大漁屋台 (Closed)

同女朋友特燈上open rice搵左呢間日本餐廳提前慶祝萬聖節。打電話去book台ge時候態度已經好差。😡😡原本以為係因為他們太忙所以語氣重左。但當我去到，出邊的服務員已經招呼不是很好。點野食時個服務員算係好d！呢度環境麻麻地！😖😖😖好嘈！裝修看上去好唔舒服！真有Halloween的感覺👻💀☠👽當時已經無心情食，但最後我地兩個都點左一d野食。其實好普通。未食過d咁腥ge魚🐟🐟🐟😖😖其他野食感覺唔係好新鮮。唯獨係雪糕好食d。原本想影靚想！之後都無心情影！啦啦琳快d食完走人。野都未食完，服務員就想收碟，感覺好似趕人走咁。埋單ge時候，個服務員可能見我地點得太少野！所以表情唔係好好睇，有d黑，還問：食咁少夠ge啦？當時真係想說：我肯坐低食已經好好啦！算啦！沒有下次！整體差！❌❌❌❗❗❗🙅🏻‍♂🙅🏻‍♂🙅🏻‍♂

平時去九龍灣食飯，一係去德福，一係去淘大。住附近既朋友話我知原來得寶都有好多新開既餐廳，話1個月都試唔哂🌝今次黎到得寶，首先見到有間日本餐廳同拉麵店，見到日本餐廳lunch set幾平，就試呢間先。刺身盛定食 ($78) 刺身算係都幾多同幾厚😛 有三文魚，白身魚，甘蝦，帆立貝同八爪魚。食落都新鮮😛海幸丼 ($88) 呢個丼飯份量都幾大，材料都豐富，有三文魚，白身魚，葱呑拿魚腩蓉，牧丹蝦同海膽。 魚生比較薄身，海膽都係得少少相比之下，刺身盛抵食好多🙊海老天婦羅 ($30)，日本南瓜天婦羅 ($10)，日本蕃薯天婦羅 ($10) 同一口蕃薯天婦羅 ($8) 呢度既天婦羅唔錯，個皮脆得黎又唔會食落好厚。餡料都幾新鮮😛因為太為食，串燒都想試下。雞軟骨串燒 ($18)，雞腿肉串燒 ($22)同冬菇串燒 ($16)。雞軟骨串燒最好食！脆卜卜，其他就不過不失☺️跟餐仲有甜品，係我最愛既豆腐同抹茶味雪糕😆

朋友話想試下得寶商場新開的日本餐廳係九龍灣收工, 行過去都係10分鐘到, 近近地岩哂我地餐廳環境裝潢好別緻, 好有日本風味~~太肚餓關係我地咩都想食, 點左沙律, 壽司, 炸物, 串燒, 鍋物等等..兩個女仔食咁鬼多野刺身季節沙律$58三文魚,八爪魚,三文魚籽都非常多再加上柚子汁配生菜, 係一個好開胃的前菜真鯛刺身薄切 $98師父刀刃好厲害薄到透光, 魚帶甘甜又有油香, 配上醬汁, 別有一番風味碎三文魚蟹肉卷$68脆脆的蟹肉包係裡面, 再加上新鮮的三文魚, 兩者咁配搭, 口感非常好泡菜黑豚肉鍋烏冬$78湯底有少少辣辣地,加入了泡菜, 酸酸辣辣, 烏冬相當之Q,份量亦都好多味噌豬軟骨$52好腍身又夠入味, 連蘿蔔都好甜亦吸收哂所有上湯的精華呀!!炸品價錢好抵食$8/串~~~ 所以叫幾多都唔怕~~吉列豆腐真係好滑, 即叫即炸,, 所以大家食個陣要咬一口仔,, 慢慢食呀!!吉列蓮藕, 一D都唔油膩, 炸粉唔好太厚雞胸肉紫蘇卷, 紫蘇味好香但雞胸肉少左D JUICE~鯖魚, 雞軟骨,雞頸肉串燒 雞頸肉第一次食, 肉質好嫩滑, 口感帶咬勁雞軟骨不過不失鯖魚燒得岩岩好, 唔會好乾身兩個人食埋單唔洗

行開九龍灣，商場內一式一樣既快餐食肆冇咩驚喜，於是行多兩步去左得寶商場，裝修得意，有心思，叫左幾份刺身做前菜，都好鮮甜份量足，刺身沙律用醋汁，酸甜開胃又低卡，減肥人仕食幾多都得，再叫左油甘魚，三文魚，都好厚切，油脂豐富，食落好香甜，甜蝦更是我的至愛，細心挑晒腸，肉厚新鮮，蝦頭Ｄ膏都啜埋。一份壽司卷叫左碎三文魚，內裡包住蔥同蟹肉，蔥味同蟹肉三文魚配搭得好夾又好FRESH。試埋個關東煮，煮得好入味，八爪魚好食，最欣賞係蘿蔔，煮到淋晒，冇根冇渣，唔怕太飽既可以叫埋黎食！串燒都叫左幾款，唔怕食內臟既可以叫雞肝，燒到有淡淡焦香，配埋個燒汁，係唔錯既選擇，大路少少叫埋個豚肉竹筍卷都好好味，可以再encore。原本怕唔飽叫埋個烏冬，天婦羅皮簿鮮炸，蝦，南瓜，茄子都好食，可惜係食唔晒個烏冬☹

近來係飲食方面，個人鍾意食日本嘢，咁啱今日約咗家姐一齊去食反，佢又唔想去太遠，就選擇咗係佢屋企樓下嗰間，叫做大魚屋台嘅日本料理佐饍。侍應俾咗一個近門口嘅卡位我地坐，又俾埋歺牌我。我随手將嗰歺牌俾咗家姐，今晚由佢發辨。叫咗一個(大魚屋台二人前)套歺，有呢個日本蕃茄八爪魚沙律，好特別，八爪魚都好鮮甜又易咬開，沙律菜嗰味比較有少少酸，好開胃，再來刺身盛，有左口魚8件，三文魚，油甘魚，帆立貝各兩件，三文魚和油甘魚非常肥美，左口魚好鮮甜，沾少少醬油，入口特別好味，海膽葱花拖羅蓉卷有4件，個樣又靓，味道又正，跟住上個串燒拼盤，有煙肉廣島蠔，黑豚肉，鲭魚，翠肉瓜。廣島蠔比煙肉包住燒，蠔好肥，肉汁好多，煙肉包住廣島蠔嚟食，口感與別不同，跟住重有豆乳雞肉軟骨丸子和紙火鍋同埋安格斯牛肉湯烏冬，火鍋個豆乳雞肉軟骨丸子，食落口，好冧。安格斯牛肉湯烏冬味道一流，好快就食晒所有嘅嘢，最後來多兩杯雪糕，一杯芝麻，一杯綠茶，跟住就埋单走人，下次再來過。

有日我Honey喺九龍灣收工，跟著行到得寶商場搵晚飯食，見有舖內人坐，價錢屬正常，於是入去試試。極選八點盛： 有赤身、油甘魚、三文魚、池魚、帆立貝、甘蝦、立魚同吞拿魚。壽司嘅飯係軟軟的、又暖暖的，配上新鮮嘅海鮮，真係好好味。日本原隻魷魚：原隻魷魚筒上，表面烤香口，略嫌醬汁有點濃，但仍保持著肉質嫩口既感覺。沖繩豬手：估唔到豬手炆得咁腍咁入味，配上類似關東煮嘅湯底好鮮甜。串燒雞腎、雞肝、雞尾、雞腿肉：超級欣賞串燒系列，因為烤得表面好香口，而內裡仍保持肉汁既鮮味，呢啲就係師傅嘅功力。相對於自己住嘅區域冇咩好食。我覺得依區嘅食嘢質素同價錢成正價比。

我去探個朋友仔，朋友仔就帶我去食好嘢，間野叫大漁屋台。對我嚟講商場有啲似迷宮，因為我唔熟牛頭角，但係我個朋友就非常快搵到。間日本餐廳裝修好日系，地方大又寬敞。北海道松葉蟹膏味噌椰菜沙律： 野菜沙律新鮮，我地竟然唔記得點蟹膏，食到尾先點蟹膏，蟹膏有點鹹，味道鮮甜，所以要用蔬菜陪襯。極上六點刺： 有赤身、油甘魚、三文魚、帆立貝、甘蝦同海膽。味道新鮮、肉質厚厚，口感不錯。和紙火鍋豚肉燒：由於朋友仔唔食牛肉，所以我哋揀左豚肉。紙火鍋除豚肉外，還有其他菇、豆腐、溫泉蛋等。湯底清，我覺得幾啱食，因為我主要食蔬菜，而豚肉畀我朋友食曬。關東煮：有大根、黑蒟蒻 、鵪鶉蛋、墨魚片。湯底鹹鹹的，配上入味嘅大根即蘿蔔，停不了口。黑蒟蒻彈牙有少少味、口感有趣。鵪鶉蛋就沒甚麼特別了。滑蛋吉列黑豚丼：以此飯作結尾，黑豚炸得鬆脆，肉嫩。滑蛋包裹著整塊豬扒，每小件豬扒都有蛋同飯，不錯。

黎到九龍灣陪朋友報完補習之後，就係呢到附近搵食。係得寶商場入面見到間好日式既門口，我地就決定今晚係大漁屋台享用我地既晚餐啦！坐底見到師傅忙碌咁預備食物，感覺同置身係日本小店一樣。啱啱開門做晚市，我地一坐低就即刻點野食。先黎一個刺身季節沙律，除咗有新鮮爽脆既沙律菜同埋車厘茄之外，仲有新鮮刺身如甜蝦、三文魚、八爪魚、三文魚籽同埋蟹籽，配起柚子醋混和後，整碟沙律都變得份外鮮味，作為前菜認真唔錯！食過沙律中的刺身，都感覺呢到提供既食材都十分新鮮，所以我地就叫咗少許刺身，有真鯛、赤身、三文魚。真鯛如白色外表一樣，味道比較清淡但口感鮮甜。赤身則脂肪較少，肉質結實有嚼口。三文魚同赤身一樣厚切，紋理呈現出脂肪分佈得好靚，放入口裏面，感覺份外肥美。見關東煮價錢唔貴，所以就叫咗蟹餅、板魚旦、鵪春蛋同埋大根，每樣都係$10串，好抵！大根即係白蘿蔔，十分厚切，盡吸湯汁既味道。蟹餅同埋板魚旦都口感彈牙，十分入味。鵪春蛋外表細細粒卻不失蛋香，十分過癮！鍾情軟殼蟹既朋友仔叫咗碟軟殼蟹水菜卷。軟殼蟹炸得十分酥香，與清新爽脆既水菜配搭得剛好，再用被蟹籽鋪滿既飯和紫菜卷起，賣相與味道都十分不錯～我地仲叫咗幾串串燒黎食下。

好耐都冇去過咁有特色既小店啦, 成日食黎食去都係D連鎖店, 好冇新鮮感, 今晚黎左得寶商場見到呢間野門口好日本風格, 望入去裝修都好別緻, 上網睇睇好似都唔於是就入左去晚飯。我地叫左好多野食!!! 因為未試過所以每樣都叫左小小睇下佢邊樣整得好味D!!HAHA!!!我見到好多街坊黎光顧, 好似熟客咁, 店員個個好有親切感咁!!!刺身沙律勁多刺身, 有三文魚籽, 三文魚同鯛魚, 加左醋代替沙律醬, 好清新開胃!! 刺身揀左3款每様2件, 好新鮮!!! 回味!! (迴轉SUSHI個D根本冇得比!!) 叫左個辣味鐵火卷, 有4件, 鐵火卷入面包左青瓜絲, 上面有吞拿魚, 加上特別既醬, 好特別, 唔算辣。最抵係呢個什錦天婦羅手打烏冬!!!72蚊有5件天婦羅, 2隻海老, 南瓜茄子冬茹!!! 製作認真, 上菜真係用左個架黎裝住D天婦羅, 唔會油林林, 炸得剛剛好!!! 烏冬個湯有小小咸但都可以接受!!! 叫左幾款關東煮, 蘿白真係必食, 除左大舊之外仲好入味!!!!又夠甜!!好正!! 芝士魚餅都好正!!!一咬開芝士爆出黎!!好正好正!!! 豚肉餃子就普普通通, 不過佢肉汁鎖得好好, 但我中意再香

今日係我好朋友生日，佢係一個超級鍾意食日本菜既人，但佢就唔食得生冷嘢，大漁屋台就滿足既我地既慾望，食日本菜唔一定食壽司既 !串燒關東煮一樣咁出色呀。軟殼蟹水菜卷，軟殼蟹炸得好香脆咬落索索聲，外面既蟹子又好多好鮮味。蟹子沙律 青瓜好新鮮好爽脆，蟹子依然好鮮味，最緊要沙律醬唔會太多搞到太膩。天婦羅手打烏冬 天婦羅炸漿唔厚，炸得香脆不油膩。手打烏冬食落超級煙un，個湯夠熱辣辣 一啲都唔普通好好食架。鵪鶉蛋串燒同鯖魚串燒，個醬汁帶啲甜味，鵪鶉蛋一口一粒好過癮，鯖魚肉質鮮嫩魚皮香脆。大根關東煮 煮得好入味，大根食落清甜無渣。竹輪、八爪魚、魚板、蟹餅關東煮，四樣都煮得好入味，竹輪、魚板、蟹餅都好彈牙好好食，八爪魚好鮮甜唔會煮到乾柴。煎豚肉餃子 皮薄餡靚，外皮煎到好香脆但唔油膩，豚肉餡好香濃好多汁。芝麻雞翼 炸到熱辣辣，又炸得好香脆，皮脆肉嫩 仲要好多汁。

九龍灣可以話係肥妹仔嘅地頭，捐窿捐罅搵嘢食完全唔係問題!今次去咗呢一間大魚屋台度食晚餐。蟹子沙律  $38通常食日本菜肥妹仔一定會叫一個沙律食， 呢度嘅蟹子沙律夠新鮮， 好食。油甘魚刺身  $26三文魚腩刺身  $20赤身刺身  $30肥爸好鍾意食刺身，所以肥妹仔特登叫咗呢三款去孝敬佢。肥爸食後感係覺得呢度嘅刺身雖然價錢好平，但係質素一啲都唔馬虎，好新鮮，食落去好香魚味同鮮味。軟殼蟹水菜捲  $58呢一個軟殼蟹卷好好食，軟殼蟹炸到香脆。味噌煮大根豬軟骨  $52佢嘅蘿蔔非常入味，味噌味好濃，豬軟骨亦都好淋，入口即溶。煎沖繩豚肉餃子  $48餃子皮薄煎到好香脆，豚肉餡料醃得不錯。關東煮  $36關東煮我哋叫咗魚餅，黑豚肉腸，同竹輪。其實食佢嘅最主要唔係材料，而係嗰種關東煮特獨特嘅味道，肥妹仔我好鍾意食。安格斯牛肉鍋烏冬  $78冇澱粉質落肚肥妹仔係唔得嘅!我哋就叫咗一個安格斯牛肉鍋烏冬，安格斯牛肉肉質係比較薄身，但係都唔錯烏，冬煙韌韌，好好食。雞腿肉串燒  $22冬菇串燒  $16雞腎串燒  $22呢度嘅串燒燒物做得唔錯，雞腿肉好嫩滑，冬菇燒到好香，雞腎就非常爽口。海老天婦羅  $30沙

今日和同事去了牛頭角得寶花園見客， 食飯時間順便在這裏醫下肚， 好在得寶花園翻新了商場後多了很多食肆, 發現這間大漁屋台日本餐廳， 午飯價錢又經濟實惠,就食這間啦。午餐有多款選擇， 我們便叫了海幸丼和鰻魚丼，再加上串燒，分別有雞腿肉、鹿兒島黑豚肉、雞軟骨、紫菜包蘆筍和一口蕃薯， 豐富得來價錢又低，正！先來海幸丼和鰻魚丼,定食套餐有精選沙律、味噌湯、蒸蛋。 海幸丼分別有多款刺身， 有三文魚、 白身魚、牡丹蝦、 海膽和吞拿魚腩蓉， 材料新鮮豐富味道鮮甜，若珍珠飯暖番少少味道更佳，但88元真心低，正！而鰻魚丼確實味道甜美， 多片鰻魚加上暖粒粒嘅珍珠米，口感和味道俱佳。至於串燒方面， 以鹿兒島黑豚肉最好食， 薄切切味道濃，有少少脆脆地口感。而紫菜包蘆薈非常特別，爽口鮮甜，好好食。最後還有雪糕作飯後甜品， 豆腐和綠茶味， 夠香滑味美。

今日喺九龍灣收工，相約了媽媽一起吃個晚飯才回家。平時都在德福花園食得多，今次行遠少少到咗一個屋村商場，德寶商場覓食。雖然商場細細，但餐廳食肆都幾多。今日就係轉角位度見到一間日式小店，大漁屋台，見價錢都平民化，而且亦有不少客人進食，所以就入去試吓。餐廳環境幾別緻，牆上有不少日本風情畫作，頗有日本風味。我們什麼都想試，所以串燒，炸物，關東煮，沙律，小食等通通都有點，樣樣食少少就最啱我哋呢啲港女。麻醬番茄豆腐沙律 $42這個沙律十分開胃，生菜非常新鮮，加上胡麻醬汁好惹味，豆腐香滑！上面更配上三文魚子，更添鹹香，好味道！金目鯛刺身薄切 $138金目鯛入口豐腴，有些少魚油香，帶有甘甜味道，再沾上配有香蔥的醬汁，更加清香。碎三文魚蟹肉卷$68卷物裏面包着一絲絲的蟹肉，再配以香蔥三文魚子和三文魚，怎會不好吃呢？而且壽司米飯用醬油調味過，所以不用再點醬油都夠味。雜錦天婦羅手打烏冬$72這個份量都唔少，天婦羅有香甜番薯，茄子，冬菇和炸蝦。炸蝦十分香脆，非常欣賞這個炸粉夠薄夠酥，完全不覺油膩。手打烏冬很滑溜，略嫌湯底清淡左少少，如果濃郁一點就更好味！燒日本原隻魷魚$68真的很大分！足足有大約20片。魷魚味

今日放假仗義幫朋友手搬屋，就係佢新屋樓下順道慶祝埋佢上車成功，發現呢個屋苑商場都有間唔錯既日式屋台餐廳。我講緊既屋苑商場就係九龍灣既得寶商場，由地鐵站行黎大概十分鐘路程，地點方便易搵。餐廳裝修簡約，入面日系佈置，環境舒服，而且都幾受歡迎timMenu呢度好似居酒屋咁有好多選擇，除左一般既刺身、壽司、丼飯，仲有串燒、天婦羅、關東煮、日式火鍋等等...三文魚刺身$32 油甘魚刺身$52 赤貝刺身$38呢度既刺身一般都係3件上，不過如果兩個人黎都可以要求2件上。三文魚厚切，肥美鮮甜、油甘魚鮮味濃郁，仲有入口化油既感覺、至於赤貝就新鮮爽口，超有口感刺身季節沙律$58呢個沙律用左日式醋配搭新鮮爽口既蔬菜同刺身，醒胃得黎又食得健康軟殼蟹水菜卷$58呢個壽司卷抵食又好食，爽口既水菜配上炸得香脆既軟殼蟹加埋飛魚籽，口感一流牛肉和紙火鍋$88紙火鍋係近年興起既新潮食法，呢個牛肉鍋好豐富，除左有嫩滑既牛肉之外，仲有好多配料，加埋個粉墊底，夠晒飽肚什錦天婦羅手打烏冬$72呢個天婦羅炸得金黃香脆，但係又唔會太油膩，粉漿厚度arm arm好，仲將南瓜、番薯同海蝦既精華鎖係炸衣入面，食落鮮甜多汁，至於個手打烏冬食

因為經常記唔到d刺身既名同種類，所以一向好少去主動建議食日本嘢，今次有食家朋友負責拍板唔洗我諗輕鬆晒，亦知我怕腥所以好就我叫左好多熟食，其實只要刺身係新鮮，基本上係唔會腥，就好似今餐咁。餐廳位於牛頭角既得寶商場，第一次嚟原來有好多食肆，餐廳裝修係地道日式格局，感覺舒適。食物方面，刺身季節沙律同鯛魚刺身都非常不錯，尤其鯛魚刺身口感彈牙，因為新鮮一點腥味都無。碎三文魚蟹肉卷同牛肉鍋烏冬基本上係穩陣之選，而且烏冬份量頗多，兩個人share 食已經開始有點飽。關東煮既黑蒟蒻口感頗特別，味道不錯但算不上喜歡，反而蟹餅同八爪魚都幾好食。最特別係三款雞串，第一次知原來雞尾(即係雞patpat) 係可以用嚟招呼客人的，好似食燒雞皮咁充滿油香，好好食，雞腿肉及雞肝不過不失，最後既豬軟骨係最好食既一款，煮得非常淋同入味而且肉好多，我都想試下下次自己煮兩個人食咁多嘢計埋加一，5舊水有找，應該算叫做頗經濟吧，住嗰頭或附近返工既朋友可以試下