正潮樓

Open Now

Now Closed

今晚和家人在灣仔, 正潮樓 吃了一頓晚飯, 嚐嚐潮州菜, 感覺不錯. 先來傳統必食潮州滷水鵝片 ~用古法鹵水汁烹煮, 肉質油脂感豐富, 鵝片已去骨好入味.  墊底用了鹵水花生, 又稔又好食.鵝肝半份 ~  不同西餐以煎烹方法,  食得香口.  而潮州菜把鵝肝用滷水配制, 味帶鹹香, 口感軟綿嫩滑, 墊底的豆腐也非常好食. 汕頭煎蠔烙 ~ 潮汕經典菜,   熱辣辣的送上,  蠔仔肉加上雞蛋及番薯粉, 煎得不油膩, 脆中帶點煙韌,  蠔仔飽滿,  味道鮮美.  配以魚露.嘮粕春菜煲 ~ 家常菜, 味道清新, 不油膩.豆醬焗海蝦 ~ 海蝦好大隻, 每人一隻, 有海蝦的鮮味又有豆醬的香味, 不錯.糖醋煎伊面 ~蛋面煎得金黃香脆,   配來鎮江香醋.  醋味香濃, 再加添上白砂糖,  食落軟內外脆,  酸甜香脆,  好滋味.  食物調味不錯, 食材選擇多, 價錢中肯.

今天同朋友去到灣仔正潮樓食正宗潮州菜。今日叫左滷水鵝片，汕頭煎蠔烙，朥粕春菜煲，糖醋煎伊麵。滷水鵝片：鵝片啖啖肉，肉質鮮味不鞋口。滷水入味岩岩好到位。豆腐完美作為配碟吸收了滷水鵝片汁的精華。花生也是很美味。汕頭煎蠔烙：即煎金喉到位，煎到金黃色不過火也是廚師的功架。蠔烙鮮味可口。朥粕春菜煲：清甜菜的味道，配合已炸蒜頭也是很夾，還有豬油粒都不會油膩。糖醋煎伊麵：伊麵煎到金黃色香口而沒有燶的味道。韮黃在底帶出韮黃香味。加上糖和醋令到整體更加昇華。

媽媽很喜歡食潮州菜，可是屋企附近的潮州小店早前已經結業。我係灣仔搵來這間傳統正宗的潮州菜，同媽媽一齊過來回味一下家鄉風味😚👭🥢滷水鵝片（$168），一碟鵝片整齊地一片片地排列出來，鵝片下就是一塊塊的滷水豆腐和滷水泡花生。每片的鵝片的厚度平均，肉質腍身、醃得夠哂入味，薄薄的鵝皮，脂肪比例並唔多，但甘香美味，雖然是例牌小碟，但份量一點也不少。🪿😋汕頭煎蠔烙（$108），蠔餅粒粒的蠔肉脹卜卜，又大大粒，而且蠔仔佔鴨蛋的比8:2，相當足料，鴨蛋煎得較為薄身，蛋皮黃金香脆，魚露和蠔餅是最佳配搭，將蠔的味道更加提鮮。🍳🦪芋頭炒香飯（$128），整鍋飯用鍋仔炒，夠哂鍋氣，炒得又夠乾身，飯粒粒分明，而且又很保溫，芋頭非常香，口感鬆軟很綿密。除左芋頭外，炒飯還有香菇粒、燒肉粒、香蔥，整個飯炒得相當出色，值得一食。🍠🍚🔥煎韭菜粿（$58），每粒的菜粿都是晶凝通透，皮薄韭菜又多，外皮又煎得脆口帶點煙韌，粿品包滿了韭菜，味道香濃，加少少潮式辣醬，更加惹味。☺️👍🏼清心丸綠豆爽（$48），是最後的飯甜品，綠豆爽唔會好甜，綠豆有幫助清除熱氣、去濕的效用，清心丸粒粒透明煙韌，很喜歡這種口感。😚😍整體而言，這間正潮樓價

潮州美食從矝貴的鮑參刺肚、生醃海鮮、鹹鮮魚飯、濃香滷水、以致樸實無華的打冷小食，都是潮州別具特色的美食。位於灣仔的正潮樓，傳承著潮州經典的飲食文化，並特地聘請國家級潮菜大師主理，為食客帶來正宗地道的潮汕味道。滷水鵝片（$168）潮州的滷水是最聞名的，亦是每家潮州食店珍而重之的鎮店之寶。這碟滷水鵝片，皮薄肉嫩，並散發出陣陣滷水的香料味道，蘸點蒜泥白醋，風味更佳。鵝掌焗鮑魚（$198）用刀叉享受的鮑魚配鵝掌，鮑魚口感彈牙並帶點煙靱，鵝掌炆得夠稔，亦很入味。鵝紅（$78）如絲幼滑的鵝紅，簡單地道，卻不失其獨有風味。肉碎蠔仔粥（$68）蠔仔肉碎粥是不少人的至愛潮州粥品，飽滿爆汁的蠔仔，鮮味十足，加上方魚片的鹹香，令味道提鮮。茶位（@ $12）StorefrontInteriorMenu

港島區食潮州菜，真係少之又少，朋友介紹之下，去左由潮汕地區名廚陳澤嘉師傅掌舵嘅「正潮樓」～主打正宗潮汕美食，包括滷水老鵝頭頸和老鵝掌等。魚露浸花蛤（$188）花蛤個頭都幾大，😳店家把烚至剛熟的花蛤，浸在秘製魚露醬汁中，將花蛤嘅鮮香提升。⭐️推薦❗滷水鵝片（$168）以秘方陳年滷水膽滷製出來嘅鵝隻，吸收了滷湯的日月精華，焦糖色的外皮富有光澤，鵝片肉質結實，肥瘦適中且味道新鮮，必試之選。👍🏻⭐️推薦❗豬油炒蕃薯苗（$108）豬油炸過後的獨特香氣，用來炒蕃薯苗，炒出來特別嫩滑，帶甘甜餘味～糖醋煎伊麵（$118）蛋麵以半煎烘的方式，將單面煎至香脆金黃，裏頭的麵條還是軟滑，蘸上老醋白糖一起吃，簡單而美味～😋

一間中菜店既賣點，我覺得可以話係一種花長時間功夫，而有幾味獨特耍家，係出面食唔到既菜式，又抑或係一種情懷，一種人情味既小店。而呢間「正潮樓」就由國家級大師傅坐鎮，菜色貼地簡單但不缺乏功架既潮州菜館，正正就係我二訪既最大理由。👇🏻📌招 牌 推 介 -▪️ 脆 皮 九 肚 魚 - $168▫️ 打頭陣先嗌個「脆皮九肚魚」，就咁睇賣相正正方方，同平時食開既有d唔同，幾特別，外皮炸到金黃色，而炸漿做到好薄好脆，裡面魚肉夠嫩滑，淨係呢樣都贏左出面大部份餐廳，加分嚕！▪️ 芋 頭 炒 香 飯 - $128▫️ 呢個招牌「芋頭炒香飯」聽staff講好多人嗌，即刻忍唔住整返個，飯粒炒到相當乾身，煲底仲有飯焦，脆口又惹味；而芋頭質感又鬆又粉，完全唔係硬果隻，配搭d香菇、蔥花真係送飯一絕。▪️ 滷 水 鵝 片 - $168/例▫️ 最後不得不試「滷水鵝片」啦，以呢個價錢，鵝片份量公道既，鵝香突出，完全無腥膻味，而肉質唔會太實太韌，恰到好處，底部仲有D滷水豆腐，整體唔會太鹹，唔錯。

在灣仔會展工作完，要帶朋友食晚飯。他是個潮州人，說很想在香港食餐潮州菜，那就正好不過，在灣仔謝斐道，天橋下邊就有一間「正潮樓」，非常方便我們。正潮樓古色古香的裝潢，充滿了傳統中式風情。餐館都有不少潮州菜式可以選擇，非常多元化。▱ 1. 滷水鵝片滷水鵝片絕對是潮式餐館的招牌菜之一。正潮樓將鵝肉切片後，擺盤非常精美，未食已經感受到那種鵝肉香。吃一口，鵝片口感鮮嫩，肉質細膩，濃郁的滷水香味滲透進每一片鵝肉。▱ 2. 汕頭煎蠔烙與普通大排檔的煎蠔餅不一樣，汕頭煎蠔烙是一道典型的潮汕小吃，以新鮮蠔仔為主要食材，加入特制的蠔汁、蔬菜和麵粉糊煎製而成。最大的分別就是煎蠔烙要在保持蠔仔的鮮美口感，同時讓麵糊煎得酥脆可口。正潮樓的煎蠔烙做到了這一點，每一口都充滿了滿滿的蠔仔鮮味，搭配脆皮麵糊，沒有了大排檔那種熱氣口感。▱ 3. 蝦棗拼蟹棗我非常喜歡蝦棗拼蟹棗，可以將這兩款美食巧妙地組合在一起，讓人一次品嚐到兩種口感。這裡的蝦棗鮮嫩多汁，口感豐富，而蟹棗則是炸得外酥內軟，蟹肉的香味在口中爆發，非常惹味。▱ 4. 煎荷蘭薯粿平時的潮州粿就吃得多，但煎荷蘭薯粿卻是未曾見過。原來這是潮汕地區的傳統點心，將荷蘭土

十幾年前喺山林道 “潮州名廚” 試過滷水鵝肝同埋炸雙棗, 大開眼界, 從那天起, 鍾意咗潮州菜.🥰 今日相約老友 “傻肥” 去灣仔玩具街買聖誕樹, 沿路見到新店 “正潮樓”, 門面裝修古色古香, 十個讚, 決定一試. 🥢 餐廳設多張圓枱及卡位, 舒適闊落. 今日點咗潮州菜必食嘅鵝片, 鵝肝, 蠔仔粥, 同埋蠔餅.🦢 滷水鵝片, $168. 鵝片切得好大片, 滷水甘香, 味道略為實淨, 不俗. 豆腐墊底, 點潮州辣椒醬, 掂!🤗 鵝粉肝, 半份, $128. 滷水味滲透鵝肝, 厚切, 口感相對結實, 老友 “傻肥” 話麻麻哋, 我就覺得唔錯喎.🦪 肉碎蠔仔粥, $68. 蠔超級大隻, 味道淡麗.🥟 汕頭煎蠔烙, $108. 口感煙韌軟糯, 食完又唔會飽飽滯滯, 蠔仔份量充足, “傻肥” 讚口不絕!🥰 總結: 餐廳地理位置優越, 喺灣仔地鐵站行3分鐘, 座位舒適, 服務殷勤. 論食物, 滷水鵝片鵝肝屬水準之上, 下次再試其他經典潮州菜式!

剛從海外歸來，要將大冮南北地道中菜吃個夠😝潮州菜屬於粵菜的重要菜系之一，第一餐決定吃正宗潮州菜鄰近灣仔地鐵站的正潮樓門口掛住大紅燈籠及大大隻滷水鵝，相當吸引內裏裝潢用上白啡兩色為主，加上燈籠模樣的風扇掛燈增添了古色古的味道店內設有三間以潮州三條大江命名的包廂，並掛上香港權威美食家蔡瀾題字的對聯及墨戲這裡的滷水經長時間不停加入鵝肉、豬肉等食材滷製，滷水汁愈煮愈濃郁成為陳年滷水膽滷水鵝片鵝肉軟嫩，齒頰留香！墊底的普寧豆腐充分吸收鵝及滷汁，外脆內嫩涼菜豬腳凍採用去骨豬腳肉製成，滑嫩爽口並富含膠質沾裹鹹鹹的醬汁一起食用，冰冰涼涼超開胃，讓人忍不住一件接一件沙茶炒牛肉醇香滑嫩，沙茶醬汁稠濃鮮美糖醋煎伊麵煎得又香又脆，一面蘸沙糖，一面蘸醋，還有置底香噴噴的白葱段，吃得滿心歡喜潮汕特有甜湯清心丸綠豆爽清熱解毒，已去衣的綠豆粒粒分明，混合口感煙韌晶瑩的清心丸清新不甜膩

萬聖節當晚，我跟朋友們沒有特別慶祝及打扮，我只約了識飲識食的好友到灣仔食晚飯；在西方節日，為免多人，我們還是食中菜吧！我是潮州人，他是海豐人 (海豐縣是中國廣東省汕尾市轄下的一個縣市)；相約一起食潮州菜，最緊要大家啱食就得啦！位於灣仔謝菲道的潮州菜館 <正潮樓>，附近是六國酒店，正是朋友推介之選！這裡裝潢舒適優雅，有幅五嶽獨尊山景畫，還有蔡瀾題字的對聯，充滿文藝氣息！店員們主動勤快，又會跟食客有講有笑；有女店員讚我買來做萬聖節影相背景的迷你南瓜好可愛！餐牌為了保持食物質素及口感，我們點菜的策略，是先食完一樣，才點下一樣！茶錢：單叢 $12/位又稱鳳凰茶，鳳凰山位於廣東省潮安縣，因山名而命名；屬於烏龍茶的一種，色澤深褐色似普洱，我們覺得味道亦都相似！滷水鵝片 $168 例送上桌先傳來滷水香，令我們食指大動！ 鵝片大大片，厚薄適中！選用鵝胸肉，脂肪與肉比例均勻！ 鵝皮夾雜豐腴脂肪，入口即溶，令人齒頰留香！他認為在香港嚐過廿間潮州菜館，這間鵝片質素最好！讚不絕口！物有所值！墊底的豆腐一開四，大大件，口感嫩滑！先入為主的關係，這是我們的首選！總覺得這碟鵝片，令我們稱心滿意！點第

正潮樓 - a restaurant serving up authentic Chiu Chow cuisine in Wanchai. Led by a national-level Chao cuisine master chef, classic specialties includes Braised Goose, Fish Rice, and Pickled Live Seafood … all the dishes are true to the traditional flavor and style.▶️滷水鵝片（$168）The thinly sliced goose meat was extremely tender and the flavors came from the marinated sauce called “master stock”. The secret to the sauce is the combination of brown sugar, salt, soy sauce, galangal, and an array of natu