喜聚坊

Open Now

Now Closed

菜式都好好食但因為那天人比較多就沒有打算要拍食物照片不過來了這碟原隻蒸扇貝就忍不住要拍下😂😂😂很大粒而且蒸得剛剛剛好！其實我們當晚還食了幾道海鮮每款都很新鮮印象很深的是每道都有很輕微的辣做調味所以鮮味好似更突出了~~.🎂富貴夜明珠另一道很特別的菜式因為很特別就點了一個讓生日的朋友吹蠟燭😂😂其實是一個巨形煎堆不太甜外層有芝麻而且比較脆裡面就比較軟身同甜如果生日的朋友不知道有這個菜式應該會非常驚喜~!.喜聚坊📍大角咀利得街10-12號地舖

今日訂咗個$4888套餐，另加太子魚肚！ 每碟都好好食，又足料！ 咁既價錢同質素，而家真係好難搵！ 個太子魚肚，果然令人好驚喜！ 蒸扇貝時間又教得岩岩好！ 成餐都令人好滿意

滿久以前已經久仰京酥國寶鴨的大名，還以為只有晚市私房菜，後來才知道原來這裡也有午市供應，幾十蚊就試到私房菜手藝，梗係狗仔咁衝啦！（其實都衝左十次八次，今次的起心肝寫食評😂）我們一行4人，其中比較受歡迎的就是果醋豬排。這裡的果醋絕對不會有嗆酸的味道，反而滿滿蘋果的香甜可口，十分開胃。後來同老闆娘吹水先知，他們一大煲扔三、四十個去芯蘋果，汁液煮成金黃色，這還用來烹煮晚市的招牌黑毛豬菜式，所以極有質素保證！而我這次點了菜莆帶子炒飯，這跟外面茶記的炒飯完全是兩個層次。菜莆吊起整個炒飯的味道，份量恰當，絕不死鹹；飯量不單止夠大份，材料都好足，計起黎每啖飯都有幾粒貝柱，配搭菜莆與翠玉瓜的爽脆，口感豐富，非常滿足。另外大家一致認同的名物，就是叉燒滑蛋飯，雞蛋香滑，拌飯一流。除了上述的午餐，午市餐單目測都有不下20款選擇，價錢大約$50-70，是怕有選擇困難多過怕無心水。基本上，這裡已是飯堂之一，至少京酥國寶鴨，揪夠人一定會試！

最近同友人去咗幾次喜聚坊，一直太忙未有機會寫食評，今次一次過寫吧。先寫「湯水」，最近都係因為轉天氣加上夜瞓，又肝火又濕重，友人推介喜聚坊的無味精老火湯比酒家平一大截，果然唔錯，最喜歡係「in鴦葛菜」同「赤小豆野葛」湯，清熱又去骨火，仲試咗「老黃瓜」、「霸王花」同「佛手瓜」湯都好唔錯，清甜滋潤。菜單上的菜式就試咗「工夫肉餅」、「一囗骨」、「帶子餅」、「乳鴿」同「蒸魚」，我個人最喜歡工夫肉餅，係我食過最好味的蒸肉餅，非一般貨色能比美。至於少不了的蔬菜，就試咗「炒通菜」、「金銀蛋筧菜」同「炒福建西蘭花」，炒菜惹味，金銀蛋口感極佳，並非一般蛋菜撈在一起的貨色，明碼實價抵食，呢種質素應該要在大角咀呢d舊區先做到呢個價錢。另外，試咗三個特色菜，「麻辣雞」囗感出衆，麻味辣味恰到好處（我個人食唔到太辣都食到）非常惹味，雞肉亦嫩滑但不見血，我好喜歡亦覺得抵食。「腐皮卷」的材料不是一般的平價料，皮好脆，好味！我最鐘意係個「脆皮豬」，堅好味，好有豬味但無一般豬肉d蘇味，皮極脆極香口，但感覺不熱氣，以前常食有名好似骰子咁細d燒肉，但呢個脆皮豬明顕早幾班，可惜要預訂，唔係時時可以食到。最後係主食，試咗「炒年糕」

我兩年前食過二次都是舊舖 - 觀塘，食物質素及價錢都OK嘅，搬咗新鋪 - 大角咀之後，從來冇去過，所以諗住今年母親節，就喺嗰度慶祝食飯，不過是失望而回乳鴿 - 鹹咗少少蒜蓉蒸扇貝 - 蒸到剛剛好冇乜特別，要成$50/1隻，不是特別大隻，所以有點失望水晶雞 - 其實味道同砂礓雞冇乜分別，仲有啲鞋添，價錢仲要$328/1隻完全唔得及太貴黃金蝦球 - 應該是全餐最好食的一款柚子桂花酒釀骨 - 味道叫做可以，不過不是想像中咁好食，而且D肉好肥全嚿都是肥🐷膏杉斑 - 新鮮的所以冇乜特別，不過得10両要$188，似乎貴咗啲蒜蓉炒菜心 - 太多油，又細碟夜明珠 - 除咗係大夠特別之外，今次食佢太多油及韌我地5個大人，2個小朋友要$2041，仲要唔覺有飽肚感，我諗應該冇下次。

兩星期前食完糖水，經過呢間中式小店，門面比較封閉，只隱約見到有幾張枱加一堆證書、奬牌同相，感覺有大師級坐陣吧！格局估係做私房菜或只做熟人生意無意中發現門外餐牌有我想試好耐既「冰鎮生炒骨」果刻已預左要搵日要黎踩場今日又無咩plan, 就胆粗粗衝去看有無位啦下午四點幾..包場！正常人應好少這鐘數食飯既，難得師傅知我專程來試菜就做埋我生意啦邊個叫我無訂枱兼係母親節既前一個周六丫好多菜名都超特別， 中菜係由個名開始就已包裝得好好，當然好文藝既名都會配埋材料清單方便理解啦「冰鎮生炒骨」-嘩好靚呀我唔係淨係食個樣既， 生炒骨要食冰鎮係因喜歡冰脆既口感，夏天食好似零食咁，而脆皮内就係軟軟的生炒骨， 這個菜要等一等，俾時間個汁去變脆，佢做得好好既地方係外面炒皮好薄，整粒排骨係由冰汁脆皮包住今日好好彩，因師傅預多左少量人地做節既菜式，平時要夠一圍枱先可點既，我今日有幸可以試埋覇龍伴舞九天-鮮墨魚片捲蝦球肉、火腿絲、日本蘿蔔伴特製沙律醬好肥美，墨魚加蝦諗唔到咁夾！ 蝦肉新鮮爽口， 整個蝦捲很豐富， 咬落去個肉汁係特別惹味沙律醬超醒胃點埋沙律菜剛剛好「古樓春如夢」-五花腩片包帶子、蝦粒、瑤柱、拆骨雞中翼我本

屋企長輩就黎生日，又要搵地方食飯，見呢間野好似幾有特色，就派個先頭部隊黎試下先地方唔算大，冇乜特別裝修，枱都放得好迫，坐得唔算舒服，茶芥連加一要$22位，都幾進取吓人唔多就叫幾個普通小菜試一試，上菜速度都算快沙爹粉絲肥牛煲$108: 如圖所見只能用臉色慘白黎形容，「色」「香」都唔達標，味道方面只有鹹味同些少辣味，食唔出沙爹香，牛肉比得慷慨，有四五大片而且頗厚切，可惜煮得過火令人難以咀嚼海鮮豆腐煲$98: 豆腐嫩滑都有豆味，但有幾件有少少酸左，大菌食細菌啦，海鮮有蝦魷魚蚌類等等，調味頗重手基本食唔到海鮮原味，而且亦都係煮老左通菜炒魷魚$108: 應該叫炒通菜拌白焯魷魚先啱，通菜炒得脆綠爽嫩，但最大敗筆係魷魚完全無炒過，只係用水焯熟後放旁邊，魷魚只係有滾水嘅味道，廚師嘅做法實在令人費解菠蘿生炒骨$108: 比較出色嘅一碟，肉排炸得鬆脆無雪味，醬汁甜酸度得宜，老闆娘話用新鮮豬做嘅，總算為今餐挽回多少分數私房炒飯$108: 用深色醬油炒成，鑊氣同味道都可以，但個飯嘅配料只有炸過嘅小蝦米，而且十分之硬，每口飯都會有幾粒好硬嘅蝦米要用力咀嚼，食完碗飯口都攰埋睇黎生日飯都係要另覓他選，小菜做得唔好，

對上一次來是生BB前，差不多一年無來，水準不變，今次仲食到好幾款新菜式，翡翠肉藏珍是升級冬瓜盃，大人細路都讚口不絕，餸菜是絕無味精，食完唔會口渴，份量又夠大碟，真係好值得來！

小弟成日經過黎度，成一年都唔敢入黎試 (怕中伏)。。近排鼓起勇氣試試。。真係試完可以話香港數一數二中菜。。之後小弟我一日兩餐係度食。必試菜式包括果醋黑毛豬，砵酒桶蠔等。老闆親民，經常出黎問d嘢得唔得，連泊車事宜都親自幫忙。注: 小心食上癮

朋友推介，第一次跟朋友去。一共9樣餸，仲有生日甜品。每樣餸都整得好精緻，而且味道很好。朋友們都將所有食物食晒。大家都話好食。老板時不時會介紹一下菜式。讓我地更了解菜既煮法。知道原來海鮮每日新鮮挑選。新鮮好味。服務態度很好，還時不時為我地添茶水。因為係朋友生日，店家仲特別播放生日歌，生日甜品係煎堆，呢個煎堆製作整到好似好似圓圓既月亮甘，好特別。我地大家都忍唔住嘩出聲。店家將煎堆剪成一塊塊，又香又脆。同平時係酒樓食既感覺不同。一句講晒，好味👍

平時好少食海鮮，因為住天水圍，就算食都係去流浮山食，估唔到呢度咁驚喜。首先係碟灼蝦，全碟蝦好新鮮，每隻蝦都好大隻唔瞓覺！蝦膏味中食到淡淡花雕香味。之後一道粉絲蒜蓉蒸扇貝，扇貝好厚身，係酒樓嘅蒸扇貝兩倍厚！最鐘意係脆皮牛肋骨，連埋秘製醬汁已經左添兩碗飯。點左一個套餐9個菜，每道都好快清晒！由頭食到尾！雖然好旺場，但老闆娘每道菜都親自介紹！今晚計埋炒飯食左四碗飯，實在滋味！啲朋友好堅持要介紹呢一間，10幾個朋友投票，大比數勝出，打低晒牛角同埋大瀛喜。以前無用open rice 既習慣，但為左呢間餐廳絕對要開個account 介紹支持！

真係好抵食，啲食物又新鮮，好足料，老細好Nice又同你傾計，每碟餸都有特色嘅醬汁，聽聞係老闆自製，座位闊落，坐得幾舒服環境又乾淨，好友私房菜嘅感覺，同埋都幾靜。我認為呢間鋪頭可以發展到海外，最少開30間分店，出國際再集資上市，平時唔太鍾意食肉，但都比啲餸菜吸引到，我住沙頭角，都專登走去大角咀食，完全非常值得，咁嘅價錢食到咁既質素，真係近呢幾年都冇試過，啲蝦又多到食唔晒哈哈哈。我都會介紹朋友過嚟呢度食真係頂呱呱。

今日朋友帶我去大角咀喜聚坊私房菜。我由旺角地鐵站行過去，都要15分鐘，交通吾算方便，門口睇好似係一間普通嘅菜館。我們有14人，俾咗一間房，有私人空間，大聲都唔怕嘈到隔離。我們訂咗一席，共有12道菜，收費以每位$480計，全包。首先嚟咗兩個小食，水晶脫脂餚肉、炸豆腐。凍食的餚肉， 晶瑩通透，咬落冇肥膩感覺， 再咬一啖熱豆腐，感覺完全相反，豆腐大細比例，剛好一啖一粒，外皮炸得乾身脆口，內裏豆腐軟霖霖，不錯👍跟著上的是一艘龍船，乘載傳奇京酥国寶鸭，侍應介紹這道菜是由国際级大厨王兆宗先生(寶哥)親自處理，寶哥的師傅也煮过這道菜俾鄧小平先生食。京酥国宝鴨要煮4小時，鴨内有瑤柱、蓮子、薏米、咸蛋等等，加入醬汁，味道比較濃，建議由內食到外，果然再食鸭肉，更野味，我喜歡鴨肉多过餡料一些。花樣年华焗波士頓龍蝦，佢同其他酒樓不同嘅地方就係用陽春麵做底，陽春麵吸收龍蝦汁，不錯，麵屬霖身，如果喜歡爽口麵就不適合了，至於龍蝦，肉質彈牙，可惜是蝦殼揼得不夠碎，食時有点麻煩。私房醬彩雲花姿象拔蚌，用秘製嘅醬，加入翠玉瓜、紅椒、黃椒和象拔蚌一齊炒，象拔蚌爽口，醬汁帶少辣，不錯，但未至於令人驚喜。自製果醋果肉黑毛豬骨，

最近去咗一間餐廳，食咗兩次，而家先一次過出食評，最喜歡是佢地個湯，一天是老黃瓜湯，另一天是菜乾湯，最重要是湯無味精，好有益，最啱我地呢D成日捱夜的人。至於小菜方面，我哋叫咗鬼鬼馬馬炒蛋（鬼係油炸鬼個鬼，馬係馬蹄個馬），賣相吾錯，味道好，好有蛋味又有D爽口感👍🏻。另外，叫咗個蒜茸炒菜，夠鍋氣，菜好嫰，又吾會太油，l like it。最後，一定介紹我的至愛，私房蟹肉炒年糕，好好好味，年糕不會黏牙，加上，加埋勁多勁好味的蟹糕，滿口滿口滿足的蟹糕和年糕，為美味的兩餐劃上完美句號。

今晚又去咗喜聚坊晚飯，今次叫咗兩餸一湯，無味精老火例湯係一向好評，不用多說，今次想評論嘅係兩個新菜式，冠軍作係「千遇味分中蝦脆脆米」堅好食！！大家自己睇相啦，好幼嘅米粉軟身又脆口，d蝦剪曬腳，卜卜脆，連蝦殼都食得，個汁有d似千層脆個汁，有金華火腿味，正！另一個值得推介嘅喺新鮮鵝腸，好惹味！d鵝腸洗得好干淨，仲每段打一個結，好用心，也許出色的廚師都要用心，同埋對食物有種執著先會煮到出色嘅菜式，今次呢兩個小菜好有驚喜！