琥酌 (Moved) New Location

早兩日見到森美ig又介紹日本食吉列牛戚起條筋想食埋一份 於是今晚黎到呢間叫做香港最先引入吉列牛既餐廳 尖沙咀分店比起太子店闊落好多上次太子店實在太迫 今次坐得舒服好多 除左招牌吉列牛set之外 仲多左個鰻魚茶漬飯 一於兩樣叫哂share黎食牛吉列御膳 $188 😋：7/10吉列牛有3個價錢揀 窮j上次食最平個set都覺得唔錯 今次照舊啦 將吉列牛放喺熱辣辣既石上面每邊煎10秒 岩岩好medium rare 肉質軟腍 真係又好食又好玩 幾生幾熟自己話事 set仲有少量蔬菜、龍蝦薯仔沙律、流心蛋跟埋 隻流心蛋真係不得了 啲牛沾上蛋黃汁更加滑 最後成隻蛋撈埋個飯食真係好想添飯呀！值得一讚係餐廳用左我最愛既十穀米 煙煙韌韌 實不相瞞等個爐熱既時候dor已經扒左半碗飯 就咁食都好好味😋😋鰻魚茶漬飯三品 $168 😋: 9/10呢個無心插柳下叫左既鰻魚飯係超級驚喜！！！首先$168食到兩大條舖滿飯面既鰻魚會唔會太抵食！？真係燒到好香仲好juicy 絕對唔係乾爭爭同埋濕立立得啲醬既放題質素店員介紹有3種食法：先食鰻魚飯，之後加湯變茶漬飯，最後加埋飯素等調味料。$168真係太太太太抵食喇 下次會特登

放工跟朋友約了在尖沙咀食飯，她帶我去了這間食吉列牛的專門店。餐廳是在尖沙咀海防道內。食物主要以吉列牛肉為主，還有小食等，主食由百多元至五百元，視乎你想要貴牛定普通級牛肉。兩個人一人點了一個主菜及小食。牛吉列御膳除了有美國安格斯的吉列牛外，還有蘆筍、番茄及本菰做的串燒，龍蝦薯仔沙律，麵豉湯及多色穀飯，十分豐富。吉列牛肉表面是整塊沾上麵包槺炸過後切開一片片，所以只有表面是熟，幾乎整塊都生，所以要煎一煎熟才能食，牛肉肉質不會太腍，有點咬口，有肉味亦不會太乾，點埋蛋漿口感更滑；串燒蔬菜新鮮爽口，減少油膩感，整體都非常飽肚。小食的原隻日式磯煮鮑魚，鮑魚煮得很入味，表面有少許沙律醬及秋葵做裝飾，鮑魚已經去除內臟，方便食用，鮑魚肉質軟腍彈牙，很有咬口，帶點燒汁的甜味。另一款小食松露牛油焗本菰，未食已經聞到松露香味，本菰每啖都有松露味，非常濃郁，而且不會太油膩。平時食開吉列豬扒，今次這個吉列牛肉幾特別，仲可以自己慢慢燒慢慢坐，店員唔會趕我地走，可以慢慢食同傾下計。

之前睇電視介紹吉列牛肉，一直都想去試下，等到今日終於有機會一試。這間位於海防道九龍公園出口對面上樓的琥酌，餐廳裝潢簡單。食物方面，主推吉列牛系列，有幾個檔次，我就平平地試了個牛吉列御膳及兩款小食。牛吉列御膳美國安格斯牛肉每面煎十秒就可以食，牛肉外層有薄薄的炸粉漿，煎完很依然香脆，牛肉味道不算太濃郁，煎耐一點肉質反而會比較腍，細細個爐慢慢燒慢慢食，另一個特別之處是飯是用紅米、糙米、雜豆等煮成，很有咬口又健康。還配有點雜菜串好方便燒，有番茄、蘆筍及本菰。薯仔龍蝦沙律軟滑，吃到有幾粒龍蝦肉粒。明太子手羽燒雞翼表皮燒得香脆，一咬開中間全部都是明太子，咸香味十足，還有點點脆，雞翼嫩滑。味噌松葉蟹蓋有矜貴的黑魚子放在表面，松葉蟹鮮甜，有很多蟹肉及蟹膏，伴勻後食用，每啖都分別有蟹肉鮮味及黑魚子脆口質感，非常好味。總括而言，食物味道不俗，牛吉列份量十足，女仔自己係食唔哂整個，食到一半就已經飽飽地，小食類都很不錯，尤其是明太子雞翼是我至愛。

吉列牛幾乎是每個香港人去日本必吃之名物🎌最近這股旋風吹到來香港, 而且仲愈開愈多。從來未食過吉列牛既我今日就去全香港首家引入吉列牛的琥酌試試看。難得唔洗ot, 今晚放工就約埋老友一齊去嘆吉列牛!琥酌位於海防道中達大廈11樓, 地鐵b2出口往habour city必經之路, 非常方便易揾到達11樓, 一開lift門全層和式裝潢便是琥酌了.當晚7點左右入座率不高, 但晚一點就開始坐滿人了坐下已經看到燒牛的瓷器 , 令人急不及待!!翻開menu, 有3款吉列牛供選擇🐮分別是A5黑毛和牛$498, 霜降和牛$398和安格斯牛$188人小小, 點了兩款小食，和一人一客安格斯吉列牛🐮日式璣煮飽魚 $38咬下不韌, 口感甚佳，帶淡淡鮑魚味明太子雞翼 $48雞翼燒得香脆, 呷下明太子毫無保留地爆出, 咸咸地幾惹味 安格斯吉列牛 $188套餐包括吉列牛、飯、溫泉蛋、麵豉湯和漬物而拌碟的調味料有水晶岩鹽、柚子胡椒、山葵、燒汁、柚子檸醋和風芥末等等...這裡的赤麵豉湯偏濃味，冬天飲暖笠笠☺️吉列牛可以拌温泉蛋來吃。而本人則較喜歡沾岩鹽，最簡單的就是最美味吉列牛輕輕一烤，肉質軟滑彈牙，而且十分juicy呷下牛肉

吉列牛早早已在日本吃過, 遇然便會想起, 回味, 琥酌是香港首家吉列牛店, 所以必定要前來試試, 找回日本的味道現在有質素的餐廳已經轉為樓上鋪, 想搵食必需找尋一翻吉列牛御膳套餐豐盛吸引 所以點了一份吉列牛御膳, 入門版 $188 下次再試高一級$398由於製作需時, 所以點了兩份餐前小食醫醫肚. 冰鎮秋葵伴麥味噌, 秋葵本是無味及帶有黏性的口感, 加上深啡色的麥味噌, 釀造出有麥香的味噌及木魚絲, 麵豉味道濃郁明太子玉子燒一客5件, 明太子辣辣地, 卜卜聲 有咬口, 蛋唔會太甜, 夠蛋香, 唔會煮到乾身, 雞蛋與明太子的比率是一比一餐前菜完畢, 店員會準備一個小火壚, 作用是將吉列牛兩邊自行烤熟不久後一份御膳出玩在眼前, 跟餐牌上一模一樣店員先講解食法及御膳內的食材吉列牛大概有10至11件, 被炸得外脆內嫩的安格斯牛只有2-3成, 所以店員告知可輕放烤爐上每邊煮10秒, 想生一點的約5秒便足夠吉列牛口感Juicy有牛味, 做到外脆內軟, 可以配三款醬汁, 以下是個人食後感香濃燒汁 - 配搭合宜的食法和風芥末 - 醬汁為杰身, 有點像沙律醬柚子檸檬醋 - 配旁邊的椰菜絲會比較合適滿滿的

吉列豬扒食得多，吉列牛真的第一次吃，而且一試就愛上﹗要試當然來琥酌這間吉列牛始祖，位於尖沙咀旺中帶靜的地段，裝潢滿滿的日式風情，店內面積雖然不是很大，但座位及視野非常寬趟⋯餐牌簡潔，隨了幾款招牌和式牛吉列御膳外，還有各式小食，當然不能少的各式清酒和啤酒⋯原隻日式磯燒鮑魚，非常入味有咬口⋯味噌松葉蟹蓋有點像甲鑼燒，蟹肉鮮甜混合蟹膏和魚子，鮮味十足﹗主角牛吉列御膳登場，我們選了美國安格斯牛肉，整份御膳十分精緻，就連調味料的造型也花盡心思，確實貫徹日本人的創意與美感⋯每枱都有一個石爐，客人自行將牛吉列放於石爐上燒，店員會建議每邊燒十秒鐘，令牛肉不會過熟⋯我們依照店員的建議每邊燒十秒，表面上看似全熟，但內裡尚有生肉的口感，說到跟吉列豬扒最大的分別，在於麵包粉的比例與烹炸時間，可能豬肉必須全熟的關係，往往炸的時間太長，稍為控製不好就會太過乾身，而且吉列豬扒往往用上厚厚的一層麵包糠去炸，令吉列豬扒變得乾硬，我個人不太喜歡吉列豬扒，但牛吉列完全是另一種層次，外層沾上薄薄一層的麵包粉恰到好處，而且麵包粉較幼細，安格斯牛肉選了肩旁部位，沒有多餘的筋和肥肉，牛味香濃，炸的時間亦控製得宜，讓肉汁充分保留，然

如果大家有留意開 都知道豬小姐並非食肉怪獸但「琥酌」吉列牛尼個gimmick的確少有咁挑起我嘅「肉」望？！今晚拉埋豬先生同我尼到尖沙咀分店肉肉一番！地點係尖沙咀A出口轉入海港城嘅海防道 到達中達大廈之後直上11/F全層就到「琥酌」啦裝潢主要以深啡木色為主 擺設同掛畫都有著和式感覺 牆身櫃擺放住不同日本酒 作為小點綴基本上晚市只有吉列牛套餐選擇 有分3個級數3個價錢分別係美國安格斯牛$188 和牛肩胛肉眼$398以及日本A5黑毛和牛肩胛芯$498淺嚐嘅我地揀左美國安格斯牛肉先上一個橘子黑色小炭爐 用作燒熱牛肉店員好細心咁講解套餐須知 有重點又唔長氣 例如係麵豉湯要趁熱飲漬物同沙律可以先食牛肉每邊燒10秒 但可因應自己食牛嘅生熟程度再決定燒嘅時間點牛嘅醬料介紹等等溫泉蛋可拌勻點牛肉/直接撈飯短短一分鐘時間已清楚講解哂 雖然係小細節 但卻令人感到貼心麵豉湯味道夠濃 唔會淡而無味 加入小配料增強口感波波形狀嘅龍蝦薯仔沙律薯味突出 口感帶泥狀 味道唔錯 豬小姐幾喜歡尼款的骰前菜自家製漬物係雪白菇 涼拌帶微酸甜 菇味清淡口感爽脆 又幾開胃喎到主角吉列牛啦將粉嫩血紅色嘅吉列牛放上熱爐即發出誘人嘅「吱

之前喺網上睇過一篇報導，話七月底迷你兵兵將於尖沙咀某大商場三樓擴充精品店，等到八月初，週三晚就專登約好同為迷你兵迷o既契妹過海濕平。可惜事與願違，XO仔穿行武裝去購物，去到商場卻未見店子o既蹤影，極為掃興！買唔到黃色精品，兩口子就走咗去區內仍在試業o既「琥酌」食下午茶，一嚐城中熱話中o既「吉列牛」。小肥因晚上八點仍要參加生日飯局，為怕溝酒做錯事，最終都係選擇淨飲茶，不過都影咗兩頁飲品餐牌俾大家作參考之用。話明要黎試「吉列牛」，深覺下午茶進食和牛又好似過份肥膩，加上務求要符合經濟原則，細佬就揀食美國代表o既「牛吉列御膳」。除咗三款「御膳」之外，其實店子亦有提供多款小食，餐牌附插彩圖，啲樣都幾得吓。點好食物，哥哥仔先送上三款醬油，左起分別為酸酸甜甜o既柚子檸醋、微辣濃味o既日本芥末、同香濃帶甜o既燒汁，各有特色，三款都一樣勁啱細佬口味。牛吉列御膳（$188）：呈上枱時，經理哥哥親自講解每客御膳包有椰菜絲、牛吉列、醃菇、龍蝦薯仔沙律、赤味噌湯、溫泉蛋、白飯、及三色調味料，即岩鹽、柚子胡椒、山葵。香噴噴、熱辣辣o既白飯為日本珍珠米煮出，粒粒飽滿軟熟，極之暖胃。預先炸好o既牛吉列當中o既安格斯牛