川味港私房菜

Open Now

Now Closed

推介觀塘工廈私房菜老闆好早前會Whatsapp問你想食咩，早d通知佢準備炒辣蟹好香，夠辣，蟹肉爽新鮮辣煮花螺好好食，d汁好香，記得食埋入面嘅蔥頭花螺都有大隻的，乾淨酸菜魚個人覺得最好食嗰樣好大份，食完已經飽左一半魚肉幾滑，冇乜骨湯有蕃茄金菇，食落會比水煮舒服，味道香而不太膩老闆推介的 樟茶鴨有d似煙鴨胸，不過係smoke得勁d，肉質再厚實d巴蜀烤羊架好好食，夠肥多肉汁，火喉岩岩好必須要點芥末汁4個人埋單千六有少少貴，不過係幾好食可以現金 or Payme (唔收卡)同埋餐廳人唔會好多，會食得舒服d，冇咁雜同迫餐廳入面有廁所，好方便

【川味港】一間大角咀街坊店，已有10年歷史，最近於上年月中搬到觀塘區。 餐廳由港人威哥主理，他入行超過20年，先後學過西廚、中菜，更在海逸酒店做過一段長時間，他出色的手藝令不少明星都慕名而來，當中更有蔡瀾送贈的金色牌匾，寫著「蔡瀾推薦」，廚藝技巧被受肯定。-🥢威靈頓牛柳 (原味）上桌時被份量嚇到，超大一份，酥皮跟牛肉緊緊貼合，不會皮肉分離，而牛肉中間還是鮮嫩的粉紅色，賣相相當不錯。味道方面，酥皮略嫌軟掉了，但這是威靈頓牛柳的通病，但調味相當不錯。反觀牛肉方面，肉質軟綿，可惜牛味不出，估計用的是平價牛肉，有點失望。.🥢水煮黑毛豬上桌時滾油還在跳動，香味四溢，調味方面無可挑剔。豬肉肉質也很好，油脂滿滿，可惜是豬肉用了厚切的方式，令豬肉不夠入味，如果以薄切豬肉去煮可能更好。.🥢老成都鍋巴大蝦球蝦球醬汁會在食客面前倒在鍋巴上，「炸」的一聲為視覺及聽覺的響受。鍋巴炸得香口，令人不禁一塊接一塊地吃，而彈牙的大蝦配上雲耳萵苣是個安全牌，不會出錯。.🥢鮑汁西蘭花鮮甜翠綠的西蘭花配上鮑片香菇，簡單而鮮味十足，個人來說十分喜歡。.🥢杏汁紅棗煮燕窩最有驚喜的一道，燕窩十分足料，感覺有用心去享煮調味，而且對女

朋友介紹這間私房菜，第一次試已經忘不了！樟茶鴨絕對無得輸水煮魚同酸菜魚超正魚肉新鮮、麻辣夠香，唔會死辣！這天幫朋友慶生，介紹給他們試試，所有朋友都讚不絕口！環境舒適，老闆娘好nice！在這裡吃飯真有家的感覺

朋友約食飯, 揀左間四川私房菜, 上到頂樓門口比較隱蔽, 要按門鐘先有人山黎開門, 入到去感覺有啲小菜館感覺,。仲見到有蔡灡推介嘅牌匾, 水準應該有番咁上下. 口水雞香而不會太辣, 而且仲食到有雞味, 雞肉亦好滑樟茶鴨煙煄味濃而鴨肉不會太乾, 水準不錯. 水煮魚亦係香而不會太辣, 仲品嘗到魚的鮮味, 係稍為油少少, 但可接受. 乾鍋大腸爆香的辣椒和洋蔥與大腸非常配合, 食落一點都不油膩, 炒菜都火喉十足, 辣味香口, 兩樣餸都送酒一流. 老闆招呼親切, 亦有主動問菜式水準, 價錢亦得宜, 絕對可以返轉頭

高質素川菜 辣得有層次 唔係死辣同行有人唔食得辣所以我哋叫咗小辣 最後大家都食得好開心太爺雞超好味 仲特登叫幾碗白飯用雞汁撈飯食甜甜地又香煙薰味鍋巴魚必食 魚好滑 外邊唔易食到上枱果下做好友戲劇效果麻辣威靈頓牛柳完全係驚喜之作冇諗過麻辣同威靈頓牛柳可以咁夾唔食辣嘅普通威靈頓牛柳都整得好好味蜜餞火方都超好味 用桂花蜜做蜜汁自己整既包 又香又軟食到超飽 但最後人人都乖乖地食哂個甜品實在太正 推薦有良心兼有heart本地小店！

同之前一樣，都係會預先order 幾道自己想試嘅菜，淨番嘅俾老細兼大廚發板。今次叫左麻辣牛脷冷盤，爽口好好食！而呢度正嘅地方係唔辣嘅小菜都好好食，醉乳鴿、八寶鴨、樟茶鴨，今次大廚整左太爺雞，煙熏香味再配淡淡茶香豉油個汁已經可以食幾碗飯...當然我地留肚繼續食..胡椒乾鍋蝦第一次食..夠獲氣夠脆夠香口又夠辣！跟住到水煮魚，唔洗多講..無得輸！食得辣嘅推薦試下沸騰魚！更濃更香更麻！最後唔夠喉加多個泡椒肥腸，夠酸夠辣，一貫水準！呢間真心食到川菜唔同嘅辣味，香味..唔係出面個種一滴香加油，重咸... 地方闊落，成班朋友帶埋酒上去食飯傾偈飲酒成晚好開心！仲有甜品送！期待再凍啲去食麻辣羊腩煲😋

是咁的，呢間餐廳都唔係第一次食，上次食啲味道可以話係驚為天人，我夠膽講個水煮牛肉真係無得輸。但今日我真係失望到跌落谷底，話說我預早BOOK枱加落單，滿心期待左好耐，一去到坐低就立刻有餸上枱，勢估唔到啲野凍到好似無心跳咁，果碟四季豆我會叫佢做冰鎮四季豆、麻婆豆腐係完全無味。大概10分鐘左右，最後上埋個啱啱整好既乾鍋，點知個乾鍋濕到漏水，啲牛栢葉好似係水到撈上黎咁。唯一可取既真係得水煮牛肉，尚叫做正正常常。今日最失望唔係啲野唔好食，最失望係我之前食過好好食，令我滿心期待下出現極大反差。

多年來見到朋友成日幫襯，母親節有機會初試，終於氹到嘴刁嘅母親開心。帶幾個好朋友再試，依然有驚喜。威靈頓牛柳。賣相已經好靚，來中的牛柳非常鬆軟，咬開肉質是一層層以微絲相連！最驚喜係，係川味牛柳，好一度fusion極品。另一位朋友的至愛！沙巴躉肉一啲都唔鞋口！好滑，好香，唔太辣，肥美！以為超普通，原來係驚喜！其中一位朋友形容係全晚之最。出面食親都係乾柴烈火，呢度可以整到煙燻香噴噴之餘，肉質juicy彈牙,  完全唔膩口，幾飽都Keep住當零食放入口！大蝦都有人讚係全晚最欣賞之一。好入味，好新鮮！好味！金華火腿質地好，但最開心係自家製饅頭夾皮，好明顯麵粉好靚，好香，熱辣辣。朋友少問老闆，可唔可以外賣一籠返屋企早餐食。我其實唔太好生蠔，一隻起，一隻止，通常都係夾硬吞下，所以最後先介紹，哈哈。但係，呢碟作為頭盤，大家都讚，連我都食得好開心，好鮮甜，好肥美，好易入口。只係隔離位朋友仔嫌稍為大隻咗啲😅！👉🏼👈🏼個人的小小希望，下次再來糖水唔係酒釀小丸子🤣⋯⋯ （雖然朋友開心地成碗倒到咗落肚）一定會再來！辛苦晒老闆兩口子！態度友善，環境唔係走華麗高檔路線，但係好舒服又乾淨，有親切、空間感又唔會太嘈。👍

朋友搵咗新工 就話請我食飯 咁就係佢公司附近搵咗一間食辣嘅鋪頭 估唔到樓上舖都有啲咁特別嘅美食！！！入到去都幾多客人 整體嚟講都算幾簡潔 算乾淨 餐牌入面 午市就可以揀想食啲咩 但係晚市就係由老闆安排 本身我地都擔心嘢食會唔會唔啱自己口味 但係嚟到嘅都係比較普遍傳統嘅川菜 所以都可以 等咗一陣就有嘢食啦！！！「一嗚驚人」口水雞個味道偏濃 而且佢嘅辣唔係淨係得辣油 而係有好多香料喺入面 面頭又有好多辣嘅醬料 配合埋芝麻同花生 帶出到個辣嘅香味 做頭盤係幾開胃既 而雞肉就幾嫩滑 骨唔算太多但係都有啲細骨 雞皮就冇乜油膩感 咬落同個辣汁撈埋好香口 好醒胃！「各取所需」水煮魚一嚟到就聞到好大陣辣油嘅香味 唔算好嗆鼻 但係個麻味好香好濃 入邊有魚頭 有魚鮫 亦都有魚柳 我自己本身鍾意食啲冇乜骨嘅 所以有魚柳喺入面就好啱我口味 而朋友就鍾意食啲有骨嘅魚肉 所以大家各取所需 成碟餸好啱我哋食 水煮魚入面個魚肉亦都好嫩滑 除咗魚之外都有金菇菜喺入面 令個餸唔太單調 食下魚肉又可以有蔬菜配搭「秀外慧中」四川臘肉炒花菜係全晚較為清淡嘅餸菜 臘味唔算好強但係聞落好香 係臘肉嘅香 而唔係麻辣嘅味道 所以同前兩

觀塘工廠大廈近呢幾年開咗好多樓上餐廳，有各式各樣主題嘅菜式，我之前試過意大利菜，今次我朋友帶我去食四川風味嘅私房菜，晚上去之前最好要book定 為咗迎合工廠區，午市都可以食到川味私房菜、如果我喺度做嘢又多一個選擇睇餐牌佢午市嘅價錢都幾大眾化，我覺得好過去茶餐廳食碟頭飯干煸四季豆有啲麻辣嘅香味，豆爽甜夾雜左啲橄欖菜食起上嚟好野味毛血旺麻辣味勁正，裏面有朱紅、豬肚、芽菜、牛百葉勁足料，四川麻辣真係好鬼正，越食個人就越慶，越食就越多汗不過會有一個衝動係不停食勁多材料豬紅好入味，鍋底會有啲粗紅薯粉，老闆娘話下次想食的話可以叫佢落多啲牛百葉又係索晒啲麻辣湯汁好好食麻辣干鍋肥腸，有個爐具一路慶住一路食 當我用過匙羹炒一炒嘅時候，辣椒嘅香味令到我都頂唔住打乞嗤干鍋肥腸真係好野味，鍋入面仲有雞軟骨，雞軟骨好鮮嫩爽口，比起平時食嘅唔同 平時食到嘅好乾，而呢度雞軟骨就好鮮嫩

上星期托朋友嘅福食到呢間幾有heart又好食的私房菜！因為我朋友諗住遲d包場搞活，所以就預先黎食下晚飯先！ 老闆娘好好客，俾左好多餐單我地睇，呢度午市係唔洗預訂的，可walk in食。但晚市就最好提前一兩日訂啦，老闆娘話有d菜要早兩三日開始準備，心機菜今次我地試左毛血旺、干鍋肥腸、辣炒四季豆、紅燒肉。毛血旺有豬紅、芽菜、牛柏葉同豬肚， 第一啖就覺得幾辣下，唔只辣，重點係香！ 佢唔係辣到你嘴巴好刺激果種，而係辣中帶香，係想接住食的。紅燒肉，因應人數而決定件數的紅燒肉，兩人食呢個份量就岩岩好！口感好稔，亦好入味， 我鐘意佢中間有一兩層薄薄的脂肪，比例幾好，唔會食到好油膩。干扁四季豆，加左橄欖菜去炒，好有潮汕特味道。而且橄欖菜除左多左陣油香味，仲幫助消化。辣辣地令人更開胃！干鍋肥腸，呢鍋完全係見到隔離枱食到好滋味 又好香，所以叫。老闆娘話佢地係加左雞軟骨，我朋友唔太好雞軟骨，所以只叫廚師加左一點點俾我淺嚐 上枱時點著個爐火，不繼加熱令到個鍋愈黎愈香！！肥腸薄切，有咬口得黎唔會太韌。雞軟骨都好好食！ 綜觀全部菜式，我最鐘意係干鍋！ 真係好香口同惹味！ 辣得過癮！後來同老闆娘傾計,佢話廚師跟話成

今晚3條辣妹食生日飯，因為我地3個都係辣精，所以食辣走唔甩呢度係要book 檯既，我地7點上到去竟然得我地一檯客！到食完都係得我地一檯！靜靜地食我地又可以開心咁傾老闆娘好好人！夠晒nice我地今晚揀左個餐唔食海鮮，食雞煲水煮魚！坐底老闆娘拎左兩碟小食上檯，上檯前問我地食到幾辣？！我地最初都唔識答！但佢話我地中辣等於譚仔既小辣！咁我見我地譚仔小辣食到所以就揀左個中辣試下！小食上檯係一碟麻辣牛脷同拍青瓜！中辣食到喎！我平時唔食牛脷都覺得好好食到雞煲上檯香噴噴呢個越食越辣超野味再黎一個水煮魚，係鯇魚黎都有d骨，食時要好小心！ 但又係好味之作冇得彈我地3人都開始飽既再上一個羊架，我平時又係唔食羊，見到咁既樣，又係一定要試試佢，佢有小小蘇味，但接受到！但其實俾麻辣味遮得7788老闆娘再上個白花菜，我地已經飽到上心口，食唔到幾多棵，但都係好味之作老闆娘話見我地冇湯，再送我地一個鴨肉蘿蔔湯面！個湯超超超甜超好味而家我仲回味緊最後上埋甜品雷沙湯圓！完滿結束只有兩個字：好味要再去

第一次食正宗四川菜，一直喜歡食辣！呢晚來到川味港私房菜，私房菜的奧妙之處，就係由老闆發板幫你決定今晚食乜餸，唔使自己諗餐死，保持每一道餸嚟嘅時候都有一種神秘感！一泥到原來仲有蔡瀾推薦，所以更有期待！口水雞食四川菜當然要試吓口水雞，事先老闆已經問定我地可以食咩程度嘅辣，我哋都係嗜辣之人，所以諗都冇諗就選擇左中辣，口水雞一嚟到，已經見到充滿份量嘅辣椒同辣油埋有浸滿了全部雞肉，仲有滿滿芝麻喺上面！食落去好似每件雞都有麻辣香味，雞肉嫩嫩的，辣度剛剛好，非常喜歡這個前菜！四川蘿蔔鴨蘿蔔鴨是我第一次試的四川菜，鍋下面點住蠟燭，一路滾住一路食，蘿蔔炆到非常入味，好鮮甜，好淋，個個爭住食！中間仲有各種菇菇同超多蘿蔔、蕃茄。鴨肉都燜到好淋好入味，入口唔洗點咬添！小妹好鐘意充咸香的湯底！唯貫徹川菜始終，愈食愈多油咁，所以唔建議飲咁多湯⋯麻辣藕片炒雞球試完頭兩道餸都覺得唔錯唔錯，但第三碟見到「雞又係雞」個下就有少少失落，依然夠辣又有火候，但雞件相對唔夠嫩滑，同埋2/3 都係雞就太多了，食哂啲藕片同菇菇！

觀塘真是越來越多不同款式的菜式，今次友人帶我去食川菜，這真的是我一直比較小吃的菜式！川味港除了晚餐外，原來午餐也提供客飯呀！川味港主打川菜，老闆親自下廚，而且還會主動介紹今日有咩靚材料，等客人可以吃到最美味的川菜！套餐價錢也十分親民，可惜我與友人兩個今次吃不到那麼多啦！😂各種海鮮、肉類也有！喜愛吃酸酸辣辣及麻香的朋友有福了！而且還有不少菜蔬選擇，可以中和一下呢！四川蘿蔔鴨🦆材料十分豐富，分別有蘿蔔、鴨肉、蕃茄及泡椒等，味道帶酸為主而其中帶一點點辣，十分醒神！老闆說他用了四川的蘿蔔煮的，蘿蔔冇渣吸收了湯汁，十分正呀！適合不太吃辣的朋友！泉水鮮椒田雞用上了青色椒、酸菜、魚片及田雞！這是在一般餐廳難吃到的菜式呀！這個菜的味道麻味較重，為味覺帶來衝擊！魚片及田雞肉既彈牙又結實！送飯一流！麻婆豆腐又是另一個送飯的好伴侶，豆腐有豆香又嫩滑！酸辣炒花菜🥦雖然只用了簡單的材料，但卻十分入味，而且也一點也不油膩！辣左帶點麻，十分爽口！好回味呀！今次又多謝友人介紹我吃川菜，令我改變了他的印象，下次要call 齊朋友試多d菜式先！😬

川味港嘅位置黎講有啲難揾14樓要搭電梯係13樓出然後再行一層樓梯就到到架啦一入到去餐廳 個格局有啲似酒樓 裝修好骨致 仲有個魚缸仔 好有生氣隔離枱有班人打緊邊爐已經勁香油脂味開始期待今餐晚餐!餐廳老闆好細心咁問我地食咩程度嘅辣同埋見我地想食飯又主動煲飯比我地食服務十萬個讚!好有番屋企嘅感覺第一味餸係麻辣炒豬肝色香味俱全豬潤好入味 香嘅青椒令佢嘅味道更上一層樓第二味係重慶野菌雞煲入面仲有豆豉同茶樹菇茶樹菇同雞都好嫩口 又係勁香!跟住就去到今晚最期待嘅辣酒煮花螺本身以為會好辣 但最後夾左啲肉出黎食又唔會好辣中意田螺嘅一定要嗌四川回鍋肉炒個個醬好濃郁 同回鍋肉嘅質感好夾滿滿回鍋肉嘅油脂味~好似真係去左一次四川咁