大利清湯腩 (Closed)

呢個apps其實有啲難用，呢一篇野我係第二次寫先成功。第一次寫完之後加相再發送系乜嘢都冇儲存到。有啲嬲嬲地諗住放棄唔寫，但如果唔係想寫我都唔會download佢。所以試埋今次如果都係唔得就真係會放棄。。。入返正題，係大概下午茶嘅時間去搵嘢食，其實附近有好多野可以選擇，但本身自己好鍾意食牛，所以就去咗食呢一間啦。落完單無耐個姐姐就即刻俾咗碗湯我，個飯同埋個牛腩都好快就到左。（不過係逐樣逐樣上😂）個牛腩好好味，啲牛腩汁都好好味。仲有啲菜係個底度，個菜索晒啲牛腩汁所以真係好好味。啲牛腩汁我基本上我撈飯撈曬，剩低啲汁其實我都飲埋🙈 個飯其實食唔晒，太大碟啦。早知叫佢小飯唔好浪費。食完之後先見到有張紙貼左係牆到，啲湯係好野來，唔好嘥。咁我都飲左幾啖，但係始終都唔夠牛腩汁好味😂個湯飲得出係有少少藥材味。睇得出係一間用心做嘅店👍

大利清湯腩沒人排隊, 就去食下~試左招牌清湯腩米粉同雲吞麵~清湯腩肉: 肉味夠, 冇咩脂肪唔肥, 因為腩肉冇脂肪所以都幾痴牙(相片雲吞是別碗的=P)雲吞麵: 一碗有六粒雲吞, 好多， 雲吞胡椒味重, 蝦大大粒好彈牙整體黎講, 我覺得雲吞好味過清湯腩

剛剛去完旅行食得太滯,所以近一星期都要食返清D減低返罪惡感.因為老公要返工,趁dinner時間過黎同佢見一見.最就腳就係呢間大利清湯腩, 話事話我都係第一次食清湯腩, 希望唔好名過於實.牛腩河, 牛筋河及腩汁籮蔔.牛腩賣相蠻不錯, 另一碗牛筋睇落就比較"削"無咩睇頭. 只有幾根幼幼的筋.牛腩肥瘦分佈平衡, 瘦中帶點肥, 口感不錯.而且河粉煮得軟硬剛好, 伴上蔥花一起吃很不錯的配搭至於牛筋, 沒有煮太淋, 咬下去有點硬...完全浸得不入味我個人比較喜歡淋, 入哂味的牛筋.有點黏口就最好. 這裡的牛筋不合我口味. 反而腩汁籮蔔就很不錯, 籮蔔很淋,淡淡的腩汁融入了籮蔔裡,好好味!而且10多元就有, 喜歡吃籮蔔的不可錯過

一個人漫無目的在灣仔遊走, 想揾個地方食個lunch。無目標的我, 見到這家「大利清湯腩」門面貼了不少新聞雜誌的報導, 最顯眼當然是出名挑剔的蘇絲黄的推介。相信阿蘇於是甫入麵店。「大利清湯腩」的面積比一般麵店大得多, 加上當日店內冷清清, 更加感覺麵店地方非常寬敞。餐牌就只有這個, 非常簡單。價格有些意料之外, 想像不到位於灣仔的細街中的麵店, 一碗牛腩河索價四十多元。叫得「大利清湯腩」, 當然要試下<牛腩河 $42>。師傅即席煮麵, 再手起刀落切牛腩。湯頭以為會有清甜的牛肉味, 非常失望湯頭沒有什麼特色, 非常淡味。河粉不太順滑, 正因湯頭無味, 更加令河粉無味。清湯牛腩不太公整, 賣相不吸引。咬下去軟諗無渣, 可是牛味不太濃郁。凡光顧粉麵, +$8有杯凍飲。奶茶不是地道的絲襪奶茶, 只是預先冲調的奶茶。雖然用黑白淡奶, 但味道沒有期待的香滑。另外茶味苦澀, 味道認真麻麻。

朝早唔記得帶飯返公司，午餐只好落街買飯盒。喺灣仔道兜咗兩個圈，終於決定一試遠近馳名o既「大利清湯腩」 。睇到店子貼於門外其中一編雜誌o既報導推介「清湯牛腩河」，所以諗都唔洗諗就叫咗碗外賣返公司食。食店招牌同牆上o既餐牌同為鮮黃色，好夠搶眼 。收銀姐姐非常熟手，落單收錢一分鐘有找。食物五分鐘就準備好。 清湯牛腩河（$40 + $1外賣盒錢）：碗內雖然河粉份量多，但係個清湯底就唔多夠味，幸好主角牛腩軟腍味濃，成功挽回不少分數。

宜家清湯腩在香港隨處可見, 但真係有水準的真係唔多. 大部份的價錢都唔平, 閒閒地都4-50蚊一碗.今次點左牛腩河($40)+ $7(有凍飲)+ 蘿蔔($13)+ 油菜 ($15) 坦白講,真係好有進步空間,菜心煮得太耐,淋得過份,蘿蔔同樣出了問題, 好易散河的分量是不少的(唯一可以讚),但又係過淋,唉! 牛腩正正常常,完全談不上好食.無下次啦, 祝君大吉大利啦

呀肥常帶我出沒在灣仔, 而另一間我倆常去的飯堂就是這間。這是一間吃清湯牛腩的麵店, 店面非常清潔, 光亮。重點是, 無論我和呀肥甚麼時候去, 都不用排隊。座位是我食過的麵店中, 最舒適的。而且每次都會坐在可看電視的卡位。因為常去光顧, 那裡的姐姐都認得呀肥和我。她們的記性很好, 都記得呀肥很大食,每次都會問他, 要不要多飯或多麵。有時候, 還會跟我們聊聊天。這種感覺, 我很久沒有試過了。因為, 多數的麵店都坐很擠, 而且客流量很大。店員都很少跟客人聊聊天。而大利的店員姐姐卻不一樣, 每次去都好親切。鮮蝦雲吞麵雲吞很大一顆, 足料!調味也不錯, 好吃。配上大利的辣椒油吃, 更好吃。不過, 價錢偏貴。清湯坑腩姐姐說, 坑腩最好吃。的確, 我很喜歡。牛味不算濃, 但很腍。很喜歡吃!

星期二，放工後，便去摩理臣山游水，游完水後，肚子感覺有點兒餓，原本想去CC Wu大厦內食牛腩麵，但途經大利清湯腩，想起都很久沒有試它們，便走入去一試，當時內裏只有4張枱有客，打開餐牌一睇，發覺價錢不平，咖哩腩飯要$55.00，飲品另計，相比附近其他出名的牛腩專門店，係貴咗一截，唔知味道有否提昇？最後都係叫咖哩腩撈麵，很快便到，先試口湯，都okay，再食一啖麵，一般啦，根着試重頭戲，咖哩牛腩，個人感覺咖喱不夠辣，牛腩又係一般，比以前失色，食完後，感覺到很難和灣仔其他牛腩專門店兢爭，因為附近講緊係$25一碗腩河，如要生存，大利要加多一把勁才成。

上幾粒鐘CPT前,要食少少野打底行行下見到有大利,就食去回味一下想當年成日係天后食佢同埋華姐覺得2姐都唔差可能我對牛腩既要求低,無一眾食客咁有要求一入去是但叫個牛腩雲吞米45蚊(好似)個湯係幾清,但唔係淡,有輕輕既牛味,我覺得幾好牛腩我唔知咩位,食落去係軟滑,帶少少牛根,每一口也有肉和根味,口感不錯,牛味也很足雲吞就普遍啦,無亮點感覺上係幾好食,但係米粉份量係幾少,食完有點餓就真

大差差差差差差差差差差差差差差差差差差差差差差了! 免費都不會再去!點了咖喱牛腩飯，啲咖喱汁好稀好似係黃色的水，無味的，又唔辣又唔甜，啲飯又好貴硬，一般茶餐廳都好過佢!成50蚊一個飯，仲要食到成肚氣!

招牌清湯，最差就係個湯! 1比99 (1湯99水）好明顯用咗大量滾水溝淡晒，淡而無味，連清香味都無，飲水咁；只少天后個間溝淡完落味精去補獲，不過天后個間超䶢，食完要飲好多水。河粉外暖內凍，連煮下都懶，食得出只係用熱湯係個碗到浸暖d粉。牛腩一般。差！

牛腩點煮，大利還記得。清湯點賣，忘得一清二楚了。叫了牛腩伊面，牛腩合格，夠LUM，跟幾年前去過品質差不多。飲淡湯，我的天，點解我地一次食牛腩清湯食到水味？就像50%湯用熱水代替了。就在當時一刻我想離開。在吃一口要加錢的伊麵，我的天，好LUM唔彈牙。我想再寫下去，但我當時無食落去，所以無什麼可以寫了。

呢次係我第二次寫『大利』...亦係最後一次寫及幫襯佢！因為兩年前第一次寫 (天后店) 已勁鬧其實我唔知大利喺呢度有分店，咁啱今日下午陪太太喺附近睇牙，喺唔知食咩嘢之下，見好耐無食，咪再畀次機會佢囉入到店內好新淨下，應該開咗唔耐啩，面積約成千尺好大下，幾寬敞。又好寧靜，因為全店連小弟就只有兩個客，哈哈，心知不妙小弟叫咗呢碗坑腩米。當「呢碗嘢」放喺我面前時，我已經好想換碗雲吞麵...先飲啖湯，好呀，名符其實嘅清湯，清到呢...完全飲唔到有牛肉味，連喊味都係得啲啲咋陰功...絕無吹水夾件望見已唔多精神嘅牛腩放入口...唔唔...有啲啲牛味嘞...唔唔唔唔...點解好似食緊『牛肉味香口膠』呢...唔唔唔...點解咬極都咬唔開嘅...嘩！咩嘢嚟？真係畀人食？幾特別吖，第二度都食唔到呢味嘢呀各位，幅相右上角嗰舊就係小弟咬咗好耐都咬唔開，仲原形返出嚟影相，你話神唔神奇呢哈哈成$30蚊碗添，不如去池記、麥奀、何洪記好過我都唔想多講，拜拜啦『大利清湯腩』，人無你有！你係得嘅

實在太失望特地點了坑腩,完全不太有根位, 一點滑既感覺都無, 入口很鞋,牛味一般,感覺吃緊湯渣紫菜四寶丸- 四寶丸不是自家制,交來無驚喜,唔彈牙...><腩汁蘿蔔- 蘿蔔很甜,無根,可能已經最好食

清湯腩 （傳説中用100斤牛骨熬制出來的湯底，真是名不虛傳，牛肉味十足，而且沒有下什麽花椒八角之類的佐料，凸現了牛肉的甜香。不過我覺得稍咸，要和麵一起吃，貓覺得剛好。牛腩煲得很爛，選用的位置也非常好，基本上每一塊都是一半肉一半筋的。連湯帶肉一碗才賣40港幣，真是好吃又抵吃！）墨魚牛肉雙丸麵（面身是正常的銀絲面，牛肉万也不過不失啦，不過墨魚丸就非常的好吃，彈牙又有鮮味，跟在廣州能吃到的不是一個水平）蘿蔔（偶去到牛腩店肯定要試一碗蘿蔔的，因爲蘿蔔吸滿牛腩的湯汁，有時候比牛肉本身更好吃。這次也沒有讓我失望，一碗我只留了兩塊給野貓，剩下的全部掃蕩乾淨~~）