甜三蔬 (秋葵、玉米、山藥) - 呢個組合將我

今晚同家人去食下飯,梗係要打邊爐都有益D聽講養生鍋好補下,咁就約好去食好野今日叫左個湯底美人鍋拼養生鍋,沙巴龍躉班,蟶子皇,厚脂黑毛豬梅花肉,千層凍豆腐,鵝肝墨魚丸,黑松露蝦丸,寬粉條,鮮甜三蔬等野食個陣就去混下醬先啦,個蒜汁同個醋都好好食好香口美人鍋拼養生鍋--兩邊都各有特色,共通點係正,好飲好足料,有桃膠真係補身呀,烏雞又滑,蔘味都好香...加湯個陣唔係俾清湯你,係加返你點既湯俾你,好正沙巴龍躉班--新鮮好味,落入湯底滾一滾就食,滑身香口新鮮蟶子皇--好厚身,真係超正淡淡肉呀,食得出係新鮮冇沙厚脂黑毛豬梅花肉--少少肥,滾一滾入口好香豬肉味,唔係臭豬味係好正既豚肉味千層凍豆腐--幾好食,吸埋D靚湯味,入口咇埋D靚湯出黎一流鵝肝墨魚丸,黑松露蝦丸---好香好食,唔粉既丸,係幾正寬粉條--硬身,落去碌下就吸香味加好好食,配合靚湯,正呀鮮甜三蔬--粟米,秋葵,唯山,3樣都好新鮮,唔錯食完仲有雪糕送,都好好食呀

睇飲食節目介紹台式火鍋就見得多, 最為人熟悉既當然係麻辣火鍋, 但有次經過呢坐大廈見有個大燈箱, 有間係食台式火鍋, 除左大路既麻辣湯底外, 仲有幾款特色鍋底, 一於試下! 店內環境佈置得幾古色古香, 昏暗燈光加上播住好有"禪味"既純音樂, 幾特別, 特設二人枱, 枱邊設有放食物架, 就算叫到一枱食物都唔怕無位擺! 出面有個醬汁自助吧, 一起來混醬吧............. 打開落單紙, 先選擇想要既鍋底, 總共有六款鍋底; 火鍋配料都唔少, 有D仲幾有台灣特色, 另設有台式小食類(如甜不辣, 鹽酥柯仔等) 未開始火鍋可以先食呢D先! 最後比呢個名為"美人鍋"($188)既鍋底吸引住, 材料包括原隻烏鷄,桃膠, 配以杞子, 南棗, 元肉及金南火腿等, 味道清甜, 滋陰補虛勞, 而桃膠含膠原蛋白, 食落口感似雪蛤膏, 飲完呢碗湯, 當堂覺得自己靚左...........哈! 食火鍋當然唔少得一碟靚牛, 想叫既牛頸脊咁岩今晚無貨, 改為叫呢碟上選美國安格斯肉眼肥牛 ($158), 一客份量都幾多, 油脂分佈都幾平均, 切成薄片輕輕灼一灼就食得, 肉質幾滑但肉味就無牛頸脊咁濃! 叫左呢款鵝