大澳小食

Open Now

Now Closed

吉慶街真係大澳既美食街，好多小食都可以係呢到食到，食完沙翁見到有一間賣香妃卷，之前完全未聽過呢個名，好奇之下就買黎試試🙈－－－－－－菜式1. 香妃卷（$30）4/5香妃卷外型好似薄餅或者餡餅咁，落單後即叫即煎，首先會落一層蛋餅汁同埋加一隻蛋，再放入勁多香蔥、菜甫、芝麻，仲有幾舊蛋散，最後塗上醬汁捲起來就完成😋配料真係多到滿瀉，攞上手真係好熱，聞落好香蔥同蛋既味，食落口感好豐富，餅皮軟綿綿，蛋散就脆卜卜，加埋菜甫一齊食好夾🥰同埋店員好細心會幫客人分件，share食就最岩，因為食一件都已經夠飽肚🤣

一行人，其實得4個，趁星期六大家都唔使返工，天氣又涼涼哋，一於沿「離島自然歷史徑 – 昂平及大澳段」由東涌沿海行到入大澳，行吓、抖吓，抖吓又睇吓，結果都要用上5個鐘先入到大澳。嚟到大澳，除買番啲蝦膏、蝦醬做手信，仲試吓啲小食。咯過其中一家「大澳小食」，睇見有一款蛋餅叫「香妃卷」，即做即食，有興致地一試。「香妃卷」其實喺乜呢？晌鐵板淋上蛋漿做成薄餅皮後，就加入好多材料，如蔥花、菜脯、芫荽、芝麻，以及一大片脆片，再淋上醬汁，跟住手勢純熟捲起之後，就幫我哋分成4份入埋袋添。可能大澳多外國遊客，店主特意將「香妃卷」套咗個英文名俾佢叫「Chinese Pizza」，當然，大家都明實際唔喺薄餅嗰會事啦，反而似似哋法式班戟，用「Crepe」唔知會唔會貼切啲呢？故睇見個包裝袋都幾搞笑。老實講，其實味道都算唔錯嘅，鹹鹹香香咁，口感又有啲層次，個餅皮亦幾脆口，不過，就唔會有種好驚喜或好特別嘅感覺，只可以講叫試過就算！依家行「離島自然歷史徑 – 昂平及大澳段」唔止得山景、海景，仲有港珠澳大橋景，都算以另一個角度睇呢項大工程。以下跟大家分享少少沿途相片，雖然話就話行咗成大4、5個鐘，但絕大部份都喺平路，唔太難

嚟大澳嘅行程總離不開食, 所以一早已做定功課, 呢間係其中一間目標........雖然今日係星期六, 但由於時間尚早, 遊人不多, 所以唔使點排隊......睇過之前嘅食記, 知道一份香妃卷都幾大份, 所以我哋決定叫一份share嚟食, 方便留肚繼續食食食.......伯伯先將粉漿倒喺鐵板上面, 之後加蛋, 大量嘅葱花 (伯伯仲會好細心咁問我哋食唔食葱, 如果食就落多啲, 會香口啲), 菜脯, 芝麻, 脆脆蛋散, 燒汁......之後將塊薄餅捲起就大功告成.伯伯好nice, 會問我哋係咪share食, 之後幫我哋將份香妃卷一分為二香妃卷即叫即製, 熱辣辣, 餅皮軟熟, 饀就好香口, 再加上脆脆蛋散令香妃卷更有咬口.兩個女仔share一份就啱啱好~嚟到大澳一定要試香妃卷呢

放假去大澳行下，順便掃街，一路行本身都食左好幾樣野，行到呢度比佢個海鮮咸湯圓吸引左平時都係屋企過年時會自己煮黎食，一般出面食到既都係得甜既湯圓，第一次見係外面有得食～好興奮！呢d傳統食品而家真係買少見少，難得比我見到有得食😌本身自己就好鐘意食咸湯丸，個日叫左一碗試下。叫完店員會即刻滾返熱佢，己經聞到香噴噴！入面有d蝦仔同魷魚，成碗野無咩多餘油份，湯頭好鮮甜，加d蔥花調味，正！而且湯圓係煙煙韌韌，好有咬口。見佢出面仲有個香妃餅賣架其實，都好似幾吸引咁，但係食晒成碗湯圓已經好full,之前都仲食左d其他野，下次有機會會試埋😤

是日除夕天氣乾爽最啱就拉埋女朋友去行山由東涌出發行入大澳其實大澳一到假期就有好多野食我仲記得有間食豆腐花都幾出名不過都有唔少朋友介紹大澳香妃卷還掂香妃卷未食過今次趁行山順便去食哂啦呢鋪個位置唔難搵如果由東涌行山黎大澳條路一定會經過我地大約5點鐘行到黎都見到幾個人排緊隊雖然看似係半街邊檔環境麻麻但佢係即叫即整 即刻加哂分其實以下午茶黎講的確幾大份材料好豐富 幾乎每咬一啖都有料跌出黎XD加埋菜脯同埋脆脆口感一流兩個人分就剛剛好*由於即叫即整所以大家要俾少少耐性啦

出發到大澳前 先看過食譜母親說油糍是她兒時最愛吃的來到大澳 走著走著肚子餓了看到油糍當然要嘗嘗啦雖然購買時已炸好 但拿上手是熱呼呼的咬下去 裡面都是熱滕滕的裡面包著蘿蔔絲那些香甜可口 沒有苦澀就是吃得有點浪狽吧10元 買下的是老一輩的回憶 和製作功夫呢

放假一人來到大澳周圍逛著逛著想跟著十大必食之選但可能是閒日 很多著名店鋪沒有開但大澳小食有開 很高興的走過去了下單要了個香妃卷看著老闆即製 滿心充滿期待老闆在餅底添加了很多蔥 菜蒲那些令我過愛蔥之人 心動不已最後 老闆會切開兩份 分兩個袋子裝起老闆看著我 有點驚訝說：「只有你一個？」排在後面的男生也驚訝著我一個女生怎會吃整個香妃卷剛製好的香妃卷 熱呼呼香噴噴先咬一口 餅底香口 富有淡淡蛋香材料豐富 每咬一口 都有些掉下來菜蒲和脆脆增添了口感蔥提升了香味另外老闆在最後會倒點啡黑色的香料個人認為不用太多 因為有點太甜一個女生吃完一大底的香妃餅很飽很濟啊要周圍走走令肚子容易消化點

黎到大澳 一定要掃下街 今次就試左呢個伯伯嘅香妃餅雖然唔知香妃餅係咩黎 可能係以前香妃鐘意食嘅餅？！😂😂 但我覺得有d 似香港style嘅咸薄餅 crepe 咁睇住佢整真係好正 落勁多料💖💖💖💖雞肉香妃餅 $40呢個餅真係好好食 落左好多蔥 菜甫 芝麻 雞肉 仲有炸雲吞皮🤤🤤🤤加埋個汁 真係唔錯 有種懷舊嘅味道👍🏻👍🏻😹我覺得一定要加雞肉😚😚同朋友share 食半個都覺得飽飽地🤣🤣好抵食☺️☺️☺️

難得放假, 同男朋友諗住入下大澳行下食下野, 點知咁就出事la!!!😂😂😂真係唔知係我黑定我男朋友黑仔, 今日入大澳既人多到呢~~~~~ 由東涌等巴士入大澳足足等左個幾鐘先上到車最後差不多2:30先入到去大澳😢幸好本身係土瓜灣食左個早餐打左底, 如果唔係餓住個肚等車真係想死~入到去喇終於! 當然要搵下野食男朋友上網搜羅大澳美食, 發現左有呢間小食店既香妃卷係十大必食之一, 咁當然要試下佢喇!!大澳必食-香妃卷🌯 $30薄餅底, 雞蛋, 芝麻, 大量香蔥, 菜圃, 脆卜卜既薄脆 & 特製醬汁集於一身既香妃卷同男朋友一人一半, 老闆仲好好人幫我地分好兩件一但件唔使爭😁食落啖啖都係配料, 個人覺得個醬有d似大陸既醬汁味😆😆😆唔係奇怪的大陸味~~ 係好食既味道, 好似好風味咁!!! 🤤🤤🤤幾好味嫁❤️ 諗返起都好想再食🤤👍🏻個人覺得唔使叫雞肉香妃卷呢個款簡簡單單已經好好味🤤🤤🤤

《大澳小食~香妃卷(加雞肉) HKD38》第一次見呢一種小食，用薄餅片加入不同口感，有脆脆，菜莆，芝麻，中意既仲可以加雞肉，雞肉夠入味正。《大澳懷舊小吃~炸油糍》孤陋寡聞既怪獸第一次見到油糍就比佢既香味吸引。😍聽爸媽講呢種懷舊小食係50、60年代出現過，而家真係買少見少。造法:將一層薄薄的粉漿倒上特製的圓形炸模上，再加混入用胡椒粉調過味的蘿蔔絲、甘筍絲等材料，然後灑上另一層粉漿，放進炸爐炸幾分鐘至脫模就完成喇❗雖然油糍即係炸蘿蔔絲餅, 但係又同酒樓飲茶既蘿蔔絲酥完全唔同喎~酒樓個D係酥酥既, 而大澳小食呢種係脆炸。出色既係皮夠薄，吃得出蘿蔔的鮮甜味，乾身之餘又不會太油膩，食完一個還想再食。👅人情味老店既呢度出哂名，連肥彭都Like👅佢地真心唔會因為我間鋪出哂名而西你面，覺得大家既欣賞而喜悅🌸🌺🌸🌺🌸🌺

下午來到大澳, 未食lunch, 落船先去找吃的, 先在吉慶街搵食, 這裡有些特別的小食選擇。我們決定在這間大澳小食光顧, 有一位姨姨在門口落力招呼的, 這些小店也甚有風味。 內裡陳設簡單, 有點家庭式家的感覺。 金妃卷$28: 這香妃卷好特別, 在外都沒吃過的, 姨姨在門口製作, 材料有菜莆、芝麻、蔥、芫茜, 還有像加到蛇羹的炸蛋散, 餅煎好後加上黑色甜的醬汁, 加起來味道不錯, 各種材料有不同口感, 好香, 亦好夠份量, 甚飽肚, 我們吃完這個完全被K.O.了。 咸湯丸$30: 比起香妃卷, 我更欣賞這個咸湯丸, 可能我對湯類食品一向很喜愛, 這個湯材料有蟹仔、蝦仔、年糕(湯丸), 就是這麼簡單, 看似是下欄貨的蟹仔蝦仔, 登不上大雅之堂, 用來煮湯味道卻是如此鮮美, 是真正海鮮鮮甜不是加味精所能及, 蟹及蝦的肉也不霉, 特別是蝦仔, 好鮮甜, 很多的蔥粒更能帶起其鮮香。 我認知的湯丸, 通常是大粒有餡的, 這個湯丸是細細粒無餡, 與其說是湯丸, 稱它年糕比較合適吧。我一向不喜歡吃年糕, 因它沒味道, 但這些卻不錯, 因細細粒, 沒那麼大範圍(中間)無味, 而且它很軟

香妃卷呢樣野都係第一次聽 原來係將大量既蔥粒、芫荽粒、菜甫 再加埋香脆既蛋散卷埋既一種小食 因為全部餡料都係好重獨特香味既食材 所以食起黎真係好香好香 互相唔會搶左大家既味道 反而係非常夾 配埋佢用既一隻特製醬油 就更加帶出成個卷既味道 而且因為加左蛋散 所以有又冧又脆既口感 個人係好中意蔥呀呢d香料 如果係同好 就一定要食呢個 ；同埋佢真係好大份 伯伯會將個卷分開兩份入起 兩人share更方便~圖入面只係個卷既一半 已經有咁多！

諗住假日入大澳，一定好多人但因為一場雨，嚇走左唔少人😄所以黎到都唔駛等好耐就排到我地香妃卷比想像中大份，兩個人食都已經好飽肚一拎上手，新鮮滾熱辣，香氣撲鼻可惜相機食先佢個醬好好味，而且又多蔥同好似菜脯既野，增加左香味同口感油慈裡面有白蘿蔔絲，韮菜等，外層炸得好脆不過比香妃卷啖味啲都可以一試

去了大澳好幾次，都沒有嘗過這個食物，因為本來覺得它像酒樓的中式薄餅而沒興奮。這次因為另一間我們常去的蝦醬食物還未開門，所以他想去試一試這個香妃卷，那我也只好陪伴。.看著老闆在弄，先是粉漿及蛋汁，然後老闆會問一下要不要芫荽，吃芫荽的他馬上說好，老闆會再加入大量的香蔥、芫荽、芝麻、菜甫，過了一會兒再加上蛋散及燒汁就完成，老闆還會把香妃卷一分為二，分成兩個小袋盛著，分便兩個人分來吃。.因為加了那麼多香蔥芝麻之類的食材，所以一拿上手就覺得很香，而且這麼多材料也不覺得味道很濃烈，相反是很易入口，平常不太吃芫荽也接受得到這個香妃卷的芫荽。.而在等待的時候，老闆因為聽到我們在討厭大澳三寶會是什麼，就特意弄了其中一樣給我們試試看，真的很驚喜！魚仔炸得香脆，脆卜卜，挺好吃，猜想其餘兩寶亦同樣滋味。.大澳做推廣，吃完就可以儲多張卡仔，要在暑假來儲齊二十八張拼圖！

話說昨日吃「其記」餐蛋一丁後，一個人閒逛時，遇上「大澳小食」的健談店主伯伯，大家百無聊賴地吹水。伯伯熱情地逐一介紹吉慶街必吃小食，其中，當然有其原創的鎮店之寶 - 香妃卷。是日，信守承諾，與友人一行三人前來一試伯伯的香妃卷$28。只見伯伯燒熱鐵板後，再淋上適量粉漿，向外推成大薄餅。接著，打隻雞蛋在薄餅上，再灑上蔥花、菜脯、芫荽碎、芝麻、脆片和燒汁，香氣四溢。伯伯熟練地以小鏟把薄餅對摺成卷狀，再幫我們分切成三份。身後，站著伯伯的太太。默默的，在這偏遠的漁村，夫唱婦隨，走過漫漫人生路。生活簡樸，臉上，卻寫滿了幸福的語句。香妃卷不負「香」的美名，餡料眾多，口感又甚為豐富多變，且混入蔥花和芫荽碎等香料，啖啖鮮香和滋味，真的十分好吃。不過，香妃卷份量真的太大了，且我們剛「掃完街」，一卷三人同享，也感到力有不逮！伯伯很好人，請我們吃炸魚仔，脆卜卜的，十分香口美味。