京疆風味館 (Closed)

這是一頓很美味的北方晚餐，自從在北京旅行後，就一直沒嘗過這麼美味的北方菜。在圖片的上至下，左至右，分別是拔絲地瓜、涼拌海蜇、麻辣雞翼、哈爾濱腸(?)面，京蔥鴨卷，草原羊肉湯，每一道都很好吃。最難忘的是拔絲地瓜，間直是好食到爆！！雖然材料簡單，只是地瓜和砂糖，但廚師把地瓜煮得又香又綿，表面香脆的糖衣，因為糖衣很薄，吃下去不會太甜，亦不會蓋過地瓜本身天然的甜味。如果可以的話，真想可以有機會再去吃一次！

九月頭黎過一次, 但係冇開到, 有D無奈, 平日都唔開。兩個星期後咁岩做完野又經過, 但見到有街坊同個唔知老細定伙計嗌交, 又話咩野間食肆有牌照問題（唔知果個係咪附近既街坊）, 大家互相指罵, 惡言相向。我當時心諗: 姑勿論邊個岩邊個唔岩, 間食肆D人咁唔禮貌鬧人, 即刻失唔少分, 先唔講D野食好唔好食, 人品最緊要。最後我果日都冇入到去。但係前日, 係我同事話想試下, 咁最後我地都真係入左去試下。間野好迫, 張抬有D油積湯積, 唔係好乾淨, 第一印象同感覺係千其唔好帶女朋友黎食。試左土豆絲, 鴨絲卷餅同埋餃子, 因為係OPENRICE多人推介。唔… 真係麻麻地… 味精味有點重..... 有d咸左少少..... 可能佢太”正宗”，師承偉大祖國所以唔太習慣啦 -__-幫親小店係重要既… 試新野都重要.... 但係呢間就只限一次, 所以我同個同事講, 有時網上既食評真係唔可以盡信, 自己舌頭既味覺最重要。所以我好少寫食評, 今次破例, 因為對呢間店好”深刻”至於有牌無牌, 衛生唔衛生, 我都無再去諗。其實附近仲有好多其他食肆既~

難得經過大角咀, 所以就openrice下睇下有咩特色既餐廳. 本身都鐘意食羊, 所以就選擇了依間.一坐底, 老闆就比了蘆薈茶比我地試試, 的確清新可口,不錯不錯.  可惜我地驚飲太多, 所以今次冇叫蘆薈茶.燒羊排 - 肥瘦適中 加埋D粉更好食!! 努力地食到得返D骨羊肉湯 - 好好飲! 好濃既羊味, 仲有羊肉食, 令人十分回味.  下次再黎必叫!鴨絲卷餅 - 出面脆脆地, 鴨絲加上京蔥, 特別可口. 孜然羊肉麵 - 因為D羊肉抄到好香, 所以食到一半先發覺唔記得影相. 份羊肉都好大份, 依個價錢都幾抵食!走前, 老闆請了糖伴西紅柿比我地食. 估唔倒蕃茄加上梅子粉後, 食落既口感又幾得意~今餐好滿足. 真係岩哂我依個"羊魔王"!!  應該好快又會再幫襯 

今日又黎呃飲呃食！作為專業公關，就算老細請都唔講大話！今次京疆風味館真係麻麻！糖拌西紅柿酸酸甜到漏，大陸製造真係差Ｄ，個名都大陸Ｄ！羊肉煲又羶又臭，胡椒粉都遮唔到！肥膏又多，麻甩佬食都嫌佢肥膩！羊肉串燒加埋孜然粉，真係好似食粉咁，淨係食到孜然味，又冇肉汁又乾，失敗！Ｄ羊肉餃仲衰，Ｄ皮厚過我塊面！羊肉鞋到以為食緊瘦肉！百佳買盒水餃仲好食！

是日用餐由於落雨關係，食客不多，但無礙我和朋友吃飯的意慾。自西藏旅程中不斷吃川菜，發現家附近可以吃就馬上來了！我們點了羊羊羊餃子，嗆炒土豆絲，京醬鴨絲卷餅，還有拔絲地瓜。那時天天吃的土豆絲，今次選了小辣但略為不夠嗆，下次還是選中辣吧！最喜歡的還是甜品，香港好像沒有太多地方可以吃到拔絲甜品，賣相味道同樣吸引老闆加送番茄配話梅粉還有綿花糖還與我們閒聊，這樣只有小店才能找到吧了！

有朋友非常好羊，但坊間除了那間主打火鍋的羊店外比較出名外，其他羊肉店都沒怎麼聽聞（可能我太孤弱寡聞了）這次就專程找到了這家主打羊肉的小店，地點也不算太偏遠，從旺角或太子走過去也就約7-8分鐘但店鋪所在的小巷不是位於大街，晚上街上沒有什麼人，感覺有點冷清小店外表有點不顯眼，要走近才看得到招牌，不過認著大大的紅燈籠很容易就可以找到很喜歡招牌的手寫書法，真的很有'風味'店鋪小小的，大約只有5-6桌，但整晚生意都不錯，人流不斷半開放式廚房，好像日本深宵食堂的那種感覺價格很平實、親民，多叫幾道菜都不怕一壺只要$15，足夠好幾個人喝了，價錢也太平實了吧味道香香甜甜的，但不太像菊花的味道，反正很好喝，來這邊絕對要試首先來點小前菜：芹菜不太有平常的草青味，反而酸酸甜甜的，還有點微辣，很開胃酸菜肉鬆就感覺一般，因為我比較喜歡脆脆香口的肉鬆，但這個肉鬆拌著濕濕的酸菜就變淋了，而且酸菜有點過咸，配粥應該好很多無花果乾超好吃，一顆接一顆差不多全被我吃了，不會很甜也不會乾爭爭的，越咬越香甜❤羊肉餡很鮮甜，而且有咬下去有點爆汁，要小心燙口喜歡重口味的也可以配上餃子汁，也很搭很好吃超級喜歡它的香料，下邊小格子的香料

早前，BeautySearch 在網上 post 了一篇有關食羊的文章，友人看了，得知我喜愛食羊，特意打電話給我，介紹我到他家附近的一間以羊為賣點的特色小店，京疆風味館。於是，前排便約同幾位好友，一同前往位於大角咀的京疆風味館。由於，友人是這裏的熟客，因而早已同老闆夾了我們當晚的晚餐，就這樣，我們體驗了一餐全羊宴。回味手抓飯，加入很香的孜然粉，飯粒好煙韌，除了加入羊肉碎，還加了些紅蘿蔔、洋蔥、提子乾及杏甫等，食落甜甜地，還有香口的腰果，配搭特別，口感豐富。老闆娘說這個手抓飯要配羊肉串一同吃，更為味美。同樣加上了孜然粉的羊肉串，非常香口，燒過的羊肉，不算硬，而且還有豐富的肉汁，撈埋回味手抓飯一同吃，就更有鮮味。最令我們驚喜的，是這個茨泥蛋糕，因為老闆用了我們的名字做這個糕，實在窩心。

今年係羊年，朋友話要食一餐羊宴應下節，其實…..呢！係自己(為食)就真。我自己特別喜歡用心經營的小店，家庭式打理，更見香港的人情味。這晚來到大角咀發掘到一間新彊菜，全是吃羊的，雖然當中有朋友不喜歡吃羊，但都肯相就我們試試看。別具一格的門面♣京疆風味館♣♣新疆天山雪菊茶♣是弛名的新疆茶，有益健康，入口清甜。先來一客♣羊肉餃♣，初時都擔心會有羴味，但一食落口完全放心了，比起豬肉還要有嚼勁，裏面肉質肥瘦適中，加點醋，還不錯。♣生菜包♣混入辣椒油一起吃，辣椒油都幾辣，以前經常用辣椒油混菜吃，所以也不覺奇怪。♣孜然羊肉串♣稔身不乾，孜然粉同羊味好夾，香口不太辣，一般女孩子都吃到。♣手抓飯♣連同羊肉串拚吃，你一定會想添飯，飯裏有紅蘿蔔、洋蔥、提子乾、腰果，當中杏脯肉最嗆味，酸酸甜甜，全是有益的食材。♣羴三茨泥蛋糕♣這個真的不得了，蛋糕其實係薯仔，底下羊肉醬汁很甜，蛋糕伴以羊肉一起吃，感覺已經好充實。如果有男仕想向女仕求婚，不妨要求店主代為寫在蛋糕上，給女仕一個驚喜都幾好吧！♣糖伴西紅柿♣，原來要灑上梅粉，帶出酸甜味，蕃茄的新鮮，讚不絕口。♣拔絲地瓜♣，整個變得立體了，地瓜放在凍水幾秒，拔絲溶在地瓜

今天同幾個朋友來到大角咀附近聚會,到晚餐時候,朋友推介一間吃新彊菜的,雖然菜式以羊為主,但朋友說即使不食羊的人吃都不會抗拒。那就即管試一試吧。店舖位置比較難找,若不是由朋友帶路,應該要找一回才找到。店面不大,屬小店經營,時間尚早,所以不用等位。坐下來,朋友跟老闆及老闆娘打個招呼,說由她們發板,原來朋友是這裡的熟客。朋友說我們吃完這一餐後一定不會失望。心想,會不會?! 一會兒,老闆娘就拿了一壺天山雪菊茶來,說可解毒除濕,而且味道真的不錯。湯底中有紅棗、杞子、淮山,這幾樣配料我都特別喜愛吃。而且羊味剛剛好,我這個不太吃羊的人都覺得味道不錯。羊肉上加上了孜然粉,味道不錯。老闆娘說吃這個羊肉要配這個手抓飯來吃。我們一見到這個茨泥蛋糕就驚呼了,因為老闆用了我們的名字都做這個糕。實在有夠心思。蛋糕其實用薯仔做,內有羊肉,而醬汁內亦有羊肉,實在很好味。老闆娘說可先吃一片糖伴西紅柿,之後再加梅粉來再吃,會別有一番風味。甜品拔絲地瓜,賣相相當漂亮又好食。老闆說將一舊地瓜浸入凍水,會令口感更好。

因為就朋友, 所以選擇以大角咀為目的地, 看朋友推介食什麼好。朋友問我們兩人吃不吃羊, 怕不怕羴味, 我們不怕, 因為這樣促成今次的全羊宴了。地點有點難搵, 因為是位於公園的則面, 不是馬路的位置。入內沒有富麗堂皇的裝修, 只有一點平實又整潔的感覺。坐下時, 老板娘先給我們一個簡單的餐前小吃, 接著由朋友代為下單。朋友是住那邊的, 而且吃過好多次, 所以和老板老板娘有點熟。下完單後, 我們就飲著那特別的茶, 等候著食物。menu大漠燒羊排出奇地好食, 肥瘦適中, 有少少羊的羴味, 不太多, 燒得好香, 有點脆口, 再加上可選擇的辣粉和孜然粉, 格外好食。孜然羊肉串少少都想試一個! 沒有太多的羴味是這店的特式, 又或許我本身食得羴吧。這個串燒是必試的。好香的羊肉味, 再加上辣粉和孜然粉, 特別適合作串燒的陪襯。這羊不硬, 肉還有點肉汁, 格外好食。羊軟骨menu 無的, 但要預訂, 限量。好少食到羊軟骨, 再加上少少的羊腩, 個湯鮮到不能用文字形容。少少辣, 因為黑椒! 薯仔好林, 還另上一個菜滾來的食。店長還溫馨地提示我們, 如果食不到太辣的話, 記得落少少醋去減輕個辣度。草原羊肉湯加

朋友介紹去大角咀食羊肉,因為之前家裡煮羊煲,爸爸煮得實在太好食啦。我回到家裡已經比其他人食完了,連羊的汁都清了。  令我心思思想食羊肉。我約了幾個朋友一齊去食京彊風味館。環境細細,但好整潔,我一去到店裡立即查看餐牌,點了幾款菜式食。腰瓜車打芝士配青瓜~~這小食配啤酒好好食,腰瓜連皮燒一燒,好香口,配上香濃的車打芝士,再加上新鮮青瓜粒,我估唔到咁簡單的小食也可以咁好食。不同地方有不同的食物,也有不同風味。 糖伴西紅柿~~另一款小食是新鮮蕃茄加梅子粉,酸酸甜甜好得意,我鍾意食新鮮的蔬菜,所以我食完全份。白灼小棠菜~~廚師把新鮮的小棠菜,輕輕的灼一下,把菜砌成一朵小花,睇到都唔捨不得食,菜青甜,爽口。大漠香燒羊排~~把羊排在燒烤爐上燒熟,再在加上一些孜然粉,羊肉無蘇味,肉嫩剛剛好,咬感正,不會韌,加上孜然粉後幾條街都聞到香味。孜然粉是近年食串燒的必需材料,原來食得多會上引的。 胡麻手抓羊鍋~~主角出場啦!一放在枱上已經聞到好香的胡椒粒味,羊肉肥美,有白羅白,茜芹,蔥。我食配菜先,白蘿白青甜無渣,茜芹,蔥有吸收了羊肉味,好好食。羊肉對我來說比較肥了些,但肉好鮮嫩不會有蘇味。我個人比較鍾

草原羊肉湯，方間實在係少有，看上去樣子是清湯，一入口羊味爆發！這個價錢境有這質素，感動！大漠香燒羊排，此店真材實料，落孜然唔手軟，孜然和羊肉混合，惹味！小店難得有拔絲，朋友立即來一個，我個人不太愛拔絲，也覺得OK！唔記得有個叫咩炒飯，飯好是黄色的，有少少提子乾，好味！另外有個羊肉卷，也不錯！一間店能做到樣樣都好食，真難得

本來係大角咀做完運動乘路線66x返屯門休息,很不幸送車尾加上肚餓關係,晚餐於大角咀覓食行到一條叫鐵樹街(銘基書阮附近)搵到間食新疆菜的小店由於係家庭模式打理,菜式選擇自然唔算多,是日點了兩款菜式帕米爾羊腩麵$48,開頭試第一口麵條完全係冇味,以為中了伏,原來自己忘記放湯吃,再試一口羊肉味道好有羊羶味道,岩哂好羊的朋友;配菜有通菜,少量菇類和紅蘿蔔粒,有菜有肉,加上湯清中不帶味精,飲完唔會口喝。孜然羊肉串(兩串)小辣$28,小辣味道岩岩好,唔會蓋過羊肉本身既味道加上孜然粉,係醒胃之作。吃完兩道小菜後,奉送了糖浸西紅柿作結,老闆叫我先吃第一塊,然後塗上一種名叫梅粉既物體落蕃茄到。塗上了梅粉的蕃茄味道酸酸甜甜,消除少許油膩感,食左咁多肉,有返d蔬果作結夠健康。老闆娘知道我喜歡吃羊,佢話下次嚟試下羊肉餃子；我相信這間小店會再有光顧的機會。

住在大角咀4年多最近幾個月才一一試盡附近的美食小店今次是供網上訂座的新疆菜館 要留意小店星期一休息叫了幾道主打的菜式1) 羊肉串 $24 @ 2 (3/5)羊味不so 出奇地脆口 好有咬口 卜卜脆 香味濃郁但比想像中淡味 不像一般串燒店的重口味 可能因為揀了小spicy吧 2) 羊肉餃 $20 @4 (3/5)羊肉餃比較少見 同樣地so味不明顯 做得很好 皮不算超薄 但尚可接受 雖然沒有落其他調味料 但不會太dry 我反而幾喜歡那種鮮味3) 鴨肉卷 $20 @ 2 (4/5)又一特色小食 平時的食店不多見的 感覺上食法有點像北京填鴨皮薄加入了香蔥更可口 醬的份量剛好 啖啖鴨肉 肉質不算太肥膩 不俗!4) 大盤雞 $68 (4.5/5)店方主打之一 寫明要等候時間需時 我也十分期待雞塊不多 相當入味 不是一味只有spicy 肉質嫩口 一點都不鞋口 抵讚 更有闊條面在底 索了肉汁 滋味非常這種面頗特別 口感yin yin unun 彈牙好味 是全晚最難忘的菜式環境就沒什麼特別 店員只有2個 但上菜仍然很快 到離開一刻才知道所有食物沒有下味精有點意外 因為所有order的食物都沒預期中hea

今次約左朋友，去到深水埗個啲Party Room度玩，泊完車行過去時見到有叠傳單掛左係街口，仲比我見到有久違了既新疆羊肉！哈哈哈哈~ 撇左張睇，越睇越懷念以前食烤羊肉串既日子。於是我就少少地叫左幾樣野食外賣（其實啱啱先食完飯！）。我當然叫左孜然羊肉串喇，仲有京醬鴨絲卷餅，同埋傳說中既天山雪菊！今次因為太興奮既關係，食晒都唔記得影相，哈哈哈哈，影住張傳單頂住先！孜然羊肉串好好味，好懷念以前食過正宗新疆/北方菜既孜然羊肉，好惹味！肉唔會烤到好乾，仲好Juicy，好抵讚！另外既京醬鴨絲卷都係十足惹味，男朋友食到停唔到口，仲過份到話想encore，痴左！2樣野食都100分，最後到杯雪菊，佢堅係好勁菊花味，但好淡，我expect有甜味嫁囉~ 上次出面飲過都有甜味，今次呢度只有純菊花味，比地上黎真係遜色左。總括黎講，呢度野食滿分，杯飲品改善一下就perfect了！