仁芝初

Open Now

Now Closed

📍#仁芝初 (旺角)旺角通菜街2Q-2Z號鴻輝大廈地下6號舖▪️▪️▪️▪️▪️▪️▪️▪️▪️▪️▪️▪️▪️▪️仁芝初主打食中式糖水，有唔少嘅傳統糖水可供選擇～ 當中亦有部份創意糖水。✨#楊枝甘露💰$44夏天食楊枝甘露係幾消暑既甜品，甜度適中，芒果味濃郁，仲有新鮮芒果肉😝✨#薑汁芝麻湯丸💰$32芝麻湯圓有七粒～ 作為飯後甜品都有啲飽😆 加上薑汁幾香濃，整體都不錯既。✨#椰汁紫米露💰$34有淡淡的紫色，紫米口感煙韌，再加椰漿，甜度適中。▪️▪️▪️▪️▪️▪️▪️▪️▪️▪️▪️▪️▪️▪️

同個朋友食完晚飯之後佢話想食糖水，特別係想食傳統嘅中式糖水，所以就搵咗呢間嘞。之前有朋友帶我嚟食過，所以大概有印象係乜嘢位置，其實地點都還算方便嘅，同埋個門牌都好容易認到。去到門口要等位，等咗大概10分鐘就有位嘞。我哋叫咗一個香滑芝麻糊加湯圓，同埋一個香濃合桃露加湯圓，唔知係咪因為加咗湯圓說個碗特別大個，味道方面芝麻糊好香好滑，係可以嘅。合桃露反為冇芝麻糊咁濃，但係合桃香味都係好出嘅，所以整體嚟講都唔錯，食得出有以前食開傳統中式糖水嘅口感同埋味道。朋友話下次再嚟試其他嘅糖水，我都應承咗佢一齊試吓其他糖水再講。

聽日放工經過呢間糖水舖，個名叫仁芝初，天氣咁熱，最啱就係買啲糖水食下☺️聽個名都知係食中式糖水嘅，糖水種類選擇都好多，佢仲話係自家製手工調製既，仲要係每日新鮮製造😍我就揀咗三個甜品，外賣返屋企食古法養顏燉桃膠：我揀咗凍嘅，塗膠好似啫喱咁入口相當透心涼，入面仲有杞子龍眼肉，感覺相當滋補😃紫薯芋茸蓮子西米露: 呢個紫薯芋開茸磨到糊狀，有芝麻糊嘅感覺，味道又相當唔錯，感覺佢超級足料🥴白果薏米腐竹：呢個中式糖水都係冇揀錯，入面嘅白果種一啲都唔苦😋呢間中式糖水舖，果然有質素又好味，下次再試吓佢嘅其他糖水❤️#旺角 #糖水 #旺角美食

👩🏻‍🍳 仁芝初🧑🏻‍🍳👣值得科勞指數：🏃🏻‍♂️🏃🏻🏃🏻‍♂️🏃🏻‍♀️🍧芒果椰汁紫米露🍧薑汁芝麻湯圓正常發揮，正宗中式芝麻湯圓，湯都夠薑。🍧 法式紫米露底層燉蛋好香滑，配合紫米，煲得夠香糯，100分。📍地點：旺角通菜街2Q-2Z號鴻輝大廈地下6號舖

平時食糖水食襯都芋圓，仙草，一間專注做中式糖水舖都較少見，見襯都上左年紀老字號，哩間系個80後老闆後生仔開設中式糖水系旺角鬧市街頭女人街仁芝初今次系買外賣番屋企同家人一齊食😘蛋白杏仁露$40木瓜燉雪耳$34紫薯芋蓉西米露$35✨杏仁露細膩幼滑，杏仁味道好香濃，蛋白足料✨木瓜燉雪耳，清甜，料都好足夠本來性質寒涼，飲得出，加咗幾片薑，但到性質温和✨紫薯芋蓉西米露，深紫色，食到芋頭蓉，蓮子，粒粒西米，由於紫薯關係，糖水會較為杰身店內見亦不少人吃桑寄生蓮子蛋茶芒果奶凍古法養顏燉桃膠法式紫米露下次要試一試下先得😆

每日新鮮製作, 中式糖水選擇多, 仲有一啲特色糖水～ 店內有Marvel模型珍藏, 牆上亦掛滿Marvel漫畫海報, 環境裝修好有特色㗎！❤️合桃露拼紅豆沙紅豆沙煮至綿密起沙, 有陳皮香氣, 每一啖都食到粒粒紅豆🫘, 好足料！跟合桃露一齊食, 感覺創新又好夾～🤎生磨合桃露每一啖都有濃濃嘅合桃味, 入口濃稠幼滑, 甜度適中。呢款揀咗凍食，我覺得凍食個合桃味更加突出。🖤芝麻糊芝麻糊質感濃稠, 磨得好順滑, 飲落好香黑芝麻味, 又唔會太甜膩

-🍴🍽🍴🍽🍴🍽 🫘🫘🫘🫘🫘🍴🍽🍴🍽🍴🍽-🥢芋茸蓮子西米露 $30🆙芋頭磨成芋泥狀再加入西米同蓮子，令芋茸綿滑得嚟增添左份口感👍🏻。🥢古法養顏燉桃膠 $40 🆗睇個名就知好養生，入面配料有紅棗、桂圓、桃膠、杞子，甜度適中，感覺幾滋補👍🏻。🥢芝麻糊拼綠豆沙 $30 🆗芝麻糊口感濃郁順滑，綠豆沙都幾足料，雙拼下芝麻糊比較出色。-🤨評價 𝗥𝗮𝘁𝗶𝗻𝗴𝘀🤨食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10服務 𝗦𝗲𝗿𝘃𝗶𝗰𝗲 7/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體𝗢𝘃𝗲𝗿𝗮𝗹𝗹 7/10-🍴🍽🍴🍽🍴🍽🫘🫘🫘🫘🫘🍴🍽🍴🍽🍴🍽-🗺 仁芝初 (旺角)旺角通菜街2Q-2Z號鴻輝大廈地下6號舖-

早前出旺角，經過女人街，見到「仁芝初」，呢間甜品店之前已經聽朋友講過，一直都無機會試，今日終於買咗返屋企慢慢嘆。⚫️生磨香滑芝麻糊香濃幼滑，不算太甜，因為夏天，所以order咗凍嘅，相信熱食會更加香芝麻味👍🟣紫薯芋茸蓮子西米露成日都係食椰汁西米露，今次試咗紫薯芋茸，紫薯及芋茸完全磨碎成汁，味道完全融入糖水中🫠🟠楊枝甘露夏天必食糖水，清涼清爽感覺，芒果甜，柚子帶點酸，好醒胃😋其實佢哋仲有好多中式糖水，仲可以雙併，一碗可以有兩種口味，正呀✌️

來到旺角通菜街的「仁芝初」，這裡有各式各樣滋潤甜品，總有一款適合你。首先試食嘅係古法養顏燉桃膠，賣相雅致，金黃色嘅桃膠似琥珀般晶瑩剔透，燉得恰到好處，口感滑嫩而不失嚼勁。餐廳佢哋嘅甜度控制得剛剛好，並無太甜，可以清楚品嚐到桃膠本身嘅微甜及芳香。其次係芋茸蓮子西米露，湯底嘅芋頭香氣濃郁，配上綿滑的芋茸，再加入了清甜的蓮子同西米，甜而不腻，口感層次豐富。份量方面，兩人份量剛剛好，份量足夠。最後一款係白果薏米腐竹，白果煮得軟綿綿，充滿豐富的口感。薏米同腐竹都煮得十分滋潤，每一口都充滿滿滿的豐富味道。份量適中，並且味道濃郁但不甜膩。提到店鋪環境，「仁芝初」特別出色。裝修優雅而有品味，絕非一般糖水鋪可比。座位寬敞舒適，並無過份迫。喺這裡，你可以邊享受美味嘅甜品，邊與朋友或者親人享受一個輕鬆舒適嘅下午時光。餐廳嘅服務員都非常熱情有禮，對客人嘅需求都很細心。整體嚟講，「仁芝初」嘅甜品真係好好味，仲會再去架！

睇番佢地既IG 見到係90後經營支持支持 創業好難 守業更難而且聽職員講 佢地係每日新鮮製 鋪頭唔係好大 所以建議大家外帶番屋企慢慢嘆 不過我地呢日早去 所以都有空位 可以堂食中式糖水 多數都係比較健康 養身我地今次就叫左薏米腐竹拼芋茸西米露啖啖都有唔同既口感 有時有西米露 有時有粒粒薏米 有時有芋茸口感豐富 真材實料香滑既腐竹 配上 芋茸味 原來都幾合襯依加重會記得陣腐竹香味另一碗點左 古法養顏燉桃膠我地叫左熱既 呢個真養身 好滋潤 有家既味道入面有 紅棗 桃膠 杞子 桂圓 有冰糖既甜味 但絕不死甜佢會用燉盅仔上碟 連埋果盅仔都熱辣辣食既時候要小心佢重有另一樣值得去食既係鋪頭細細但都有好多款式可揀重可以兩溝 同埋加配料 可以品嘗一碗超足料既糖水做宵夜性價比都好高

仁芝初 @art.of.dessert_📍旺角通菜街2Q-2Z號鴻輝大廈地下6號鋪值得再訪糖水鋪♥️款款足料又好味今日又來買外賣🥡天氣禁熱🔥🥵～今次叫返凍🧊既糖水同夏日期間限定👍🏻。檸檬🍋薏米水 凍 $32 禁熱天氣飲岩哂👍🏻一飲消暑解渴檸檬水飲落帶微酸～好開胃。生磨香濃合桃露 拼 芝麻糊 凍 $34 好喜歡佢地自家生磨合桃露+芝麻糊真材實料～無論凍/熱食都好正入口滑溜💯👍🏻夠哂濃香。椰汁紫米露 凍 $34 紫米露煙靭Q軟～有咬口配埋濃香椰汁🥥絕配✨。加$10 3粒芝麻湯圓 熱勁好🤭仲埋跟埋薑汁湯💯期間限定限出左3款 ~ 大家把握機會來食🫶🏻～檸檬🍋薏米水～芒果🥭奶凍～蛋花🥚馬蹄露

宵夜食咩好？食甜品就最好～ 今日經開旺角就順便買糖水返屋企食，小店主打多款手工中式糖水，每日新鮮製造，未食已經覺得吸引🤤 雖然店內環境唔大但座位之間好闊落，而且價錢亦十分合理，下次又多個地方去食糖水啦！季節限定有馬蹄露～ 做法雖然唔複雜，但味道絕對冇得輸！食落清甜，爽口，雞蛋份量都唔少，冰涼又解暑，而家天氣咁熱真係好爽呀😳 唔覺唔覺就清晒成碗糖水，性價比高！另外有雙拼可以選擇，啱晒貪心嘅人類🤤 薏米腐竹拼麥米粥都係第一次食，滿滿餡料所以質感偏濃稠，豆味香濃，口感豐富，煙煙韌韌又有啲爽感，好特別嘅配搭☺️竽茸蓮子西米露好似染咗色咁，打開個蓋真係嚇咗一跳😬 糖水煮至濃滑，裏面仲有粒粒蓮子痛西米，感覺唔粉而且甜度適中，食完唔使飲水🤣 整體份量啱啱好，唔錯唔錯👍🏻

有日係旺角食完飯想搵間糖水舖再坐下，鮮芋仙又已經停止walk-in，搵左一陣先簡到呢間仁芝初，睇落正正路路就入去試下。嗌左凍楊枝甘露($42)同熱雪梨燉川貝($49)。兩款糖水味道都唔錯，凍楊枝甘露清甜，椰奶、芒果同糖水既比例岩岩好。👍👍👍👍🏿👍🏿雪梨燉川貝夠滋潤，岩哂女仔飲，入面仲有原個雪梨可以食。👍👍👍👍🏿👍🏿缺點就係兩款份量都偏少，幾啖就飲完(不過見到隔離枱既西米露定紫米露大碗好多)。而且二人枱好細，坐得唔算舒服。性價比：禁啱我哋嗌左兩款都偏貴少少，其他傳統糖水大多就$30-$40左右，下次會想試下。總結黎講雖然唔太好坐同份量偏少，但至少味道係好的，下次係旺角簡唔到糖水鋪的話，可以一試。👍👍👍👍🏿👍🏿

旺角抵食中式糖水仁芝初真係好好食，同女朋友喺旺角食完晚飯想搵間平平哋嘅中式甜品，啱哂！每人都係$35咋…… $38芒果椰汁紫米露$32熱香濃合桃露雙拼-芝麻糊兩碗都好正又唔會太甜，芒果仲要大大粒又夠凍。芝麻糊喺底，杏仁露喺面，想溝埋食又得，想分開慢慢食都得！推薦🙌🏻但餐廳座位就相對黎講少,到食甜品時間一般都要等下位。同埋依個價錢黎講，服務你都唔知可以expect 太多🤣食就就閃。同埋好似只收現金，大家去就醒水啦。

同朋友食完石鍋烏冬，行多幾步見到仁芝初糖水鋪，啱晒鐘意品嚐傳統糖水嘅我😆時間尚早，唔洗排隊，直接入坐歎返碗🥰蛋白杏仁露$38杏仁露口感滑溜，蛋白與杏仁精華完美地融合，讓人難忘，濃郁的杏仁香味在舌尖綻放。古法養顏燉桃膠 $40桃膠搭配桂圓、杞子和紅棗，呈現出一道充滿滋潤的美味佳肴。燉得恰到好處的桃膠質地軟糯，桂圓、杞子和紅棗的甜味平衡了口感，讓人回味無窮。杏仁露真係幾好，所以又叫了一份生磨滋潤杏仁露外賣 $32😆😆，這款杏仁露濃厚而香滑，正‼️