九鼎記粉麵世家

Open Now

Now Closed

招牌菜「冬瓜鴨腿湯飯」,一碗熱騰騰的湯底清澈透亮,喝下去口感清甜醇厚,飽含著冬瓜和鴨肉的鮮甜滋味。鴨腿肉質軟嫩入味,與白飯相配成了一道絕配。「崩沙牛腩河粉」,河粉Q彈有勁,牛腩肉質細滑軟嫩,而且還帶有一點點勁道,加上香脆的崩沙粉,每一口都是滋味無窮。「番茄炒蛋三明治」,沒想到竟然如此出眾!麵包外酥內軟,完美襯托出松軟綿密的蛋餡,配上醇厚的番茄醬,口感超級豐富,簡直是人間極品。價錢合理，食物質素很高，特別適合吃晚餐

在繁華的油麻地街頭，有一家粉麵小店，作為一個地道的香港人，最近造訪了這家店品嚐了他們的招牌菜色，感受到了香港特色小店的獨特魅力👍🏻崩沙牛腩飯絕對是不容錯過的美食。入口即化的牛腩肉，每一口都能感受到香濃醇厚的滋味。牛腩在緩慢烹煮下變得軟嫩可口，帶有微微咸香，令人回味無窮😆不得不提的還有這家店的另一絕品牛魔王河 ，湧動的牛肉湯底配上彈牙的河粉，再加上爽脆和香噴噴的蔥花，是一道經典的粉麵料理。湯頭鮮美濃郁，soup飽滿醇厚！每一口都能感受到香港街頭小店的獨特韻味👀除了粉麵之外,這家店的香矛雞翼也值得一試。外皮酥脆，雞肉鮮嫩多汁😍最後還點了腐乳通菜。翠綠欲滴的通菜配上醇厚的腐乳醬，清新爽口之餘又帶有一絲微鹹。這道菜不僅清爽可口，而且健康美味🤤

係旺角行街，見到有間粉麵店，就入去食個湯麵醫下肚。店員好似發緊夢咁，落完單又打錯單，米線變咗米粉，跟住就要再等過，其他枱都好似有同樣狀況，慢吞吞又落咗單。個湯底咁油膩嘅，牛肉勁多肥肉，食到好膩。

呢間位於旺角嘅粉麵店真係一個唔可以錯過嘅好去處! 首先要試下佢哋嘅墨魚河粉,真係無話說。佢哋用嘅墨魚又新鮮又Q彈,配上滑溜溜嘅米粉,實在係絕配。 另外,佢哋嘅牛腩河粉同樣超級好味,牛腩燒得又軟又嫩,湯底個味道都好香濃醇厚,實在令人垂涎三尺。 😋除咗粉麵,呢間店嘅其他小菜都好值得推介。特別係佢哋嘅香茅雞翼,又juicy又帶點微微香茅香氣,炸得外脆內嫩,真係一絕! 🤤 仲有佢哋嘅雲吞,餡料夠料又唔會太膩,皮薄餡多,每一口都令你流連忘返。 🥟服務態度同環境都好好,職員態度親切,環境都整潔乾淨。 👍 價格方面都幾平民化,以呢間店嘅質素嚟講,真係非常劃算。無論係想食墨魚河粉定係其他粉麵,抑或係想食啲小吃,呢間店絕對值得一試。 💰 我相信唔論係食家定係普通市民,都會喜歡呢間粉麵店嘅。你等咩,快啲去試下啦! 🍜 🏃‍♂️

睇戲前先食飽飽，剛巧附近有間主打，崩沙腩，牛筋牛肚，雲吞，丸類的粉麵店，價錢合理，性價比高!牛魔王河粉🔶牛雜，牛大腸，牛腩，牛肚，牛蒡等集而唯一無牛不歡，這一定要試！重點一提，牛肚非常入味，不黐牙👍爽口沙瓜牛河🔶第一次食，未食之前諗緊牛的什麼位置，原來係牛胃的最後一個胃～真係唔係度度有得食！口感超爽，值得一試！白烚墨魚凈食白烚墨魚鬚🔶份量多到誇張🙈爽口彈牙好好食如果鍾意辣的朋友，可以叫另一款麻辣墨魚酥總結：份量超多大大碗，湯底濃，店舖地方大仲有卡位，本身想試吓崩沙牛腩，點知售罄🙈唯有下次吧 🩵

夠膽喺彌敦道開粉麵餐廳，一定對自己嘅食物質素好有信心，見佢主打崩沙腩，所以我就去試下惦唔惦我同朋友叫咗兩碗河粉、一碟油菜、一個小食，再加兩杯嘢飲，埋單$200，喺呢個地段黎講都唔算貴⭐崩沙牛腩河估唔到有咁多牛腩，而崩沙腩肥瘦均勻，肉質好嫩滑，醃得好入味好淋，牛味亦好濃郁，而且河粉好滑，份量超級多，女仔甚至未必食得哂，咁都只係$55蚊，性價比超高！⭐招牌八寶河呢碗河好豐富，有崩沙腩、牛筋、金錢肚、魚皮餃、白魚蛋、墨魚丸、牛丸、貢丸，每款都幾高質，而牛丸幾有驚喜，咬落去有好多牛肉汁，好正⭐麻辣墨魚鬚墨魚鬚幾爽口彈牙，面頭啲麻辣粉幾惹味，不過都幾辣下⭐腐乳通菜⭐熱杏霜⭐凍檸茶點粉麵有得加錢叫油菜同飲品，所以順手點埋我覺得呢間真係幾好食，喺旺角想食個快靚正嘅晚餐的話，絕對可以考慮呢間

性價比高粉麵店😍 環境寬敞舒適，人流多 好熱鬧，晚上6點去已經滿座🥳 食物方面提供多款招牌牛腩麵飯及小食，選擇豐富，價格合理（不設加一服務費），質素高 有驚喜，值得一試！招牌雙沙腩飯🐮必食，質素高牛肉！兩款腩肉煙韌可口，肉質軟嫩，鹹香味十足 好入味，配上白飯及腩汁，簡直係絕配！👍🏻 腩汁生菜🥬 以清脆新鮮的生菜加上濃郁的腩汁，爽口又美味😆鮮蝦雲吞🦐推薦！皮薄餡靚，蝦肉爽脆，滑溜可口，配上清湯啖啖滋味紫菜湯🍲大量紫菜口感好豐富，湯汁味道鮮美😋💟凍朱古力💟冰凍檸茶香甜解膩😚😚

首先我哋叫咗一碗牛腩麵，轉魚麵。佢嘅牛腩麵好有特色，牛腩燉得好軟好入味，湯底香濃。而且，如果你想有啲特色，佢哋都有提供魚麵選擇，魚麵爽口彈牙，好似食魚蛋或魚丸咁。牛四寶麵都係一個必試嘅選擇。佢嘅幼麵彈牙有嚼勁，配上豐富嘅牛肚、牛筋、牛腩等，味道層次分明。如果你鍾意炸嘢，呢度嘅「炸雲吞」絕對係你嘅首選。佢哋嘅雲吞炸得香脆金黃，內裡嘅餡料鮮美，有鮮蝦同豬肉，每一口都好滿足。配上泰式辣醬，味道更加出眾。

之前食過佢哋嘅崩沙腩覺得好正，今次決定要食埋佢哋嘅招牌菜牛沙瓜😋🍜招牌雙沙河$65崩沙腩與牛沙瓜嘅組合，牛沙瓜外表似豬肚，其實係牛嘅第四個胃，比較罕見，唔係度度有得食，質地煙韌有嚼勁而帶爽口； 至於崩沙腩牛味都幾濃，肥瘦適中，肉質軟腍，筋膜位爽口彈牙🍜牛筋牛肚米$60牛筋軟腍得嚟亦有咬口感，牛肚爽口好趙，湯底夠哂香濃，米粉索哂啲湯汁一齊食非常滋味，而且份量都唔野少🐙麻辣墨魚鬚(細)$52爽脆嘅墨魚鬚配上麻辣汁，滋味又好味🥬芥蘭配腩汁 跟餐+$12 芥蘭亦可配蠔油，我哋就鍾意配腩汁，可減低菜青味亦多份肉香味，而且份量都唔少☕️熱檸茶 跟餐+$8靠牆全部都係卡檯，坐得十分舒適，鋪面乾淨企理，仲發現有全日特價飯餐，有我哋至愛鴨腿湯飯，下次經過一定要試下

朋友話呢度嘅牛腩湯河好好食所以我就過嚟試吓， 啲牛肉真係好正又有牛肉味而且又唔韌， 湯底又好啲河粉又夠滑， 最主要係夠熱， 而且份量十足， 如果一個女仔可能大半碗已經好飽😃

今晚老公帶我去食河粉，久違了既味道，帶返讀書時陪伴我成長嘅畫面。舖面裝修得靚好光猛，都幾多卡位，我地都坐到卡位，侍應服務都唔錯，點完嘢食好快上枱。牛魔王河$60喜歡食牛雜既一定非常滿足，咩都有，個湯底夠濃郁，牛筋、牛肚、粉腸、大腸同崩沙牛腩都入哂味，好有咀嚼感。招牌8寶河$60同樣有牛筋牛腩牛肚等，再加埋唔同既丸類，手打牛丸同白魚蛋爽口彈牙，貢丸食落微辣似扎肉，魚皮餃皮薄好滑，連同湯底，夠哂好味，不得不提，啲河粉好薄好滑粗幼適中。紫菜湯$20我地另外點了個紫菜湯，夾紫菜連同d河粉一齊食，d紫菜好多，抵食。油菜$20蠔油芥蘭，油菜都翠綠，好爽口。淨鮮蝦雲吞$40如果冇記錯，都有7-8粒，份量都幾多，食落味道都唔錯，皮薄，蝦肉唔少，兼彈牙。食物質素不錯，本身怕唔夠飽，專登叫多d，不過估唔到佢d湯河都幾大碗，一碗一定夠飽，真係可以當飯食，俾唔想食飯又怕唔飽既人多個選擇。

位於旺角的港式粉麵店，地方寬敞，環境企理、舒適，很多卡位座位。餐牌選擇很多，飯麵都有。各式粉麵：秘製牛三寶魚麵一般的河粉、米線、粗麵等麵條都有，最特別的是這家麵店供應的魚麵，顧名思義，魚麵是魚肉手打而成的，一條條魚蛋口感的麵條，很特別，份量也很多，富飽肚感。牛三寶分別有牛筋、牛肚及牛腩。每份都是大大件。牛腩炆得很軟腍，略帶點肥，濃香牛味；牛肚很有嚼勁；牛筋軟糯，滿滿的骨膠原。湯底充滿牛腩味，很濃郁。各式粉麵：潮州魚蛋、鮮甜墨丸魚麵雙併兩款配料，白魚蛋及墨魚丸，白魚蛋彈牙；墨魚丸爽口大粒。麵條也是加錢轉了魚肉麵。本身魚麵不太掛湯，所以額外加點辣椒油，更加提升味道。另外跟麵餐可享有優惠價的飲品、油菜。

一個月總有幾日好想食牛腩河 、炸魚皮和油菜，路過旺角彌敦道「九鼎記粉麵世家」已經聞到浸香味 ，而且見到人氣滿滿，梗係要即刻入去朝聖😋▪️招牌雙沙河最愛吃崩沙腩幾驚賣晒，好彩仲有，點嘅時候姐姐推介我試吓佢哋嘅招牌雙沙河，有崩沙腩和牛沙瓜，說是很少地方可以吃到，崩沙腩是筋膜連少少肉半肥瘦 ，入口充滿牛脂香超美味，牛沙瓜第一次食，口感爽口又粉嫩，蛋白質超豐富，配上河粉和香蔥，加少少辣椒油和香醋，就是我時常掛念的味道▪️牛魔王飯牛雜愛好者必食，有齊牛肚、牛筋、牛腸、牛肺 、牛膀、牛腩，所有材料軟腍入味 ，仲有生菜墊底，配上香飯特別再加埋腩汁，超級美味▪️炸魚皮大大份厚身又香脆，口感酥脆可口，就咁食或者放湯一樣嘅美味▪️芥蘭叫咗湯粉加$12就可以享用蔬菜一客，點可以坐過，芥蘭翠綠爽口，加上腩汁，簡單又美味

呢間主打粉麵, 配料選擇非常多, 有崩沙牛腩、牛雜、牛筋、牛肚、牛脷、魚片、雲吞、各款丸類等等, 唔食河粉可以轉幼麵、粗麵、米粉、米線、伊麵、撈麵、魚麵～ 平均$40-$50就有一碗麵, 崩沙牛腩麵都只係$55, 性價比高！🥢甘香牛筋撈粗麵蠔油撈粗真係好鬼正！牛筋柔軟有彈性, 炆得入味, 而且份量好足夠～ 我另外加咗一碟新鮮清甜嘅蠔油生菜🥬。丸類方面, 我哋就試咗手打牛丸、墨魚丸, 兩款丸食落都爽口彈牙！手打牛丸牛味香濃。

早幾日行完信和見到斜對面新開左間好似幾抵食既粉麵店，就入去補充下能量；我地食左：👉🏻✨爽口牛沙瓜米✨ $49牛胃裡面分有瘤胃、網胃、重瓣胃 及皺胃四個部份，而牛沙瓜正系最後一個胃 - 皺胃。聽講呢個部位唔係好多地方有得食，估唔到呢度竟然會有！👍🏻更估唔到既就係呢碗只系$50蚊有找既米粉上面竟然仲有咁多塊😍性價比真心高！！牛沙瓜驟眼望落有啲似豬肚，味道唔腥又唔羶；外皮爽滑，內裏煙煙韌韌偏腍身，口感亦都同豬肚一樣咁有層次！✨淨牛腩牛筋✨ $148碟野既份量比我想象中大，牛腩半肥半瘦，鬆軟甘香，意料之中既好味道👅半透明狀既牛筋煮得好夠時間，夠哂入味，滑滑嫩嫩，軟軟糯糯，好似－唔小心就隨時會滑入喉嚨咁😜✨凍檸水✨ 跟餐+ $8呢間野真係平、靚、正，咁大碗牛沙瓜米都唔使$50，下次要過嚟試埋隔離枱好多人叫既崩沙腩、牛魔皇同雙沙麵先😍🧡九鼎記粉麵世家📍旺角彌敦道575號地舖 港鐵油麻地站 A1出口,步行約3分鐘