九鼎記粉麵世家

Open Now

Now Closed

好耐無食牛腩麵啦～天氣涼涼地，好想食返碗熱辣辣嘅粉麵！收工去開旺角買嘢，行過彌敦道見到新開咗間九鼎記粉麵世家，環境光猛企理，價錢仲好實惠，崩沙腩只需$55咋，性價比高又多選擇！🔹崩沙牛腩河拼牛丸崩沙牛腩軟腍味香，肥瘦剛好，入口爽滑富彈性，大大啖咬落去口感一流！牛丸結實彈牙又多汁，大大粒好有咬口～河粉爽滑份量多，飽肚之選！🔹原汁牛腩魚麵拼牛筋牛腩軟嫩、鮮味濃郁，肉汁豐富帶油脂香。牛筋大大件，煙韌軟滑，滿滿骨膠原，汁多味美～本身想食米粉，但係見到竟然有魚麵，即刻加配黎試吓～口感Q彈爽滑有勁道，完全無腥味，好正！🔹腐乳通菜鹹香腐乳配上翠綠通菜，口感爽嫩、味道獨特！九鼎記粉麵世家✨📍旺角彌敦道575號地舖

旺角最近開左間牛什粉麵店，牛魔王嘅我點會錯過😍晚市7:30左右已經坐滿哂客，我地都好快有客坐，聽到其他枱最多人點雙沙河，我都跟住叫返招牌雙沙河碗，另外叫多碗招牌八寶河招牌雙沙河$65雙沙係有崩沙腩同牛沙瓜，崩沙腩是牛肚皮的腩位，位於牛的橫膈膜附近，由於有塊薄軟膠質，爽軟不硬，油香豐富獨特，口感一流。牛沙瓜（即牛隻的第4個胃）製成，口感爽脆而不失嚼勁。招牌八寶河$60一碗有齊牛腩、牛筋、金錢肚、牛丸、墨丸、貢丸、魚蛋、魚皮餃，啱哂選擇困難人仕😂兩碗味道正常發揮，勝在價錢平，份量十足，大大碗雙沙河$65，加$8有凍飲。另外佢哋嘅潮洲辣油都幾香，辣係後勁強個隻，鍾意食辣嘅都要試下

牛內臟衆多，分上雜、下雜，上雜例如牛柏葉、金錢肚清理較易，可以賣到高價。下雜處理複雜，但被牛什店好好處理之後就成為一道非常特別嘅美食。一碗牛什麵基本有有牛肚、牛腸、牛膀、牛肺、有時有牛心添。牛肚即係牛胃，有有4個胃，除咗上面提及嘅金錢肚(2號胃)、牛柏葉(3號胃)、之外，一般牛什店都係用草肚(1號胃)、牛沙瓜(4號胃)。牛沙瓜係4個胃最細嗰，產量少，某某中環大牌檔更加限量每日得1-2碗賣。所以見到旺角新開咗間牛什牛腩粉店有牛沙瓜食就過咗嚟試吓味道喇。呢間餐廳裝修雖然光鮮，但廚房對正街，一大盤牛什滾到出曬煙，上面又掛著牛腩、牛肚，都好有以前嘅風格。牛沙瓜質地似豬肉，但係有牛肚嘅味道，我配咗河粉，同牛沙瓜相反嘅口感特別過癮。另外仲試咗牛三寶，分別係牛腩、牛筋、金錢肚。金錢肚彈牙但係炆到好淋，牛筋軟滑，牛腩隔肥隔瘦，三者都炆到好入味。

今日經過旺角見到彌敦道馬路見到有間黑色格調，白色招牌既粉麵，原來係九鼎記。早前係尖東見過，而家旺角都開左分店。🍜招牌菜：崩沙腩粉麵 $55粉麵可選：幼麵、河粉、米粉、米線🫶崩沙腩色香味俱全，份量好多，鋪滿成個麵既中間。望落每塊比例平均，有肉亦有脂肪。咬落肉質超軟身，口感豐富又Juicy～ 配埋細條軟身既幼麵，係超～好～食。依個份量都只係收$55， 真係好抵食！🍜🍜另一招牌菜：招牌雙沙粉麵 (崩沙腩＋牛沙瓜) $65平時係粉麵檔都間中食下崩沙腩，但無食過牛沙瓜依個部位。佢既外形似係牛肚豬肚個形狀，但食落去有驚喜。肉質超軟身又入味，口感一流。我食完好想再叫多碟淨牛沙瓜，不過太飽HAHA～🩷小食：辣炒魷魚鬚依個魷魚鬚係碎上，可以細細啖咁食。味道係好香，但唔會太辣，只係提鮮個種。魷魚鬚又軟身又滑，配埋凍檸樂一流～想食好食既崩沙腩就去九鼎記食啦！

假日和父母經過彌敦道，聞到陣陣牛雜牛腩香味，原來有一間新開的粉麵店，門前大玻璃掛着誘人的牛腩。香味把我們引入餐廳，餐廳門口較窄，但內裏卻光猛寬闊。*崩沙牛腩河（$55）秘製牛三寶河（$50）蠔仔肉碎泡飯（$50）腐乳通菜（+$12）熱奶茶、凍利賓納（各+$8）爸爸見到有崩沙腩，很高興，崩沙腩即是橫膈膜肚皮一組肌肉，是牛腩中的極品。這碗崩沙腩軟腍味香，筋、肉、油花分佈平均，有一塊薄膜和豐富的膠質，爽軟不硬。*牛三寶是牛腩、牛根和牛肚。牛腩雖不及崩沙腩，但以牛腩來說乃屬上乘，肉質充滿彈性，牛根牛肚也軟腍入味。*兩碗河粉的湯底濃郁，滲著香料香氣。不得不讚這兒的河粉，爽滑得來有口感，不是那些一夾就斷的貨色。我食蠔仔肉碎泡飯，大大碗，有很多份量的漲卜卜蠔仔，每隻都新鮮飽滿，湯底清甜，如果芹菜、冬菜可以更多些就完美了。總而言之，地點方便，食物有質素，價錢又合理，值得一試。

路經呢間粉麵舖，見到店舖裝修乾淨企理，開揚闊落，而且仲有卡檯添，最緊要就係有我哋最鍾意食嘅崩沙腩，於是就入去試下😋🥢崩沙牛腩河$55筋膜位爽口彈牙而肉質軟腍，肥瘦適中，牛味濃香，河粉滑溜一嘟入口，河粉份量亦非常多，以55蚊呢個價位嚟計，食到大大碗崩沙腩河性價比都幾高🥢秘製牛三寶河$50三寶有牛筋、牛肚及牛腩，份量非常多舖滿整碗粉上，牛筋軟腍，牛肚爽口，牛腩喺富有口感嘅質地，有齊三寶又大碗，好抵🥢爽脆墨魚米$40墨魚勁爽彈脆口，味道鮮香，點埋個辣椒油更加一流，墨魚份量亦非常多🥢酥炸魚皮$20膠袋裝住非常衛生，魚皮夠香脆，食到停唔到口🥢加配油菜$12通菜嫩口無渣而且清清地唔會太多油🥤加配冷熱飲$8熱檸茶發現餐牌上面仲有招牌雙沙河(崩沙腩+牛沙瓜)、 牛魔王河、魚皇魚麵及牛四寶等，全部都好吸引🤩，下次嚟旺角都要再試📍九鼎記粉麵世家旺角彌敦道575號地舖

九鼎記．不能錯過辣椒油！食潮州粉麵，出品一定要有質素除左麵質，最重要就係果支潮州辣椒油！今次同朋友試到一家旺角新店九鼎記，佢的牛魔王同辣椒油真係一流呀！先點2杯凍飲順順口凍檸茶好清爽凍咖啡，經典茶餐廳味2款都好飲！牛魔王河好多牛雜，湯底超香濃！河粉好香滑，索晒汁最正是金錢肚，入味又靚仔牛腩乾淨香軟，牛筋勁滑肺、潤、胃都入味好食香氣四射！ 加了辣椒油真係多多益善！此店的辣椒油好新鮮點攪都不會混濁而且味道爽辣，令人食完又食！蔡老闆表示自家製，對出品極之自豪！鮮蝦雲吞麵5隻雲吞大隻又用足料大蝦味道好，湯底清香食到朋友索索聲腩汁生菜食潮州粉麵不能少就是菜菜請店家加腩汁仲加配以蠔油味道層次多多炸墨魚丸香脆可口彈彈牙是好味的小食香茅雞翼炸得非常香脆口感好正！食炸雞翼就係要呢種！老闆好有熱誠非常關心食客意見不斷進步就是從不停自我提升改善開始蔡老闆，你勁呀！九鼎記粉麵世家 旺角彌敦道575號地舖