台蔡滷肉飯

Open Now

Now Closed

小店主打滷肉飯🥢菜式選擇都多元化只可惜今次兩個人去食唔到太多🥲由於舖頭位置唔多 要排隊不過大熱天時都唔使喺門口等位!!!因為餐廳有位先會call你🦦星期日lunchtime 去大約等左20分鐘闆娘同員工親切服務態度好好😚❝鹽水雞滷肉飯套餐 $74⋆滷肉肥瘦均勻 重油香🤤⋆食落唔會太Heavy 米粒煙靭⋆鹽水雞味道夠 雞肉爽滑❝九層塔鹽酥雞 $38⋆呢個價錢來講份量非常多🤩⋆外脆內軟有肉汁推薦✨✨❝肉鬆起司蛋餅 $38⋆說真的比較普通🙈⋆欣賞小店用上台灣醬油膏 ⋆但味道有點太鹹肥妹為食推薦指數：🦦🦦🦦🦦(滿分為5🦦)味道：7.5 / 10環境：7 / 10服務：9 / 10歡迎大家follow肥妹ig🥹✨@japjapeaaat

行過見到呢間台灣餐廳都幾多人食，掛住台灣既我去唔到台灣，唯有同朋友黎食台灣野思鄉。我地叫左3個套餐再加小食。鹽酥雞同甜不辣炸得好香口但唔膩，甜不辣調味唔錯，應該加左椒鹽粉，鹽酥雞加左九層塔減少膩感。炸物大家都係一口接一口，完全停唔到😋鹽水雞好滑，加左唔少蔬菜同菇，好fresh，好啱夏天唔想食咁heavy 既時候黎食。滷肉飯同出面食既好唔同，啲肉唔會好肥（我唔中意食肥豬肉都接受到），香口得黎食完都唔會有滯住滯住既感覺。花雕麻油雞湯酒味幾香濃，好足料，仲落左杞子、金菇、豆卜，好快飲曬成碗。滷肉青菜正常發揮，飲品個人覺得略甜（平時飲開微甜），螞蟻人可能會比較中意，我下次黎應該會叫走甜。雖然價錢唔算好平價，但感覺到食物既誠意，下次黎會想再試埋蛋餅同其他炸物😆

好耐無去台灣，荃灣呢間新開的台式小店，社交平台聽講係台灣人煮所以專登過黎試下。主打既滷肉飯唔錯，肥瘦平均入味，飯就有啲偏軟，可以乾身少少更好。九層塔鹽酥雞幾酥脆，其他台式餐廳未試過呢個味道，忍唔住又單點多碟😂好熱氣嘢飲叫左大紅袍仙草奶茶，店員話仙草係自己煮，唔係罐頭，真係飲落唔同啲。但杯嘢我叫左正常甜，個人覺得唔夠甜，反應比員工知，點知老闆親自出黎處理，好nice！整體唔錯，下次都想試下其他。

第一次在openrice分享～昨天與幾位朋友在荃灣聚會，最後來到這間台灣食店買購買外賣到朋友位於南豐中心的辦公室享用。我們點了三個食品，有「台味滷肉飯」、「肉鬆滷肉飯」和「鹽酥雞滷肉飯套餐」。在這裡，先分享下一段小小插曲：在我和朋友買完外賣回到辦公室時，我們才發現完來食店少給了我們一盒「台味滷肉飯」，於是我打了電話給店家，並請求他們幫忙送回缺少的「台味滷肉飯」到辦公室。當刻，店家在安排好後，竟然由老闆親自送回給客人，當時外面也不時下著相當的大雨。對於這一點，作為客人的我都也非常欣賞和感謝店家的安排。除此之外，當店送來缺少的食物後，我們和店家才發現原來缺少的食物是隨「鹽酥雞滷肉飯套餐」付送的小盒「滷肉飯」，而非「台味滷肉飯」。當刻，我和朋友們都感到相當不好意思，因為套餐付送的「滷肉飯」與「台味滷肉飯」的大少相差了很多，而且其中也多了一些配菜。然而，店家卻不斷跟我們說「不要緊」，讓我們「快點享用」。由於這份經歷，導致我決定在openrice這裡分享一下給大家，讓大家認識一下這店家。最後，我也希望藉此分享一下這店我所享用過的食物味道：「台味滷肉飯」；滷肉嫩滑多汁，白飯軟硬度適中，彼此配合不會

🍗鹽酥雞滷肉飯套餐 ($70) 鹽酥雞新鮮炸好上枱 金黃十足份量正常 大約有10舊雞肉食落肉汁都幾多 唔會好乾身 調味幾好 係喺台灣食到嘅味道特別鐘意佢比嘅九層塔都算多 加分💕平時唔太好飯嘅我 見佢招牌用埋滷肉飯 點可以唔試下呢？跟餐嘅小滷肉飯係用台灣米煮成醬汁都夠多 足夠送到成碗飯滷肉肥瘦比例適中 食落幾滋味套餐仲會附送是日小食店員介紹係豆腐乾之類嘅野食落又唔錯喎 可以中和下肉類嘅膩🥘藥膳排骨湯 ($56)熱湯送上 未入口已經好有藥材味我同朋友見到有好多"淮山" 好開心點知一入口 發現全部都係姜嚟嘅😂果刻只有一個感覺：洗唔洗咁多姜呀😅爬咗佢地IG 得知師父用咗當歸、熟地、川芎、枸杞等14種藥材慢火熬製😲 果然係好補呀！排骨就有2-3舊 浸咗湯汁嘅味都唔錯點埋秘製台灣腐乳醬 味覺上更豐富不過我同朋友最初都以為呢碗湯係有埋麵跟但原來係淨湯 咁份量就有啲少喇 ...******************************環境：簡潔木系設計 廚房係開放式店鋪幾面牆上都有少量裝飾其中一面有大大張油畫描繪咗台灣夜市景象好有親切感💕******************************

第二次黎食了第一次同朋友食係藥膳排骨湯同花雕麻油雞湯， 味道正宗（份量再多啲會完美），所以今次再黎想試下其他餸， 發現原來佢啲炸嘢都正， 我最鍾意食甜不辣（但唔記得影相😵‍💫）， 真係有啲驚喜。至於滷肉飯， 我個人黎講就幾鍾意食， 因為佢食落係唔似平時好鹹個種，但可能有啲人會覺得唔夠鹹。佢飯個啲酸菜真心高汁， 夠酸爽嘢飲我揀咗少甜，但我就覺得偏淡，所以建議平時飲開少甜嘅朋友，可以考慮揀番正常甜度。我食個陣都幾多人下， 但佢哋服務態度都仲係好親切， 希望佢哋可以一直Keep 到呢個服務質素啦😆

讚1 以滷肉飯以言 呢間係合格線以上 飯粒煙韌 滷肉肥香又入味 珍奶亦寫煮得唔錯。一定好食過係路德圍另一間2 環境幾fun 壁畫搶眼彈1 鹽酥雞炸得唔油 但都完全無肉 乾到一個點2 價位係呢帶係勇既

荃灣又有新店 台灣野一向正 店鋪款式都多選擇 有主食 有小食 有台飲 有台灣人主理 我簡單叫左鹽酥雞set 同 台腸蛋餅 set會跟埋魯肉飯 同小菜圃 鹽酥雞份量都陰 飯都大碗 上台精美 不過味道一般台灣店 魯肉飯香油重 至於蛋餅 皮煙un厚實 口感豐富 佢有個醬配埋 perfect match 唯獨略嫌欠缺紙巾或水 到枱附上更佳~