大澳小食

Open Now

Now Closed

星期五中午我來到大澳行下，無意間搵到尼一間，我知尼度既香妃捲係很出名既，咁就諗住試一下。爺爺坐係門口，等d客黎買，見到我行過黎，即刻起身諗住幫我整，一路整一路同我傾計，叫我勤力學習既同時要好好放鬆一下，吸收下尼度新鮮空氣，佢關心我我覺得很感動。佢一路整一路同我講同我整一個大d既，麵糊大，加左許多香蔥，菜脯，芝麻，又加左幾舊脆餅，真係超大一個，一個紙袋裝唔落，特登幫我分成四個紙袋裝，爺爺超好人！熱辣辣，即刻試！香蔥使得香妃捲超香，雖然脆餅唔脆，不過夾係餅入邊ok，好似大陸既「煎餅果子」，菜脯芝麻香蔥都為尼個香妃捲加左很多分，加埋爺爺咁親切咁好人，比尼間舖一個大大的like👍

趁着星期六，跟友人到大澳去走走、看看。一向都聽說大澳多街頭小吃，身為香港人，當然有香港人的掃街精神，見到想吃的東西，一定要嚐一嚐，以免走寶。見到很多人圍着這小店，而且聞到陣陣香味，馬上衝上前去看看，有甚麼吸引的美食--香妃卷。只見阿姐先把蛋漿倒在鐵板上，把蛋漿快速攤開後，便加入配料包括雞蛋、蔥粒、芫茜、菜甫、芝麻、蛋散等，三扒兩撥的便完成了。阿姐的服務十分好，你要多些芝麻，她便多放些芝麻；你要將香妃卷分成四份，她便將之分成四袋，滿足食客要求。食物到手時，香氣四溢，我己急不及待把香妃卷送進口，熱乎乎的；除了有上面的配料外，還有一些味道特別的配料，不知是九層塔還是甚麼，但很惹味；而且甜甜的菜甫及脆脆的蛋散，令香妃卷更有咬口，令人欲罷不能，怪不得那麼多人排隊幫襯﹗

大澳小食的香妃卷即點即做，只見老闆先將蛋漿倒在鐵板，攤薄餅皮後再加入雞蛋、蔥粒、芝麻、菜甫、芫茜、蛋散等材料，不消一會就完成。外皮軟綿而內餡豐富，$25簡直是超值。等香妃卷的時候看到炸小魚和蟹，所以順便點少許試試，沒想到這個也是即點即炸。魚和蟹炸得酥脆，入口還有新鮮海產的甜味，當零食超讚！門外放著一串串的炸海鮮，看起來也很美味，不過吃完炸小魚和蟹就不敢再點炸物，怕明天起床喉嚨會痛，只好等下次再吃。

It was an honour and a pleasure to join the Tai O food tour held by Tai O Heritage hotel because we got to try different joints in the lanes of Tai O.There were three groups so each group tried different routes.Tai O is a lovely town on water which is themed as a Chinese Venetian with stilt houses on water.They are also famous for fermented prawn paste.大澳小食 was one of the shops on our list and I was really chuffed because I have tried it before twice for the Chinese pizza and fried shellfish.Tai

家人等雞蛋仔的時間，吃過沙翁，又繼續向前走，走到這間大澳小食，老闆一邊弄香妃卷，一邊和客人談天說地。看到有我喜歡的食物，我從小自己叫"蘿蔔餅"，因餡料主要有蘿蔔絲，店員說這些叫"油慈"(我打讀音，因不知怎寫)。我問店員會否給我翻炸加熱，她說全部也是熱，但如你喜歡，可新鮮即炸一件給你，我耐心地等待，看著老細弄香妃卷，反正等待，也點一份香妃卷吧。一會兒，老細已弄好香妃卷，他問我分幾份，就分3分吧，原本$28，覺得有點貴，但原來分3份後，每件也不少，熱騰騰的，愛蔥的愛我，感到蔥花撲鼻，看似簡單的材料，配搭出來非常香口美味，這是我今次到大澳印象最深刻的食物。$10個的"油慈"，忘了拍照，外皮頗厚，味道平平無奇，但店員願意替我新鮮炸一個，吃到熱騰騰的，也很滿足了，畢竟在其他小店也不是那麼容易吃到"油慈"。今天到大澳吃過幾款小吃，但好像不是那麼回味。有機會再到大澳，我一定要再吃這兩樣食物。

買完沙翁，便到旁邊的大澳小食排隊，買每次來都必吃的香妃卷，又稱Chinese Pizza。雖然店內還有其他油炸小食供應，但賣相並不討好，大家都是為香妃卷而來。由於製作需時，正好讓我邊慢慢吃沙翁，邊欣賞中式薄餅的製作過程。伯伯先把蛋漿倒到鐵板上，再在薄餅皮上加上餡料，有美國進口大雞蛋，蔥，芫茜，芝麻，菜甫，還有蛋散和秘製醬汁。伯伯口中的蛋散，是炸過的粉漿，又脆又香口，成功做到增加咬口的效果。醬汁味道像章魚丸的燒汁。最後，伯伯為我們分成兩份，就大功告成。拿在手中暖笠笠的，又香噴噴，差點忘記付錢。伯伯也只顧做，沒有收錢。他笑說有食客試過忘了，事後回來付錢。咬下去，多重口感，各種味道都很出，而且很夾，為港式小食在薄餅界搶一席位。

星期日到大澳逛逛～看到這間店正有很多人排隊新鮮即製香妃卷，樣子很吸引一塊薄餅、大量蔥花芫茜、雞蛋，芝麻、醬油，菜甫、一堆小脆粒，它的材料都是我愛吃的東西，大大份$25，而家還能看著店主親手即製，我當然不會錯過！很可惜，一咬 皮太淋，味道其實是不錯的，只是我不太喜歡這軟淋淋的薄皮和還未熟透的蛋漿，吃進口裡只剩下很糊口的東西，如果可以多煎一會，像旺角那些q餅般的口感，定必美味很多！值得讚的是，這卷物完全不油膩，很好！

大澳好味食物推介~香妃卷$25, 食飽你，抵! 呢個卷有好香嘅芫茜，蔥，自制菜甫，秘制醬汁等等 入口非常惹味，感覺有點像雞煲的味道，試過就知好味道老闆仲好好人請我同男友食炸蝦，金錢蟹，瀨尿蝦，魚仔各2隻 炸得好香口，好正!如果唔係食飽咗， 一定會坐定定買嚟食呢間店除咗呢啲好食外， 佢啲紫貝天葵都好飲，不像其他店加太多的糖，健康很多下次嚟大澳一定要再幫襯

係大澳有好多小食可以食, 這間小食店入面的香妃卷, 姐夫話好好味, 原來係薄餅, 入面好多料, 有些芫茜, 蔥, 肉, 菜普等等, 仲有一種好熟悉的味道, 係香料味, 好似係孜然粉的味道, 好香的啊, 個餅出面好軟, 入面好豐富的感覺, 幾好味呀, 好惹味. 同埋都唔細架, 幾大件的.

話說放假同女朋友行大澳，入到黎好似咩都好想食，見食評推介呢度，由於幾分鐘前食完阿伯個雞蛋仔，斜對面就已經係呢間，剛剛好有D口乾，叫左紫背天葵，香妃卷，估唔到紫背天葵又幾好飲，大熱天時消暑唔錯，香妃卷入口又香香地，而且塊皮幾好咬口，不過唔太餓無食到佢個魚蝦蟹。

哈哈哈哈，里間是大澳吃既最後一站啦，山長水遠入到去，只為吃吃吃，一路行一路吃!!!!!!行到里度，真是覺得又熱又累。。好想坐下休息，望見入面堂食只有一台客，所以決定堂食。但……坐底個刻，真是有點兒後悔，因為地方都幾污糟，台都是無抹的，而且好多《烏英》是度飛來飛去。(>_<)不過坐底左，就唔好意思起身走人，所以都是就叫野吃!!!!!!招牌~~香妃卷。25蚊大大份，真是好抵吃。。伯伯會切成4小份，方便進食。。材料有芝麻粒 ，香菜同脆片。。不過自己就唔是太中意，覺得好咸，而且香菜味好重。 炸蕃薯，無味既haha..不過伯伯話蕃薯是香港本地種的。。 薑汁撞奶。。。真是勁重薑味，如果好薑既朋友，一定會中意。。而且伯伯又話點薑又是香港本地種的。。＾＾

平日遊大澳既好處係人比較少，唔會行到邊都好逼，不一早入到大澳好多舖頭都未開，尼到吉慶街都係得幾間店舖開左。經過衣間大澳小吃，老闆好熱情咁推介香妃卷，於是便決定坐低食一份。我地企係度睇住老闆整，佢一路整一路同我地傾計，人好nice先落蛋醬，再加唔同既配料同醬汁，好份一份熱辣辣既香妃卷就完成啦。由於係即叫即做所以真係好熱，要等一陣先食到。真係有好多餡，有蔥，菜甫，花生，蛋散同莧西，皮好薄好軟熟，食落好香蔥味，夾埋啲菜甫同蛋散咸咸地又香脆好好食，食落會發現有一種香料味，原來老闆仲加左九層塔，唔怪得唔正啦，又有好多汁，一路食一路滴。老闆之後送左幾隻黃金蝦比我地食，啲蝦炸得岩岩好，好香口，食落卜卜脆！最後買左老闆介紹既紫貝天葵，衣到啲紫貝天葵比較淺色，老闆話係無添加，飲落好清甜，唔會好甜，老闆話唔健康所以突登落少啲糖，咁健康既紫貝天葵一定要尼衣間買！都係八蚊！

見評分唔錯，順路過去試下~間店唔難搵，就系炭燒雞蛋仔斜對面。内裏面積不大，衛生條件尚可，系那個整體環境之下就將就下啦。個香妃卷外皮用麵粉加蛋做噶，幾q幾煙韌。餡料主要有蔥、蛋散同類似蘿蔔潤噶野，外加少量香茅，吃落去爽脆。不過香茅噶味道令到整個香妃卷味道顯得有d特別，唔受得香茅噶可能比較難接受。除左價格略高之外，其他都OK噶。值得一提噶系，鋪頭個阿叔幾好傾，可以收到唔少信息

上次去大澳，深深被香妃卷吸引住!! 我地見到裡面有位，一於入去坐住歎香妃卷. 香妃卷一件可以分到四份，真係好抵食!! 香妃卷即叫即整，十分新鮮熱辣. 食到最後一份依然夠熱. 就甘聽香妃卷真係吾知裡面有咩，其實入面有葱，肉同啲脆片，仲有個非常好味嘅醬汁!!

我們買了沙翁後，走前幾步找了個空地吃。恰巧旁邊的店走出一個伯伯來，朝著我們笑。「香妃卷很好吃的，要嚐嚐嗎？」伯伯補充道︰「全港只有我一人在做喔！」差點錯過了招牌，原來這裡就是賣香妃卷的大澳小食。除了單品，還有些組合套餐供選擇。我們要了一份香妃卷($25)，伯伯便在平鐵圓板上倒上麵糊，接著加入一隻雞蛋，拌勻在漸漸成型的麵皮上。然後再加入蔥、紅蘿蔔絲、甜菜甫和白芝麻等。「呀！你們吃芫茜的嗎？」伯伯不忘問過我們才加入芫茜，是很體貼客人之舉呢！最後伯伯再擠上醬汁及放入一塊大脆片，摺合成餅，再切開兩份，用紙袋裝好再給我們。皮薄韌，餡料則爽脆，口感豐富，味道亦非常香。製餅過程中沒有添加油份，故吃下完全沒膩感，卻又香口味美得很，吃罷齒頰留香。伯伯亦十分熱情，在弄下一位客人的香妃卷時也問站到一旁的我們覺得味道如何。千島醬問了一下附近有沒有單車出租，伯伯便不住的跟我們分享，更說笑道若租不到就找他借他的單車。大澳除了美食，那人情味也是教人回味的。