牛惣居酎屋

Open Now

Now Closed

這間居酒屋位於銅鑼灣的永光中心，鄰近時代廣場，主打日式串燒及多款酒精飲品，尤其是牛內臟，店內以傳統的和式居酒屋為主，適合多人聚會。餐前小食多款新鮮蔬菜蘸上自家製味噌醬很清新。安格斯牛柳肉筋及肥肉非常少，口感柔軟而有嚼勁，帶有濃郁的牛肉香味。牛小腸 纖細柔軟充滿嚼勁。牛大腸烤得焦脆酥香，內裡脂肪爽滑彈牙，濃濃肉汁好鮮甜。牛心肉香醇厚好豐盈，完全不腥。月見免治雞肉棒外脆內軟有粒粒雞軟骨，特別有口感，蘸上日本生雞蛋黃及醬油，更加順滑。自家制豆腐(厚揚) 金黃酥脆的油炸豆腐咬開軟嫩多汁，有少少鹹香的醬油。燒丸子 煙煙韌韌的丸子有著流心的芝麻餡。骨付豚骨腸 香脆的腸皮咬開有著甘香的油香，肉味濃郁又有彈性。日本生蠔超大隻生蠔來自日本岩手縣的令和の怪物，肥美爽口的蠔身嫩滑鮮甜，濃厚的蠔味甘甜好突出，完全沒有海水味濃或金屬味。秋葵 軟糯粘滑好多汁。明太子燒飯團 咸牛肉燒飯團 外脆內軟有點煙韌，綿密的明太子鹹中帶辣，綿密的咸牛肉好濃郁。

數年前曾到訪一牛主題串燒店午膳，今晚特意前往看看晚市之分別裝修走日式居酒屋風格，壁櫃上陳列着各種日本清酒主打在市場上很難找到的牛肉稀有部位及下酒和牛串燒坐在吧台可以方便向師傅請教食材來源、特性、味道等店員會先放下開胃前菜配自家製的麵豉醬，更加惹味這裏的酒庫豐富，更有自家釀製的梅酒，酒味濃郁荔枝酒入口甘甜順滑，酒的味道會慢慢變化是日刺身推介貝類拼盤五品有鮑魚、粒貝、象拔蚌、榮螺及馬刀貝菜類串燒秋葵清新健康，外層乾爽，內裡多汁燒茄子淋上芝麻醬並以蔥油搭配，別有風味牛串燒牛大腸燒至脆香，腸心帶點肥邊，外脆內軟牛小腸經燒烤後油脂變得甘香，柔軟中不乏勁道彈性較罕有的牛沙瓜乃牛第四個胃，口感較牛腸煙靭安格斯牛柳配蒜片肉嫩鬆化，牛味濃郁 ，油脂比例近乎完美雞軟骨串燒咬口層次滿分，加上惹味七味粉，香氣滿溢雞翼串燒金黃香脆，以猛火封緊肉汁，再以慢火逼出油分海鮮燒物雞皮蝦卷外層是烤脆的雞皮，中間有一塊紫蘇葉，內裏的蝦很爽口鹽燒三文魚頭魚油甘香豐富，魚骨肉在香脆的魚皮包裹之下口感順滑Suntory啤酒花味清雅，享受美食再嘆杯啤酒絕對是人生一大快事

上次同朋友食完不同部位的雞串燒，諗諗不忘，一直話想話睇下有冇專門食牛串燒的餐廳。係同事介紹下，就嚟咗呢間居酒屋。一睇餐牌就知嚟啱地方，有好多唔同牛部位的串燒，仲有不同內臟。如果唔食牛，都會有豬同雞可以㨂，最鐘意係佢都有小食同刺身。最有驚喜係伊佐木刺生，一條魚有三種食法，刺身有火炙厚切同薄切，條魚骨可以炸或煲湯。好鐘意的魚湯，係奶白色，味道非常鮮甜❤️串燒就叫咗幾串，都有問下店員推介。有牛舌，牛小腸，蜜糖芥辣和蒜香橫格肌，全部味道同口感都唔一樣。牛舌同牛小腸牛脂比較重同香口。而橫格肌就比較軟熟，個人鐘意蒜香口味多d. 而自家制豆腐口感特別，先炸後烤，仲有3款調味可以選擇。每次去居酒屋都會食燒飯團，食咗鹹牛肉同明太子口味。幾鐘意鹹牛肉口味，比較少見，同埋燒到非常香口❤️餐廳是開放式廚房，但完全無油煙味，用餐環境寬敞舒適。職員十分友善，服務非常好，會建議分量同菜式。以居酒屋嚟講價錢合理，可以再去。

銅鑼灣登龍街牛惣居酎屋主打牛串燒和燒酎，有牛不同部位的串燒，比較少吃到的牛內臟部位都有。店內環境像極日本居酒屋，掛住日本既朋友，一定要來。🔸生野菜沙律 ($28)野菜清新， 爽口， 配上自家製味噌醬，是一道開胃前菜🔸刺身盛合（五點） ($338)有海膽、帶子、三文魚、油甘魚和甜蝦🤭推介海膽，入口即化，紫菜夾住來食，鮮味十足。帶子新鮮，爽甜🔸清酒煮蜆 ($118）蜆肉大隻又肥美，嫩滑，湯汁有淡淡的酒香，清甜可口，我差不多把成個湯飲完🔸橫格肌SET ($148)富含纖維質的橫膈肌略帶油脂，而且牛味濃，分別有四個不同口味，黑燒，蜜糖芥辣，Wasabi和蒜香 4 個口味，由淡味到濃味黑燒橫格肌 - 滲透出陣陣黑芝麻香蜜糖芥辣橫格肌 - 香甜帶少許芥辣的味道Wasabi橫格肌 - 因為我鍾意食辣，所以我最喜歡這款蒜香橫隔肌 - 以自家調配的蒜味、葱末、酸汁為醬汁調味，這款都很惹味🔸牛舌 ($68) 肉質軟腍爽口，有濃郁的牛味，越嚼越香，牛舌係厚切的，再加上少少鹽，味道更有層次，最愛🔸牛小腸($43) 牛小腸纖細柔軟、入口容易，牛小腸烤熟了以後吃起來越嚼越香，讓人停不下筷子🔸蘆筍豚肉卷 ($34)

今日朋友介紹咗銅鑼灣一間以燒酎和牛串燒為主題的日式料理店「牛惣」，店內環境好有日本居酒屋🏮既感覺。🔸生野菜沙律($28)沙律配上自家製醬汁，味道幾特別，唔會太鹹，蔬菜都好新鮮🔸時令活魚($398)今晚的時令魚是青魚，魚肉非常新鮮清甜，擺盤也很美，食完剌身，可以選擇把魚頭和魚骨炸脆，炸脆後都魚骨送酒一流🔸清酒煮蜆 ($118)蜆肉非常鮮甜，清酒加上蜆的鮮味，味道香濃美味，我把清酒湯都飲完😍🔸牛柏葉 ($38)好少串燒店可以食到牛柏葉，燒完的牛柏葉爽口彈牙🔸牛骨髓 ($43)牛骨髓入口非常香滑，上面舖滿了明太子醬同蔥花，味道濃郁而又甘香🔸牛橫隔肌 ($43)橫格肌嚼勁十足，略帶油脂，牛味比較重，再配上Wasabi和蔥，就更加美味🔸牛小腸 ($43)牛小腸的香完全溶化在口腔內對於一直都很愛吃牛🔸蘆筍豚肉卷 ($34)爽脆的蘆筍用豚肉包起來，一啖可以吃到不同口感🔸鹹牛肉飯卷 ($40)即叫即燒嘅飯團，飯有焦香，燒到脆卜卜，飯團表面鋪滿了咸牛肉，非常美味🔸淺間梅酒 ($79)🔸Coffee Liquor ($69)餐廳自家釀製，口味獨特，Coffee Liquor咖啡味同酒味都好突出店內環境附上

朋友失戀,想找人安慰,於是相約下班前來銅鑼灣這家日式料理居酒屋傾訴。店環境幽暗舒適,裝修設計有日本食店的風格。見到有店員用黏土製造的工藝品,別具特色。一客生野菜沙律作為前菜,椰菜沙葛,清甜爽口,配以自家調制的豆瓣醬汁,十分醒胃。居酒屋,當然少不了酒。Coffee liquor咖啡酒,香濃的咖啡味帶點淡淡的酒香,很潤滑。日式料理刺身及串燒少不了。刺身四點有帆立貝、三文魚、赤蝦及油甘魚。帆立貝潔白軟滑,入口鮮甜;赤蝦則晶瑩剔透,蝦肉爽口;油甘魚甘甜,豐富魚味;日本生蠔,生蠔綿滑,富有海水味,蠔上面配以香蔥,使味道更有層次感。串燒,種類繁多,牛沙瓜,燒的時後配以甜甜的燒汁,煙韌爽口彈牙,十分惹味。安格斯牛柳串,厚切牛柳粒,肉嫩鬆化,富有牛肉汁,齒頰留香。牛小腸,腸燒至脆香,小腸心帶點肥邊,做到外脆內軟的效果。牛筋,牛筋加點蔥花,燒完後十分有嚼口。飯團,燒至金黃香脆,較乾身,淡淡的飯團味道配以紫脆,色調及味道不會太寡;另外咸牛肉飯團上有一小塊咸免治牛肉,免治牛肉多汁軟軟的,與乾身的飯團配搭得宜。最後來一份橫格肌,橫格肌肉,口感彈牙,肉質鮮嫩多汁,配以不同味道的醬汁,有蜜糖芥苿,黑燒汁,蒜香及W

本來滿心期待嘅生日飯誰知道係一次唔好經驗冇下次囉～串燒味道普通，但服務態度好差尤其係當晚唯一一個女侍應諗住慢慢食，先叫咗4樣串燒點知要成一個鐘先黎齊啲野…仲要係催單情況下😅呢一個鐘至少聽到三檯同侍應催order…估唔到我最後都要催埋一份🥲坐隔離檯一位女士，催話爭碗烏冬同燒芝士女侍應去check 單，之後話烏冬漏咗單芝士燒緊（重點係：一句對唔住或唔好意思都冇）女士：我真係好想食烏冬，但7點要交檯，咁係咪趕唔切？女侍應：係呀！女士：咁唔要烏冬燒芝士上檯，女侍應同女士講：你7點要交檯，你快啲食！女士好配合話好！我就聽到著火！家陣係你地漏單遲出餐，仲要一啲禮貌都冇叫個客人食快啲？搞笑嘅係最後到差唔多7點45分，最少三張二人檯係吉嘅！包括想食烏冬而被漏單嗰位女士張檯！女侍應啲服務態度唔該train 吓先同flexible 啲！仲有其他吉檯兼冇客排隊walk in 或booking 啲人未黎，係咪應該最基本嘅禮貌同客人溝通呢？！本身覺得D串燒普通，見到咁嘅服務態度即時唔加單，催埋最後樣嘢埋單走人！雞皮蝦卷：雞皮唔香脆，蝦身好乾，兩姐之間夾住塊紫蘇葉，整體唔融合！三樣嘢各自各精彩😂失望！牛舌：4樣燒

識飲識食嘅朋友都知銅鑼灣有好多日式居酒屋，今次經朋友介紹就嚟咗呢間喺永光中心嘅餐廳🍴餐廳坐位有分普通枱同埋吧枱，餐廳燈光暗暗地咁好有氣氛，適合情侶嚟談情說愛💑首先嚟嘅係生野菜沙律，食返啲菜感覺健康啲🤣之後送嚟嘅係刺身盛盒，入面有赤蝦、帆立貝、三文魚同油甘魚🐟每件刺身都好新鮮肥美，甜蝦都好大隻🦐野飲方面我地就叫咗Fig Liquor同Suntory Red🥃酒係鋪頭自家制作的，超級有心機一定要叫返杯試吓😍牛腸都係其中一樣我勁鐘意食嘅野😆估唔到喺度可以食到，咬落去好爽口，正過平時街邊食到嗰啲好多🤫下樣就係平時比較少食到嘅牛肝🤩店主叫我地盡快食，因為啱啱新鮮出爐先係最正😯月見免治牛肉棒一定要試，大大條好足料🤩好多唔同部位嘅肉混合埋一齊而成，油脂均勻，加埋個月見汁食落更加正🥳牛沙瓜，其實就姐係牛肚，係比較少有得食嘅部位嚟嘅，咬落好爽脆同煙韌😋明太子燒飯團做到外脆內軟，出面啲飯燒到焦焦地勁香🤤出面塊紫菜都好脆，成個配搭超有水準的！！！再嚟就係我最鐘意嘅牛舌😛厚切牛舌勁正！都做到外脆內軟嘅效果，而且好有牛香，一定要試😛最後就係橫格肌Set，由左至右分別係蔥燒、Wasabi、蜜糖、黑芝麻醬牛個人最鐘

今日同朋友出銅鑼灣行街，中午時間佢老公就喺openrice揾到呢間有牛腸食，我朋友鍾意食牛腸，所以就即興book左呢度食晚餐，即日book 18:15，上到去我哋最早，之後大約19:30左右就full左喇！今晚主力串煩+飲洒！但餐廳待應話每款串款最少要order2串，呢個真係不解🤔！原全唔明白！呢間主要食牛，前菜叫左個雞泡魚干+燒明太子！雞泡魚干都不過不失，燒明太子就有青瓜、蒜片伴碟，一齊食，所以一啲都唔膩，好味！😋串燒叫左9款，大致都無特別，咁就只講下牛腸啦，因為都係呢款食材所以先幫襯：😋😋😋😋😋為最好食 有🥰為推介2款都有食：牛大腸😋😋-失望嘅，燒到好乾，3個人2串都食淨！牛小腸😋😋😋😋🥰-好大反差，多汁有咬口，今完2串再encore多一串！good！洒：叫左1支720mlSeka，2杯啤酒，1杯桃洒

若然早已心有所屬，懂得選擇當然是揀專門店最好，今晚正想吃牛串燒，銅鑼灣區非「牛惣居」莫屬，供應不同部位的串燒，牛肉固然有不用多講，刁難少少的牛心、牛肝、牛腸不算奇，但牛柏葉、牛筋也來串燒少見，若然燒功拿捏不到，可以很失敗，幸好，這夜全程沒有失手。 「牛惣居」位於永光中心，面積不大不小，正適合居酒屋的格調，佈置配合，來者為吃非裝潢。 我們坐在吧枱，旁看著師傅燒烤，原來現在有兩層烤架，上下層皆可燒適合不同熱度的食物。 去得居酒屋難免飲番杯，見到有自製果酒，不只有梅酒，菠蘿、無花果、白桃、荔枝、雜梅、咖啡口味真有趣！ 我兩人一菠蘿一雜梅，凍飲加冰，因為燒酒霸氣重，果香不明顯，菠蘿酒餘韻有少少菠蘿味，雜梅那杯不強。 生野菜沙律 $28新鮮爽脆，配麵豉醬非常合拍，麵豉醬本身味道唔錯，不過鹹，質感好，蘸串燒吃亦好。 時令活魚－間八 $398原條間八粗切及薄切兩款口感，配酸汁。 厚片食落啖啖肉，薄片清脆，蘸芥末豉油食亦好。銀雪魚西京燒 $58/串全晚銀雪魚最好，魚皮明顯的焦脆，魚肉油脂豐富，肉汁保持，所以口感嫩滑，醬油香甜，味道昇華。 羊扒 $65/串外表有焦香烙印，咬落有汁，中央粉紅香嫩，調味不重