川味港私房菜

Open Now

Now Closed

以前家人帶我去大角咀食過川味港，一直念念不忘。最近知道佢搬到觀塘，當然要支持下，今次約埋朋友食，重溫昔日美味。川味港離觀塘地鐵站好近，上去時要先上13樓再行一層樓梯。餐廳整體非常乾淨，而且有大電視。連蔡瀾都有推薦！第一道菜就係川菜既代表-夫妻肺片，當中有牛𦟌、牛脷、牛肚，每一片切得非常簿，而且肉質彈牙。淋上大量紅油後，辣度非常夠，但唔係非常刺激恐怖既辣，相反比較溫和，更加適合我。餐廳以川菜聞名，當然要叫多道四川菜，就係四川蘿白雞煲，材料非常多，有蘿蔔，雞件，蕃茄等等。蘿蔔有兩種：白蘿蔔同特別醃制既蘿蔔。自己更喜歡醃制既蘿蔔，個人比較鐘意重咸味。蘿蔔吸收辣雞湯精華，盡收雞湯香味。雞件肉厚嫩滑，啖啖肉，辣度適中。自己仲飲咗兩碗雞湯，一切精華盡在雞湯，另外仲加左菠菜苗，特別嫩同翠綠。第三道菜係辣酒煮花螺，從下圖可以見到一碟都有廿幾粒，份量非常足夠。花螺夠晒爽脆，每粒浸滿辣汁，更能帶出花螺鮮甜既一面。一生第一次食北海道紅毛蟹，仲要係原隻咁食。紅毛蟹嘅殼比一般蟹無咁硬，亦冇長腳蟹咁多細刺所以剝殼過程非常輕鬆。味道方面，蟹肉非常鮮甜多汁，凍食既口感一流。師傅亦建議可隨個人喜好蘸醋一齊食。最誇張嘅係

近排lunch都去食川菜😂呢間川味港又幾岩我口味，Lunch 有客飯，價錢抵之餘，老闆娘仲好好服務。呢度晚市做私房菜，心思思今日搵朋友黎試下。私房菜要預早訂位，等餐廳準備好食材，同朋友準時7點到，好期待這一餐晚飯。私房菜來說，這間的價錢不貴，最緊要好食。好快就上第一道菜，口水雞見到都流口水，因為太肚餓，辣油好香，混合芝麻花生🥜，香而不辣，雞肉份量多，嫩滑，冷盤首選。接著是剁椒蒸魚 ，整條魚上檯，好吸引，剁碎的辣椒鋪滿魚身，好辣的人必試，川菜出名味濃油辣，配埋魚肉鮮甜，好正。接著上菜，老甘媽炒豬潤，豬潤非常爽口，新鮮，份量多，好夠鑊氣，炒到豬潤入曬味。再黎麻辣炒什菜，這道菜算清清地，落單時，大廚會問食辣的程度，可隨意加減。

對食辣野情有獨鍾的我，知道觀塘開左間食川菜的私房菜，就決定要帶埋屋企人黎試試蔡瀾都推薦嘅食店，品質一定有相當嘅保證前菜先叫咗一碟野生椒仙爪，比想像中辣，但十分開胃，作餐前開胃菜一流！干鍋肥腸，用咗大量嘅洋蔥、青辣椒、雜菌等配菜，非常香口惹味，豬腸亦十分鮮嫩入味。酸菜毛血旺，即係牛柏葉、黑柏葉及豬紅等，酸菜湯底十分惹味，用黎送飯一流！而家出面已經好少有得食既豬腦其實食落都ok, 蛋白質非常豐富，值得一試！

聽朋友介紹觀塘有間上樓的私房菜，係食正宗的川菜既，心思思好想試下，今晚就約埋幾個食得辣的朋友一齊挑戰下呢間私房菜位於觀塘華成工商中心14樓，搭lift上到13樓再上一層樓梯就到。餐廳內面積不大，只放到四至五張枱，好彩我哋有訂位。我哋最初冇乜頭緒，店員就介紹咗幾個招牌菜俾我哋食。首先前菜係「野生椒仙爪」，唔好睇呢個送白雪雪，原來啲野生椒係非常之辣！但食落去酸酸辣辣咁，十分刺激味蕾，非常開胃！呢味「小金衣」係炸得非常鬆脆嘅鮮菇，非常香口。重慶雞煲，醬汁煮得非常香濃惹味，雞肉亦十分入味，辣度比平時出邊食嘅更加辣食得多辣野，最後清清地叫咗個蒜蓉雲耳炒花菜

上星期先至食過觀塘成業街川味港嘅川菜，大廚嘅撚手川菜別樹風格，仍然回味無窮，心思思同屋企人再去幫襯，過今次係佢另一傑作火鍋，而家正值冬至時段，順便做埋節，佢地夜晚做埋火煱，仲係好超值，六位起每位都係280,抵到無人有，係海鮮呀，生猛架，上枱重跳架，老闆好好人，可以雙拼麻辣和椰青雞同老闆傾左一陣開始有餸到，嚇左我一跳，大大盆海鲜鋪滿成個盤，好多款海鲜，仲好鬼新鮮特別啲蝦，份量十足，上枱仲係跳緊啲大蜆隻隻好似心跳郁下郁下手切肥牛，好多呀，好鮮甜又肥美，肥瘦均勻又好有口感活魚係條斑黎，肉質切片晶瑩通透好有質感鮮甜又爽平時火鍋店少有黑栢葉都有得食，好爽口又唔韌女兒特別喜愛水煮牛肉，大廚尊誠加單上，用心又稱心，正正仲要叫我地試埋呢個餸醬茶鴨，肉質好肥美，入晒味有口感自來紅白酒仲免開瓶費，不醉無歸

又係時候出動在觀塘區搵食啦😍近排天氣冷，愛上了食川菜，熱辣辣都幾過癮，愛好川菜的朋友介紹了一間觀塘工廠區的川菜私房菜，叫得私房菜，水準一定有返咁上下，是上OpenRice看了一下，價錢又不算太貴，於是打電話訂了枱。地址很好找，位於觀塘東廣場對面，地下大堂非常漂亮，可是上到樓上就是觀塘工廠區格局，搭升降機到13樓，要在後樓梯上一層到14樓，就會見到川味港私房菜了。按門鈴，出黎開門的店員非常熱情有禮，感覺好親切，就像是到朋友家作客一樣。餐廳大約放了五張枱，除了我們，還有兩台食客，聽到廚房大廚炒得火紅火熱，川辣的辣椒味非常引人。店員應該是老闆娘，好熱情招呼每一位客人，會問我們食辣的程度。餐廳牆上貼滿大廚和名人合照和報導。名氣很大。第一道口水雞👍🏻嘩，賣相非常吸引，見到雪白的雞肉滲透著火紅的辣油，一啖咬下去，辣得很香那個辣油很正宗，多花生比較香口，雞件啖啖肉，嫩滑，值得一試。朋友大愛。剁椒蒸魚這款也是我愛的川菜之一，這條魚應該是3人份量吧，見到咁大條魚真開心，魚面鋪滿了鮮紅的辣椒，精神為之一振，熱辣辣用筷子叉開魚肉，見到熱氣上揚，好新鮮，魚肉鮮甜，滲著剁椒的辣，很過人。下一道是老干媽炒豬肝大大

今日同朋友去左將軍澳打波，打完波筋疲力盡，超級肚餓，成日聽觀塘好多美食，好多工廈都有穩世美食，川菜最近好似好出名，雖然聽到川菜都好驚會好辣，不過朋友好食得辣又好想食，今次就陪佢試下間川菜私房菜餐廳唔易搵，要係13樓再行樓梯上一層，就見到呢個易拉架入到餐廳，地方不算大，容納到三張大檯招牌菜間餐廳專做私房菜，有不同套餐，價錢不算貴叫左個前菜拼盤，有海折、雲耳、皮蛋、秋葵，味道少辣岩岩好，食完即係開晒胃之後黎左個湯，好大碗，好足料有我最愛既蟹拑，好香脆，有蟹味黑胡椒蝦，蝦幾大隻又新鮮，肉質彈牙，好惹味，雖然辣辣地，不過接受到，好正本身朋友想食水煮魚，不過驚太辣就叫酸菜魚，魚幾滑，好食，加左少少辣，個湯可以當湯飲最後黎左個菜，有好多蟹肉係上面，正總括黎講，餐廳食物質素不錯，有機會再encore

天寒地凍❄️☃️媽子話要食辣野取暖🧣🧤🌶🌶🌶又想特別d，所以就試下呢間私房菜。呢間私房菜都真係好難揾，但咁先算係隱地丫嗎😚！大廈要搭lift去到13樓，並且再要行一層樓梯，但食完一定值得。早兩日，我已經打左電話一定book定今日食咩，好彩有book☎️，第一次食私房菜唔知無得walk in🙅🏻‍♀️🚶🏼‍♂️。我同媽子兩個人想食d咩，一早已經同廚師👨🏻‍🍳傾好左，大廚好好人，好nice，比左建議我地食d咩。呢d係固定的餐牌，晚市就用呢個set做reference，可以為客人度身訂造，一晚應該只會做4至5台客，應該會好用心💕。原來都有做lunch，lunch就唔洗book都得。.至主菜，今日大廚安排左幾道菜。.首先粟米魚唇羹🌽🐟 (推薦指數:😋😋😋😋)我初初都以為係魚肚，原來係魚唇！😱😱真係嘴刁啦！仲有！好有家的味道，肉絲都做得好嫩滑，同埋食得出用傳統家的做法，用生粉水埋獻。值得一讚係，大廚唔係用蛋花，而用左腐竹，令成個羨都滑左好多。最後的胡椒味真係有家的味道，好飲！.重慶雞煲🐔 (推薦指數:😋😋😋😋😋)🌶大廚好細心咁問左我地食得好辣，佢就番我無咩點加到辣落去，所以我食到。但係小小的辣味，同埋係一

之前大角咀已經聽過朋友推介🤩原來而家搬咗嚟觀塘搭到13樓，要行一層樓梯，店舖晚餐可能有變動，所以夜晚記住要book，午餐就隨時都上得去店舖一向都好多好評💛好多獎狀冬天岀面好凍🥶食川菜暖身就最岩第一個湯係魚肚粟米羹，湯🥣又濃又鮮甜第二個係重慶雞煲，坐低第一件事就係問你食得有幾辣，因為朋友唔係幾食得辣，所以唔會太辣，廚師會因應調節辣度，食得同唔食得辣嘅朋友都可以試下。雞煲非常惹味🤤用料十足雞十分嫩同入曬味🤤真係食唔停第二度係水煮魚，雖然咁多辣椒🌶️但係味道啱啱好廚師細心幫你起曬肉，唔鍾意吐骨，鍾意啖啖魚肉嘅朋友要試下😋魚好滑最後一度菜有毛血旺，呢三樣菜嘅辣味都各有特色，唔會樣樣都一樣味餐廳採用黑柏葉，用料新鮮有保證黃金炸饅頭炸到金黃色🤩脆最後甜品有小丸子芝麻糊😍我同朋友都覺得呢餐好滿足，又暖身，睇埋午餐Menu，其實又唔係好貴咋喎，下次行過再上嚟試下先😇

係觀塘做完運動順便吃埋晚飯，女兒喜歡吃川菜，咁啱上網睇到有間係正附近於是一於上去試吓，商厦電梯頂層要再步行上多一層，不過都易揾，剛開舖於是坐陣，有隻貓貓歡迎我地，老闆娘養埋魚，好有家的感覺，以前舊舖重好多明星捧場，所以最好預訂，不過下午都有客飯重好多款式，今次點左幾味，可以不辣1.鯉魚窩,完全無腥味,煎得條魚好入味,用爐一路熱住黎食,味道一流2. 香辣蟹炸到金黃,再配上辣椒,肉質鮮甜嫩滑刁，口味鲜美3.蒜泥白肉,肥瘦兼備，肉片勻薄，蒜味濃厚4.蚧肉扒西蘭花,清新的健康菜再配上蚧肉鲜甜可口康之選5.四川担担麵,麵條細滑混上麻醬碎花生star:享受的一餐，爽

香港人是幸福的一族，喜歡食嘢，總有一間係左近，各地名菜應有盡有，好似吃川菜咁，最近同女兒去左觀塘商厦裡面叫川味港私房小館就令我十分回味，老闆娘細訴經營川館情懷和大廚鍾情川菜令街坊口福盡享，開業久坐落人來人往成業街，就近地鐵，但環境清靜，地點易達，乘電梯到頂層和再步上多一層便見到門口一大個招牌當日重見証大廚剛從外買餸回來，他說每天都新鮮食材才令客人吃得開心又放心，入到店内我們是第一枱客可以傾吓，原來以前係大角咀係明星和食家飯堂，厲害，今次可以試佢手勢爽啦剛開業不久，菜款仍然陸續更新，因為始終要試，打工仔比較多嘅地區，所以都做埋下午客飯，價廉物美可以試川菜，正因為無預約，即點即用，大廚推介左幾款，重可以選辣，坐左一陣上笫一度餸巴蜀鯉魚窩， 嚇咗一跳咁大條魚，煎得香氣撲鼻， 開爐滾咗一陣，辣味香氣熏天，肉質肥美細嫩，沒有腥味，味鮮美，川菜靈魂 第二度上重慶香辣蟹，經典四川傳統名菜，可以用香、辣、鮮、脆嘅味道來形容，肉質鲜美嫩滑，營養豐富，大大隻蟹拑，回味無窮笫三度上蒜泥白肉，突顯大廚用心，刀工技巧，整整齊又美觀，白肉透切，肥瘦兼備，蒜味濃厚，用筷拌合，香味直扑鼻端，肥而不腻，令人食欲大振

今天細佬Victor 股票又賺錢，他說請我食得豪氣一点，他說有一間老字號叫川味港海鮮館的私房菜，從大角咀搬到觀塘成業街，也太容易找了，原來在觀塘東廣場旁边，我和弟弟訂了晚上7時半!今晚人山人海，原來已被包場，但很幸運地還有2個位，因為我們有留位! 大家客人也很熟落，我們叫了幾個菜來一飽口福!前菜是我的最愛，野山椒仙爪，其實就是川椒白雲鳳爪，味道很夠，令人覺得很開胃，感覺真不錯!細佬叫了招牌金湯雞鮑翅，真材實料，因為群翅很多，又有大大塊花膠和鮮雞，花膠很鯰又很軟，夠晒滋補，整碗翅味道極鮮味，做出水準!每人一隻巴蜀龍蝦真的心花怒放，龍蝦大大隻，原來每天新鮮運到，不但爽口，而且有很多膏，今晚真的大滿足了!

老闆和我開0T，他帶我到公司樓下的一間川味港海鮮館吃海鮮，八時已坐無虚席了，位置很大，可以有三大圍，而且細枱也有數場，我們馬上被安排，坐得舒舒服服 !老闆介紹給我們每天也有不同的生猛海鮮運來，有星班和蟹，龍蝦和長腳蟹，他把海鮮放到我面前看，真的還在動，很生猛!保羅和我祇有2人，我們决定叫了一斤半的星班，用來做成都老虑班鍋粑，等了差不多15分鍾，一碟熱辣辣，又有鑊氣的星班已呈現在眼前，又香又辣又夠火喉，外脆內軟，而且魚肉十分鮮味，辣辣的又不蓋過原汁原味，加上鍋粑，己把我們的胃填滿滿了!另外再叫了一碟螺片扒西蘭花，也很入味，我和保羅說下星期公司飯局在這裹吃一餐真材實料的海鲜私房菜

友人係觀塘返工，今日去佢地頭食飯，知道我鍾意食川菜，所以帶咗我去川味港川味港位置便利，距離地鐵站只係5分鐘路程，不過如果去嘅就要記住係去到13樓再行一層樓梯餐廳乾淨企理，光猛闊落，仲有電視睇，可以包場老闆娘好好人，會問清楚我哋可以食得幾辣，從而推薦唔同嘅菜式，今次我哋嗌既都係餐廳嘅招牌菜野山椒仙爪：呢碟頭盆好正！唔算太辣，兼且好開胃！鳳爪嘅份量好多，一啖鳳爪，一啖紅蘿蔔絲同埋洋蔥絲，正！酒煮花螺：呢味係我朋友最鍾意嘅一碟餸，麻麻辣辣，食完之後啲汁我哋仲唔捨得比老闆娘拎走，要留低之後點其他嘢食 呢碟酒煮花螺係一直有火喺下面興住泥食嘅，越食越入味！不得不提既係啲螺一啲沙都冇，好新鮮，有成幾十隻樟茶鴨：係用四川既樟樹葉同茶葉熏制出泥，皮酥肉嫩，色澤深紅油亮，味道鮮美，具有特殊既樟茶香味！樟茶鴨只有唔到一百五十年的歷史，相傳係慈禧太后好鍾意既菜式！麻辣炒花甲王：啲花甲王同花螺一樣，一啲沙都冇，同埋好新鮮好大隻！個醬有啲似豉汁，不過加咗麻辣味！辣子雞軟骨：呢個辣子雞軟骨值得推薦！個皮炒得好香口，又唔會好油！最緊要係啲軟骨好有口感，所以我覺得你平時嘅辣子雞好味！蜜餞火方：啲金華火腿配埋甜甜地嘅汁好

今日收工同女朋友去試下依間川味私房菜，我地兩個都好鍾意食辣野，所以就揀咗依間試吓。佢個location 都相當方便，喺觀塘地鐵站B出口，步行5分鐘就到。雖然係工廠大廈，但大堂裝修得非常靚，餐廳喺14樓，需要搭lift去到13樓再行一層樓梯。一去到老闆同老闆娘都非常熱情招待我哋，因為係星期六21:30 所以唔算太迫。不過如果平時可能會比較多人，所以打去訂枱會比較好。冷盤我哋叫咗個醉雞，除咗酒之外仲用咗一啲藥材，所以食起上嚟帶點藥膳嘅感覺。用料都非常新鮮，雞都非常滑。然後老闆娘仲推介左個生蠔，叫我地試吓。一開始都有少少猶豫，因為好少喺中餐館食生蠔，都會怕擔心唔新鮮。但生蠔唔單止新鮮仲非常大隻，完全唔需要用任何醬料，因為非常鮮味。主菜我哋叫咗個海參雞煲，都覺得幾特別。記得海參要煮來小小先好食，除咗用料新鮮之外，係佢將個雞煲醬汁調校得非常好，唔會好似出面嗰啲一味得個咸字。唔太鹹重辣味仲有少少麻味，我哋今次叫咗個中辣，不過如果下次食嘅話可以叫佢加重少少麻味會比較好。之後我哋仲叫咗兩個金豪土司，簡直好似中式嘅鵝肝土司。依個金豪非常肥美，同土司非常爽脆，一定要趁熱食。除咗肉之外當然蔬仲有菜啦，呢個辣