大利清湯腩 (Closed)

晚上九時路過，很久已沒有去過，決定入去試試。坐下即叫清湯牛腩河，不用兩分鐘即送到，效率奇高。先喝湯底，仍然清甜味美，河粉很滑，牛腩份量較其地店多，味道也很好，算是滿足了。價錢是貴了點，外面賣二十多元左右，這裏賣40蚊，一點也不平，但物有所值。

中午一個人唔知食乜好，行過見人唔多，加上「大利清湯腩」名氣大，所以入去睇下。一坐底，見到牛腩飯唔包野飲都要$50，覺得好貴，但係見到食客們都相當「士正」，於是即管一試。叫左最傳統清湯腩，好快有得食：一碟飯、一碗牛腩，一碗湯。牛腩咬落好好味，好香好焾、好juicy、沒有渣，一碗牛腩，不是只是面頭兩舊靚，而是舊舊都靚，筋同肉分配均勻，入味。湯層次都幾豐富，但就略咸，飲唔得多。一碟飯食得乾乾淨淨，再加五蚊叫杯凍豆漿。初初覺得50蚊貴，係同一般30幾蚊嘅牛腩飯比較，但係呢度，淨係牛腩嘅腩位同份量，再加上廚師手藝，就覺得其實好值：平平地食個牛扒都六七十蚊，全部都靚既牛腩位點只值單少？

招牌清湯，最差就係個湯! 1比99 (1湯99水）好明顯用咗大量滾水溝淡晒，淡而無味，連清香味都無，飲水咁；只少天后個間溝淡完落味精去補獲，不過天后個間超䶢，食完要飲好多水。河粉外暖內凍，連煮下都懶，食得出只係用熱湯係個碗到浸暖d粉。牛腩一般。差！

lunch 諗唔到食咩好...見到個黃色招牌咁搶眼,一於試下佢!睇睇menu...以灣仔黎講, 佢D飯都唔算平!!咁就叫左個咖哩牛腩面睇試試,30蚊一碗...有D期待牛腩到左, 面亦一齊到,牛腩係就係夠淋, 係就係合格, 但係就唔係好feel到有咩特別之處...咖哩味係就係有, 但又唔係好夠wor,如果再辣D, 就好好多,反正有湯, 有咩事就浸落去都唔怕辣過龍啦!面質同其他面檔食都既都一樣,即係少少軔咁, 其實間間都咁上下食完面, 見到佢原來凍飲都好大杯!於是追單叫返杯先!30蚊就冇野飲, +$7就有凍飲

找到個朋友行灣仔; 今期唔知點解, 自從食了新浦岡的鹵水牛腩, 好似上左癮咁, 見倒牛腩店就食...行經大公報, 見倒個大黃色牌, 拖左個fd 入內!我知團購今期有特價, 不過今次係出真金白銀去食架~當時又唔多人噃. 係星期日兩點.就叫個招牌麵喇!真係清湯, 一D 都唔油噃.牛腩肉入口即溶, 件件都係, 冇咩筋, 唔太肥膩, 有水準.麵爽, 冇鹼味; 加D 辣油, 正.原來都要成三十幾, 好彩有朋友關照越開越多分店了, 希望水準可以 keep 住呀.

於上一個星期我因事而沒有跟大隊去食飯，而他們就來到大利的新店食牛腩飯，並獲得同事們的一致讚好。是日，一行三人去吃中午飯，同事們就說要帶我來試一試、評一評。同事倆食牛腩飯，一個咖喱腩，一個清湯腩。咖喱，味道夠香口，個汁用來送飯是一個絕佳配搭，有牛腩有薯仔，咖喱汁辣而香，牛腩帶爽，表現不俗。不過，是日的牛腩卻是失了少少水準，因為唔係幾夠腍。而清湯腩，以前食過，有好香的蘿蔔味在湯底，是日睇黎，此味道是不足。 正式的失準，就是我點下的清湯牛腩金錢肚麵，可能是夾雜了牛雜的味道，原有或應有的蘿蔔湯底味道完全失去了。清湯是好，但沒有吸引力。而牛腩，同樣地不夠腍、金錢肚方面，就得一個韌字，要用少少力同時間去咬開同咀嚼，而這等情況，在一間說明是牛腩專家的食肆，係不應該見到的。這一日的牛腩牛雜，可以說是失水準。 失準的大利清湯腩，希望只是個別事件好了.....

一個放假的星期一, 下午茶時候去了灣仔, 路過舊大公報附近的一條小巷, 見到一個"大利清湯腩"的易拉架, 才知道原來是新開張的. 店子的位置位於後巷內, 較偏僻, 如果巷口沒有指示的話,根本連店面也看不見! 門外當眼處張貼了多張店主和阿蘇的合照, 但從店外看, 人煙稀少, 只有小猫三兩隻, ,曾猶豫應否入去, 但既然來到, 附近又沒有好吃的, 於是決定試試. 隨便挑個位子坐下後, 快速地看過餐牌, 決定點最正路的選擇 - 清湯腩河.清湯腩河等了一會便送上. 先喝一口湯, 湯的味道很淡, 牛骨的鮮味欠奉; 河粉一般滑, 可是沒有吸收得到牛骨湯的味道, 所以幾乎沒有味道; 牛腩基本上全都是瘦的, 腍韌不一, 以硬的黏牙的較多, 而且牛肉味道很淡, 好像是用雪藏牛肉似的, 與其他一眾以牛腩作主打的店子的出品比較, 它的牛腩是較為遜色的. 吃後, 對大利的牛腩的確很失望, 價錢高, 但質素卻不成比例, 如果不改善一下的話, 只可以吸引新客, 卻留不了客人回頭再來.

近日好友「女食神」常常嚷着要吃清湯腩。本少爺平常吃開的灣仔「大利」及 天后「華姐」就很不俗。中環「九記」? Sorry，在本少心目中它是完全肥佬，又貴又「鞋」，名過於實。本少爺吃牛腩通常都是崩沙腩坑腩雙拼。崩沙腩，即爽腩，是牛肚皮的腩位，面積小及有塊薄軟膠質，爽軟不硬，通常貴過坑腩。坑腩則是牛胸前的部位，牛味最濃，略帶肥。上週吃了一次灣仔「大利」，慣性地先喝一口湯。這兒的湯很清甜，而且沒有「華姐」那邊的油。本少爺建議，若在湯頭內加丁點陳皮及羅漢果同煲，味道會更提升。崩沙腩好吃的地方，是那塊筋膜。爽口的筋膜，配着炆得腍身的腩肉，好吃。坑腩依舊牛味濃郁，可惜肥了點。聽聞大埔的「群記清湯腩」更勝一籌，下次有機會也要試試！

久不久就想食,但一碗實唔夠飽,多數先叫一碗牛肚麵,然後當然係招牌坑腩麵啦!肥瘦適中(但好似九記好少少), 但麵底就鐘意大利,爽口D, 咖喱牛腩飯就一般,但個湯ok, 如果住中上環就一定去九記, 其實兩間差不多,最緊要就腳

去伊館打波,想吃的野打底,諗起附近有間清湯腩新開無耐一於去試下,行到巷里門口望入去地方好大...但得兩個客當堂寒左一寒.見距打波時間無多,都係入著去叫個牛腩河,好快就來初以為比錯著,見得兩件腩及幾件白色肥膏物體我就即刻問,這碗係牛腩河個女人話係敢我問白色係麽野佢話白色爽口的總好吃,益我見佢敢說費時同佢吵,留返啖氣打波總好過求其吃幾條河走人

第一次吃大利清湯腩，是在N年前中環翠華旁的那一間，吃過覺得又貴又不外如是，未幾已開門大吉。在到灣仔返工，發覺好似總有一間係左近，屈指一算現在好似已經有三間。這一間是最新才開張的，位於舊大公報後巷，真係唔講未必知。今日一個人食晏，諗唔到食乜之下，決定再俾多一次機會大利。進去之後，果然一如所料，人影都唔多隻，但反而有批學生，原來學生係度中午食有節扣的。叫了一碗牛腩金錢肚粗麵，湯底果然一如店名是清湯。麵條唔知係咪因為粗麵的關係，我諗煮耐ｄ會更好，過硬了。先吃一口金錢肚，一點也不韌，而且難得是清湯煮法還能保留到牛肚味，真要比較牛肚和牛腩，我覺得金錢肚更值得一試。牛腩煮得腍，一夾已經差唔多散開，味道比我第一次在中環吃好，那一次的牛腩我還記憶猶新，因為我那時是在咬橡筋。但如果真要比較清湯腩，還是始終覺得九記好。這一次是滿意的，也把我N年前的壞印象一掃而空，怪不得之前阿蘇也推介，雖然我個人有時不是很認同她的飲食論。

經過發現的. 在後巷裡的. 叫了一碗牛腩河. 湯很鮮味. 理論上浸牛腩的應該是牛骨湯, 店裡有指示說不要浪費了湯. 但牛腩都是瘦肉, 有筋的不多. 有點吃不消. 河粉得質量真麻麻. 因為是差不多下午兩點了, 人不算多. 還是覺得九記 的好吃 一 點.